| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
១០. បឋមនាគវិមានវត្ថុ
10. Paṭhamanāgavimānavatthu
៩៦១.
961.
‘‘សុសុក្កខន្ធំ អភិរុយ្ហ នាគំ, អកាចិនំ ទន្តិំ ពលិំ មហាជវំ;
‘‘Susukkakhandhaṃ abhiruyha nāgaṃ, akācinaṃ dantiṃ baliṃ mahājavaṃ;
អភិរុយ្ហ គជវរំ 1 សុកប្បិតំ, ឥធាគមា វេហាយសំ អន្តលិក្ខេ។
Abhiruyha gajavaraṃ 2 sukappitaṃ, idhāgamā vehāyasaṃ antalikkhe.
៩៦២.
962.
‘‘នាគស្ស ទន្តេសុ ទុវេសុ និម្មិតា, អច្ឆោទកា បទុមិនិយោ សុផុល្លា;
‘‘Nāgassa dantesu duvesu nimmitā, acchodakā paduminiyo suphullā;
បទុមេសុ ច តុរិយគណា បវជ្ជរេ, ឥមា ច នច្ចន្តិ មនោហរាយោ។
Padumesu ca turiyagaṇā pavajjare, imā ca naccanti manoharāyo.
៩៦៣.
963.
‘‘ទេវិទ្ធិបត្តោសិ មហានុភាវោ, មនុស្សភូតោ កិមកាសិ បុញ្ញំ;
‘‘Deviddhipattosi mahānubhāvo, manussabhūto kimakāsi puññaṃ;
កេនាសិ ឯវំ ជលិតានុភាវោ, វណ្ណោ ច តេ សព្ពទិសា បភាសតី’’តិ។
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
៩៦៤.
964.
សោ ទេវបុត្តោ អត្តមនោ, មោគ្គល្លានេន បុច្ឆិតោ;
So devaputto attamano, moggallānena pucchito;
បញ្ហំ បុដ្ឋោ វិយាកាសិ, យស្ស កម្មស្សិទំ ផលំ។
Pañhaṃ puṭṭho viyākāsi, yassa kammassidaṃ phalaṃ.
៩៦៥.
965.
ថូបស្មិំ អភិរោបេសិំ, បសន្នោ សេហិ បាណិភិ។
Thūpasmiṃ abhiropesiṃ, pasanno sehi pāṇibhi.
៩៦៦.
966.
‘‘តេន មេតាទិសោ វណ្ណោ…បេ.…វណ្ណោ ច មេ សព្ពទិសា បភាសតី’’តិ។
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
បឋមនាគវិមានំ ទសមំ។
Paṭhamanāgavimānaṃ dasamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ១០. បឋមនាគវិមានវណ្ណនា • 10. Paṭhamanāgavimānavaṇṇanā
