| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
បុព្ពករណនិទានាទិវិភាគវណ្ណនា
Pubbakaraṇanidānādivibhāgavaṇṇanā
៤០៦-៧. ទ្វិក្ខត្តុំ បុច្ឆិតត្តា ‘‘បុច្ឆាទ្វយ’’ន្តិ វុត្តំ។ ហេតុបច្ចយានំ សរូបំ ទស្សេន្តោ អាហ ‘‘ឆ ចីវរានី’’តិ។ កស្មា វេទិតព្ពានីតិ អាហ ‘‘បុព្ពបយោគាទីនញ្ហី’’តិអាទិ។ ហីតិ យស្មា។ តានិយេវាតិ ឆ ចីវរានិ ឯវ។ ឯវសទ្ទោ បច្ឆាបិ យោជេតព្ពោ, តានិ ឯវាតិ អត្ថោ។ ហីតិ សច្ចំ, បុព្ពករណាទីនិ ន អត្ថីតិ យោជនា។
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
៤០៨. ‘‘ឥមាយ សង្ឃាដិយា’’តិអាទិនា វចីភេទាការំ ទស្សេតិ។ កថិនត្ថារកេន យស្មា បច្ចុទ្ធារោ ច អធិដ្ឋានញ្ច ករីយតិ, តស្មា កិរិយាតិ វុច្ចតិ។ តេន វុត្តំ ‘‘បច្ចុទ្ធារោ ចេវ អធិដ្ឋានញ្ចា’’តិ។
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
៤១១. វត្ថុវិបន្នាទីនំ សរូបំ ទស្សេន្តោ អាហ ‘‘អកប្បិយទុស្សំ ហោតី’’តិអាទិ។ វិនាសំ, វិការំ វា បជ្ជតីតិ វិបន្នំ, វត្ថុមេវ វិបន្នំ វត្ថុវិបន្នំ។
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ៣. បុព្ពករណនិទានាទិវិភាគោ • 3. Pubbakaraṇanidānādivibhāgo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / បុព្ពករណនិទានាទិវិភាគវណ្ណនា • Pubbakaraṇanidānādivibhāgavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បុព្ពករណនិទានាទិវិភាគវណ្ណនា • Pubbakaraṇanidānādivibhāgavaṇṇanā
