| Library / Tipiṭaka / តិបិដក • Tipiṭaka / ចូឡនិទ្ទេសបាឡិ • Cūḷaniddesapāḷi |
១៦. បិង្គិយមាណវបុច្ឆា
16. Piṅgiyamāṇavapucchā
១៤៥.
145.
‘‘ជិណ្ណោហមស្មិ អពលោ វីតវណ្ណោ, [ឥច្ចាយស្មា បិង្គិយោ]
‘‘Jiṇṇohamasmi abalo vītavaṇṇo, [iccāyasmā piṅgiyo]
នេត្តា ន សុទ្ធា សវនំ ន ផាសុ;
Nettā na suddhā savanaṃ na phāsu;
មាហំ នស្សំ មោមុហោ អន្តរាវ, អាចិក្ខ ធម្មំ យមហំ វិជញ្ញំ;
Māhaṃ nassaṃ momuho antarāva, ācikkha dhammaṃ yamahaṃ vijaññaṃ;
ជាតិជរាយ ឥធ វិប្បហានំ’’។
Jātijarāya idha vippahānaṃ’’.
១៤៦.
146.
‘‘ទិស្វាន រូបេសុ វិហញ្ញមានេ, [បិង្គិយាតិ ភគវា]
‘‘Disvāna rūpesu vihaññamāne, [piṅgiyāti bhagavā]
រុប្បន្តិ រូបេសុ ជនា បមត្តា;
Ruppanti rūpesu janā pamattā;
តស្មា តុវំ បិង្គិយ អប្បមត្តោ, ជហស្សុ រូបំ អបុនព្ភវាយ’’។
Tasmā tuvaṃ piṅgiya appamatto, jahassu rūpaṃ apunabbhavāya’’.
១៤៧.
147.
‘‘ទិសា ចតស្សោ វិទិសា ចតស្សោ, ឧទ្ធំ អធោ ទស ទិសា ឥមាយោ;
‘‘Disā catasso vidisā catasso, uddhaṃ adho dasa disā imāyo;
អាចិក្ខ ធម្មំ យមហំ វិជញ្ញំ, ជាតិជរាយ ឥធ វិប្បហានំ’’។
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
១៤៨.
148.
‘‘តណ្ហាធិបន្នេ មនុជេ បេក្ខមានោ, [បិង្គិយាតិ ភគវា]
‘‘Taṇhādhipanne manuje pekkhamāno, [piṅgiyāti bhagavā]
សន្តាបជាតេ ជរសា បរេតេ;
Santāpajāte jarasā parete;
តស្មា តុវំ បិង្គិយ អប្បមត្តោ, ជហស្សុ តណ្ហំ អបុនព្ភវាយា’’តិ។
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
បិង្គិយមាណវបុច្ឆា សោឡសមា។
Piṅgiyamāṇavapucchā soḷasamā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចូឡនិទ្ទេស-អដ្ឋកថា • Cūḷaniddesa-aṭṭhakathā / ១៦. បិង្គិយមាណវសុត្តនិទ្ទេសវណ្ណនា • 16. Piṅgiyamāṇavasuttaniddesavaṇṇanā
