| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
កថិនាទិជានិតព្ពវិភាគវណ្ណនា
Kathinādijānitabbavibhāgavaṇṇanā
៤១២. តេសញ្ញេវ ធម្មានន្តិ ឯត្ថ ធម្មានំ សរូបំ ទស្សេន្តោ អាហ ‘‘យេសុ រូបាទិធម្មេសូ’’តិ។ តត្ថ រូបាទិធម្មេសូតិ វណ្ណគន្ធាទីសុ សុទ្ធដ្ឋករូបកលាបធម្មេសុ។ សតីតិ សន្តេសុ។ តេសន្តិ រូបាទីនំ ធម្មានំ។ ‘‘សមោធាន’’ន្តិ ឥមិនា សង្គហោតិ បទស្ស អត្ថំ ទស្សេតិ។ ‘‘មិស្សីភាវោ’’តិ ឥមិនា សមវាយោតិ បទស្ស អត្ថំ ទស្សេតិ។ អវយវធម្មានំ សំ ឯកភាវស្ស គហណំ សង្គហោ។ អវយវធម្មានំ សមំ អយនំ បវត្តនំ សមវាយោ។ ពហូសុ ធម្មេសូតិ ពហូសុ បរមត្ថបញ្ញត្តិធម្មេសុ។ នាមមត្តន្តិ នាមបញ្ញត្តិមត្តំ។ បុព្ពេតិ កថិនក្ខន្ធកេ។
412.Tesaññeva dhammānanti ettha dhammānaṃ sarūpaṃ dassento āha ‘‘yesu rūpādidhammesū’’ti. Tattha rūpādidhammesūti vaṇṇagandhādīsu suddhaṭṭhakarūpakalāpadhammesu. Satīti santesu. Tesanti rūpādīnaṃ dhammānaṃ. ‘‘Samodhāna’’nti iminā saṅgahoti padassa atthaṃ dasseti. ‘‘Missībhāvo’’ti iminā samavāyoti padassa atthaṃ dasseti. Avayavadhammānaṃ saṃ ekabhāvassa gahaṇaṃ saṅgaho. Avayavadhammānaṃ samaṃ ayanaṃ pavattanaṃ samavāyo. Bahūsu dhammesūti bahūsu paramatthapaññattidhammesu. Nāmamattanti nāmapaññattimattaṃ. Pubbeti kathinakkhandhake.
‘‘ការណេហី’’តិ ឥមិនា អាការសទ្ទោ ការណត្ថោតិ ទស្សេតិ។ យន្តិ វចនំ។
‘‘Kāraṇehī’’ti iminā ākārasaddo kāraṇatthoti dasseti. Yanti vacanaṃ.
៤១៦. ឧប្បជ្ជន្តីតិ កថិនុទ្ធារា ឧប្បជ្ជន្តិ។ កិន្តិ កិំ អត្ថជាតំ។ សព្ពេបិ កថិនុទ្ធារាតិ សម្ពន្ធោ។ ហីតិ សច្ចំ, យស្មា វា។ ឯត្ថាតិ កថិនុទ្ធារេសុ។ បុរិមា ទ្វេតិ អន្តរុព្ភារសហុព្ភារវសេន បុរិមា ទ្វេ។ ឯតេសញ្ចាតិ បុរិមានំ ទ្វិន្នញ្ច។ ឥតរេតិ អវសេសា កថិនុទ្ធារា។ តេសុបីតិ ឥតរេសុ កថិនុទ្ធារេសុ។ សព្ពត្ថាតិ សព្ពស្មិំ កថិនវិនិច្ឆយេ។
416.Uppajjantīti kathinuddhārā uppajjanti. Kinti kiṃ atthajātaṃ. Sabbepi kathinuddhārāti sambandho. Hīti saccaṃ, yasmā vā. Etthāti kathinuddhāresu. Purimā dveti antarubbhārasahubbhāravasena purimā dve. Etesañcāti purimānaṃ dvinnañca. Itareti avasesā kathinuddhārā. Tesupīti itaresu kathinuddhāresu. Sabbatthāti sabbasmiṃ kathinavinicchaye.
ឥតិ សមន្តបាសាទិកាយ វិនយសំវណ្ណនាយ
Iti samantapāsādikāya vinayasaṃvaṇṇanāya
បញ្ញត្តិវគ្គវណ្ណនាយ
Paññattivaggavaṇṇanāya
យោជនា សមត្តា។
Yojanā samattā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
៤. កថិនាទិជានិតព្ពវិភាគោ • 4. Kathinādijānitabbavibhāgo
៦. បលិពោធបញ្ហាព្យាករណំ • 6. Palibodhapañhābyākaraṇaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / កថិនាទិជានិតព្ពវិភាគវណ្ណនា • Kathinādijānitabbavibhāgavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / កថិនភេទវណ្ណនា • Kathinabhedavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
កថិនាទិជានិតព្ពវិភាគវណ្ណនា • Kathinādijānitabbavibhāgavaṇṇanā
បលិពោធបញ្ហាព្យាករណកថាវណ្ណនា • Palibodhapañhābyākaraṇakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / កថិនាទិជានិតព្ពវិភាគវណ្ណនា • Kathinādijānitabbavibhāgavaṇṇanā
