| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៩. គណ្ឋិបុប្ផិយត្ថេរអបទានវណ្ណនា
9. Gaṇṭhipupphiyattheraapadānavaṇṇanā
សុវណ្ណវណ្ណោ សម្ពុទ្ធោតិអាទិកំ អាយស្មតោ គណ្ឋិបុប្ផិយត្ថេរស្ស អបទានំ។ អយម្បិ បុរិមពុទ្ធេសុ កតាធិការោ អនេកាសុ ជាតីសុ កតបុញ្ញសញ្ចយោ វិបស្សិស្ស ភគវតោ កាលេ ឯកស្មិំ កុលគេហេ និព្ពត្តោ ឧបភោគបរិភោគេហិ អនូនោ ឯកទិវសំ វិបស្សិំ ភគវន្តំ សគណំ ទិស្វា បសន្នមានសោ លាជាបញ្ចមេហិ បុប្ផេហិ បូជេសិ។ សោ តេនេវ ចិត្តប្បសាទេន យាវតាយុកំ ឋត្វា តតោ ទេវលោកេ និព្ពត្តោ ទិព្ពសម្បត្តិំ អនុភវិត្វា អបរភាគេ មនុស្សេសុ មនុស្សសម្បត្តិំ អនុភវិត្វា ឥមស្មិំ ពុទ្ធុប្បាទេ ឯកស្មិំ កុលគេហេ និព្ពត្តោ សទ្ធាជាតោ បព្ពជិត្វា នចិរស្សេវ អរហត្តំ បាបុណិ។
Suvaṇṇavaṇṇo sambuddhotiādikaṃ āyasmato gaṇṭhipupphiyattherassa apadānaṃ. Ayampi purimabuddhesu katādhikāro anekāsu jātīsu katapuññasañcayo vipassissa bhagavato kāle ekasmiṃ kulagehe nibbatto upabhogaparibhogehi anūno ekadivasaṃ vipassiṃ bhagavantaṃ sagaṇaṃ disvā pasannamānaso lājāpañcamehi pupphehi pūjesi. So teneva cittappasādena yāvatāyukaṃ ṭhatvā tato devaloke nibbatto dibbasampattiṃ anubhavitvā aparabhāge manussesu manussasampattiṃ anubhavitvā imasmiṃ buddhuppāde ekasmiṃ kulagehe nibbatto saddhājāto pabbajitvā nacirasseva arahattaṃ pāpuṇi.
៩១. សោ ឯកទិវសំ បុព្ពេ កតបុញ្ញំ សរិត្វា សោមនស្សជាតោ ‘‘ឥមិនា កុសលេនាហំ និព្ពានំ បត្តោ’’តិ បុព្ពចរិតាបទានំ បកាសេន្តោ សុវណ្ណវណ្ណោ សម្ពុទ្ធោតិអាទិមាហ។ តំ សព្ពំ ហេដ្ឋា វុត្តនយត្តា ឧត្តានត្ថមេវាតិ។
91. So ekadivasaṃ pubbe katapuññaṃ saritvā somanassajāto ‘‘iminā kusalenāhaṃ nibbānaṃ patto’’ti pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ sabbaṃ heṭṭhā vuttanayattā uttānatthamevāti.
គណ្ឋិបុប្ផិយត្ថេរអបទានវណ្ណនា សមត្តា។
Gaṇṭhipupphiyattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៩. គណ្ឋិបុប្ផិយត្ថេរអបទានំ • 9. Gaṇṭhipupphiyattheraapadānaṃ
