| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
១១. ទុតិយនាគវិមានវត្ថុ
11. Dutiyanāgavimānavatthu
៩៦៨.
968.
‘‘មហន្តំ នាគំ អភិរុយ្ហ, សព្ពសេតំ គជុត្តមំ;
‘‘Mahantaṃ nāgaṃ abhiruyha, sabbasetaṃ gajuttamaṃ;
វនា វនំ អនុបរិយាសិ, នារីគណបុរក្ខតោ;
Vanā vanaṃ anupariyāsi, nārīgaṇapurakkhato;
ឱភាសេន្តោ ទិសា សព្ពា, ឱសធី វិយ តារកា។
Obhāsento disā sabbā, osadhī viya tārakā.
៩៦៩.
969.
‘‘កេន តេតាទិសោ វណ្ណោ…បេ.…វណ្ណោ ច តេ សព្ពទិសា បភាសតី’’តិ។
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
៩៧១.
971.
សោ ទេវបុត្តោ អត្តមនោ, វង្គីសេនេវ បុច្ឆិតោ;
So devaputto attamano, vaṅgīseneva pucchito;
បញ្ហំ បុដ្ឋោ វិយាកាសិ, យស្ស កម្មស្សិទំ ផលំ។
Pañhaṃ puṭṭho viyākāsi, yassa kammassidaṃ phalaṃ.
៩៧២.
972.
‘‘អហំ មនុស្សេសុ មនុស្សភូតោ, ឧបាសកោ ចក្ខុមតោ អហោសិំ;
‘‘Ahaṃ manussesu manussabhūto, upāsako cakkhumato ahosiṃ;
បាណាតិបាតា វិរតោ អហោសិំ, លោកេ អទិន្នំ បរិវជ្ជយិស្សំ។
Pāṇātipātā virato ahosiṃ, loke adinnaṃ parivajjayissaṃ.
៩៧៣.
973.
‘‘អមជ្ជបោ នោ ច មុសា អភាណិំ 1, សកេន ទារេន ច តុដ្ឋោ អហោសិំ;
‘‘Amajjapo no ca musā abhāṇiṃ 2, sakena dārena ca tuṭṭho ahosiṃ;
អន្នញ្ច បានញ្ច បសន្នចិត្តោ, សក្កច្ច ទានំ វិបុលំ អទាសិំ។
Annañca pānañca pasannacitto, sakkacca dānaṃ vipulaṃ adāsiṃ.
៩៧៤.
974.
‘‘តេន មេតាទិសោ វណ្ណោ…បេ.…វណ្ណោ ច មេ សព្ពទិសា បភាសតី’’តិ។
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ទុតិយនាគវិមានំ ឯកាទសមំ។
Dutiyanāgavimānaṃ ekādasamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ១១. ទុតិយនាគវិមានវណ្ណនា • 11. Dutiyanāgavimānavaṇṇanā
