| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೯೧. ಮಹಾಮೋರಜಾತಕಂ (೮)
491. Mahāmorajātakaṃ (8)
೧೪೩.
143.
ಸಚೇ ಹಿ ತ್ಯಾಹಂ ಧನಹೇತು ಗಾಹಿತೋ, ಮಾ ಮಂ ವಧೀ ಜೀವಗಾಹಂ ಗಹೇತ್ವಾ।
Sace hi tyāhaṃ dhanahetu gāhito, mā maṃ vadhī jīvagāhaṃ gahetvā;
೧೪೪.
144.
ನ ಮೇ ಅಯಂ ತುಯ್ಹ ವಧಾಯ ಅಜ್ಜ, ಸಮಾಹಿತೋ ಚಾಪಧುರೇ 5 ಖುರಪ್ಪೋ।
Na me ayaṃ tuyha vadhāya ajja, samāhito cāpadhure 6 khurappo;
ಪಾಸಞ್ಚ ತ್ಯಾಹಂ ಅಧಿಪಾತಯಿಸ್ಸಂ, ಯಥಾಸುಖಂ ಗಚ್ಛತು ಮೋರರಾಜಾ॥
Pāsañca tyāhaṃ adhipātayissaṃ, yathāsukhaṃ gacchatu morarājā.
೧೪೫.
145.
ಯಂ ಸತ್ತ ವಸ್ಸಾನಿ ಮಮಾನುಬನ್ಧಿ, ರತ್ತಿನ್ದಿವಂ ಖುಪ್ಪಿಪಾಸಂ ಸಹನ್ತೋ।
Yaṃ satta vassāni mamānubandhi, rattindivaṃ khuppipāsaṃ sahanto;
ಅಥ ಕಿಸ್ಸ ಮಂ ಪಾಸವಸೂಪನೀತಂ, ಪಮುತ್ತವೇ ಇಚ್ಛಸಿ ಬನ್ಧನಸ್ಮಾ॥
Atha kissa maṃ pāsavasūpanītaṃ, pamuttave icchasi bandhanasmā.
೧೪೬ .
146.
ಪಾಣಾತಿಪಾತಾ ವಿರತೋ ನುಸಜ್ಜ, ಅಭಯಂ ನು ತೇ ಸಬ್ಬಭೂತೇಸು ದಿನ್ನಂ।
Pāṇātipātā virato nusajja, abhayaṃ nu te sabbabhūtesu dinnaṃ;
ಯಂ ಮಂ ತುವಂ ಪಾಸವಸೂಪನೀತಂ, ಪಮುತ್ತವೇ ಇಚ್ಛಸಿ ಬನ್ಧನಸ್ಮಾ॥
Yaṃ maṃ tuvaṃ pāsavasūpanītaṃ, pamuttave icchasi bandhanasmā.
೧೪೭.
147.
ಪಾಣಾತಿಪಾತಾ ವಿರತಸ್ಸ ಬ್ರೂಹಿ, ಅಭಯಞ್ಚ ಯೋ ಸಬ್ಬಭೂತೇಸು ದೇತಿ।
Pāṇātipātā viratassa brūhi, abhayañca yo sabbabhūtesu deti;
ಪುಚ್ಛಾಮಿ ತಂ ಮೋರರಾಜೇತಮತ್ಥಂ, ಇತೋ ಚುತೋ ಕಿಂ ಲಭತೇ ಸುಖಂ ಸೋ॥
Pucchāmi taṃ morarājetamatthaṃ, ito cuto kiṃ labhate sukhaṃ so.
೧೪೮.
148.
ಪಾಣಾತಿಪಾತಾ ವಿರತಸ್ಸ ಬ್ರೂಮಿ, ಅಭಯಞ್ಚ ಯೋ ಸಬ್ಬಭೂತೇಸು ದೇತಿ।
Pāṇātipātā viratassa brūmi, abhayañca yo sabbabhūtesu deti;
ದಿಟ್ಠೇವ ಧಮ್ಮೇ ಲಭತೇ ಪಸಂಸಂ, ಸಗ್ಗಞ್ಚ ಸೋ ಯಾತಿ ಸರೀರಭೇದಾ॥
Diṭṭheva dhamme labhate pasaṃsaṃ, saggañca so yāti sarīrabhedā.
೧೪೯.
149.
ನ ಸನ್ತಿ ದೇವಾ ಇತಿ ಆಹು 7 ಏಕೇ, ಇಧೇವ ಜೀವೋ ವಿಭವಂ ಉಪೇತಿ।
Na santi devā iti āhu 8 eke, idheva jīvo vibhavaṃ upeti;
ತಥಾ ಫಲಂ ಸುಕತದುಕ್ಕಟಾನಂ, ದತ್ತುಪಞ್ಞತ್ತಞ್ಚ ವದನ್ತಿ ದಾನಂ।
Tathā phalaṃ sukatadukkaṭānaṃ, dattupaññattañca vadanti dānaṃ;
ತೇಸಂ ವಚೋ ಅರಹತಂ ಸದ್ದಹಾನೋ, ತಸ್ಮಾ ಅಹಂ ಸಕುಣೇ ಬಾಧಯಾಮಿ॥
Tesaṃ vaco arahataṃ saddahāno, tasmā ahaṃ sakuṇe bādhayāmi.
೧೫೦.
150.
ಚನ್ದೋ ಚ ಸುರಿಯೋ ಚ ಉಭೋ ಸುದಸ್ಸನಾ, ಗಚ್ಛನ್ತಿ ಓಭಾಸಯಮನ್ತಲಿಕ್ಖೇ।
Cando ca suriyo ca ubho sudassanā, gacchanti obhāsayamantalikkhe;
ಇಮಸ್ಸ ಲೋಕಸ್ಸ ಪರಸ್ಸ ವಾ ತೇ, ಕಥಂ ನು ತೇ ಆಹು ಮನುಸ್ಸಲೋಕೇ॥
Imassa lokassa parassa vā te, kathaṃ nu te āhu manussaloke.
೧೫೧.
151.
ಚನ್ದೋ ಚ ಸುರಿಯೋ ಚ ಉಭೋ ಸುದಸ್ಸನಾ, ಗಚ್ಛನ್ತಿ ಓಭಾಸಯಮನ್ತಲಿಕ್ಖೇ।
Cando ca suriyo ca ubho sudassanā, gacchanti obhāsayamantalikkhe;
ಪರಸ್ಸ ಲೋಕಸ್ಸ ನ ತೇ ಇಮಸ್ಸ, ದೇವಾತಿ ತೇ ಆಹು ಮನುಸ್ಸಲೋಕೇ॥
Parassa lokassa na te imassa, devāti te āhu manussaloke.
೧೫೨.
152.
ಏತ್ಥೇವ ತೇ ನೀಹತಾ ಹೀನವಾದಾ, ಅಹೇತುಕಾ ಯೇ ನ ವದನ್ತಿ ಕಮ್ಮಂ।
Ettheva te nīhatā hīnavādā, ahetukā ye na vadanti kammaṃ;
ತಥಾ ಫಲಂ ಸುಕತದುಕ್ಕಟಾನಂ, ದತ್ತುಪಞ್ಞತ್ತಂ ಯೇ ಚ ವದನ್ತಿ ದಾನಂ॥
Tathā phalaṃ sukatadukkaṭānaṃ, dattupaññattaṃ ye ca vadanti dānaṃ.
೧೫೩.
153.
ತಥಾ ಫಲಂ ಸುಕತದುಕ್ಕಟಾನಂ, ದತ್ತುಪಞ್ಞತ್ತಞ್ಚ ಕಥಂ ಭವೇಯ್ಯ॥
Tathā phalaṃ sukatadukkaṭānaṃ, dattupaññattañca kathaṃ bhaveyya.
೧೫೪.
154.
ಕಥಂಕರೋ ಕಿನ್ತಿಕರೋ ಕಿಮಾಚರಂ, ಕಿಂ ಸೇವಮಾನೋ ಕೇನ ತಪೋಗುಣೇನ।
Kathaṃkaro kintikaro kimācaraṃ, kiṃ sevamāno kena tapoguṇena;
ಅಕ್ಖಾಹಿ 13 ಮೇ ಮೋರರಾಜೇತಮತ್ಥಂ, ಯಥಾ ಅಹಂ ನೋ ನಿರಯಂ ಪತೇಯ್ಯಂ॥
Akkhāhi 14 me morarājetamatthaṃ, yathā ahaṃ no nirayaṃ pateyyaṃ.
೧೫೫.
155.
ಯೇ ಕೇಚಿ ಅತ್ಥಿ ಸಮಣಾ ಪಥಬ್ಯಾ, ಕಾಸಾಯವತ್ಥಾ ಅನಗಾರಿಯಾ ತೇ।
Ye keci atthi samaṇā pathabyā, kāsāyavatthā anagāriyā te;
ಪಾತೋವ ಪಿಣ್ಡಾಯ ಚರನ್ತಿ ಕಾಲೇ, ವಿಕಾಲಚರಿಯಾ ವಿರತಾ ಹಿ ಸನ್ತೋ॥
Pātova piṇḍāya caranti kāle, vikālacariyā viratā hi santo.
೧೫೬.
156.
ತೇ ತತ್ಥ ಕಾಲೇನುಪಸಙ್ಕಮಿತ್ವಾ, ಪುಚ್ಛಾಹಿ ಯಂ ತೇ ಮನಸೋ ಪಿಯಂ ಸಿಯಾ।
Te tattha kālenupasaṅkamitvā, pucchāhi yaṃ te manaso piyaṃ siyā;
ತೇ ತೇ ಪವಕ್ಖನ್ತಿ ಯಥಾಪಜಾನಂ, ಇಮಸ್ಸ ಲೋಕಸ್ಸ ಪರಸ್ಸ ಚತ್ಥಂ॥
Te te pavakkhanti yathāpajānaṃ, imassa lokassa parassa catthaṃ.
೧೫೭.
157.
ತಚಂವ ಜಿಣ್ಣಂ ಉರಗೋ ಪುರಾಣಂ, ಪಣ್ಡೂಪಲಾಸಂ ಹರಿತೋ ದುಮೋವ।
Tacaṃva jiṇṇaṃ urago purāṇaṃ, paṇḍūpalāsaṃ harito dumova;
ಏಸಪ್ಪಹೀನೋ ಮಮ ಲುದ್ದಭಾವೋ, ಜಹಾಮಹಂ ಲುದ್ದಕಭಾವಮಜ್ಜ॥
Esappahīno mama luddabhāvo, jahāmahaṃ luddakabhāvamajja.
೧೫೮.
158.
ಯೇ ಚಾಪಿ ಮೇ ಸಕುಣಾ ಅತ್ಥಿ ಬದ್ಧಾ, ಸತಾನಿನೇಕಾನಿ ನಿವೇಸನಸ್ಮಿಂ।
Ye cāpi me sakuṇā atthi baddhā, satāninekāni nivesanasmiṃ;
೧೫೯.
159.
ಲುದ್ದೋ ಚರೀ ಪಾಸಹತ್ಥೋ ಅರಞ್ಞೇ, ಬಾಧೇತು ಮೋರಾಧಿಪತಿಂ ಯಸಸ್ಸಿಂ।
Luddo carī pāsahattho araññe, bādhetu morādhipatiṃ yasassiṃ;
ಮಹಾಮೋರಜಾತಕಂ ಅಟ್ಠಮಂ।
Mahāmorajātakaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೯೧] ೮. ಮಹಾಮೋರಜಾತಕವಣ್ಣನಾ • [491] 8. Mahāmorajātakavaṇṇanā
