| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
៦. ធម្មចរិយសុត្តំ
6. Dhammacariyasuttaṃ
២៧៦.
276.
ធម្មចរិយំ ព្រហ្មចរិយំ, ឯតទាហុ វសុត្តមំ;
Dhammacariyaṃ brahmacariyaṃ, etadāhu vasuttamaṃ;
បព្ពជិតោបិ ចេ ហោតិ, អគារា អនគារិយំ។
Pabbajitopi ce hoti, agārā anagāriyaṃ.
២៧៧.
277.
សោ ចេ មុខរជាតិកោ, វិហេសាភិរតោ មគោ;
So ce mukharajātiko, vihesābhirato mago;
ជីវិតំ តស្ស បាបិយោ, រជំ វឌ្ឍេតិ អត្តនោ។
Jīvitaṃ tassa pāpiyo, rajaṃ vaḍḍheti attano.
២៧៨.
278.
កលហាភិរតោ ភិក្ខុ, មោហធម្មេន អាវុតោ;
Kalahābhirato bhikkhu, mohadhammena āvuto;
អក្ខាតម្បិ ន ជានាតិ, ធម្មំ ពុទ្ធេន ទេសិតំ។
Akkhātampi na jānāti, dhammaṃ buddhena desitaṃ.
២៧៩.
279.
វិហេសំ ភាវិតត្តានំ, អវិជ្ជាយ បុរក្ខតោ;
Vihesaṃ bhāvitattānaṃ, avijjāya purakkhato;
សំកិលេសំ ន ជានាតិ, មគ្គំ និរយគាមិនំ។
Saṃkilesaṃ na jānāti, maggaṃ nirayagāminaṃ.
២៨០.
280.
វិនិបាតំ សមាបន្នោ, គព្ភា គព្ភំ តមា តមំ;
Vinipātaṃ samāpanno, gabbhā gabbhaṃ tamā tamaṃ;
ស វេ តាទិសកោ ភិក្ខុ, បេច្ច ទុក្ខំ និគច្ឆតិ។
Sa ve tādisako bhikkhu, pecca dukkhaṃ nigacchati.
២៨១.
281.
គូថកូបោ យថា អស្ស, សម្បុណ្ណោ គណវស្សិកោ;
Gūthakūpo yathā assa, sampuṇṇo gaṇavassiko;
យោ ច ឯវរូបោ អស្ស, ទុព្ពិសោធោ ហិ សាង្គណោ។
Yo ca evarūpo assa, dubbisodho hi sāṅgaṇo.
២៨២.
282.
យំ ឯវរូបំ ជានាថ, ភិក្ខវោ គេហនិស្សិតំ;
Yaṃ evarūpaṃ jānātha, bhikkhavo gehanissitaṃ;
បាបិច្ឆំ បាបសង្កប្បំ, បាបអាចារគោចរំ។
Pāpicchaṃ pāpasaṅkappaṃ, pāpaācāragocaraṃ.
២៨៣.
283.
២៨៤.
284.
និទ្ធមិត្វាន បាបិច្ឆេ, បាបអាចារគោចរេ។
Niddhamitvāna pāpicche, pāpaācāragocare.
២៨៥.
285.
សុទ្ធា សុទ្ធេហិ សំវាសំ, កប្បយវ្ហោ បតិស្សតា;
Suddhā suddhehi saṃvāsaṃ, kappayavho patissatā;
តតោ សមគ្គា និបកា, ទុក្ខស្សន្តំ ករិស្សថាតិ។
Tato samaggā nipakā, dukkhassantaṃ karissathāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ៦. កបិលសុត្ត-(ធម្មចរិយសុត្ត)-វណ្ណនា • 6. Kapilasutta-(dhammacariyasutta)-vaṇṇanā
