| Library / Tipiṭaka / តិបិដក • Tipiṭaka / បេតវត្ថុបាឡិ • Petavatthupāḷi |
១១. នាគបេតវត្ថុ
11. Nāgapetavatthu
៧៣.
73.
‘‘បុរតោវ 1 សេតេន បលេតិ ហត្ថិនា, មជ្ឈេ បន អស្សតរីរថេន;
‘‘Puratova 2 setena paleti hatthinā, majjhe pana assatarīrathena;
បច្ឆា ច កញ្ញា សិវិកាយ នីយតិ, ឱភាសយន្តី ទស សព្ពតោ 3 ទិសា។
Pacchā ca kaññā sivikāya nīyati, obhāsayantī dasa sabbato 4 disā.
៧៤.
74.
‘‘តុម្ហេ បន មុគ្គរហត្ថបាណិនោ, រុទំមុខា ឆិន្នបភិន្នគត្តា;
‘‘Tumhe pana muggarahatthapāṇino, rudaṃmukhā chinnapabhinnagattā;
មនុស្សភូតា កិមកត្ថ បាបំ, យេនញ្ញមញ្ញស្ស បិវាថ លោហិត’’ន្តិ។
Manussabhūtā kimakattha pāpaṃ, yenaññamaññassa pivātha lohita’’nti.
៧៥.
75.
‘‘បុរតោវ យោ គច្ឆតិ កុញ្ជរេន, សេតេន នាគេន ចតុក្កមេន;
‘‘Puratova yo gacchati kuñjarena, setena nāgena catukkamena;
អម្ហាក បុត្តោ អហុ ជេដ្ឋកោ សោ 5, ទានានិ ទត្វាន សុខី បមោទតិ។
Amhāka putto ahu jeṭṭhako so 6, dānāni datvāna sukhī pamodati.
៧៦.
76.
‘‘យោ សោ មជ្ឈេ អស្សតរីរថេន, ចតុព្ភិ យុត្តេន សុវគ្គិតេន;
‘‘Yo so majjhe assatarīrathena, catubbhi yuttena suvaggitena;
អម្ហាក បុត្តោ អហុ មជ្ឈិមោ សោ, អមច្ឆរី ទានវតី វិរោចតិ។
Amhāka putto ahu majjhimo so, amaccharī dānavatī virocati.
៧៧.
77.
‘‘យា សា ច បច្ឆា សិវិកាយ នីយតិ, នារី សបញ្ញា មិគមន្ទលោចនា;
‘‘Yā sā ca pacchā sivikāya nīyati, nārī sapaññā migamandalocanā;
អម្ហាក ធីតា អហុ សា កនិដ្ឋិកា, ភាគឌ្ឍភាគេន សុខី បមោទតិ។
Amhāka dhītā ahu sā kaniṭṭhikā, bhāgaḍḍhabhāgena sukhī pamodati.
៧៨.
78.
‘‘ឯតេ ច ទានានិ អទំសុ បុព្ពេ, បសន្នចិត្តា សមណព្រាហ្មណានំ;
‘‘Ete ca dānāni adaṃsu pubbe, pasannacittā samaṇabrāhmaṇānaṃ;
មយំ បន មច្ឆរិនោ អហុម្ហ, បរិភាសកា សមណព្រាហ្មណានំ;
Mayaṃ pana maccharino ahumha, paribhāsakā samaṇabrāhmaṇānaṃ;
ឯតេ ច ទត្វា បរិចារយន្តិ, មយញ្ច សុស្សាម នឡោវ ឆិន្នោ’’តិ 7។
Ete ca datvā paricārayanti, mayañca sussāma naḷova chinno’’ti 8.
៧៩.
79.
‘‘កិំ តុម្ហាកំ ភោជនំ កិំ សយានំ, កថញ្ច យាបេថ សុបាបធម្មិនោ;
‘‘Kiṃ tumhākaṃ bhojanaṃ kiṃ sayānaṃ, kathañca yāpetha supāpadhammino;
បហូតភោគេសុ អនប្បកេសុ, សុខំ វិរាធាយ 9 ទុក្ខជ្ជ បត្តា’’តិ។
Pahūtabhogesu anappakesu, sukhaṃ virādhāya 10 dukkhajja pattā’’ti.
៨០.
80.
‘‘អញ្ញមញ្ញំ វធិត្វាន, បិវាម បុព្ពលោហិតំ;
‘‘Aññamaññaṃ vadhitvāna, pivāma pubbalohitaṃ;
៨១.
81.
‘‘ឥច្ចេវ មច្ចា បរិទេវយន្តិ, អទាយកា បេច្ច 13 យមស្ស ឋាយិនោ;
‘‘Icceva maccā paridevayanti, adāyakā pecca 14 yamassa ṭhāyino;
យេ តេ វិទិច្ច 15 អធិគម្ម ភោគេ, ន ភុញ្ជរេ នាបិ ករោន្តិ បុញ្ញំ។
Ye te vidicca 16 adhigamma bhoge, na bhuñjare nāpi karonti puññaṃ.
៨២.
82.
‘‘តេ ខុប្បិបាសូបគតា បរត្ថ, បច្ឆា 17 ចិរំ ឈាយរេ ឌយ្ហមានា;
‘‘Te khuppipāsūpagatā parattha, pacchā 18 ciraṃ jhāyare ḍayhamānā;
កម្មានិ កត្វាន ទុខុទ្រានិ, អនុភោន្តិ ទុក្ខំ កដុកប្ផលានិ។
Kammāni katvāna dukhudrāni, anubhonti dukkhaṃ kaṭukapphalāni.
៨៣.
83.
‘‘ឥត្តរំ ហិ ធនំ ធញ្ញំ, ឥត្តរំ ឥធ ជីវិតំ;
‘‘Ittaraṃ hi dhanaṃ dhaññaṃ, ittaraṃ idha jīvitaṃ;
ឥត្តរំ ឥត្តរតោ ញត្វា, ទីបំ កយិរាថ បណ្ឌិតោ។
Ittaraṃ ittarato ñatvā, dīpaṃ kayirātha paṇḍito.
៨៤.
84.
‘‘យេ តេ ឯវំ បជានន្តិ, នរា ធម្មស្ស កោវិទា;
‘‘Ye te evaṃ pajānanti, narā dhammassa kovidā;
តេ ទានេ នប្បមជ្ជន្តិ, សុត្វា អរហតំ វចោ’’តិ។
Te dāne nappamajjanti, sutvā arahataṃ vaco’’ti.
នាគបេតវត្ថុ ឯកាទសមំ។
Nāgapetavatthu ekādasamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បេតវត្ថុ-អដ្ឋកថា • Petavatthu-aṭṭhakathā / ១១. នាគបេតវត្ថុវណ្ណនា • 11. Nāgapetavatthuvaṇṇanā
