| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय ४५।४०
Saṁyutta Nikāya 45.40
The Related Suttas Collection 45.40
४। पटिपत्तिवग्ग
4. Paṭipattivagga
4. Practice
दुतियब्रह्मचरियसुत्त
Dutiyabrahmacariyasutta
The Spiritual Path (2nd)
सावत्थिनिदानं।
Sāvatthinidānaṁ.
At Sāvatthī.
“ब्रह्मचरियञ्च वो, भिक्खवे, देसेस्सामि, ब्रह्मचरियत्थञ्च। तं सुणाथ।
“Brahmacariyañca vo, bhikkhave, desessāmi, brahmacariyatthañca. Taṁ suṇātha.
“Bhikkhus, I will teach you the spiritual path and the goal of the spiritual path. Listen …
कतमञ्च, भिक्खवे, ब्रह्मचरियं? अयमेव अरियो अट्ठङ्गिको मग्गो, सेय्यथिदं—सम्मादिट्ठि …पे… सम्मासमाधि। इदं वुच्चति, भिक्खवे, ब्रह्मचरियं।
Katamañca, bhikkhave, brahmacariyaṁ? Ayameva ariyo aṭṭhaṅgiko maggo, seyyathidaṁ—sammādiṭṭhi …pe… sammāsamādhi. Idaṁ vuccati, bhikkhave, brahmacariyaṁ.
And what is the spiritual path? It is simply this noble eightfold path, that is: right view, right thought, right speech, right action, right livelihood, right effort, right mindfulness, and right samādhi. This is called the spiritual path.
कतमो च, भिक्खवे, ब्रह्मचरियत्थो? यो खो, भिक्खवे, रागक्खयो दोसक्खयो मोहक्खयो—अयं वुच्चति, भिक्खवे, ब्रह्मचरियत्थो”ति।
Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo—ayaṁ vuccati, bhikkhave, brahmacariyattho”ti.
And what is the goal of the spiritual path? The ending of greed, hate, and delusion. This is called the goal of the spiritual path.”
दसमं।
Dasamaṁ.
पटिपत्तिवग्गो चतुत्थो।
Paṭipattivaggo catuttho.
तस्सुद्दानं
Tassuddānaṁ
पटिपत्ति पटिपन्नो च, विरद्धञ्च पारङ्गमा; सामञ्ञेन च द्वे वुत्ता, ब्रह्मञ्ञा अपरे दुवे; ब्रह्मचरियेन द्वे वुत्ता, वग्गो तेन पवुच्चतीति।
Paṭipatti paṭipanno ca, viraddhañca pāraṅgamā; Sāmaññena ca dve vuttā, brahmaññā apare duve; Brahmacariyena dve vuttā, vaggo tena pavuccatīti.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
