| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೬. ಕಾಮೂಪಪತ್ತಿಸುತ್ತಂ
6. Kāmūpapattisuttaṃ
೯೫. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
95. Vuttañhetaṃ bhagavatā, vuttamarahatāti me sutaṃ –
‘‘ತಿಸ್ಸೋ ಇಮಾ, ಭಿಕ್ಖವೇ, ಕಾಮೂಪಪತ್ತಿಯೋ 1। ಕತಮಾ ತಿಸ್ಸೋ? ಪಚ್ಚುಪಟ್ಠಿತಕಾಮಾ, ನಿಮ್ಮಾನರತಿನೋ , ಪರನಿಮ್ಮಿತವಸವತ್ತಿನೋ – ಇಮಾ ಖೋ, ಭಿಕ್ಖವೇ, ತಿಸ್ಸೋ ಕಾಮೂಪಪತ್ತಿಯೋ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Tisso imā, bhikkhave, kāmūpapattiyo 2. Katamā tisso? Paccupaṭṭhitakāmā, nimmānaratino , paranimmitavasavattino – imā kho, bhikkhave, tisso kāmūpapattiyo’’ti. Etamatthaṃ bhagavā avoca. Tatthetaṃ iti vuccati –
‘‘ಪಚ್ಚುಪಟ್ಠಿತಕಾಮಾ ಚ, ಯೇ ದೇವಾ ವಸವತ್ತಿನೋ।
‘‘Paccupaṭṭhitakāmā ca, ye devā vasavattino;
ನಿಮ್ಮಾನರತಿನೋ ದೇವಾ, ಯೇ ಚಞ್ಞೇ ಕಾಮಭೋಗಿನೋ।
Nimmānaratino devā, ye caññe kāmabhogino;
ಇತ್ಥಭಾವಞ್ಞಥಾಭಾವಂ , ಸಂಸಾರಂ ನಾತಿವತ್ತರೇ॥
Itthabhāvaññathābhāvaṃ , saṃsāraṃ nātivattare.
‘‘ಏತಮಾದೀನವಂ ಞತ್ವಾ, ಕಾಮಭೋಗೇಸು ಪಣ್ಡಿತೋ।
‘‘Etamādīnavaṃ ñatvā, kāmabhogesu paṇḍito;
ಸಬ್ಬೇ ಪರಿಚ್ಚಜೇ ಕಾಮೇ, ಯೇ ದಿಬ್ಬಾ ಯೇ ಚ ಮಾನುಸಾ॥
Sabbe pariccaje kāme, ye dibbā ye ca mānusā.
‘‘ಪಿಯರೂಪಸಾತಗಧಿತಂ , ಛೇತ್ವಾ ಸೋತಂ ದುರಚ್ಚಯಂ।
‘‘Piyarūpasātagadhitaṃ , chetvā sotaṃ duraccayaṃ;
ಅಸೇಸಂ ಪರಿನಿಬ್ಬನ್ತಿ, ಅಸೇಸಂ ದುಕ್ಖಮಚ್ಚಗುಂ॥
Asesaṃ parinibbanti, asesaṃ dukkhamaccaguṃ.
‘‘ಅರಿಯದ್ದಸಾ ವೇದಗುನೋ, ಸಮ್ಮದಞ್ಞಾಯ ಪಣ್ಡಿತಾ।
‘‘Ariyaddasā vedaguno, sammadaññāya paṇḍitā;
ಜಾತಿಕ್ಖಯಮಭಿಞ್ಞಾಯ, ನಾಗಚ್ಛನ್ತಿ ಪುನಬ್ಭವ’’ನ್ತಿ॥
Jātikkhayamabhiññāya, nāgacchanti punabbhava’’nti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ಛಟ್ಠಂ।
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೬. ಕಾಮೂಪಪತ್ತಿಸುತ್ತವಣ್ಣನಾ • 6. Kāmūpapattisuttavaṇṇanā
