| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
១០. ទសមនិស្សគ្គិយបាចិត្តិយសិក្ខាបទវណ្ណនា
10. Dasamanissaggiyapācittiyasikkhāpadavaṇṇanā
៧៧៩. ទសមេ បន ‘‘យា បន ភិក្ខុនី អញ្ញទត្ថិកេន បរិក្ខារេន អញ្ញុទ្ទិសិកេន បុគ្គលិកេន អញ្ញំ ចេតាបេយ្យ, និស្សគ្គិយំ បាចិត្តិយ’’ន្តិ ឯវំវិធេន ភវិតព្ពំ, ‘‘បុគ្គលិកេន សំយាចិកេនា’’តិ ឥមិនា ឯកាទសមេន ភវិតព្ពំ សិយា យថាក្កមេន សម្ភវតោ។ កាមមេវ ចេតំ អដ្ឋុប្បត្តិយា អភាវតោ ន វុត្តំ, អត្ថតោ បន គហេតព្ពមេវ។ ឯត្ថ បន សង្ឃគណបុគ្គលានំ បវារិតដ្ឋានេ, បុគ្គលស្សេវ ញាតកដ្ឋានេ ច អនាបត្តិឆាយា ទិស្សតិ, ឥទំ សព្ពំ អម្ហាកំ តក្កានុសារវសេនេវ វុត្តន្តិ កត្វា ន សារតោ ទដ្ឋព្ពំ។ វិចារេត្វា យថា និច្ចលការណំ ទិស្វា យំ វា វិនយក្កមកោវិទា អនុជានន្តិ, តំ តទេវ គហេតព្ពំ។ បោរាណគណ្ឋិបទេ បន ‘‘អាបទាសុបិ អញ្ញំ គរុភណ្ឌមេវ ចេតាបេតព្ពំ, ឥតរំ ន វដ្ដតិ, ភិក្ខុស្ស បន វដ្ដតី’’តិ វុត្តំ។
779. Dasame pana ‘‘yā pana bhikkhunī aññadatthikena parikkhārena aññuddisikena puggalikena aññaṃ cetāpeyya, nissaggiyaṃ pācittiya’’nti evaṃvidhena bhavitabbaṃ, ‘‘puggalikena saṃyācikenā’’ti iminā ekādasamena bhavitabbaṃ siyā yathākkamena sambhavato. Kāmameva cetaṃ aṭṭhuppattiyā abhāvato na vuttaṃ, atthato pana gahetabbameva. Ettha pana saṅghagaṇapuggalānaṃ pavāritaṭṭhāne, puggalasseva ñātakaṭṭhāne ca anāpattichāyā dissati, idaṃ sabbaṃ amhākaṃ takkānusāravaseneva vuttanti katvā na sārato daṭṭhabbaṃ. Vicāretvā yathā niccalakāraṇaṃ disvā yaṃ vā vinayakkamakovidā anujānanti, taṃ tadeva gahetabbaṃ. Porāṇagaṇṭhipade pana ‘‘āpadāsupi aññaṃ garubhaṇḍameva cetāpetabbaṃ, itaraṃ na vaṭṭati, bhikkhussa pana vaṭṭatī’’ti vuttaṃ.
ទសមនិស្សគ្គិយបាចិត្តិយសិក្ខាបទវណ្ណនា និដ្ឋិតា។
Dasamanissaggiyapācittiyasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១០. ទសមសិក្ខាបទំ • 10. Dasamasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. ទុតិយនិស្សគ្គិយាទិបាចិត្តិយសិក្ខាបទវណ្ណនា • 2. Dutiyanissaggiyādipācittiyasikkhāpadavaṇṇanā
