| Library / Tipiṭaka / តិបិដក • Tipiṭaka / យមកបាឡិ • Yamakapāḷi |
៨. ចិត្តយមកំ
8. Cittayamakaṃ
(ក) ឧទ្ទេសោ
(Ka) uddeso
១. សុទ្ធចិត្តសាមញ្ញំ
1. Suddhacittasāmaññaṃ
១. បុគ្គលវារោ
1. Puggalavāro
(១) ឧប្បាទនិរោធកាលសម្ភេទវារោ
(1) Uppādanirodhakālasambhedavāro
១. (ក) យស្ស ចិត្តំ ឧប្បជ្ជតិ ន និរុជ្ឈតិ តស្ស ចិត្តំ និរុជ្ឈិស្សតិ ន ឧប្បជ្ជិស្សតិ?
1. (Ka) yassa cittaṃ uppajjati na nirujjhati tassa cittaṃ nirujjhissati na uppajjissati?
(ខ) យស្ស វា បន ចិត្តំ និរុជ្ឈិស្សតិ ន ឧប្បជ្ជិស្សតិ តស្ស ចិត្តំ ឧប្បជ្ជតិ ន និរុជ្ឈតិ?
(Kha) yassa vā pana cittaṃ nirujjhissati na uppajjissati tassa cittaṃ uppajjati na nirujjhati?
(ក) យស្ស ចិត្តំ ន ឧប្បជ្ជតិ និរុជ្ឈតិ តស្ស ចិត្តំ ន និរុជ្ឈិស្សតិ ឧប្បជ្ជិស្សតិ?
(Ka) yassa cittaṃ na uppajjati nirujjhati tassa cittaṃ na nirujjhissati uppajjissati?
(ខ) យស្ស វា បន ចិត្តំ ន និរុជ្ឈិស្សតិ ឧប្បជ្ជិស្សតិ តស្ស ចិត្តំ ន ឧប្បជ្ជតិ និរុជ្ឈតិ?
(Kha) yassa vā pana cittaṃ na nirujjhissati uppajjissati tassa cittaṃ na uppajjati nirujjhati?
(២) ឧប្បាទុប្បន្នវារោ
(2) Uppāduppannavāro
២. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បន្នំ?
2. (Ka) yassa cittaṃ uppajjati tassa cittaṃ uppannaṃ?
(ខ) យស្ស វា បន ចិត្តំ ឧប្បន្នំ តស្ស ចិត្តំ ឧប្បជ្ជតិ?
(Kha) yassa vā pana cittaṃ uppannaṃ tassa cittaṃ uppajjati?
(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បន្នំ?
(Ka) yassa cittaṃ na uppajjati tassa cittaṃ na uppannaṃ?
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន ឧប្បជ្ជតិ?
(Kha) yassa vā pana cittaṃ na uppannaṃ tassa cittaṃ na uppajjati?
(៣) និរោធុប្បន្នវារោ
(3) Nirodhuppannavāro
៣. (ក) យស្ស ចិត្តំ និរុជ្ឈតិ តស្ស ចិត្តំ ឧប្បន្នំ?
3. (Ka) yassa cittaṃ nirujjhati tassa cittaṃ uppannaṃ?
(ខ) យស្ស វា បន ចិត្តំ ឧប្បន្នំ តស្ស ចិត្តំ និរុជ្ឈតិ?
(Kha) yassa vā pana cittaṃ uppannaṃ tassa cittaṃ nirujjhati?
(ក) យស្ស ចិត្តំ ន និរុជ្ឈតិ តស្ស ចិត្តំ ន ឧប្បន្នំ?
(Ka) yassa cittaṃ na nirujjhati tassa cittaṃ na uppannaṃ?
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន និរុជ្ឈតិ?
(Kha) yassa vā pana cittaṃ na uppannaṃ tassa cittaṃ na nirujjhati?
(៤) ឧប្បាទវារោ
(4) Uppādavāro
៤. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បជ្ជិត្ថ?
4. (Ka) yassa cittaṃ uppajjati tassa cittaṃ uppajjittha?
(ខ) យស្ស វា បន ចិត្តំ ឧប្បជ្ជិត្ថ តស្ស ចិត្តំ ឧប្បជ្ជតិ?
(Kha) yassa vā pana cittaṃ uppajjittha tassa cittaṃ uppajjati?
(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បជ្ជិត្ថ?
(Ka) yassa cittaṃ na uppajjati tassa cittaṃ na uppajjittha?
(ខ) យស្ស វា បន ចិត្តំ ន ឧប្បជ្ជិត្ថ តស្ស ចិត្តំ ន ឧប្បជ្ជតិ?
(Kha) yassa vā pana cittaṃ na uppajjittha tassa cittaṃ na uppajjati?
៥. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បជ្ជិស្សតិ?
5. (Ka) yassa cittaṃ uppajjati tassa cittaṃ uppajjissati?
(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បជ្ជតិ?
(Kha) yassa vā pana cittaṃ uppajjissati tassa cittaṃ uppajjati?
(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បជ្ជិស្សតិ?
(Ka) yassa cittaṃ na uppajjati tassa cittaṃ na uppajjissati?
(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បជ្ជតិ?
(Kha) yassa vā pana cittaṃ na uppajjissati tassa cittaṃ na uppajjati?
៦. (ក) យស្ស ចិត្តំ ឧប្បជ្ជិត្ថ តស្ស ចិត្តំ ឧប្បជ្ជិស្សតិ?
6. (Ka) yassa cittaṃ uppajjittha tassa cittaṃ uppajjissati?
(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បជ្ជិត្ថ?
(Kha) yassa vā pana cittaṃ uppajjissati tassa cittaṃ uppajjittha?
(ក) យស្ស ចិត្តំ ន ឧប្បជ្ជិត្ថ តស្ស ចិត្តំ ន ឧប្បជ្ជិស្សតិ?
(Ka) yassa cittaṃ na uppajjittha tassa cittaṃ na uppajjissati?
(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បជ្ជិត្ថ?
(Kha) yassa vā pana cittaṃ na uppajjissati tassa cittaṃ na uppajjittha?
(៥) និរោធវារោ
(5) Nirodhavāro
៧. (ក) យស្ស ចិត្តំ និរុជ្ឈតិ តស្ស ចិត្តំ និរុជ្ឈិត្ថ?
7. (Ka) yassa cittaṃ nirujjhati tassa cittaṃ nirujjhittha?
(ខ) យស្ស វា បន ចិត្តំ និរុជ្ឈិត្ថ តស្ស ចិត្តំ និរុជ្ឈតិ?
(Kha) yassa vā pana cittaṃ nirujjhittha tassa cittaṃ nirujjhati?
(ក) យស្ស ចិត្តំ ន និរុជ្ឈតិ តស្ស ចិត្តំ ន និរុជ្ឈិត្ថ?
(Ka) yassa cittaṃ na nirujjhati tassa cittaṃ na nirujjhittha?
(ខ) យស្ស វា បន ចិត្តំ ន និរុជ្ឈិត្ថ តស្ស ចិត្តំ ន និរុជ្ឈតិ?
(Kha) yassa vā pana cittaṃ na nirujjhittha tassa cittaṃ na nirujjhati?
៨. (ក) យស្ស ចិត្តំ និរុជ្ឈតិ តស្ស ចិត្តំ និរុជ្ឈិស្សតិ?
8. (Ka) yassa cittaṃ nirujjhati tassa cittaṃ nirujjhissati?
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ និរុជ្ឈតិ?
(Kha) yassa vā pana cittaṃ nirujjhissati tassa cittaṃ nirujjhati?
(ក) យស្ស ចិត្តំ ន និរុជ្ឈតិ តស្ស ចិត្តំ ន និរុជ្ឈិស្សតិ?
(Ka) yassa cittaṃ na nirujjhati tassa cittaṃ na nirujjhissati?
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន និរុជ្ឈតិ?
(Kha) yassa vā pana cittaṃ na nirujjhissati tassa cittaṃ na nirujjhati?
៩. (ក) យស្ស ចិត្តំ និរុជ្ឈិត្ថ តស្ស ចិត្តំ និរុជ្ឈិស្សតិ?
9. (Ka) yassa cittaṃ nirujjhittha tassa cittaṃ nirujjhissati?
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ និរុជ្ឈិត្ថ?
(Kha) yassa vā pana cittaṃ nirujjhissati tassa cittaṃ nirujjhittha?
(ក) យស្ស ចិត្តំ ន និរុជ្ឈិត្ថ តស្ស ចិត្តំ ន និរុជ្ឈិស្សតិ?
(Ka) yassa cittaṃ na nirujjhittha tassa cittaṃ na nirujjhissati?
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន និរុជ្ឈិត្ថ?
(Kha) yassa vā pana cittaṃ na nirujjhissati tassa cittaṃ na nirujjhittha?
(៦) ឧប្បាទនិរោធវារោ
(6) Uppādanirodhavāro
១០. (ក) យស្ស ចិត្តំ ឧប្បជ្ជតិ តស្ស ចិត្តំ និរុជ្ឈិត្ថ?
10. (Ka) yassa cittaṃ uppajjati tassa cittaṃ nirujjhittha?
(ខ) យស្ស វា បន ចិត្តំ និរុជ្ឈិត្ថ តស្ស ចិត្តំ ឧប្បជ្ជតិ?
(Kha) yassa vā pana cittaṃ nirujjhittha tassa cittaṃ uppajjati?
(ក) យស្ស ចិត្តំ ន ឧប្បជ្ជតិ តស្ស ចិត្តំ ន និរុជ្ឈិត្ថ?
(Ka) yassa cittaṃ na uppajjati tassa cittaṃ na nirujjhittha?
(ខ) យស្ស វា បន ចិត្តំ ន និរុជ្ឈិត្ថ តស្ស ចិត្តំ ន ឧប្បជ្ជតិ?
(Kha) yassa vā pana cittaṃ na nirujjhittha tassa cittaṃ na uppajjati?
១១. (ក) យស្ស ចិត្តំ ឧប្បជ្ជតិ តស្ស ចិត្តំ និរុជ្ឈិស្សតិ?
11. (Ka) yassa cittaṃ uppajjati tassa cittaṃ nirujjhissati?
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ ឧប្បជ្ជតិ?
(Kha) yassa vā pana cittaṃ nirujjhissati tassa cittaṃ uppajjati?
(ក) យស្ស ចិត្តំ ន ឧប្បជ្ជតិ តស្ស ចិត្តំ ន និរុជ្ឈិស្សតិ?
(Ka) yassa cittaṃ na uppajjati tassa cittaṃ na nirujjhissati?
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន ឧប្បជ្ជតិ?
(Kha) yassa vā pana cittaṃ na nirujjhissati tassa cittaṃ na uppajjati?
១២. (ក) យស្ស ចិត្តំ ឧប្បជ្ជិត្ថ តស្ស ចិត្តំ និរុជ្ឈិស្សតិ?
12. (Ka) yassa cittaṃ uppajjittha tassa cittaṃ nirujjhissati?
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ ឧប្បជ្ជិត្ថ?
(Kha) yassa vā pana cittaṃ nirujjhissati tassa cittaṃ uppajjittha?
(ក) យស្ស ចិត្តំ ន ឧប្បជ្ជិត្ថ តស្ស ចិត្តំ ន និរុជ្ឈិស្សតិ?
(Ka) yassa cittaṃ na uppajjittha tassa cittaṃ na nirujjhissati?
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន ឧប្បជ្ជិត្ថ?
(Kha) yassa vā pana cittaṃ na nirujjhissati tassa cittaṃ na uppajjittha?
(៧) ឧប្បជ្ជមាន-ននិរោធវារោ
(7) Uppajjamāna-nanirodhavāro
១៣. (ក) យស្ស ចិត្តំ ឧប្បជ្ជតិ តស្ស ចិត្តំ ន និរុជ្ឈតិ?
13. (Ka) yassa cittaṃ uppajjati tassa cittaṃ na nirujjhati?
(ខ) យស្ស វា បន ចិត្តំ ន និរុជ្ឈតិ តស្ស ចិត្តំ ឧប្បជ្ជតិ?
(Kha) yassa vā pana cittaṃ na nirujjhati tassa cittaṃ uppajjati?
(ក) យស្ស ចិត្តំ ន ឧប្បជ្ជតិ តស្ស ចិត្តំ និរុជ្ឈតិ?
(Ka) yassa cittaṃ na uppajjati tassa cittaṃ nirujjhati?
(ខ) យស្ស វា បន ចិត្តំ និរុជ្ឈតិ តស្ស ចិត្តំ ន ឧប្បជ្ជតិ?
(Kha) yassa vā pana cittaṃ nirujjhati tassa cittaṃ na uppajjati?
(៨) ឧប្បជ្ជមានុប្បន្នវារោ
(8) Uppajjamānuppannavāro
១៤. (ក) យស្ស ចិត្តំ ឧប្បជ្ជមានំ តស្ស ចិត្តំ ឧប្បន្នំ?
14. (Ka) yassa cittaṃ uppajjamānaṃ tassa cittaṃ uppannaṃ?
(ខ) យស្ស វា បន ចិត្តំ ឧប្បន្នំ តស្ស ចិត្តំ ឧប្បជ្ជមានំ?
(Kha) yassa vā pana cittaṃ uppannaṃ tassa cittaṃ uppajjamānaṃ?
(ក) យស្ស ចិត្តំ ន ឧប្បជ្ជមានំ តស្ស ចិត្តំ ន ឧប្បន្នំ?
(Ka) yassa cittaṃ na uppajjamānaṃ tassa cittaṃ na uppannaṃ?
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន ឧប្បជ្ជមានំ?
(Kha) yassa vā pana cittaṃ na uppannaṃ tassa cittaṃ na uppajjamānaṃ?
(៩) និរុជ្ឈមានុប្បន្នវារោ
(9) Nirujjhamānuppannavāro
១៥. (ក) យស្ស ចិត្តំ និរុជ្ឈមានំ តស្ស ចិត្តំ ឧប្បន្នំ?
15. (Ka) yassa cittaṃ nirujjhamānaṃ tassa cittaṃ uppannaṃ?
(ខ) យស្ស វា បន ចិត្តំ ឧប្បន្នំ តស្ស ចិត្តំ និរុជ្ឈមានំ?
(Kha) yassa vā pana cittaṃ uppannaṃ tassa cittaṃ nirujjhamānaṃ?
(ក) យស្ស ចិត្តំ ន និរុជ្ឈមានំ តស្ស ចិត្តំ ន ឧប្បន្នំ?
(Ka) yassa cittaṃ na nirujjhamānaṃ tassa cittaṃ na uppannaṃ?
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន និរុជ្ឈមានំ?
(Kha) yassa vā pana cittaṃ na uppannaṃ tassa cittaṃ na nirujjhamānaṃ?
(១០) ឧប្បន្នុប្បាទវារោ
(10) Uppannuppādavāro
១៦. (ក) យស្ស ចិត្តំ ឧប្បន្នំ តស្ស ចិត្តំ ឧប្បជ្ជិត្ថ?
16. (Ka) yassa cittaṃ uppannaṃ tassa cittaṃ uppajjittha?
(ខ) យស្ស វា បន ចិត្តំ ឧប្បជ្ជិត្ថ តស្ស ចិត្តំ ឧប្បន្នំ?
(Kha) yassa vā pana cittaṃ uppajjittha tassa cittaṃ uppannaṃ?
(ក) យស្ស ចិត្តំ ន ឧប្បន្នំ តស្ស ចិត្តំ ន ឧប្បជ្ជិត្ថ?
(Ka) yassa cittaṃ na uppannaṃ tassa cittaṃ na uppajjittha?
(ខ) យស្ស វា បន ចិត្តំ ន ឧប្បជ្ជិត្ថ តស្ស ចិត្តំ ន ឧប្បន្នំ?
(Kha) yassa vā pana cittaṃ na uppajjittha tassa cittaṃ na uppannaṃ?
(ក) យស្ស ចិត្តំ ឧប្បន្នំ តស្ស ចិត្តំ ឧប្បជ្ជិស្សតិ?
(Ka) yassa cittaṃ uppannaṃ tassa cittaṃ uppajjissati?
(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បន្នំ?
(Kha) yassa vā pana cittaṃ uppajjissati tassa cittaṃ uppannaṃ?
(ក) យស្ស ចិត្តំ ន ឧប្បន្នំ តស្ស ចិត្តំ ន ឧប្បជ្ជិស្សតិ?
(Ka) yassa cittaṃ na uppannaṃ tassa cittaṃ na uppajjissati?
(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បន្នំ?
(Kha) yassa vā pana cittaṃ na uppajjissati tassa cittaṃ na uppannaṃ?
(១១) អតីតានាគតវារោ
(11) Atītānāgatavāro
១៧. (ក) យស្ស ចិត្តំ ឧប្បជ្ជិត្ថ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិស្សតិ?
17. (Ka) yassa cittaṃ uppajjittha no ca tassa cittaṃ uppannaṃ, tassa cittaṃ uppajjissati?
(ខ) យស្ស វា បន ចិត្តំ ឧប្បជ្ជិស្សតិ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិត្ថ?
(Kha) yassa vā pana cittaṃ uppajjissati no ca tassa cittaṃ uppannaṃ, tassa cittaṃ uppajjittha?
(ក) យស្ស ចិត្តំ ន ឧប្បជ្ជិត្ថ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិស្សតិ?
(Ka) yassa cittaṃ na uppajjittha no ca tassa cittaṃ na uppannaṃ, tassa cittaṃ na uppajjissati?
(ខ) យស្ស វា បន ចិត្តំ ន ឧប្បជ្ជិស្សតិ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិត្ថ?
(Kha) yassa vā pana cittaṃ na uppajjissati no ca tassa cittaṃ na uppannaṃ, tassa cittaṃ na uppajjittha?
(១២) ឧប្បន្នុប្បជ្ជមានវារោ
(12) Uppannuppajjamānavāro
១៨. (ក) ឧប្បន្នំ ឧប្បជ្ជមានំ?
18. (Ka) uppannaṃ uppajjamānaṃ?
(ខ) ឧប្បជ្ជមានំ ឧប្បន្នំ?
(Kha) uppajjamānaṃ uppannaṃ?
(ក) ន ឧប្បន្នំ ន ឧប្បជ្ជមានំ?
(Ka) na uppannaṃ na uppajjamānaṃ?
(ខ) ន ឧប្បជ្ជមានំ ន ឧប្បន្នំ?
(Kha) na uppajjamānaṃ na uppannaṃ?
(១៣) និរុទ្ធនិរុជ្ឈមានវារោ
(13) Niruddhanirujjhamānavāro
១៩. (ក) និរុទ្ធំ និរុជ្ឈមានំ?
19. (Ka) niruddhaṃ nirujjhamānaṃ?
(ខ) និរុជ្ឈមានំ និរុទ្ធំ?
(Kha) nirujjhamānaṃ niruddhaṃ?
(ក) ន និរុទ្ធំ ន និរុជ្ឈមានំ?
(Ka) na niruddhaṃ na nirujjhamānaṃ?
(ខ) ន និរុជ្ឈមានំ ន និរុទ្ធំ?
(Kha) na nirujjhamānaṃ na niruddhaṃ?
(១៤) អតិក្កន្តកាលវារោ
(14) Atikkantakālavāro
២០. (ក) យស្ស ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តំ?
20. (Ka) yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
(ខ) យស្ស វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តំ?
(Kha) yassa vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
(ក) យស្ស ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តំ?
(Ka) yassa cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
(ខ) យស្ស វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តំ?
(Kha) yassa vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
១. សុទ្ធចិត្តសាមញ្ញំ
1. Suddhacittasāmaññaṃ
២. ធម្មវារោ
2. Dhammavāro
(១) ឧប្បាទនិរោធកាលសម្ភេទវារោ
(1) Uppādanirodhakālasambhedavāro
២១. (ក) យំ ចិត្តំ ឧប្បជ្ជតិ ន និរុជ្ឈតិ តំ ចិត្តំ និរុជ្ឈិស្សតិ ន ឧប្បជ្ជិស្សតិ?
21. (Ka) yaṃ cittaṃ uppajjati na nirujjhati taṃ cittaṃ nirujjhissati na uppajjissati?
(ខ) យំ វា បន ចិត្តំ និរុជ្ឈិស្សតិ ន ឧប្បជ្ជិស្សតិ តំ ចិត្តំ ឧប្បជ្ជតិ ន និរុជ្ឈតិ?
(Kha) yaṃ vā pana cittaṃ nirujjhissati na uppajjissati taṃ cittaṃ uppajjati na nirujjhati?
(ក) យំ ចិត្តំ ន ឧប្បជ្ជតិ និរុជ្ឈតិ តំ ចិត្តំ ន និរុជ្ឈិស្សតិ ឧប្បជ្ជិស្សតិ?
(Ka) yaṃ cittaṃ na uppajjati nirujjhati taṃ cittaṃ na nirujjhissati uppajjissati?
(ខ) យំ វា បន ចិត្តំ ន និរុជ្ឈិស្សតិ ឧប្បជ្ជិស្សតិ តំ ចិត្តំ ន ឧប្បជ្ជតិ និរុជ្ឈតិ?
(Kha) yaṃ vā pana cittaṃ na nirujjhissati uppajjissati taṃ cittaṃ na uppajjati nirujjhati?
(២) ឧប្បាទុប្បន្នវារោ
(2) Uppāduppannavāro
២២. (ក) យំ ចិត្តំ ឧប្បជ្ជតិ តំ ចិត្តំ ឧប្បន្នំ?
22. (Ka) yaṃ cittaṃ uppajjati taṃ cittaṃ uppannaṃ?
(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជតិ?
(Kha) yaṃ vā pana cittaṃ uppannaṃ taṃ cittaṃ uppajjati?
(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បន្នំ?
(Ka) yaṃ cittaṃ na uppajjati taṃ cittaṃ na uppannaṃ?
(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជតិ?
(Kha) yaṃ vā pana cittaṃ na uppannaṃ taṃ cittaṃ na uppajjati?
(៣) និរោធុប្បន្នវារោ
(3) Nirodhuppannavāro
២៣. (ក) យំ ចិត្តំ និរុជ្ឈតិ តំ ចិត្តំ ឧប្បន្នំ?
23. (Ka) yaṃ cittaṃ nirujjhati taṃ cittaṃ uppannaṃ?
(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈតិ?
(Kha) yaṃ vā pana cittaṃ uppannaṃ taṃ cittaṃ nirujjhati?
(ក) យំ ចិត្តំ ន និរុជ្ឈតិ តំ ចិត្តំ ន ឧប្បន្នំ?
(Ka) yaṃ cittaṃ na nirujjhati taṃ cittaṃ na uppannaṃ?
(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈតិ?
(Kha) yaṃ vā pana cittaṃ na uppannaṃ taṃ cittaṃ na nirujjhati?
(៤) ឧប្បាទវារោ
(4) Uppādavāro
២៤. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិត្ថ?
24. (Ka) yaṃ cittaṃ uppajjati taṃ cittaṃ uppajjittha?
(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បជ្ជតិ?
(Kha) yaṃ vā pana cittaṃ uppajjittha taṃ cittaṃ uppajjati?
(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិត្ថ?
(Ka) yaṃ cittaṃ na uppajjati taṃ cittaṃ na uppajjittha?
(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជតិ?
(Kha) yaṃ vā pana cittaṃ na uppajjittha taṃ cittaṃ na uppajjati?
២៥. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិស្សតិ?
25. (Ka) yaṃ cittaṃ uppajjati taṃ cittaṃ uppajjissati?
(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជតិ?
(Kha) yaṃ vā pana cittaṃ uppajjissati taṃ cittaṃ uppajjati?
(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិស្សតិ?
(Ka) yaṃ cittaṃ na uppajjati taṃ cittaṃ na uppajjissati?
(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជតិ?
(Kha) yaṃ vā pana cittaṃ na uppajjissati taṃ cittaṃ na uppajjati?
២៦. (ក) យំ ចិត្តំ ឧប្បជ្ជិត្ថ តំ ចិត្តំ ឧប្បជ្ជិស្សតិ?
26. (Ka) yaṃ cittaṃ uppajjittha taṃ cittaṃ uppajjissati?
(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជិត្ថ?
(Kha) yaṃ vā pana cittaṃ uppajjissati taṃ cittaṃ uppajjittha?
(ក) យំ ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជិស្សតិ?
(Ka) yaṃ cittaṃ na uppajjittha taṃ cittaṃ na uppajjissati?
(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជិត្ថ?
(Kha) yaṃ vā pana cittaṃ na uppajjissati taṃ cittaṃ na uppajjittha?
(៥) និរោធវារោ
(5) Nirodhavāro
២៧. (ក) យំ ចិត្តំ និរុជ្ឈតិ តំ ចិត្តំ និរុជ្ឈិត្ថ?
27. (Ka) yaṃ cittaṃ nirujjhati taṃ cittaṃ nirujjhittha?
(ខ) យំ វា បន ចិត្តំ និរុជ្ឈិត្ថ តំ ចិត្តំ និរុជ្ឈតិ?
(Kha) yaṃ vā pana cittaṃ nirujjhittha taṃ cittaṃ nirujjhati?
(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិត្ថ?
(Ka) yaṃ cittaṃ na nirujjhati taṃ cittaṃ na nirujjhittha?
(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន និរុជ្ឈតិ?
(Kha) yaṃ vā pana cittaṃ na nirujjhittha taṃ cittaṃ na nirujjhati?
២៨. (ក) យំ ចិត្តំ និរុជ្ឈតិ តំ ចិត្តំ និរុជ្ឈិស្សតិ?
28. (Ka) yaṃ cittaṃ nirujjhati taṃ cittaṃ nirujjhissati?
(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈតិ?
(Kha) yaṃ vā pana cittaṃ nirujjhissati taṃ cittaṃ nirujjhati?
(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិស្សតិ?
(Ka) yaṃ cittaṃ na nirujjhati taṃ cittaṃ na nirujjhissati?
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈតិ?
(Kha) yaṃ vā pana cittaṃ na nirujjhissati taṃ cittaṃ na nirujjhati?
២៩. (ក) យំ ចិត្តំ និរុជ្ឈិត្ថ តំ ចិត្តំ និរុជ្ឈិស្សតិ?
29. (Ka) yaṃ cittaṃ nirujjhittha taṃ cittaṃ nirujjhissati?
(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈិត្ថ?
(Kha) yaṃ vā pana cittaṃ nirujjhissati taṃ cittaṃ nirujjhittha?
(ក) យំ ចិត្តំ ន និរុជ្ឈិត្ថ តំ ចិត្តំ ន និរុជ្ឈិស្សតិ?
(Ka) yaṃ cittaṃ na nirujjhittha taṃ cittaṃ na nirujjhissati?
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈិត្ថ?
(Kha) yaṃ vā pana cittaṃ na nirujjhissati taṃ cittaṃ na nirujjhittha?
(៦) ឧប្បាទនិរោធវារោ
(6) Uppādanirodhavāro
៣០. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិត្ថ?
30. (Ka) yaṃ cittaṃ uppajjati taṃ cittaṃ nirujjhittha?
(ខ) យំ វា បន ចិត្តំ និរុជ្ឈិត្ថ តំ ចិត្តំ ឧប្បជ្ជតិ?
(Kha) yaṃ vā pana cittaṃ nirujjhittha taṃ cittaṃ uppajjati?
(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិត្ថ?
(Ka) yaṃ cittaṃ na uppajjati taṃ cittaṃ na nirujjhittha?
(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន ឧប្បជ្ជតិ?
(Kha) yaṃ vā pana cittaṃ na nirujjhittha taṃ cittaṃ na uppajjati?
៣១. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិស្សតិ?
31. (Ka) yaṃ cittaṃ uppajjati taṃ cittaṃ nirujjhissati?
(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជតិ?
(Kha) yaṃ vā pana cittaṃ nirujjhissati taṃ cittaṃ uppajjati?
(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិស្សតិ?
(Ka) yaṃ cittaṃ na uppajjati taṃ cittaṃ na nirujjhissati?
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជតិ?
(Kha) yaṃ vā pana cittaṃ na nirujjhissati taṃ cittaṃ na uppajjati?
៣២. (ក) យំ ចិត្តំ ឧប្បជ្ជិត្ថ តំ ចិត្តំ និរុជ្ឈិស្សតិ?
32. (Ka) yaṃ cittaṃ uppajjittha taṃ cittaṃ nirujjhissati?
(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជិត្ថ?
(Kha) yaṃ vā pana cittaṃ nirujjhissati taṃ cittaṃ uppajjittha?
(ក) យំ ចិត្តំ ន ឧប្បជ្ជិត្ថ តំ ចិត្តំ ន និរុជ្ឈិស្សតិ?
(Ka) yaṃ cittaṃ na uppajjittha taṃ cittaṃ na nirujjhissati?
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជិត្ថ?
(Kha) yaṃ vā pana cittaṃ na nirujjhissati taṃ cittaṃ na uppajjittha?
(៧) ឧប្បជ្ជមាន-ននិរោធវារោ
(7) Uppajjamāna-nanirodhavāro
៣៣. (ក) យំ ចិត្តំ ឧប្បជ្ជតិ តំ ចិត្តំ ន និរុជ្ឈតិ?
33. (Ka) yaṃ cittaṃ uppajjati taṃ cittaṃ na nirujjhati?
(ខ) យំ វា បន ចិត្តំ ន និរុជ្ឈតិ តំ ចិត្តំ ឧប្បជ្ជតិ?
(Kha) yaṃ vā pana cittaṃ na nirujjhati taṃ cittaṃ uppajjati?
(ក) យំ ចិត្តំ ន ឧប្បជ្ជតិ តំ ចិត្តំ និរុជ្ឈតិ?
(Ka) yaṃ cittaṃ na uppajjati taṃ cittaṃ nirujjhati?
(ខ) យំ វា បន ចិត្តំ និរុជ្ឈតិ តំ ចិត្តំ ន ឧប្បជ្ជតិ?
(Kha) yaṃ vā pana cittaṃ nirujjhati taṃ cittaṃ na uppajjati?
(៨) ឧប្បជ្ជមានុប្បន្នវារោ
(8) Uppajjamānuppannavāro
៣៤. (ក) យំ ចិត្តំ ឧប្បជ្ជមានំ តំ ចិត្តំ ឧប្បន្នំ?
34. (Ka) yaṃ cittaṃ uppajjamānaṃ taṃ cittaṃ uppannaṃ?
(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជមានំ?
(Kha) yaṃ vā pana cittaṃ uppannaṃ taṃ cittaṃ uppajjamānaṃ?
(ក) យំ ចិត្តំ ន ឧប្បជ្ជមានំ តំ ចិត្តំ ន ឧប្បន្នំ?
(Ka) yaṃ cittaṃ na uppajjamānaṃ taṃ cittaṃ na uppannaṃ?
(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជមានំ?
(Kha) yaṃ vā pana cittaṃ na uppannaṃ taṃ cittaṃ na uppajjamānaṃ?
(៩) និរុជ្ឈមានុប្បន្នវារោ
(9) Nirujjhamānuppannavāro
៣៥. (ក) យំ ចិត្តំ និរុជ្ឈមានំ តំ ចិត្តំ ឧប្បន្នំ?
35. (Ka) yaṃ cittaṃ nirujjhamānaṃ taṃ cittaṃ uppannaṃ?
(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈមានំ?
(Kha) yaṃ vā pana cittaṃ uppannaṃ taṃ cittaṃ nirujjhamānaṃ?
(ក) យំ ចិត្តំ ន និរុជ្ឈមានំ តំ ចិត្តំ ន ឧប្បន្នំ?
(Ka) yaṃ cittaṃ na nirujjhamānaṃ taṃ cittaṃ na uppannaṃ?
(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈមានំ?
(Kha) yaṃ vā pana cittaṃ na uppannaṃ taṃ cittaṃ na nirujjhamānaṃ?
(១០) ឧប្បន្នុប្បាទវារោ
(10) Uppannuppādavāro
៣៦. (ក) យំ ចិត្តំ ឧប្បន្នំ តំ ចិត្តំ ឧប្បជ្ជិត្ថ?
36. (Ka) yaṃ cittaṃ uppannaṃ taṃ cittaṃ uppajjittha?
(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បន្នំ?
(Kha) yaṃ vā pana cittaṃ uppajjittha taṃ cittaṃ uppannaṃ?
(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិត្ថ?
(Ka) yaṃ cittaṃ na uppannaṃ taṃ cittaṃ na uppajjittha?
(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បន្នំ?
(Kha) yaṃ vā pana cittaṃ na uppajjittha taṃ cittaṃ na uppannaṃ?
(ក) យំ ចិត្តំ ឧប្បន្នំ តំ ចិត្តំ ឧប្បជ្ជិស្សតិ?
(Ka) yaṃ cittaṃ uppannaṃ taṃ cittaṃ uppajjissati?
(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បន្នំ?
(Kha) yaṃ vā pana cittaṃ uppajjissati taṃ cittaṃ uppannaṃ?
(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិស្សតិ?
(Ka) yaṃ cittaṃ na uppannaṃ taṃ cittaṃ na uppajjissati?
(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បន្នំ?
(Kha) yaṃ vā pana cittaṃ na uppajjissati taṃ cittaṃ na uppannaṃ?
(១១) អតីតានាគតវារោ
(11) Atītānāgatavāro
៣៧. (ក) យំ ចិត្តំ ឧប្បជ្ជិត្ថ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិស្សតិ?
37. (Ka) yaṃ cittaṃ uppajjittha no ca taṃ cittaṃ uppannaṃ, taṃ cittaṃ uppajjissati?
(ខ) យំ វា បន ចិត្តំ ឧប្បជ្ជិស្សតិ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិត្ថ?
(Kha) yaṃ vā pana cittaṃ uppajjissati no ca taṃ cittaṃ uppannaṃ, taṃ cittaṃ uppajjittha?
(ក) យំ ចិត្តំ ន ឧប្បជ្ជិត្ថ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិស្សតិ?
(Ka) yaṃ cittaṃ na uppajjittha no ca taṃ cittaṃ na uppannaṃ, taṃ cittaṃ na uppajjissati?
(ខ) យំ វា បន ចិត្តំ ន ឧប្បជ្ជិស្សតិ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិត្ថ?
(Kha) yaṃ vā pana cittaṃ na uppajjissati no ca taṃ cittaṃ na uppannaṃ, taṃ cittaṃ na uppajjittha?
(១២) ឧប្បន្នុប្បជ្ជមានវារោ
(12) Uppannuppajjamānavāro
៣៨. (ក) ឧប្បន្នំ ឧប្បជ្ជមានំ?
38. (Ka) uppannaṃ uppajjamānaṃ?
(ខ) ឧប្បជ្ជមានំ ឧប្បន្នំ?
(Kha) uppajjamānaṃ uppannaṃ?
(ក) ន ឧប្បន្នំ ន ឧប្បជ្ជមានំ?
(Ka) na uppannaṃ na uppajjamānaṃ?
(ខ) ន ឧប្បជ្ជមានំ ន ឧប្បន្នំ?
(Kha) na uppajjamānaṃ na uppannaṃ?
(១៣) និរុទ្ធនិរុជ្ឈមានវារោ
(13) Niruddhanirujjhamānavāro
៣៩. (ក) និរុទ្ធំ និរុជ្ឈមានំ?
39. (Ka) niruddhaṃ nirujjhamānaṃ?
(ខ) និរុជ្ឈមានំ និរុទ្ធំ?
(Kha) nirujjhamānaṃ niruddhaṃ?
(ក) ន និរុទ្ធំ ន និរុជ្ឈមានំ?
(Ka) na niruddhaṃ na nirujjhamānaṃ?
(ខ) ន និរុជ្ឈមានំ ន និរុទ្ធំ?
(Kha) na nirujjhamānaṃ na niruddhaṃ?
(១៤) អតិក្កន្តកាលវារោ
(14) Atikkantakālavāro
៤០. (ក) យំ ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?
40. (Ka) yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
(ខ) យំ វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?
(Kha) yaṃ vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
(ក) យំ ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?
(Ka) yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
(ខ) យំ វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?
(Kha) yaṃ vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
១. សុទ្ធចិត្តសាមញ្ញ
1. Suddhacittasāmañña
៣. បុគ្គលធម្មវារោ
3. Puggaladhammavāro
(១) ឧប្បាទនិរោធកាលសម្ភេទវារោ
(1) Uppādanirodhakālasambhedavāro
៤១. (ក) យស្ស យំ ចិត្តំ ឧប្បជ្ជតិ ន និរុជ្ឈតិ តស្ស តំ ចិត្តំ និរុជ្ឈិស្សតិ ន ឧប្បជ្ជិស្សតិ?
41. (Ka) yassa yaṃ cittaṃ uppajjati na nirujjhati tassa taṃ cittaṃ nirujjhissati na uppajjissati?
(ខ) យស្ស វា បន យំ ចិត្តំ និរុជ្ឈិស្សតិ ន ឧប្បជ្ជិស្សតិ តស្ស តំ ចិត្តំ ឧប្បជ្ជតិ ន និរុជ្ឈតិ?
(Kha) yassa vā pana yaṃ cittaṃ nirujjhissati na uppajjissati tassa taṃ cittaṃ uppajjati na nirujjhati?
(ក) យស្ស យំ ចិត្តំ ន ឧប្បជ្ជតិ និរុជ្ឈតិ តស្ស តំ ចិត្តំ ន និរុជ្ឈិស្សតិ ឧប្បជ្ជិស្សតិ?
(Ka) yassa yaṃ cittaṃ na uppajjati nirujjhati tassa taṃ cittaṃ na nirujjhissati uppajjissati?
(ខ) យស្ស វា បន យំ ចិត្តំ ន និរុជ្ឈិស្សតិ ឧប្បជ្ជិស្សតិ តស្ស តំ ចិត្តំ ន ឧប្បជ្ជតិ និរុជ្ឈតិ?
(Kha) yassa vā pana yaṃ cittaṃ na nirujjhissati uppajjissati tassa taṃ cittaṃ na uppajjati nirujjhati?
(២) ឧប្បាទុប្បន្នវារោ
(2) Uppāduppannavāro
៤២. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បន្នំ?
42. (Ka) yassa yaṃ cittaṃ uppajjati tassa taṃ cittaṃ uppannaṃ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ ឧប្បជ្ជតិ?
(Kha) yassa vā pana yaṃ cittaṃ uppannaṃ tassa taṃ cittaṃ uppajjati?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បន្នំ?
(Ka) yassa yaṃ cittaṃ na uppajjati tassa taṃ cittaṃ na uppannaṃ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជតិ?
(Kha) yassa vā pana yaṃ cittaṃ na uppannaṃ tassa taṃ cittaṃ na uppajjati?
(៣) និរោធុប្បន្នវារោ
(3) Nirodhuppannavāro
៤៣. (ក) យស្ស យំ ចិត្តំ និរុជ្ឈតិ តស្ស តំ ចិត្តំ ឧប្បន្នំ?
43. (Ka) yassa yaṃ cittaṃ nirujjhati tassa taṃ cittaṃ uppannaṃ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ និរុជ្ឈតិ?
(Kha) yassa vā pana yaṃ cittaṃ uppannaṃ tassa taṃ cittaṃ nirujjhati?
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន ឧប្បន្នំ?
(Ka) yassa yaṃ cittaṃ na nirujjhati tassa taṃ cittaṃ na uppannaṃ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន និរុជ្ឈតិ?
(Kha) yassa vā pana yaṃ cittaṃ na uppannaṃ tassa taṃ cittaṃ na nirujjhati?
(៤) ឧប្បាទវារោ
(4) Uppādavāro
៤៤. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បជ្ជិត្ថ?
44. (Ka) yassa yaṃ cittaṃ uppajjati tassa taṃ cittaṃ uppajjittha?
(ខ) យស្ស វា បន យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បជ្ជតិ?
(Kha) yassa vā pana yaṃ cittaṃ uppajjittha tassa taṃ cittaṃ uppajjati?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បជ្ជិត្ថ?
(Ka) yassa yaṃ cittaṃ na uppajjati tassa taṃ cittaṃ na uppajjittha?
(ខ) យស្ស វា បន យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បជ្ជតិ?
(Kha) yassa vā pana yaṃ cittaṃ na uppajjittha tassa taṃ cittaṃ na uppajjati?
៤៥. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បជ្ជិស្សតិ?
45. (Ka) yassa yaṃ cittaṃ uppajjati tassa taṃ cittaṃ uppajjissati?
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បជ្ជតិ?
(Kha) yassa vā pana yaṃ cittaṃ uppajjissati tassa taṃ cittaṃ uppajjati?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បជ្ជិស្សតិ?
(Ka) yassa yaṃ cittaṃ na uppajjati tassa taṃ cittaṃ na uppajjissati?
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បជ្ជតិ?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjati?
៤៦. (ក) យស្ស យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បជ្ជិស្សតិ?
46. (Ka) yassa yaṃ cittaṃ uppajjittha tassa taṃ cittaṃ uppajjissati?
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បជ្ជិត្ថ?
(Kha) yassa vā pana yaṃ cittaṃ uppajjissati tassa taṃ cittaṃ uppajjittha?
(ក) យស្ស យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បជ្ជិស្សតិ?
(Ka) yassa yaṃ cittaṃ na uppajjittha tassa taṃ cittaṃ na uppajjissati?
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បជ្ជិត្ថ?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjittha?
(៥) និរោធវារោ
(5) Nirodhavāro
៤៧. (ក) យស្ស យំ ចិត្តំ និរុជ្ឈតិ តស្ស តំ ចិត្តំ និរុជ្ឈិត្ថ?
47. (Ka) yassa yaṃ cittaṃ nirujjhati tassa taṃ cittaṃ nirujjhittha?
(ខ) យស្ស វា បន យំ ចិត្តំ និរុជ្ឈិត្ថ តស្ស តំ ចិត្តំ និរុជ្ឈតិ?
(Kha) yassa vā pana yaṃ cittaṃ nirujjhittha tassa taṃ cittaṃ nirujjhati?
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន និរុជ្ឈិត្ថ?
(Ka) yassa yaṃ cittaṃ na nirujjhati tassa taṃ cittaṃ na nirujjhittha?
(ខ) យស្ស វា បន យំ ចិត្តំ ន និរុជ្ឈិត្ថ តស្ស តំ ចិត្តំ ន និរុជ្ឈតិ?
(Kha) yassa vā pana yaṃ cittaṃ na nirujjhittha tassa taṃ cittaṃ na nirujjhati?
៤៨. (ក) យស្ស យំ ចិត្តំ និរុជ្ឈតិ តស្ស តំ ចិត្តំ និរុជ្ឈិស្សតិ?
48. (Ka) yassa yaṃ cittaṃ nirujjhati tassa taṃ cittaṃ nirujjhissati?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ និរុជ្ឈតិ?
(Kha) yassa vā pana yaṃ cittaṃ nirujjhissati tassa taṃ cittaṃ nirujjhati?
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន និរុជ្ឈិស្សតិ?
(Ka) yassa yaṃ cittaṃ na nirujjhati tassa taṃ cittaṃ na nirujjhissati?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន និរុជ្ឈតិ?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhati?
៤៩. (ក) យស្ស យំ ចិត្តំ និរុជ្ឈិត្ថ តស្ស តំ ចិត្តំ និរុជ្ឈិស្សតិ?
49. (Ka) yassa yaṃ cittaṃ nirujjhittha tassa taṃ cittaṃ nirujjhissati?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ និរុជ្ឈិត្ថ?
(Kha) yassa vā pana yaṃ cittaṃ nirujjhissati tassa taṃ cittaṃ nirujjhittha?
(ក) យស្ស យំ ចិត្តំ ន និរុជ្ឈិត្ថ តស្ស តំ ចិត្តំ ន និរុជ្ឈិស្សតិ?
(Ka) yassa yaṃ cittaṃ na nirujjhittha tassa taṃ cittaṃ na nirujjhissati?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន និរុជ្ឈិត្ថ?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhittha?
(៦) ឧប្បាទនិរោធវារោ
(6) Uppādanirodhavāro
៥០. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ និរុជ្ឈិត្ថ?
50. (Ka) yassa yaṃ cittaṃ uppajjati tassa taṃ cittaṃ nirujjhittha?
(ខ) យស្ស វា បន យំ ចិត្តំ និរុជ្ឈិត្ថ តស្ស តំ ចិត្តំ ឧប្បជ្ជតិ?
(Kha) yassa vā pana yaṃ cittaṃ nirujjhittha tassa taṃ cittaṃ uppajjati?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន និរុជ្ឈិត្ថ?
(Ka) yassa yaṃ cittaṃ na uppajjati tassa taṃ cittaṃ na nirujjhittha?
(ខ) យស្ស វា បន យំ ចិត្តំ ន និរុជ្ឈិត្ថ តស្ស តំ ចិត្តំ ន ឧប្បជ្ជតិ?
(Kha) yassa vā pana yaṃ cittaṃ na nirujjhittha tassa taṃ cittaṃ na uppajjati?
៥១. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ និរុជ្ឈិស្សតិ?
51. (Ka) yassa yaṃ cittaṃ uppajjati tassa taṃ cittaṃ nirujjhissati?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ ឧប្បជ្ជតិ?
(Kha) yassa vā pana yaṃ cittaṃ nirujjhissati tassa taṃ cittaṃ uppajjati?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន និរុជ្ឈិស្សតិ?
(Ka) yassa yaṃ cittaṃ na uppajjati tassa taṃ cittaṃ na nirujjhissati?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន ឧប្បជ្ជតិ?
(Kha) yassa vā pana yaṃ cittaṃ na nirujjhissati tassa taṃ cittaṃ na uppajjati?
៥២. (ក) យស្ស យំ ចិត្តំ ឧប្បជ្ជិត្ថ តស្ស តំ ចិត្តំ និរុជ្ឈិស្សតិ?
52. (Ka) yassa yaṃ cittaṃ uppajjittha tassa taṃ cittaṃ nirujjhissati?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ ឧប្បជ្ជិត្ថ?
(Kha) yassa vā pana yaṃ cittaṃ nirujjhissati tassa taṃ cittaṃ uppajjittha?
(ក) យស្ស យំ ចិត្តំ ន ឧប្បជ្ជិត្ថ តស្ស តំ ចិត្តំ ន និរុជ្ឈិស្សតិ?
(Ka) yassa yaṃ cittaṃ na uppajjittha tassa taṃ cittaṃ na nirujjhissati?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន ឧប្បជ្ជិត្ថ?
(Kha) yassa vā pana yaṃ cittaṃ na nirujjhissati tassa taṃ cittaṃ na uppajjittha?
(៧) ឧប្បជ្ជមាន-ននិរោធវារោ
(7) Uppajjamāna-nanirodhavāro
៥៣. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ន និរុជ្ឈតិ?
53. (Ka) yassa yaṃ cittaṃ uppajjati tassa taṃ cittaṃ na nirujjhati?
(ខ) យស្ស វា បន យំ ចិត្តំ ន និរុជ្ឈតិ តស្ស តំ ចិត្តំ ឧប្បជ្ជតិ?
(Kha) yassa vā pana yaṃ cittaṃ na nirujjhati tassa taṃ cittaṃ uppajjati?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ និរុជ្ឈតិ?
(Ka) yassa yaṃ cittaṃ na uppajjati tassa taṃ cittaṃ nirujjhati?
(ខ) យស្ស វា បន យំ ចិត្តំ និរុជ្ឈតិ តស្ស តំ ចិត្តំ ន ឧប្បជ្ជតិ?
(Kha) yassa vā pana yaṃ cittaṃ nirujjhati tassa taṃ cittaṃ na uppajjati?
(៨) ឧប្បជ្ជមានុប្បន្នវារោ
(8) Uppajjamānuppannavāro
៥៤. (ក) យស្ស យំ ចិត្តំ ឧប្បជ្ជមានំ តស្ស តំ ចិត្តំ ឧប្បន្នំ?
54. (Ka) yassa yaṃ cittaṃ uppajjamānaṃ tassa taṃ cittaṃ uppannaṃ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ ឧប្បជ្ជមានំ?
(Kha) yassa vā pana yaṃ cittaṃ uppannaṃ tassa taṃ cittaṃ uppajjamānaṃ?
(ក) យស្ស យំ ចិត្តំ ន ឧប្បជ្ជមានំ តស្ស តំ ចិត្តំ ន ឧប្បន្នំ?
(Ka) yassa yaṃ cittaṃ na uppajjamānaṃ tassa taṃ cittaṃ na uppannaṃ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជមានំ?
(Kha) yassa vā pana yaṃ cittaṃ na uppannaṃ tassa taṃ cittaṃ na uppajjamānaṃ?
(៩) និរុជ្ឈមានុប្បន្នវារោ
(9) Nirujjhamānuppannavāro
៥៥. (ក) យស្ស យំ ចិត្តំ និរុជ្ឈមានំ តស្ស តំ ចិត្តំ ឧប្បន្នំ?
55. (Ka) yassa yaṃ cittaṃ nirujjhamānaṃ tassa taṃ cittaṃ uppannaṃ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ និរុជ្ឈមានំ?
(Kha) yassa vā pana yaṃ cittaṃ uppannaṃ tassa taṃ cittaṃ nirujjhamānaṃ?
(ក) យស្ស យំ ចិត្តំ ន និរុជ្ឈមានំ តស្ស តំ ចិត្តំ ន ឧប្បន្នំ?
(Ka) yassa yaṃ cittaṃ na nirujjhamānaṃ tassa taṃ cittaṃ na uppannaṃ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន និរុជ្ឈមានំ?
(Kha) yassa vā pana yaṃ cittaṃ na uppannaṃ tassa taṃ cittaṃ na nirujjhamānaṃ?
(១០) ឧប្បន្នុប្បាទវារោ
(10) Uppannuppādavāro
៥៦. (ក) យស្ស យំ ចិត្តំ ឧប្បន្នំ តស្ស តំ ចិត្តំ ឧប្បជ្ជិត្ថ?
56. (Ka) yassa yaṃ cittaṃ uppannaṃ tassa taṃ cittaṃ uppajjittha?
(ខ) យស្ស វា បន យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បន្នំ?
(Kha) yassa vā pana yaṃ cittaṃ uppajjittha tassa taṃ cittaṃ uppannaṃ?
(ក) យស្ស យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជិត្ថ?
(Ka) yassa yaṃ cittaṃ na uppannaṃ tassa taṃ cittaṃ na uppajjittha?
(ខ) យស្ស វា បន យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បន្នំ?
(Kha) yassa vā pana yaṃ cittaṃ na uppajjittha tassa taṃ cittaṃ na uppannaṃ?
(ក) យស្ស យំ ចិត្តំ ឧប្បន្នំ តស្ស តំ ចិត្តំ ឧប្បជ្ជិស្សតិ?
(Ka) yassa yaṃ cittaṃ uppannaṃ tassa taṃ cittaṃ uppajjissati?
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បន្នំ?
(Kha) yassa vā pana yaṃ cittaṃ uppajjissati tassa taṃ cittaṃ uppannaṃ?
(ក) យស្ស យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជិស្សតិ?
(Ka) yassa yaṃ cittaṃ na uppannaṃ tassa taṃ cittaṃ na uppajjissati?
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បន្នំ?
(Kha) yassa vā pana yaṃ cittaṃ na uppajjissati tassa taṃ cittaṃ na uppannaṃ?
(១១) អតីតានាគតវារោ
(11) Atītānāgatavāro
៥៧. (ក) យស្ស យំ ចិត្តំ ឧប្បជ្ជិត្ថ នោ ច តស្ស តំ ចិត្តំ ឧប្បន្នំ, តស្ស តំ ចិត្តំ ឧប្បជ្ជិស្សតិ?
57. (Ka) yassa yaṃ cittaṃ uppajjittha no ca tassa taṃ cittaṃ uppannaṃ, tassa taṃ cittaṃ uppajjissati?
(ខ) យស្ស វា បន យំ ចិត្តំ ឧប្បជ្ជិស្សតិ នោ ច តស្ស តំ ចិត្តំ ឧប្បន្នំ, តស្ស តំ ចិត្តំ ឧប្បជ្ជិត្ថ?
(Kha) yassa vā pana yaṃ cittaṃ uppajjissati no ca tassa taṃ cittaṃ uppannaṃ, tassa taṃ cittaṃ uppajjittha?
(ក) យស្ស យំ ចិត្តំ ន ឧប្បជ្ជិត្ថ នោ ច តស្ស តំ ចិត្តំ ន ឧប្បន្នំ, តស្ស តំ ចិត្តំ ន ឧប្បជ្ជិស្សតិ?
(Ka) yassa yaṃ cittaṃ na uppajjittha no ca tassa taṃ cittaṃ na uppannaṃ, tassa taṃ cittaṃ na uppajjissati?
(ខ) យស្ស វា បន យំ ចិត្តំ ន ឧប្បជ្ជិស្សតិ នោ ច តស្ស តំ ចិត្តំ ន ឧប្បន្នំ, តស្ស តំ ចិត្តំ ន ឧប្បជ្ជិត្ថ?
(Kha) yassa vā pana yaṃ cittaṃ na uppajjissati no ca tassa taṃ cittaṃ na uppannaṃ, tassa taṃ cittaṃ na uppajjittha?
(១២) ឧប្បន្នុប្បជ្ជមានវារោ
(12) Uppannuppajjamānavāro
៥៨. (ក) ឧប្បន្នំ ឧប្បជ្ជមានំ?
58. (Ka) uppannaṃ uppajjamānaṃ?
(ខ) ឧប្បជ្ជមានំ ឧប្បន្នំ?
(Kha) uppajjamānaṃ uppannaṃ?
(ក) ន ឧប្បន្នំ ន ឧប្បជ្ជមានំ?
(Ka) na uppannaṃ na uppajjamānaṃ?
(ខ) ន ឧប្បជ្ជមានំ ន ឧប្បន្នំ?
(Kha) na uppajjamānaṃ na uppannaṃ?
(១៣) និរុទ្ធនិរុជ្ឈមានវារោ
(13) Niruddhanirujjhamānavāro
៥៩. (ក) និរុទ្ធំ និរុជ្ឈមានំ?
59. (Ka) niruddhaṃ nirujjhamānaṃ?
(ខ) និរុជ្ឈមានំ និរុទ្ធំ?
(Kha) nirujjhamānaṃ niruddhaṃ?
(ក) ន និរុទ្ធំ ន និរុជ្ឈមានំ?
(Ka) na niruddhaṃ na nirujjhamānaṃ?
(ខ) ន និរុជ្ឈមានំ ន និរុទ្ធំ?
(Kha) na nirujjhamānaṃ na niruddhaṃ?
(១៤) អតិក្កន្តកាលវារោ
(14) Atikkantakālavāro
៦០. (ក) យស្ស យំ ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
60. (Ka) yassa yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
(ខ) យស្ស វា បន យំ ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
(Kha) yassa vā pana yaṃ cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
(ក) យស្ស យំ ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
(Ka) yassa yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
(ខ) យស្ស វា បន យំ ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ , ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
(Kha) yassa vā pana yaṃ cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ , na uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
២. សុត្តន្តចិត្តមិស្សកវិសេសោ
2. Suttantacittamissakaviseso
៦១. យស្ស សរាគំ ចិត្តំ ឧប្បជ្ជតិ…បេ.… យស្ស វីតរាគំ ចិត្តំ ឧប្បជ្ជតិ… យស្ស សទោសំ ចិត្តំ ឧប្បជ្ជតិ… យស្ស វីតទោសំ ចិត្តំ ឧប្បជ្ជតិ… យស្ស សមោហំ ចិត្តំ ឧប្បជ្ជតិ… យស្ស វីតមោហំ ចិត្តំ ឧប្បជ្ជតិ … យស្ស សំខិត្តំ ចិត្តំ ឧប្បជ្ជតិ… យស្ស វិក្ខិត្តំ ចិត្តំ ឧប្បជ្ជតិ… យស្ស មហគ្គតំ ចិត្តំ ឧប្បជ្ជតិ… យស្ស អមហគ្គតំ ចិត្តំ ឧប្បជ្ជតិ… យស្ស សឧត្តរំ ចិត្តំ ឧប្បជ្ជតិ… យស្ស អនុត្តរំ ចិត្តំ ឧប្បជ្ជតិ… យស្ស សមាហិតំ ចិត្តំ ឧប្បជ្ជតិ… យស្ស អសមាហិតំ ចិត្តំ ឧប្បជ្ជតិ… យស្ស វិមុត្តំ ចិត្តំ ឧប្បជ្ជតិ… យស្ស អវិមុត្តំ ចិត្តំ ឧប្បជ្ជតិ…?
61. Yassa sarāgaṃ cittaṃ uppajjati…pe… yassa vītarāgaṃ cittaṃ uppajjati… yassa sadosaṃ cittaṃ uppajjati… yassa vītadosaṃ cittaṃ uppajjati… yassa samohaṃ cittaṃ uppajjati… yassa vītamohaṃ cittaṃ uppajjati … yassa saṃkhittaṃ cittaṃ uppajjati… yassa vikkhittaṃ cittaṃ uppajjati… yassa mahaggataṃ cittaṃ uppajjati… yassa amahaggataṃ cittaṃ uppajjati… yassa sauttaraṃ cittaṃ uppajjati… yassa anuttaraṃ cittaṃ uppajjati… yassa samāhitaṃ cittaṃ uppajjati… yassa asamāhitaṃ cittaṃ uppajjati… yassa vimuttaṃ cittaṃ uppajjati… yassa avimuttaṃ cittaṃ uppajjati…?
៣. អភិធម្មចិត្តមិស្សកវិសេសោ
3. Abhidhammacittamissakaviseso
៦២. យស្ស កុសលំ ចិត្តំ ឧប្បជ្ជតិ…បេ.… យស្ស អកុសលំ ចិត្តំ ឧប្បជ្ជតិ… យស្ស អព្យាកតំ ចិត្តំ ឧប្បជ្ជតិ… យស្ស សុខាយ វេទនាយ សម្បយុត្តំ ចិត្តំ ឧប្បជ្ជតិ…?
62. Yassa kusalaṃ cittaṃ uppajjati…pe… yassa akusalaṃ cittaṃ uppajjati… yassa abyākataṃ cittaṃ uppajjati… yassa sukhāya vedanāya sampayuttaṃ cittaṃ uppajjati…?
(ឯតេន ឧបាយេន យាវ សរណអរណា ឧទ្ធរិតព្ពា។)
(Etena upāyena yāva saraṇaaraṇā uddharitabbā.)
(ក) យស្ស អរណំ ចិត្តំ ឧប្បជ្ជតិ ន និរុជ្ឈតិ តស្ស អរណំ ចិត្តំ និរុជ្ឈិស្សតិ ន ឧប្បជ្ជិស្សតិ?
(Ka) yassa araṇaṃ cittaṃ uppajjati na nirujjhati tassa araṇaṃ cittaṃ nirujjhissati na uppajjissati?
(ខ) យស្ស វា បន អរណំ ចិត្តំ និរុជ្ឈិស្សតិ ន ឧប្បជ្ជិស្សតិ តស្ស អរណំ ចិត្តំ ឧប្បជ្ជតិ ន និរុជ្ឈតិ?
(Kha) yassa vā pana araṇaṃ cittaṃ nirujjhissati na uppajjissati tassa araṇaṃ cittaṃ uppajjati na nirujjhati?
(ខ) និទ្ទេសោ
(Kha) niddeso
១. សុទ្ធចិត្តសាមញ្ញំ
1. Suddhacittasāmaññaṃ
១. បុគ្គលវារោ
1. Puggalavāro
(១) ឧប្បាទនិរោធកាលសម្ភេទវារោ
(1) Uppādanirodhakālasambhedavāro
៦៣. (ក) យស្ស ចិត្តំ ឧប្បជ្ជតិ ន និរុជ្ឈតិ តស្ស ចិត្តំ និរុជ្ឈិស្សតិ ន ឧប្បជ្ជិស្សតីតិ?
63. (Ka) yassa cittaṃ uppajjati na nirujjhati tassa cittaṃ nirujjhissati na uppajjissatīti?
បច្ឆិមចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ ន និរុជ្ឈតិ, និរុជ្ឈិស្សតិ ន ឧប្បជ្ជិស្សតិ។ ឥតរេសំ ចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ ន និរុជ្ឈតិ, និរុជ្ឈិស្សតិ ចេវ ឧប្បជ្ជិស្សតិ ច។
Pacchimacittassa uppādakkhaṇe tesaṃ cittaṃ uppajjati na nirujjhati, nirujjhissati na uppajjissati. Itaresaṃ cittassa uppādakkhaṇe tesaṃ cittaṃ uppajjati na nirujjhati, nirujjhissati ceva uppajjissati ca.
(ខ) យស្ស វា បន ចិត្តំ និរុជ្ឈិស្សតិ ន ឧប្បជ្ជិស្សតិ តស្ស ចិត្តំ ឧប្បជ្ជតិ ន និរុជ្ឈតីតិ? អាមន្តា។
(Kha) yassa vā pana cittaṃ nirujjhissati na uppajjissati tassa cittaṃ uppajjati na nirujjhatīti? Āmantā.
(ក) យស្ស ចិត្តំ ន ឧប្បជ្ជតិ និរុជ្ឈតិ តស្ស ចិត្តំ ន និរុជ្ឈិស្សតិ ឧប្បជ្ជិស្សតីតិ? នោ។
(Ka) yassa cittaṃ na uppajjati nirujjhati tassa cittaṃ na nirujjhissati uppajjissatīti? No.
(ខ) យស្ស វា បន ចិត្តំ ន និរុជ្ឈិស្សតិ ឧប្បជ្ជិស្សតិ តស្ស ចិត្តំ ន ឧប្បជ្ជតិ និរុជ្ឈតីតិ? នត្ថិ។
(Kha) yassa vā pana cittaṃ na nirujjhissati uppajjissati tassa cittaṃ na uppajjati nirujjhatīti? Natthi.
(២) ឧប្បាទុប្បន្នវារោ
(2) Uppāduppannavāro
៦៤. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បន្នន្តិ? អាមន្តា។
64. (Ka) yassa cittaṃ uppajjati tassa cittaṃ uppannanti? Āmantā.
(ខ) យស្ស វា បន ចិត្តំ ឧប្បន្នំ តស្ស ចិត្តំ ឧប្បជ្ជតីតិ?
(Kha) yassa vā pana cittaṃ uppannaṃ tassa cittaṃ uppajjatīti?
ចិត្តស្ស ភង្គក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ ឧប្បជ្ជតិ។ ចិត្តស្ស ឧប្បាទក្ខណេ តេសំ ចិត្តំ ឧប្បន្នញ្ចេវ ឧប្បជ្ជតិ ច។
Cittassa bhaṅgakkhaṇe tesaṃ cittaṃ uppannaṃ, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppannañceva uppajjati ca.
(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បន្នន្តិ?
(Ka) yassa cittaṃ na uppajjati tassa cittaṃ na uppannanti?
ចិត្តស្ស ភង្គក្ខណេ តេសំ ចិត្តំ ន ឧប្បជ្ជតិ, នោ ច តេសំ ចិត្តំ ន ឧប្បន្នំ។ និរោធសមាបន្នានំ អសញ្ញសត្តានំ តេសំ ចិត្តំ ន ចេវ ឧប្បជ្ជតិ ន ច ឧប្បន្នំ។
Cittassa bhaṅgakkhaṇe tesaṃ cittaṃ na uppajjati, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva uppajjati na ca uppannaṃ.
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន ឧប្បជ្ជតីតិ? អាមន្តា។
(Kha) yassa vā pana cittaṃ na uppannaṃ tassa cittaṃ na uppajjatīti? Āmantā.
(៣) និរោធុប្បន្នវារោ
(3) Nirodhuppannavāro
៦៥. (ក) យស្ស ចិត្តំ និរុជ្ឈតិ តស្ស ចិត្តំ ឧប្បន្នន្តិ? អាមន្តា។
65. (Ka) yassa cittaṃ nirujjhati tassa cittaṃ uppannanti? Āmantā.
(ខ) យស្ស វា បន ចិត្តំ ឧប្បន្នំ តស្ស ចិត្តំ និរុជ្ឈតីតិ?
(Kha) yassa vā pana cittaṃ uppannaṃ tassa cittaṃ nirujjhatīti?
ចិត្តស្ស ឧប្បាទក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ និរុជ្ឈតិ។ ចិត្តស្ស ភង្គក្ខណេ តេសំ ចិត្តំ ឧប្បន្នញ្ចេវ និរុជ្ឈតិ ច។
Cittassa uppādakkhaṇe tesaṃ cittaṃ uppannaṃ, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ uppannañceva nirujjhati ca.
(ក) យស្ស ចិត្តំ ន និរុជ្ឈតិ តស្ស ចិត្តំ ន ឧប្បន្នន្តិ?
(Ka) yassa cittaṃ na nirujjhati tassa cittaṃ na uppannanti?
ចិត្តស្ស ឧប្បាទក្ខណេ តេសំ ចិត្តំ ន និរុជ្ឈតិ, នោ ច តេសំ ចិត្តំ ន ឧប្បន្នំ។ និរោធសមាបន្នានំ អសញ្ញសត្តានំ តេសំ ចិត្តំ ន ចេវ និរុជ្ឈតិ ន ច ឧប្បន្នំ ។
Cittassa uppādakkhaṇe tesaṃ cittaṃ na nirujjhati, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva nirujjhati na ca uppannaṃ .
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន និរុជ្ឈតីតិ? អាមន្តា។
(Kha) yassa vā pana cittaṃ na uppannaṃ tassa cittaṃ na nirujjhatīti? Āmantā.
(៤) ឧប្បាទវារោ
(4) Uppādavāro
៦៦. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បជ្ជិត្ថាតិ? អាមន្តា។
66. (Ka) yassa cittaṃ uppajjati tassa cittaṃ uppajjitthāti? Āmantā.
(ខ) យស្ស វា បន ចិត្តំ ឧប្បជ្ជិត្ថ តស្ស ចិត្តំ ឧប្បជ្ជតីតិ?
(Kha) yassa vā pana cittaṃ uppajjittha tassa cittaṃ uppajjatīti?
ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ ឧប្បជ្ជតិ។ ចិត្តស្ស ឧប្បាទក្ខណេ តេសំ ចិត្តំ ឧប្បជ្ជិត្ថ ចេវ ឧប្បជ្ជតិ ច។
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ uppajjittha, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppajjittha ceva uppajjati ca.
(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ។
(Ka) yassa cittaṃ na uppajjati tassa cittaṃ na uppajjitthāti? Uppajjittha.
(ខ) យស្ស វា បន ចិត្តំ ន ឧប្បជ្ជិត្ថ តស្ស ចិត្តំ ន ឧប្បជ្ជតីតិ? នត្ថិ។
(Kha) yassa vā pana cittaṃ na uppajjittha tassa cittaṃ na uppajjatīti? Natthi.
៦៧. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បជ្ជិស្សតីតិ?
67. (Ka) yassa cittaṃ uppajjati tassa cittaṃ uppajjissatīti?
បច្ឆិមចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ, នោ ច តេសំ ចិត្តំ ឧប្បជ្ជិស្សតិ។ ឥតរេសំ ចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ ចេវ ឧប្បជ្ជិស្សតិ ច។
Pacchimacittassa uppādakkhaṇe tesaṃ cittaṃ uppajjati, no ca tesaṃ cittaṃ uppajjissati. Itaresaṃ cittassa uppādakkhaṇe tesaṃ cittaṃ uppajjati ceva uppajjissati ca.
(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បជ្ជតីតិ?
(Kha) yassa vā pana cittaṃ uppajjissati tassa cittaṃ uppajjatīti?
ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិស្សតិ, នោ ច តេសំ ចិត្តំ ឧប្បជ្ជតិ។ ចិត្តស្ស ឧប្បាទក្ខណេ តេសំ ចិត្តំ ឧប្បជ្ជិស្សតិ ចេវ ឧប្បជ្ជតិ ច។
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ uppajjissati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppajjissati ceva uppajjati ca.
(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បជ្ជិស្សតីតិ?
(Ka) yassa cittaṃ na uppajjati tassa cittaṃ na uppajjissatīti?
ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ ន ឧប្បជ្ជិស្សតិ។ បច្ឆិមចិត្តស្ស ភង្គក្ខណេ តេសំ ចិត្តំ ន ចេវ ឧប្បជ្ជតិ ន ច ឧប្បជ្ជិស្សតិ។
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ na uppajjissati. Pacchimacittassa bhaṅgakkhaṇe tesaṃ cittaṃ na ceva uppajjati na ca uppajjissati.
(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បជ្ជតីតិ?
(Kha) yassa vā pana cittaṃ na uppajjissati tassa cittaṃ na uppajjatīti?
បច្ឆិមចិត្តស្ស ឧប្បាទក្ខណេ តេសំ ចិត្តំ ន ឧប្បជ្ជិស្សតិ, នោ ច តេសំ ចិត្តំ ន ឧប្បជ្ជតិ។ បច្ឆិមចិត្តស្ស ភង្គក្ខណេ តេសំ ចិត្តំ ន ចេវ ឧប្បជ្ជិស្សតិ ន ច ឧប្បជ្ជតិ។
Pacchimacittassa uppādakkhaṇe tesaṃ cittaṃ na uppajjissati, no ca tesaṃ cittaṃ na uppajjati. Pacchimacittassa bhaṅgakkhaṇe tesaṃ cittaṃ na ceva uppajjissati na ca uppajjati.
៦៨. (ក) យស្ស ចិត្តំ ឧប្បជ្ជិត្ថ តស្ស ចិត្តំ ឧប្បជ្ជិស្សតីតិ?
68. (Ka) yassa cittaṃ uppajjittha tassa cittaṃ uppajjissatīti?
បច្ឆិមចិត្តសមង្គីនំ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ ឧប្បជ្ជិស្សតិ។ ឥតរេសំ តេសំ ចិត្តំ ឧប្បជ្ជិត្ថ ចេវ ឧប្បជ្ជិស្សតិ ច។
Pacchimacittasamaṅgīnaṃ tesaṃ cittaṃ uppajjittha, no ca tesaṃ cittaṃ uppajjissati. Itaresaṃ tesaṃ cittaṃ uppajjittha ceva uppajjissati ca.
(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បជ្ជិត្ថាតិ? អាមន្តា។
(Kha) yassa vā pana cittaṃ uppajjissati tassa cittaṃ uppajjitthāti? Āmantā.
(ក) យស្ស ចិត្តំ ន ឧប្បជ្ជិត្ថ តស្ស ចិត្តំ ន ឧប្បជ្ជិស្សតីតិ? នត្ថិ។
(Ka) yassa cittaṃ na uppajjittha tassa cittaṃ na uppajjissatīti? Natthi.
(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ។
(Kha) yassa vā pana cittaṃ na uppajjissati tassa cittaṃ na uppajjitthāti? Uppajjittha.
(៥) និរោធវារោ
(5) Nirodhavāro
៦៩. (ក) យស្ស ចិត្តំ និរុជ្ឈតិ តស្ស ចិត្តំ និរុជ្ឈិត្ថាតិ? អាមន្តា។
69. (Ka) yassa cittaṃ nirujjhati tassa cittaṃ nirujjhitthāti? Āmantā.
(ខ) យស្ស វា បន ចិត្តំ និរុជ្ឈិត្ថ តស្ស ចិត្តំ និរុជ្ឈតីតិ?
(Kha) yassa vā pana cittaṃ nirujjhittha tassa cittaṃ nirujjhatīti?
ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិត្ថ, នោ ច តេសំ ចិត្តំ និរុជ្ឈតិ។ ចិត្តស្ស ភង្គក្ខណេ តេសំ ចិត្តំ និរុជ្ឈិត្ថ ចេវ និរុជ្ឈតិ ច។
Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ nirujjhittha ceva nirujjhati ca.
(ក) យស្ស ចិត្តំ ន និរុជ្ឈតិ តស្ស ចិត្តំ ន និរុជ្ឈិត្ថាតិ? និរុជ្ឈិត្ថ។
(Ka) yassa cittaṃ na nirujjhati tassa cittaṃ na nirujjhitthāti? Nirujjhittha.
(ខ) យស្ស វា បន ចិត្តំ ន និរុជ្ឈិត្ថ តស្ស ចិត្តំ ន និរុជ្ឈតីតិ? នត្ថិ។
(Kha) yassa vā pana cittaṃ na nirujjhittha tassa cittaṃ na nirujjhatīti? Natthi.
៧០. (ក) យស្ស ចិត្តំ និរុជ្ឈតិ តស្ស ចិត្តំ និរុជ្ឈិស្សតីតិ?
70. (Ka) yassa cittaṃ nirujjhati tassa cittaṃ nirujjhissatīti?
បច្ឆិមចិត្តស្ស ភង្គក្ខណេ តេសំ ចិត្តំ និរុជ្ឈតិ, នោ ច តេសំ ចិត្តំ និរុជ្ឈិស្សតិ។ ឥតរេសំ ចិត្តស្ស ភង្គក្ខណេ តេសំ ចិត្តំ និរុជ្ឈតិ ចេវ និរុជ្ឈិស្សតិ ច។
Pacchimacittassa bhaṅgakkhaṇe tesaṃ cittaṃ nirujjhati, no ca tesaṃ cittaṃ nirujjhissati. Itaresaṃ cittassa bhaṅgakkhaṇe tesaṃ cittaṃ nirujjhati ceva nirujjhissati ca.
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ និរុជ្ឈតីតិ?
(Kha) yassa vā pana cittaṃ nirujjhissati tassa cittaṃ nirujjhatīti?
ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិស្សតិ, នោ ច តេសំ ចិត្តំ និរុជ្ឈតិ។ ចិត្តស្ស ភង្គក្ខណេ តេសំ ចិត្តំ និរុជ្ឈិស្សតិ ចេវ និរុជ្ឈតិ ច។
Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ nirujjhissati ceva nirujjhati ca.
(ក) យស្ស ចិត្តំ ន និរុជ្ឈតិ តស្ស ចិត្តំ ន និរុជ្ឈិស្សតីតិ? និរុជ្ឈិស្សតិ។
(Ka) yassa cittaṃ na nirujjhati tassa cittaṃ na nirujjhissatīti? Nirujjhissati.
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន និរុជ្ឈតីតិ? និរុជ្ឈតិ។
(Kha) yassa vā pana cittaṃ na nirujjhissati tassa cittaṃ na nirujjhatīti? Nirujjhati.
៧១. (ក) យស្ស ចិត្តំ និរុជ្ឈិត្ថ តស្ស ចិត្តំ និរុជ្ឈិស្សតីតិ?
71. (Ka) yassa cittaṃ nirujjhittha tassa cittaṃ nirujjhissatīti?
បច្ឆិមចិត្តស្ស ភង្គក្ខណេ តេសំ ចិត្តំ និរុជ្ឈិត្ថ, នោ ច តេសំ ចិត្តំ និរុជ្ឈិស្សតិ។ ឥតរេសំ តេសំ ចិត្តំ និរុជ្ឈិត្ថ ចេវ និរុជ្ឈិស្សតិ ច។
Pacchimacittassa bhaṅgakkhaṇe tesaṃ cittaṃ nirujjhittha, no ca tesaṃ cittaṃ nirujjhissati. Itaresaṃ tesaṃ cittaṃ nirujjhittha ceva nirujjhissati ca.
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ និរុជ្ឈិត្ថាតិ? អាមន្តា។
(Kha) yassa vā pana cittaṃ nirujjhissati tassa cittaṃ nirujjhitthāti? Āmantā.
(ក) យស្ស ចិត្តំ ន និរុជ្ឈិត្ថ តស្ស ចិត្តំ ន និរុជ្ឈិស្សតីតិ? នត្ថិ។
(Ka) yassa cittaṃ na nirujjhittha tassa cittaṃ na nirujjhissatīti? Natthi.
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន និរុជ្ឈិត្ថាតិ? និរុជ្ឈិត្ថ។
(Kha) yassa vā pana cittaṃ na nirujjhissati tassa cittaṃ na nirujjhitthāti? Nirujjhittha.
(៦) ឧប្បាទនិរោធវារោ
(6) Uppādanirodhavāro
៧២. (ក) យស្ស ចិត្តំ ឧប្បជ្ជតិ តស្ស ចិត្តំ និរុជ្ឈិត្ថាតិ? អាមន្តា។
72. (Ka) yassa cittaṃ uppajjati tassa cittaṃ nirujjhitthāti? Āmantā.
(ខ) យស្ស វា បន ចិត្តំ និរុជ្ឈិត្ថ តស្ស ចិត្តំ ឧប្បជ្ជតីតិ?
(Kha) yassa vā pana cittaṃ nirujjhittha tassa cittaṃ uppajjatīti?
ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិត្ថ, នោ ច តេសំ ចិត្តំ ឧប្បជ្ជតិ។ ចិត្តស្ស ឧប្បាទក្ខណេ តេសំ ចិត្តំ និរុជ្ឈិត្ថ ចេវ ឧប្បជ្ជតិ ច។
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha, no ca tesaṃ cittaṃ uppajjati. Cittassa uppādakkhaṇe tesaṃ cittaṃ nirujjhittha ceva uppajjati ca.
(ក) យស្ស ចិត្តំ ន ឧប្បជ្ជតិ តស្ស ចិត្តំ ន និរុជ្ឈិត្ថាតិ? និរុជ្ឈិត្ថ។
(Ka) yassa cittaṃ na uppajjati tassa cittaṃ na nirujjhitthāti? Nirujjhittha.
(ខ) យស្ស វា បន ចិត្តំ ន និរុជ្ឈិត្ថ តស្ស ចិត្តំ ន ឧប្បជ្ជតីតិ? នត្ថិ។
(Kha) yassa vā pana cittaṃ na nirujjhittha tassa cittaṃ na uppajjatīti? Natthi.
៧៣. (ក) យស្ស ចិត្តំ ឧប្បជ្ជតិ តស្ស ចិត្តំ និរុជ្ឈិស្សតីតិ? អាមន្តា។
73. (Ka) yassa cittaṃ uppajjati tassa cittaṃ nirujjhissatīti? Āmantā.
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ ឧប្បជ្ជតីតិ?
(Kha) yassa vā pana cittaṃ nirujjhissati tassa cittaṃ uppajjatīti?
ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិស្សតិ, នោ ច តេសំ ចិត្តំ ឧប្បជ្ជតិ។ ចិត្តស្ស ឧប្បាទក្ខណេ តេសំ ចិត្តំ និរុជ្ឈិស្សតិ ចេវ ឧប្បជ្ជតិ ច។
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ nirujjhissati ceva uppajjati ca.
(ក) យស្ស ចិត្តំ ន ឧប្បជ្ជតិ តស្ស ចិត្តំ ន និរុជ្ឈិស្សតីតិ?
(Ka) yassa cittaṃ na uppajjati tassa cittaṃ na nirujjhissatīti?
ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ ន និរុជ្ឈិស្សតិ។ បច្ឆិមចិត្តស្ស ភង្គក្ខណេ តេសំ ចិត្តំ ន ចេវ ឧប្បជ្ជតិ ន ច និរុជ្ឈិស្សតិ។
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ na nirujjhissati. Pacchimacittassa bhaṅgakkhaṇe tesaṃ cittaṃ na ceva uppajjati na ca nirujjhissati.
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន ឧប្បជ្ជតីតិ? អាមន្តា។
(Kha) yassa vā pana cittaṃ na nirujjhissati tassa cittaṃ na uppajjatīti? Āmantā.
៧៤. (ក) យស្ស ចិត្តំ ឧប្បជ្ជិត្ថ តស្ស ចិត្តំ និរុជ្ឈិស្សតីតិ?
74. (Ka) yassa cittaṃ uppajjittha tassa cittaṃ nirujjhissatīti?
បច្ឆិមចិត្តស្ស ភង្គក្ខណេ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ និរុជ្ឈិស្សតិ។ ឥតរេសំ តេសំ ចិត្តំ ឧប្បជ្ជិត្ថ ចេវ និរុជ្ឈិស្សតិ ច។
Pacchimacittassa bhaṅgakkhaṇe tesaṃ cittaṃ uppajjittha, no ca tesaṃ cittaṃ nirujjhissati. Itaresaṃ tesaṃ cittaṃ uppajjittha ceva nirujjhissati ca.
(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ ឧប្បជ្ជិត្ថាតិ? អាមន្តា។
(Kha) yassa vā pana cittaṃ nirujjhissati tassa cittaṃ uppajjitthāti? Āmantā.
(ក) យស្ស ចិត្តំ ន ឧប្បជ្ជិត្ថ តស្ស ចិត្តំ ន និរុជ្ឈិស្សតីតិ? នត្ថិ។
(Ka) yassa cittaṃ na uppajjittha tassa cittaṃ na nirujjhissatīti? Natthi.
(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ។
(Kha) yassa vā pana cittaṃ na nirujjhissati tassa cittaṃ na uppajjitthāti? Uppajjittha.
(៧) ឧប្បជ្ជមានននិរោធវារោ
(7) Uppajjamānananirodhavāro
៧៥. (ក) យស្ស ចិត្តំ ឧប្បជ្ជតិ តស្ស ចិត្តំ ន និរុជ្ឈតីតិ? អាមន្តា។
75. (Ka) yassa cittaṃ uppajjati tassa cittaṃ na nirujjhatīti? Āmantā.
(ខ) យស្ស វា បន ចិត្តំ ន និរុជ្ឈតិ តស្ស ចិត្តំ ឧប្បជ្ជតីតិ?
(Kha) yassa vā pana cittaṃ na nirujjhati tassa cittaṃ uppajjatīti?
និរោធសមាបន្នានំ អសញ្ញសត្តានំ តេសំ ចិត្តំ ន និរុជ្ឈតិ, នោ ច តេសំ ចិត្តំ ឧប្បជ្ជតិ។ ចិត្តស្ស ឧប្បាទក្ខណេ តេសំ ចិត្តំ ន និរុជ្ឈតិ ចេវ ឧប្បជ្ជតិ ច។
Nirodhasamāpannānaṃ asaññasattānaṃ tesaṃ cittaṃ na nirujjhati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ na nirujjhati ceva uppajjati ca.
(ក) យស្ស ចិត្តំ ន ឧប្បជ្ជតិ តស្ស ចិត្តំ និរុជ្ឈតីតិ?
(Ka) yassa cittaṃ na uppajjati tassa cittaṃ nirujjhatīti?
និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ និរុជ្ឈតិ។ ចិត្តស្ស ភង្គក្ខណេ តេសំ ចិត្តំ ន ឧប្បជ្ជតិ ចេវ និរុជ្ឈតិ ច។
Nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ na uppajjati ceva nirujjhati ca.
(ខ) យស្ស វា បន ចិត្តំ និរុជ្ឈតិ តស្ស ចិត្តំ ន ឧប្បជ្ជតីតិ? អាមន្តា។
(Kha) yassa vā pana cittaṃ nirujjhati tassa cittaṃ na uppajjatīti? Āmantā.
(៨) ឧប្បជ្ជមានុប្បន្នវារោ
(8) Uppajjamānuppannavāro
៧៦. (ក) យស្ស ចិត្តំ ឧប្បជ្ជមានំ តស្ស ចិត្តំ ឧប្បន្នន្តិ? អាមន្តា។
76. (Ka) yassa cittaṃ uppajjamānaṃ tassa cittaṃ uppannanti? Āmantā.
(ខ) យស្ស វា បន ចិត្តំ ឧប្បន្នំ តស្ស ចិត្តំ ឧប្បជ្ជមានន្តិ?
(Kha) yassa vā pana cittaṃ uppannaṃ tassa cittaṃ uppajjamānanti?
ចិត្តស្ស ភង្គក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ ឧប្បជ្ជមានំ។ ចិត្តស្ស ឧប្បាទក្ខណេ តេសំ ចិត្តំ ឧប្បន្នញ្ចេវ ឧប្បជ្ជមានញ្ច។
Cittassa bhaṅgakkhaṇe tesaṃ cittaṃ uppannaṃ, no ca tesaṃ cittaṃ uppajjamānaṃ. Cittassa uppādakkhaṇe tesaṃ cittaṃ uppannañceva uppajjamānañca.
(ក) យស្ស ចិត្តំ ន ឧប្បជ្ជមានំ តស្ស ចិត្តំ ន ឧប្បន្នន្តិ?
(Ka) yassa cittaṃ na uppajjamānaṃ tassa cittaṃ na uppannanti?
ចិត្តស្ស ភង្គក្ខណេ តេសំ ចិត្តំ ន ឧប្បជ្ជមានំ, នោ ច តេសំ ចិត្តំ ន ឧប្បន្នំ។ និរោធសមាបន្នានំ អសញ្ញសត្តានំ តេសំ ចិត្តំ ន ចេវ ឧប្បជ្ជមានំ ន ច ឧប្បន្នំ។
Cittassa bhaṅgakkhaṇe tesaṃ cittaṃ na uppajjamānaṃ, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva uppajjamānaṃ na ca uppannaṃ.
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន ឧប្បជ្ជមានន្តិ? អាមន្តា។
(Kha) yassa vā pana cittaṃ na uppannaṃ tassa cittaṃ na uppajjamānanti? Āmantā.
(៩) និរុជ្ឈមានុប្បន្នវារោ
(9) Nirujjhamānuppannavāro
៧៧. (ក) យស្ស ចិត្តំ និរុជ្ឈមានំ តស្ស ចិត្តំ ឧប្បន្នន្តិ? អាមន្តា។
77. (Ka) yassa cittaṃ nirujjhamānaṃ tassa cittaṃ uppannanti? Āmantā.
(ខ) យស្ស វា បន ចិត្តំ ឧប្បន្នំ តស្ស ចិត្តំ និរុជ្ឈមានន្តិ?
(Kha) yassa vā pana cittaṃ uppannaṃ tassa cittaṃ nirujjhamānanti?
ចិត្តស្ស ឧប្បាទក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ និរុជ្ឈមានំ។ ចិត្តស្ស ភង្គក្ខណេ តេសំ ចិត្តំ ឧប្បន្នញ្ចេវ និរុជ្ឈមានញ្ច។
Cittassa uppādakkhaṇe tesaṃ cittaṃ uppannaṃ, no ca tesaṃ cittaṃ nirujjhamānaṃ. Cittassa bhaṅgakkhaṇe tesaṃ cittaṃ uppannañceva nirujjhamānañca.
(ក) យស្ស ចិត្តំ ន និរុជ្ឈមានំ តស្ស ចិត្តំ ន ឧប្បន្នន្តិ?
(Ka) yassa cittaṃ na nirujjhamānaṃ tassa cittaṃ na uppannanti?
ចិត្តស្ស ឧប្បាទក្ខណេ តេសំ ចិត្តំ ន និរុជ្ឈមានំ, នោ ច តេសំ ចិត្តំ ន ឧប្បន្នំ។ និរោធសមាបន្នានំ អសញ្ញសត្តានំ តេសំ ចិត្តំ ន ចេវ និរុជ្ឈមានំ ន ច ឧប្បន្នំ។
Cittassa uppādakkhaṇe tesaṃ cittaṃ na nirujjhamānaṃ, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva nirujjhamānaṃ na ca uppannaṃ.
(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន និរុជ្ឈមានន្តិ? អាមន្តា។
(Kha) yassa vā pana cittaṃ na uppannaṃ tassa cittaṃ na nirujjhamānanti? Āmantā.
(១០) ឧប្បន្នុប្បាទវារោ
(10) Uppannuppādavāro
៧៨. (ក) យស្ស ចិត្តំ ឧប្បន្នំ តស្ស ចិត្តំ ឧប្បជ្ជិត្ថាតិ? អាមន្តា។
78. (Ka) yassa cittaṃ uppannaṃ tassa cittaṃ uppajjitthāti? Āmantā.
(ខ) យស្ស វា បន ចិត្តំ ឧប្បជ្ជិត្ថ តស្ស ចិត្តំ ឧប្បន្នន្តិ?
(Kha) yassa vā pana cittaṃ uppajjittha tassa cittaṃ uppannanti?
និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ ឧប្បន្នំ។ ចិត្តសមង្គីនំ តេសំ ចិត្តំ ឧប្បជ្ជិត្ថ ចេវ ឧប្បន្នញ្ច។
Nirodhasamāpannānaṃ asaññasattānaṃ tesaṃ cittaṃ uppajjittha, no ca tesaṃ cittaṃ uppannaṃ. Cittasamaṅgīnaṃ tesaṃ cittaṃ uppajjittha ceva uppannañca.
(ក) យស្ស ចិត្តំ ន ឧប្បន្នំ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ។
(Ka) yassa cittaṃ na uppannaṃ tassa cittaṃ na uppajjitthāti? Uppajjittha.
(ខ) យស្ស វា បន ចិត្តំ ន ឧប្បជ្ជិត្ថ តស្ស ចិត្តំ ន ឧប្បន្នន្តិ? នត្ថិ។
(Kha) yassa vā pana cittaṃ na uppajjittha tassa cittaṃ na uppannanti? Natthi.
៧៩. (ក) យស្ស ចិត្តំ ឧប្បន្នំ តស្ស ចិត្តំ ឧប្បជ្ជិស្សតីតិ?
79. (Ka) yassa cittaṃ uppannaṃ tassa cittaṃ uppajjissatīti?
បច្ឆិមចិត្តសមង្គីនំ តេសំ ចិត្តំ ឧប្បន្នំ, នោ ច តេសំ ចិត្តំ ឧប្បជ្ជិស្សតិ។ ឥតរេសំ ចិត្តសមង្គីនំ តេសំ ចិត្តំ ឧប្បន្នញ្ចេវ ឧប្បជ្ជិស្សតិ ច។
Pacchimacittasamaṅgīnaṃ tesaṃ cittaṃ uppannaṃ, no ca tesaṃ cittaṃ uppajjissati. Itaresaṃ cittasamaṅgīnaṃ tesaṃ cittaṃ uppannañceva uppajjissati ca.
(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បន្នន្តិ?
(Kha) yassa vā pana cittaṃ uppajjissati tassa cittaṃ uppannanti?
និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិស្សតិ, នោ ច តេសំ ចិត្តំ ឧប្បន្នំ។ ចិត្តសមង្គីនំ តេសំ ចិត្តំ ឧប្បជ្ជិស្សតិ ចេវ ឧប្បន្នញ្ច។
Nirodhasamāpannānaṃ asaññasattānaṃ tesaṃ cittaṃ uppajjissati, no ca tesaṃ cittaṃ uppannaṃ. Cittasamaṅgīnaṃ tesaṃ cittaṃ uppajjissati ceva uppannañca.
(ក) យស្ស ចិត្តំ ន ឧប្បន្នំ តស្ស ចិត្តំ ន ឧប្បជ្ជិស្សតីតិ? ឧប្បជ្ជិស្សតិ។
(Ka) yassa cittaṃ na uppannaṃ tassa cittaṃ na uppajjissatīti? Uppajjissati.
(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បន្នន្តិ? ឧប្បន្នំ។
(Kha) yassa vā pana cittaṃ na uppajjissati tassa cittaṃ na uppannanti? Uppannaṃ.
(១១) អតីតានាគតវារោ
(11) Atītānāgatavāro
៨០. (ក) យស្ស ចិត្តំ ឧប្បជ្ជិត្ថ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិស្សតីតិ? អាមន្តា។
80. (Ka) yassa cittaṃ uppajjittha no ca tassa cittaṃ uppannaṃ, tassa cittaṃ uppajjissatīti? Āmantā.
(ខ) យស្ស វា បន ចិត្តំ ឧប្បជ្ជិស្សតិ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិត្ថាតិ? អាមន្តា។
(Kha) yassa vā pana cittaṃ uppajjissati no ca tassa cittaṃ uppannaṃ, tassa cittaṃ uppajjitthāti? Āmantā.
(ក) យស្ស ចិត្តំ ន ឧប្បជ្ជិត្ថ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិស្សតីតិ? នត្ថិ។
(Ka) yassa cittaṃ na uppajjittha no ca tassa cittaṃ na uppannaṃ, tassa cittaṃ na uppajjissatīti? Natthi.
(ខ) យស្ស វា បន ចិត្តំ ន ឧប្បជ្ជិស្សតិ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ។
(Kha) yassa vā pana cittaṃ na uppajjissati no ca tassa cittaṃ na uppannaṃ, tassa cittaṃ na uppajjitthāti? Uppajjittha.
(១២) ឧប្បន្នុប្បជ្ជមានវារោ
(12) Uppannuppajjamānavāro
៨១. (ក) ឧប្បន្នំ ឧប្បជ្ជមានន្តិ?
81. (Ka) uppannaṃ uppajjamānanti?
ភង្គក្ខណេ ឧប្បន្នំ, នោ ច ឧប្បជ្ជមានំ។ ឧប្បាទក្ខណេ ឧប្បន្នញ្ចេវ ឧប្បជ្ជមានញ្ច។
Bhaṅgakkhaṇe uppannaṃ, no ca uppajjamānaṃ. Uppādakkhaṇe uppannañceva uppajjamānañca.
(ខ) ឧប្បជ្ជមានំ ឧប្បន្នន្តិ? អាមន្តា។
(Kha) uppajjamānaṃ uppannanti? Āmantā.
(ក) ន ឧប្បន្នំ ន ឧប្បជ្ជមានន្តិ? អាមន្តា។
(Ka) na uppannaṃ na uppajjamānanti? Āmantā.
(ខ) ន ឧប្បជ្ជមានំ ន ឧប្បន្នន្តិ?
(Kha) na uppajjamānaṃ na uppannanti?
ភង្គក្ខណេ ន ឧប្បជ្ជមានំ, នោ ច ន ឧប្បន្នំ។ អតីតានាគតំ ចិត្តំ ន ចេវ ឧប្បជ្ជមានំ ន ច ឧប្បន្នំ។
Bhaṅgakkhaṇe na uppajjamānaṃ, no ca na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.
(១៣) និរុទ្ធនិរុជ្ឈមានវារោ
(13) Niruddhanirujjhamānavāro
៨២. (ក) និរុទ្ធំ និរុជ្ឈមានន្តិ? នោ។
82. (Ka) niruddhaṃ nirujjhamānanti? No.
(ខ) និរុជ្ឈមានំ និរុទ្ធន្តិ? នោ។
(Kha) nirujjhamānaṃ niruddhanti? No.
(ក) ន និរុទ្ធំ ន និរុជ្ឈមានន្តិ?
(Ka) na niruddhaṃ na nirujjhamānanti?
ភង្គក្ខណេ ន និរុទ្ធំ, នោ ច ន និរុជ្ឈមានំ។ ឧប្បាទក្ខណេ អនាគតញ្ច ចិត្តំ ន ចេវ និរុទ្ធំ ន ច និរុជ្ឈមានំ។
Bhaṅgakkhaṇe na niruddhaṃ, no ca na nirujjhamānaṃ. Uppādakkhaṇe anāgatañca cittaṃ na ceva niruddhaṃ na ca nirujjhamānaṃ.
(ខ) ន និរុជ្ឈមានំ ន និរុទ្ធន្តិ?
(Kha) na nirujjhamānaṃ na niruddhanti?
អតីតំ ចិត្តំ ន និរុជ្ឈមានំ, នោ ច ន និរុទ្ធំ។ ឧប្បាទក្ខណេ អនាគតញ្ច ចិត្តំ ន ចេវ និរុជ្ឈមានំ ន ច និរុទ្ធំ។
Atītaṃ cittaṃ na nirujjhamānaṃ, no ca na niruddhaṃ. Uppādakkhaṇe anāgatañca cittaṃ na ceva nirujjhamānaṃ na ca niruddhaṃ.
(១៤) អតិក្កន្តកាលវារោ
(14) Atikkantakālavāro
៨៣. (ក) យស្ស ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?
83. (Ka) yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
ភង្គក្ខណេ ចិត្តំ ឧប្បាទក្ខណំ វីតក្កន្តំ ភង្គក្ខណំ អវីតិក្កន្តំ, អតីតំ ចិត្តំ ឧប្បាទក្ខណញ្ច វីតិក្កន្តំ ភង្គក្ខណញ្ច វីតិក្កន្តំ។
Bhaṅgakkhaṇe cittaṃ uppādakkhaṇaṃ vītakkantaṃ bhaṅgakkhaṇaṃ avītikkantaṃ, atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantaṃ.
(ខ) យស្ស វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?
(Kha) yassa vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
អតីតំ ចិត្តំ។
Atītaṃ cittaṃ.
(ក) យស្ស ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?
(Ka) yassa cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
ឧប្បាទក្ខណេ អនាគតំ ចិត្តំ។
Uppādakkhaṇe anāgataṃ cittaṃ.
(ខ) យស្ស វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?
(Kha) yassa vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
ភង្គក្ខណេ ចិត្តំ ភង្គក្ខណំ អវីតិក្កន្តំ នោ ច ឧប្បាទក្ខណំ អវីតិក្កន្តំ, ឧប្បាទក្ខណេ អនាគតញ្ច ចិត្តំ ភង្គក្ខណញ្ច អវីតិក្កន្តំ ឧប្បាទក្ខណញ្ច អវីតិក្កន្តំ។
Bhaṅgakkhaṇe cittaṃ bhaṅgakkhaṇaṃ avītikkantaṃ no ca uppādakkhaṇaṃ avītikkantaṃ, uppādakkhaṇe anāgatañca cittaṃ bhaṅgakkhaṇañca avītikkantaṃ uppādakkhaṇañca avītikkantaṃ.
១. សុទ្ធចិត្តសាមញ្ញ
1. Suddhacittasāmañña
២. ធម្មវារោ
2. Dhammavāro
(១) ឧប្បាទនិរោធកាលសម្ភេទវារោ
(1) Uppādanirodhakālasambhedavāro
៨៤. (ក) យំ ចិត្តំ ឧប្បជ្ជតិ ន និរុជ្ឈតិ តំ ចិត្តំ និរុជ្ឈិស្សតិ ន ឧប្បជ្ជិស្សតីតិ? អាមន្តា។
84. (Ka) yaṃ cittaṃ uppajjati na nirujjhati taṃ cittaṃ nirujjhissati na uppajjissatīti? Āmantā.
(ខ) យំ វា បន ចិត្តំ និរុជ្ឈិស្សតិ ន ឧប្បជ្ជិស្សតិ តំ ចិត្តំ ឧប្បជ្ជតិ ន និរុជ្ឈតីតិ? អាមន្តា។
(Kha) yaṃ vā pana cittaṃ nirujjhissati na uppajjissati taṃ cittaṃ uppajjati na nirujjhatīti? Āmantā.
(ក) យំ ចិត្តំ ន ឧប្បជ្ជតិ និរុជ្ឈតិ តំ ចិត្តំ ន និរុជ្ឈិស្សតិ ឧប្បជ្ជិស្សតីតិ? នោ។
(Ka) yaṃ cittaṃ na uppajjati nirujjhati taṃ cittaṃ na nirujjhissati uppajjissatīti? No.
(ខ) យំ វា បន ចិត្តំ ន និរុជ្ឈិស្សតិ ឧប្បជ្ជិស្សតិ តំ ចិត្តំ ន ឧប្បជ្ជតិ និរុជ្ឈតីតិ? នត្ថិ។
(Kha) yaṃ vā pana cittaṃ na nirujjhissati uppajjissati taṃ cittaṃ na uppajjati nirujjhatīti? Natthi.
(២) ឧប្បាទុប្បន្នវារោ
(2) Uppāduppannavāro
៨៥. (ក) យំ ចិត្តំ ឧប្បជ្ជតិ តំ ចិត្តំ ឧប្បន្នន្តិ? អាមន្តា។
85. (Ka) yaṃ cittaṃ uppajjati taṃ cittaṃ uppannanti? Āmantā.
(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជតីតិ?
(Kha) yaṃ vā pana cittaṃ uppannaṃ taṃ cittaṃ uppajjatīti?
ភង្គក្ខណេ ចិត្តំ ឧប្បន្នំ, នោ ច តំ ចិត្តំ ឧប្បជ្ជតិ។ ឧប្បាទក្ខណេ ចិត្តំ ឧប្បន្នញ្ចេវ ឧប្បជ្ជតិ ច។
Bhaṅgakkhaṇe cittaṃ uppannaṃ, no ca taṃ cittaṃ uppajjati. Uppādakkhaṇe cittaṃ uppannañceva uppajjati ca.
(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បន្នន្តិ?
(Ka) yaṃ cittaṃ na uppajjati taṃ cittaṃ na uppannanti?
ភង្គក្ខណេ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បន្នំ។ អតីតានាគតំ ចិត្តំ ន ចេវ ឧប្បជ្ជតិ ន ច ឧប្បន្នំ។
Bhaṅgakkhaṇe cittaṃ na uppajjati, no ca taṃ cittaṃ na uppannaṃ. Atītānāgataṃ cittaṃ na ceva uppajjati na ca uppannaṃ.
(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជតីតិ? អាមន្តា។
(Kha) yaṃ vā pana cittaṃ na uppannaṃ taṃ cittaṃ na uppajjatīti? Āmantā.
(៣) និរោធុប្បន្នវារោ
(3) Nirodhuppannavāro
៨៦. (ក) យំ ចិត្តំ និរុជ្ឈតិ តំ ចិត្តំ ឧប្បន្នន្តិ? អាមន្តា។
86. (Ka) yaṃ cittaṃ nirujjhati taṃ cittaṃ uppannanti? Āmantā.
(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈតីតិ?
(Kha) yaṃ vā pana cittaṃ uppannaṃ taṃ cittaṃ nirujjhatīti?
ឧប្បាទក្ខណេ ចិត្តំ ឧប្បន្នំ, នោ ច តំ ចិត្តំ និរុជ្ឈតិ។ ភង្គក្ខណេ ចិត្តំ ឧប្បន្នញ្ចេវ និរុជ្ឈតិ ច។
Uppādakkhaṇe cittaṃ uppannaṃ, no ca taṃ cittaṃ nirujjhati. Bhaṅgakkhaṇe cittaṃ uppannañceva nirujjhati ca.
(ក) យំ ចិត្តំ ន និរុជ្ឈតិ តំ ចិត្តំ ន ឧប្បន្នន្តិ?
(Ka) yaṃ cittaṃ na nirujjhati taṃ cittaṃ na uppannanti?
ឧប្បាទក្ខណេ ចិត្តំ ន និរុជ្ឈតិ, នោ ច តំ ចិត្តំ ន ឧប្បន្នំ។ អតីតានាគតំ ចិត្តំ ន ចេវ និរុជ្ឈតិ ន ច ឧប្បន្នំ។
Uppādakkhaṇe cittaṃ na nirujjhati, no ca taṃ cittaṃ na uppannaṃ. Atītānāgataṃ cittaṃ na ceva nirujjhati na ca uppannaṃ.
(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈតីតិ? អាមន្តា។
(Kha) yaṃ vā pana cittaṃ na uppannaṃ taṃ cittaṃ na nirujjhatīti? Āmantā.
(៤) ឧប្បាទវារោ
(4) Uppādavāro
៨៧. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិត្ថាតិ? នោ។
87. (Ka) yaṃ cittaṃ uppajjati taṃ cittaṃ uppajjitthāti? No.
(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បជ្ជតីតិ? នោ។
(Kha) yaṃ vā pana cittaṃ uppajjittha taṃ cittaṃ uppajjatīti? No.
(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិត្ថាតិ?
(Ka) yaṃ cittaṃ na uppajjati taṃ cittaṃ na uppajjitthāti?
អតីតំ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បជ្ជិត្ថ។ ភង្គក្ខណេ អនាគតញ្ច ចិត្តំ ន ចេវ ឧប្បជ្ជតិ ន ច ឧប្បជ្ជិត្ថ។
Atītaṃ cittaṃ na uppajjati, no ca taṃ cittaṃ na uppajjittha. Bhaṅgakkhaṇe anāgatañca cittaṃ na ceva uppajjati na ca uppajjittha.
(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជតីតិ?
(Kha) yaṃ vā pana cittaṃ na uppajjittha taṃ cittaṃ na uppajjatīti?
ឧប្បាទក្ខណេ ចិត្តំ ន ឧប្បជ្ជិត្ថ, នោ ច តំ ចិត្តំ ន ឧប្បជ្ជតិ។ ភង្គក្ខណេ អនាគតញ្ច ចិត្តំ ន ចេវ ឧប្បជ្ជិត្ថ ន ច ឧប្បជ្ជតិ។
Uppādakkhaṇe cittaṃ na uppajjittha, no ca taṃ cittaṃ na uppajjati. Bhaṅgakkhaṇe anāgatañca cittaṃ na ceva uppajjittha na ca uppajjati.
៨៨. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិស្សតីតិ? នោ។
88. (Ka) yaṃ cittaṃ uppajjati taṃ cittaṃ uppajjissatīti? No.
(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជតីតិ? នោ។
(Kha) yaṃ vā pana cittaṃ uppajjissati taṃ cittaṃ uppajjatīti? No.
(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិស្សតីតិ?
(Ka) yaṃ cittaṃ na uppajjati taṃ cittaṃ na uppajjissatīti?
អនាគតំ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បជ្ជិស្សតិ។ ភង្គក្ខណេ អតីតញ្ច ចិត្តំ ន ចេវ ឧប្បជ្ជតិ ន ច ឧប្បជ្ជិស្សតិ។
Anāgataṃ cittaṃ na uppajjati, no ca taṃ cittaṃ na uppajjissati. Bhaṅgakkhaṇe atītañca cittaṃ na ceva uppajjati na ca uppajjissati.
(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជតីតិ?
(Kha) yaṃ vā pana cittaṃ na uppajjissati taṃ cittaṃ na uppajjatīti?
ឧប្បាទក្ខណេ ចិត្តំ ន ឧប្បជ្ជិស្សតិ, នោ ច តំ ចិត្តំ ន ឧប្បជ្ជតិ។ ភង្គក្ខណេ អតីតញ្ច ចិត្តំ ន ចេវ ឧប្បជ្ជិស្សតិ ន ច ឧប្បជ្ជតិ។
Uppādakkhaṇe cittaṃ na uppajjissati, no ca taṃ cittaṃ na uppajjati. Bhaṅgakkhaṇe atītañca cittaṃ na ceva uppajjissati na ca uppajjati.
៨៩. (ក) យំ ចិត្តំ ឧប្បជ្ជិត្ថ តំ ចិត្តំ ឧប្បជ្ជិស្សតីតិ? នោ។
89. (Ka) yaṃ cittaṃ uppajjittha taṃ cittaṃ uppajjissatīti? No.
(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជិត្ថាតិ? នោ។
(Kha) yaṃ vā pana cittaṃ uppajjissati taṃ cittaṃ uppajjitthāti? No.
(ក) យំ ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជិស្សតីតិ?
(Ka) yaṃ cittaṃ na uppajjittha taṃ cittaṃ na uppajjissatīti?
អនាគតំ ចិត្តំ ន ឧប្បជ្ជិត្ថ, នោ ច តំ ចិត្តំ ន ឧប្បជ្ជិស្សតិ។ បច្ចុប្បន្នំ ចិត្តំ ន ចេវ ឧប្បជ្ជិត្ថ ន ច ឧប្បជ្ជិស្សតិ។
Anāgataṃ cittaṃ na uppajjittha, no ca taṃ cittaṃ na uppajjissati. Paccuppannaṃ cittaṃ na ceva uppajjittha na ca uppajjissati.
(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជិត្ថាតិ?
(Kha) yaṃ vā pana cittaṃ na uppajjissati taṃ cittaṃ na uppajjitthāti?
អតីតំ ចិត្តំ ន ឧប្បជ្ជិស្សតិ, នោ ច តំ ចិត្តំ ន ឧប្បជ្ជិត្ថ។ បច្ចុប្បន្នំ ចិត្តំ ន ចេវ ឧប្បជ្ជិស្សតិ ន ច ឧប្បជ្ជិត្ថ។
Atītaṃ cittaṃ na uppajjissati, no ca taṃ cittaṃ na uppajjittha. Paccuppannaṃ cittaṃ na ceva uppajjissati na ca uppajjittha.
(៥) និរោធវារោ
(5) Nirodhavāro
៩០. (ក) យំ ចិត្តំ និរុជ្ឈតិ តំ ចិត្តំ និរុជ្ឈិត្ថាតិ? នោ។
90. (Ka) yaṃ cittaṃ nirujjhati taṃ cittaṃ nirujjhitthāti? No.
(ខ) យំ វា បន ចិត្តំ និរុជ្ឈិត្ថ តំ ចិត្តំ និរុជ្ឈតីតិ? នោ។
(Kha) yaṃ vā pana cittaṃ nirujjhittha taṃ cittaṃ nirujjhatīti? No.
(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិត្ថាតិ?
(Ka) yaṃ cittaṃ na nirujjhati taṃ cittaṃ na nirujjhitthāti?
អតីតំ ចិត្តំ ន និរុជ្ឈតិ, នោ ច តំ ចិត្តំ ន និរុជ្ឈិត្ថ។ ឧប្បាទក្ខណេ អនាគតញ្ច ចិត្តំ ន ចេវ និរុជ្ឈតិ ន ច និរុជ្ឈិត្ថ។
Atītaṃ cittaṃ na nirujjhati, no ca taṃ cittaṃ na nirujjhittha. Uppādakkhaṇe anāgatañca cittaṃ na ceva nirujjhati na ca nirujjhittha.
(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន និរុជ្ឈតីតិ?
(Kha) yaṃ vā pana cittaṃ na nirujjhittha taṃ cittaṃ na nirujjhatīti?
ភង្គក្ខណេ ចិត្តំ ន និរុជ្ឈិត្ថ, នោ ច តំ ចិត្តំ ន និរុជ្ឈតិ។ ឧប្បាទក្ខណេ អនាគតញ្ច ចិត្តំ ន ចេវ និរុជ្ឈិត្ថ ន ច និរុជ្ឈតិ។
Bhaṅgakkhaṇe cittaṃ na nirujjhittha, no ca taṃ cittaṃ na nirujjhati. Uppādakkhaṇe anāgatañca cittaṃ na ceva nirujjhittha na ca nirujjhati.
៩១. (ក) យំ ចិត្តំ និរុជ្ឈតិ តំ ចិត្តំ និរុជ្ឈិស្សតីតិ? នោ។
91. (Ka) yaṃ cittaṃ nirujjhati taṃ cittaṃ nirujjhissatīti? No.
(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈតីតិ? នោ។
(Kha) yaṃ vā pana cittaṃ nirujjhissati taṃ cittaṃ nirujjhatīti? No.
(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិស្សតីតិ?
(Ka) yaṃ cittaṃ na nirujjhati taṃ cittaṃ na nirujjhissatīti?
ឧប្បាទក្ខណេ អនាគតញ្ច ចិត្តំ ន និរុជ្ឈតិ, នោ ច តំ ចិត្តំ ន និរុជ្ឈិស្សតិ។ អតីតំ ចិត្តំ ន ចេវ និរុជ្ឈតិ ន ច និរុជ្ឈិស្សតិ។
Uppādakkhaṇe anāgatañca cittaṃ na nirujjhati, no ca taṃ cittaṃ na nirujjhissati. Atītaṃ cittaṃ na ceva nirujjhati na ca nirujjhissati.
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈតីតិ?
(Kha) yaṃ vā pana cittaṃ na nirujjhissati taṃ cittaṃ na nirujjhatīti?
ភង្គក្ខណេ ចិត្តំ ន និរុជ្ឈិស្សតិ, នោ ច តំ ចិត្តំ ន និរុជ្ឈតិ។ អតីតំ ចិត្តំ ន ចេវ និរុជ្ឈិស្សតិ ន ច និរុជ្ឈតិ។
Bhaṅgakkhaṇe cittaṃ na nirujjhissati, no ca taṃ cittaṃ na nirujjhati. Atītaṃ cittaṃ na ceva nirujjhissati na ca nirujjhati.
៩២. (ក) យំ ចិត្តំ និរុជ្ឈិត្ថ តំ ចិត្តំ និរុជ្ឈិស្សតីតិ? នោ។
92. (Ka) yaṃ cittaṃ nirujjhittha taṃ cittaṃ nirujjhissatīti? No.
(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈិត្ថាតិ? នោ។
(Kha) yaṃ vā pana cittaṃ nirujjhissati taṃ cittaṃ nirujjhitthāti? No.
(ក) យំ ចិត្តំ ន និរុជ្ឈិត្ថ តំ ចិត្តំ ន និរុជ្ឈិស្សតីតិ?
(Ka) yaṃ cittaṃ na nirujjhittha taṃ cittaṃ na nirujjhissatīti?
ឧប្បាទក្ខណេ អនាគតញ្ច ចិត្តំ ន និរុជ្ឈិត្ថ, នោ ច តំ ចិត្តំ ន និរុជ្ឈិស្សតិ។ ភង្គក្ខណេ ចិត្តំ ន ចេវ និរុជ្ឈិត្ថ ន ច និរុជ្ឈិស្សតិ។
Uppādakkhaṇe anāgatañca cittaṃ na nirujjhittha, no ca taṃ cittaṃ na nirujjhissati. Bhaṅgakkhaṇe cittaṃ na ceva nirujjhittha na ca nirujjhissati.
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈិត្ថាតិ?
(Kha) yaṃ vā pana cittaṃ na nirujjhissati taṃ cittaṃ na nirujjhitthāti?
អតីតំ ចិត្តំ ន និរុជ្ឈិស្សតិ, នោ ច តំ ចិត្តំ ន និរុជ្ឈិត្ថ។ ភង្គក្ខណេ ចិត្តំ ន ចេវ និរុជ្ឈិស្សតិ ន ច និរុជ្ឈិត្ថ។
Atītaṃ cittaṃ na nirujjhissati, no ca taṃ cittaṃ na nirujjhittha. Bhaṅgakkhaṇe cittaṃ na ceva nirujjhissati na ca nirujjhittha.
(៦) ឧប្បាទនិរោធវារោ
(6) Uppādanirodhavāro
៩៣. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិត្ថាតិ? នោ។
93. (Ka) yaṃ cittaṃ uppajjati taṃ cittaṃ nirujjhitthāti? No.
(ខ) យំ វា បន ចិត្តំ និរុជ្ឈិត្ថ តំ ចិត្តំ ឧប្បជ្ជតីតិ? នោ។
(Kha) yaṃ vā pana cittaṃ nirujjhittha taṃ cittaṃ uppajjatīti? No.
(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិត្ថាតិ?
(Ka) yaṃ cittaṃ na uppajjati taṃ cittaṃ na nirujjhitthāti?
អតីតំ ចិត្តំ ន ឧប្បជ្ជតិ, នោ ច តំ ចិត្តំ ន និរុជ្ឈិត្ថ។ ភង្គក្ខណេ អនាគតញ្ច ចិត្តំ ន ចេវ ឧប្បជ្ជតិ ន ច និរុជ្ឈិត្ថ។
Atītaṃ cittaṃ na uppajjati, no ca taṃ cittaṃ na nirujjhittha. Bhaṅgakkhaṇe anāgatañca cittaṃ na ceva uppajjati na ca nirujjhittha.
(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន ឧប្បជ្ជតីតិ?
(Kha) yaṃ vā pana cittaṃ na nirujjhittha taṃ cittaṃ na uppajjatīti?
ឧប្បាទក្ខណេ ចិត្តំ ន និរុជ្ឈិត្ថ, នោ ច តំ ចិត្តំ ន ឧប្បជ្ជតិ។ ភង្គក្ខណេ អនាគតញ្ច ចិត្តំ ន ចេវ និរុជ្ឈិត្ថ ន ច ឧប្បជ្ជតិ។
Uppādakkhaṇe cittaṃ na nirujjhittha, no ca taṃ cittaṃ na uppajjati. Bhaṅgakkhaṇe anāgatañca cittaṃ na ceva nirujjhittha na ca uppajjati.
៩៤. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិស្សតីតិ? អាមន្តា។
94. (Ka) yaṃ cittaṃ uppajjati taṃ cittaṃ nirujjhissatīti? Āmantā.
(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជតីតិ?
(Kha) yaṃ vā pana cittaṃ nirujjhissati taṃ cittaṃ uppajjatīti?
អនាគតំ ចិត្តំ និរុជ្ឈិស្សតិ, នោ ច តំ ចិត្តំ ឧប្បជ្ជតិ។ ឧប្បាទក្ខណេ ចិត្តំ និរុជ្ឈិស្សតិ ចេវ ឧប្បជ្ជតិ ច។
Anāgataṃ cittaṃ nirujjhissati, no ca taṃ cittaṃ uppajjati. Uppādakkhaṇe cittaṃ nirujjhissati ceva uppajjati ca.
(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិស្សតីតិ?
(Ka) yaṃ cittaṃ na uppajjati taṃ cittaṃ na nirujjhissatīti?
អនាគតំ ចិត្តំ ន ឧប្បជ្ជតិ, នោ ច តំ ចិត្តំ ន និរុជ្ឈិស្សតិ។ ភង្គក្ខណេ អតីតញ្ច ចិត្តំ ន ចេវ ឧប្បជ្ជតិ ន ច និរុជ្ឈិស្សតិ។
Anāgataṃ cittaṃ na uppajjati, no ca taṃ cittaṃ na nirujjhissati. Bhaṅgakkhaṇe atītañca cittaṃ na ceva uppajjati na ca nirujjhissati.
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជតីតិ? អាមន្តា។
(Kha) yaṃ vā pana cittaṃ na nirujjhissati taṃ cittaṃ na uppajjatīti? Āmantā.
៩៥. (ក) យំ ចិត្តំ ឧប្បជ្ជិត្ថ តំ ចិត្តំ និរុជ្ឈិស្សតីតិ? នោ។
95. (Ka) yaṃ cittaṃ uppajjittha taṃ cittaṃ nirujjhissatīti? No.
(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជិត្ថាតិ? នោ។
(Kha) yaṃ vā pana cittaṃ nirujjhissati taṃ cittaṃ uppajjitthāti? No.
(ក) យំ ចិត្តំ ន ឧប្បជ្ជិត្ថ តំ ចិត្តំ ន និរុជ្ឈិស្សតីតិ?
(Ka) yaṃ cittaṃ na uppajjittha taṃ cittaṃ na nirujjhissatīti?
ឧប្បាទក្ខណេ អនាគតញ្ច ចិត្តំ ន ឧប្បជ្ជិត្ថ, នោ ច តំ ចិត្តំ ន និរុជ្ឈិស្សតិ។ ភង្គក្ខណេ ចិត្តំ ន ចេវ ឧប្បជ្ជិត្ថ ន ច និរុជ្ឈិស្សតិ។
Uppādakkhaṇe anāgatañca cittaṃ na uppajjittha, no ca taṃ cittaṃ na nirujjhissati. Bhaṅgakkhaṇe cittaṃ na ceva uppajjittha na ca nirujjhissati.
(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជិត្ថាតិ?
(Kha) yaṃ vā pana cittaṃ na nirujjhissati taṃ cittaṃ na uppajjitthāti?
អតីតំ ចិត្តំ ន និរុជ្ឈិស្សតិ, នោ ច តំ ចិត្តំ ន ឧប្បជ្ជិត្ថ។ ភង្គក្ខណេ ចិត្តំ ន ចេវ និរុជ្ឈិស្សតិ ន ច ឧប្បជ្ជិត្ថ។
Atītaṃ cittaṃ na nirujjhissati, no ca taṃ cittaṃ na uppajjittha. Bhaṅgakkhaṇe cittaṃ na ceva nirujjhissati na ca uppajjittha.
(៧) ឧប្បជ្ជមាន-ននិរោធវារោ
(7) Uppajjamāna-nanirodhavāro
៩៦. (ក) យំ ចិត្តំ ឧប្បជ្ជតិ តំ ចិត្តំ ន និរុជ្ឈតីតិ? អាមន្តា។
96. (Ka) yaṃ cittaṃ uppajjati taṃ cittaṃ na nirujjhatīti? Āmantā.
(ខ) យំ វា បន ចិត្តំ ន និរុជ្ឈតិ តំ ចិត្តំ ឧប្បជ្ជតីតិ?
(Kha) yaṃ vā pana cittaṃ na nirujjhati taṃ cittaṃ uppajjatīti?
អតីតានាគតំ ចិត្តំ ន និរុជ្ឈតិ, នោ ច តំ ចិត្តំ ឧប្បជ្ជតិ។ ឧប្បាទក្ខណេ ចិត្តំ ន និរុជ្ឈតិ ចេវ ឧប្បជ្ជតិ ច។
Atītānāgataṃ cittaṃ na nirujjhati, no ca taṃ cittaṃ uppajjati. Uppādakkhaṇe cittaṃ na nirujjhati ceva uppajjati ca.
(ក) យំ ចិត្តំ ន ឧប្បជ្ជតិ តំ ចិត្តំ និរុជ្ឈតីតិ?
(Ka) yaṃ cittaṃ na uppajjati taṃ cittaṃ nirujjhatīti?
អតីតានាគតំ ចិត្តំ ន ឧប្បជ្ជតិ, នោ ច តំ ចិត្តំ និរុជ្ឈតិ។ ភង្គក្ខណេ ចិត្តំ ន ឧប្បជ្ជតិ ចេវ និរុជ្ឈតិ ច។
Atītānāgataṃ cittaṃ na uppajjati, no ca taṃ cittaṃ nirujjhati. Bhaṅgakkhaṇe cittaṃ na uppajjati ceva nirujjhati ca.
(ខ) យំ វា បន ចិត្តំ និរុជ្ឈតិ តំ ចិត្តំ ន ឧប្បជ្ជតីតិ? អាមន្តា។
(Kha) yaṃ vā pana cittaṃ nirujjhati taṃ cittaṃ na uppajjatīti? Āmantā.
(៨) ឧប្បជ្ជមានុប្បន្នវារោ
(8) Uppajjamānuppannavāro
៩៧. (ក) យំ ចិត្តំ ឧប្បជ្ជមានំ តំ ចិត្តំ ឧប្បន្នន្តិ? អាមន្តា។
97. (Ka) yaṃ cittaṃ uppajjamānaṃ taṃ cittaṃ uppannanti? Āmantā.
(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជមានន្តិ?
(Kha) yaṃ vā pana cittaṃ uppannaṃ taṃ cittaṃ uppajjamānanti?
ភង្គក្ខណេ ចិត្តំ ឧប្បន្នំ, នោ ច តំ ចិត្តំ ឧប្បជ្ជមានំ។ ឧប្បាទក្ខណេ ចិត្តំ ឧប្បន្នញ្ចេវ ឧប្បជ្ជមានញ្ច។
Bhaṅgakkhaṇe cittaṃ uppannaṃ, no ca taṃ cittaṃ uppajjamānaṃ. Uppādakkhaṇe cittaṃ uppannañceva uppajjamānañca.
(ក) យំ ចិត្តំ ន ឧប្បជ្ជមានំ តំ ចិត្តំ ន ឧប្បន្នន្តិ?
(Ka) yaṃ cittaṃ na uppajjamānaṃ taṃ cittaṃ na uppannanti?
ភង្គក្ខណេ ចិត្តំ ន ឧប្បជ្ជមានំ, នោ ច តំ ចិត្តំ ន ឧប្បន្នំ។ អតីតានាគតំ ចិត្តំ ន ចេវ ឧប្បជ្ជមានំ ន ច ឧប្បន្នំ។
Bhaṅgakkhaṇe cittaṃ na uppajjamānaṃ, no ca taṃ cittaṃ na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.
(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជមានន្តិ? អាមន្តា។
(Kha) yaṃ vā pana cittaṃ na uppannaṃ taṃ cittaṃ na uppajjamānanti? Āmantā.
(៩) និរុជ្ឈមានុប្បន្នវារោ
(9) Nirujjhamānuppannavāro
៩៨. (ក) យំ ចិត្តំ និរុជ្ឈមានំ តំ ចិត្តំ ឧប្បន្នន្តិ? អាមន្តា។
98. (Ka) yaṃ cittaṃ nirujjhamānaṃ taṃ cittaṃ uppannanti? Āmantā.
(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈមានន្តិ?
(Kha) yaṃ vā pana cittaṃ uppannaṃ taṃ cittaṃ nirujjhamānanti?
ឧប្បាទក្ខណេ ចិត្តំ ឧប្បន្នំ, នោ ច តំ ចិត្តំ និរុជ្ឈមានំ។ ភង្គក្ខណេ ចិត្តំ ឧប្បន្នញ្ចេវ និរុជ្ឈមានញ្ច។
Uppādakkhaṇe cittaṃ uppannaṃ, no ca taṃ cittaṃ nirujjhamānaṃ. Bhaṅgakkhaṇe cittaṃ uppannañceva nirujjhamānañca.
(ក) យំ ចិត្តំ ន និរុជ្ឈមានំ តំ ចិត្តំ ន ឧប្បន្នន្តិ?
(Ka) yaṃ cittaṃ na nirujjhamānaṃ taṃ cittaṃ na uppannanti?
ឧប្បាទក្ខណេ ចិត្តំ ន និរុជ្ឈមានំ, នោ ច តំ ចិត្តំ ន ឧប្បន្នំ។ អតីតានាគតំ ចិត្តំ ន ចេវ និរុជ្ឈមានំ ន ច ឧប្បន្នំ ។
Uppādakkhaṇe cittaṃ na nirujjhamānaṃ, no ca taṃ cittaṃ na uppannaṃ. Atītānāgataṃ cittaṃ na ceva nirujjhamānaṃ na ca uppannaṃ .
(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈមានន្តិ? អាមន្តា។
(Kha) yaṃ vā pana cittaṃ na uppannaṃ taṃ cittaṃ na nirujjhamānanti? Āmantā.
(១០) ឧប្បន្នុប្បាទវារោ
(10) Uppannuppādavāro
៩៩. (ក) យំ ចិត្តំ ឧប្បន្នំ តំ ចិត្តំ ឧប្បជ្ជិត្ថាតិ? នោ។
99. (Ka) yaṃ cittaṃ uppannaṃ taṃ cittaṃ uppajjitthāti? No.
(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បន្នន្តិ? នោ។
(Kha) yaṃ vā pana cittaṃ uppajjittha taṃ cittaṃ uppannanti? No.
(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិត្ថាតិ?
(Ka) yaṃ cittaṃ na uppannaṃ taṃ cittaṃ na uppajjitthāti?
អតីតំ ចិត្តំ ន ឧប្បន្នំ, នោ ច តំ ចិត្តំ ន ឧប្បជ្ជិត្ថ។ អនាគតំ ចិត្តំ ន ចេវ ឧប្បន្នំ ន ច ឧប្បជ្ជិត្ថ។
Atītaṃ cittaṃ na uppannaṃ, no ca taṃ cittaṃ na uppajjittha. Anāgataṃ cittaṃ na ceva uppannaṃ na ca uppajjittha.
(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បន្នន្តិ?
(Kha) yaṃ vā pana cittaṃ na uppajjittha taṃ cittaṃ na uppannanti?
បច្ចុប្បន្នំ ចិត្តំ ន ឧប្បជ្ជិត្ថ, នោ ច តំ ចិត្តំ ន ឧប្បន្នំ។ អនាគតំ ចិត្តំ ន ចេវ ឧប្បជ្ជិត្ថ ន ច ឧប្បន្នំ។
Paccuppannaṃ cittaṃ na uppajjittha, no ca taṃ cittaṃ na uppannaṃ. Anāgataṃ cittaṃ na ceva uppajjittha na ca uppannaṃ.
១០០. (ក) យំ ចិត្តំ ឧប្បន្នំ តំ ចិត្តំ ឧប្បជ្ជិស្សតីតិ? នោ។
100. (Ka) yaṃ cittaṃ uppannaṃ taṃ cittaṃ uppajjissatīti? No.
(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បន្នន្តិ? នោ។
(Kha) yaṃ vā pana cittaṃ uppajjissati taṃ cittaṃ uppannanti? No.
(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិស្សតីតិ?
(Ka) yaṃ cittaṃ na uppannaṃ taṃ cittaṃ na uppajjissatīti?
អនាគតំ ចិត្តំ ន ឧប្បន្នំ, នោ ច តំ ចិត្តំ ន ឧប្បជ្ជិស្សតិ។ អតីតំ ចិត្តំ ន ចេវ ឧប្បន្នំ ន ច ឧប្បជ្ជិស្សតិ។
Anāgataṃ cittaṃ na uppannaṃ, no ca taṃ cittaṃ na uppajjissati. Atītaṃ cittaṃ na ceva uppannaṃ na ca uppajjissati.
(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បន្នន្តិ?
(Kha) yaṃ vā pana cittaṃ na uppajjissati taṃ cittaṃ na uppannanti?
បច្ចុប្បន្នំ ចិត្តំ ន ឧប្បជ្ជិស្សតិ, នោ ច តំ ចិត្តំ ន ឧប្បន្នំ។ អតីតំ ចិត្តំ ន ចេវ ឧប្បជ្ជិស្សតិ ន ច ឧប្បន្នំ។
Paccuppannaṃ cittaṃ na uppajjissati, no ca taṃ cittaṃ na uppannaṃ. Atītaṃ cittaṃ na ceva uppajjissati na ca uppannaṃ.
(១១) អតីតានាគតវារោ
(11) Atītānāgatavāro
១០១. (ក) យំ ចិត្តំ ឧប្បជ្ជិត្ថ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិស្សតីតិ? នោ។
101. (Ka) yaṃ cittaṃ uppajjittha no ca taṃ cittaṃ uppannaṃ, taṃ cittaṃ uppajjissatīti? No.
(ខ) យំ វា បន ចិត្តំ ឧប្បជ្ជិស្សតិ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិត្ថាតិ? នោ។
(Kha) yaṃ vā pana cittaṃ uppajjissati no ca taṃ cittaṃ uppannaṃ, taṃ cittaṃ uppajjitthāti? No.
(ក) យំ ចិត្តំ ន ឧប្បជ្ជិត្ថ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិស្សតីតិ? អាមន្តា ។
(Ka) yaṃ cittaṃ na uppajjittha no ca taṃ cittaṃ na uppannaṃ, taṃ cittaṃ na uppajjissatīti? Āmantā .
(ខ) យំ វា បន ចិត្តំ ន ឧប្បជ្ជិស្សតិ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិត្ថាតិ? អាមន្តា។
(Kha) yaṃ vā pana cittaṃ na uppajjissati no ca taṃ cittaṃ na uppannaṃ, taṃ cittaṃ na uppajjitthāti? Āmantā.
(១២) ឧប្បន្នុប្បជ្ជមានវារោ
(12) Uppannuppajjamānavāro
១០២. (ក) ឧប្បន្នំ ឧប្បជ្ជមានន្តិ?
102. (Ka) uppannaṃ uppajjamānanti?
ភង្គក្ខណេ ឧប្បន្នំ, នោ ច ឧប្បជ្ជមានំ។ ឧប្បាទក្ខណេ ឧប្បន្នញ្ចេវ ឧប្បជ្ជមានញ្ច។
Bhaṅgakkhaṇe uppannaṃ, no ca uppajjamānaṃ. Uppādakkhaṇe uppannañceva uppajjamānañca.
(ខ) ឧប្បជ្ជមានំ ឧប្បន្នន្តិ? អាមន្តា។
(Kha) uppajjamānaṃ uppannanti? Āmantā.
(ក) ន ឧប្បន្នំ ន ឧប្បជ្ជមានន្តិ? អាមន្តា។
(Ka) na uppannaṃ na uppajjamānanti? Āmantā.
(ខ) ន ឧប្បជ្ជមានំ ន ឧប្បន្នន្តិ?
(Kha) na uppajjamānaṃ na uppannanti?
ភង្គក្ខណេ ន ឧប្បជ្ជមានំ, នោ ច ន ឧប្បន្នំ។ អតីតានាគតំ ចិត្តំ ន ចេវ ឧប្បជ្ជមានំ ន ច ឧប្បន្នំ។
Bhaṅgakkhaṇe na uppajjamānaṃ, no ca na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.
(១៣) និរុទ្ធនិរុជ្ឈមានវារោ
(13) Niruddhanirujjhamānavāro
១០៣. (ក) និរុទ្ធំ និរុជ្ឈមានន្តិ? នោ។
103. (Ka) niruddhaṃ nirujjhamānanti? No.
(ខ) និរុជ្ឈមានំ និរុទ្ធន្តិ? នោ។
(Kha) nirujjhamānaṃ niruddhanti? No.
(ក) ន និរុទ្ធំ ន និរុជ្ឈមានន្តិ?
(Ka) na niruddhaṃ na nirujjhamānanti?
ភង្គក្ខណេ ន និរុទ្ធំ, នោ ច ន និរុជ្ឈមានំ។ ឧប្បាទក្ខណេ អនាគតញ្ច ចិត្តំ ន ចេវ និរុទ្ធំ ន ច និរុជ្ឈមានំ។
Bhaṅgakkhaṇe na niruddhaṃ, no ca na nirujjhamānaṃ. Uppādakkhaṇe anāgatañca cittaṃ na ceva niruddhaṃ na ca nirujjhamānaṃ.
(ខ) ន និរុជ្ឈមានំ ន និរុទ្ធន្តិ?
(Kha) na nirujjhamānaṃ na niruddhanti?
អតីតំ ចិត្តំ ន និរុជ្ឈមានំ, នោ ច ន និរុទ្ធំ។ ឧប្បាទក្ខណេ អនាគតញ្ច ចិត្តំ ន ចេវ និរុជ្ឈមានំ ន ច និរុទ្ធំ។
Atītaṃ cittaṃ na nirujjhamānaṃ, no ca na niruddhaṃ. Uppādakkhaṇe anāgatañca cittaṃ na ceva nirujjhamānaṃ na ca niruddhaṃ.
(១៤) អតិក្កន្តកាលវារោ
(14) Atikkantakālavāro
១០៤. (ក) យំ ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?
104. (Ka) yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
ភង្គក្ខណេ ចិត្តំ ឧប្បាទក្ខណំ វីតិក្កន្តំ ភង្គក្ខណំ អវីតិក្កន្តំ , អតីតំ ចិត្តំ ឧប្បាទក្ខណញ្ច វីតិក្កន្តំ ភង្គក្ខណញ្ច វីតិក្កន្តំ។
Bhaṅgakkhaṇe cittaṃ uppādakkhaṇaṃ vītikkantaṃ bhaṅgakkhaṇaṃ avītikkantaṃ , atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantaṃ.
(ខ) យំ វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?
(Kha) yaṃ vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
អតីតំ ចិត្តំ ។
Atītaṃ cittaṃ .
(ក) យំ ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?
(Ka) yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
ឧប្បាទក្ខណេ អនាគតំ ចិត្តំ។
Uppādakkhaṇe anāgataṃ cittaṃ.
(ខ) យំ វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?
(Kha) yaṃ vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
ភង្គក្ខណេ ចិត្តំ ភង្គក្ខណំ អវីតិក្កន្តំ នោ ច ឧប្បាទក្ខណំ អវីតិក្កន្តំ, ឧប្បាទក្ខណេ អនាគតញ្ច ចិត្តំ ភង្គក្ខណញ្ច អវីតិក្កន្តំ ឧប្បាទក្ខណញ្ច អវីតិក្កន្តំ។
Bhaṅgakkhaṇe cittaṃ bhaṅgakkhaṇaṃ avītikkantaṃ no ca uppādakkhaṇaṃ avītikkantaṃ, uppādakkhaṇe anāgatañca cittaṃ bhaṅgakkhaṇañca avītikkantaṃ uppādakkhaṇañca avītikkantaṃ.
១. សុទ្ធចិត្តសាមញ្ញ
1. Suddhacittasāmañña
៣. បុគ្គលធម្មវារោ
3. Puggaladhammavāro
(១) ឧប្បាទនិរោធកាលសម្ភេទវារោ
(1) Uppādanirodhakālasambhedavāro
១០៥. (ក) យស្ស យំ ចិត្តំ ឧប្បជ្ជតិ ន និរុជ្ឈតិ តស្ស តំ ចិត្តំ និរុជ្ឈិស្សតិ ន ឧប្បជ្ជិស្សតីតិ? អាមន្តា។
105. (Ka) yassa yaṃ cittaṃ uppajjati na nirujjhati tassa taṃ cittaṃ nirujjhissati na uppajjissatīti? Āmantā.
(ខ) យស្ស វា បន យំ ចិត្តំ និរុជ្ឈិស្សតិ ន ឧប្បជ្ជិស្សតិ តស្ស តំ ចិត្តំ ឧប្បជ្ជតិ ន និរុជ្ឈតីតិ? អាមន្តា។
(Kha) yassa vā pana yaṃ cittaṃ nirujjhissati na uppajjissati tassa taṃ cittaṃ uppajjati na nirujjhatīti? Āmantā.
(ក) យស្ស យំ ចិត្តំ ន ឧប្បជ្ជតិ និរុជ្ឈតិ តស្ស តំ ចិត្តំ ន និរុជ្ឈិស្សតិ ឧប្បជ្ជិស្សតីតិ? នោ។
(Ka) yassa yaṃ cittaṃ na uppajjati nirujjhati tassa taṃ cittaṃ na nirujjhissati uppajjissatīti? No.
(ខ) យស្ស វា បន យំ ចិត្តំ ន និរុជ្ឈិស្សតិ ឧប្បជ្ជិស្សតិ តស្ស តំ ចិត្តំ ន ឧប្បជ្ជតិ និរុជ្ឈតីតិ? នត្ថិ។
(Kha) yassa vā pana yaṃ cittaṃ na nirujjhissati uppajjissati tassa taṃ cittaṃ na uppajjati nirujjhatīti? Natthi.
(២) ឧប្បាទុប្បន្នវារោ
(2) Uppāduppannavāro
១០៦. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បន្នន្តិ? អាមន្តា។
106. (Ka) yassa yaṃ cittaṃ uppajjati tassa taṃ cittaṃ uppannanti? Āmantā.
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ ឧប្បជ្ជតីតិ?
(Kha) yassa vā pana yaṃ cittaṃ uppannaṃ tassa taṃ cittaṃ uppajjatīti?
ភង្គក្ខណេ ចិត្តំ ឧប្បន្នំ, នោ ច តស្ស តំ ចិត្តំ ឧប្បជ្ជតិ។ ឧប្បាទក្ខណេ ចិត្តំ ឧប្បន្នញ្ចេវ ឧប្បជ្ជតិ ច។
Bhaṅgakkhaṇe cittaṃ uppannaṃ, no ca tassa taṃ cittaṃ uppajjati. Uppādakkhaṇe cittaṃ uppannañceva uppajjati ca.
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បន្នន្តិ?
(Ka) yassa yaṃ cittaṃ na uppajjati tassa taṃ cittaṃ na uppannanti?
ភង្គក្ខណេ ចិត្តំ ន ឧប្បជ្ជតិ, នោ ច តស្ស តំ ចិត្តំ ន ឧប្បន្នំ។ អតីតានាគតំ ចិត្តំ ន ចេវ ឧប្បជ្ជតិ ន ច ឧប្បន្នំ។
Bhaṅgakkhaṇe cittaṃ na uppajjati, no ca tassa taṃ cittaṃ na uppannaṃ. Atītānāgataṃ cittaṃ na ceva uppajjati na ca uppannaṃ.
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជតីតិ? អាមន្តា។
(Kha) yassa vā pana yaṃ cittaṃ na uppannaṃ tassa taṃ cittaṃ na uppajjatīti? Āmantā.
(៣) និរោធុប្បន្នវារោ
(3) Nirodhuppannavāro
១០៧. (ក) យស្ស យំ ចិត្តំ និរុជ្ឈតិ តស្ស តំ ចិត្តំ ឧប្បន្នន្តិ? អាមន្តា។
107. (Ka) yassa yaṃ cittaṃ nirujjhati tassa taṃ cittaṃ uppannanti? Āmantā.
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ និរុជ្ឈតីតិ?
(Kha) yassa vā pana yaṃ cittaṃ uppannaṃ tassa taṃ cittaṃ nirujjhatīti?
ឧប្បាទក្ខណេ ចិត្តំ ឧប្បន្នំ, នោ ច តស្ស តំ ចិត្តំ និរុជ្ឈតិ។ ភង្គក្ខណេ ចិត្តំ ឧប្បន្នញ្ចេវ និរុជ្ឈតិ ច។
Uppādakkhaṇe cittaṃ uppannaṃ, no ca tassa taṃ cittaṃ nirujjhati. Bhaṅgakkhaṇe cittaṃ uppannañceva nirujjhati ca.
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន ឧប្បន្នន្តិ?
(Ka) yassa yaṃ cittaṃ na nirujjhati tassa taṃ cittaṃ na uppannanti?
ឧប្បាទក្ខណេ ចិត្តំ ន និរុជ្ឈតិ, នោ ច តស្ស តំ ចិត្តំ ន ឧប្បន្នំ។ អតីតានាគតំ ចិត្តំ ន ចេវ និរុជ្ឈតិ ន ច ឧប្បន្នំ។
Uppādakkhaṇe cittaṃ na nirujjhati, no ca tassa taṃ cittaṃ na uppannaṃ. Atītānāgataṃ cittaṃ na ceva nirujjhati na ca uppannaṃ.
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន និរុជ្ឈតីតិ? អាមន្តា។
(Kha) yassa vā pana yaṃ cittaṃ na uppannaṃ tassa taṃ cittaṃ na nirujjhatīti? Āmantā.
(៤) ឧប្បាទវារោ
(4) Uppādavāro
១០៨. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បជ្ជិត្ថាតិ? នោ។
108. (Ka) yassa yaṃ cittaṃ uppajjati tassa taṃ cittaṃ uppajjitthāti? No.
(ខ) យស្ស វា បន យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បជ្ជតីតិ? នោ។
(Kha) yassa vā pana yaṃ cittaṃ uppajjittha tassa taṃ cittaṃ uppajjatīti? No.
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បជ្ជិត្ថាតិ?
(Ka) yassa yaṃ cittaṃ na uppajjati tassa taṃ cittaṃ na uppajjitthāti?
អតីតំ ចិត្តំ ន ឧប្បជ្ជតិ, នោ ច តស្ស តំ ចិត្តំ ន ឧប្បជ្ជិត្ថ។ ភង្គក្ខណេ អនាគតញ្ច ចិត្តំ ន ចេវ ឧប្បជ្ជតិ ន ច ឧប្បជ្ជិត្ថ។
Atītaṃ cittaṃ na uppajjati, no ca tassa taṃ cittaṃ na uppajjittha. Bhaṅgakkhaṇe anāgatañca cittaṃ na ceva uppajjati na ca uppajjittha.
(ខ) យស្ស វា បន យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បជ្ជតីតិ?
(Kha) yassa vā pana yaṃ cittaṃ na uppajjittha tassa taṃ cittaṃ na uppajjatīti?
ឧប្បាទក្ខណេ ចិត្តំ ន ឧប្បជ្ជិត្ថ, នោ ច តស្ស តំ ចិត្តំ ន ឧប្បជ្ជតិ។ ភង្គក្ខណេ អនាគតញ្ច ចិត្តំ ន ចេវ ឧប្បជ្ជិត្ថ ន ច ឧប្បជ្ជតិ។
Uppādakkhaṇe cittaṃ na uppajjittha, no ca tassa taṃ cittaṃ na uppajjati. Bhaṅgakkhaṇe anāgatañca cittaṃ na ceva uppajjittha na ca uppajjati.
១០៩. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បជ្ជិស្សតីតិ? នោ។
109. (Ka) yassa yaṃ cittaṃ uppajjati tassa taṃ cittaṃ uppajjissatīti? No.
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បជ្ជតីតិ? នោ។
(Kha) yassa vā pana yaṃ cittaṃ uppajjissati tassa taṃ cittaṃ uppajjatīti? No.
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បជ្ជិស្សតីតិ?
(Ka) yassa yaṃ cittaṃ na uppajjati tassa taṃ cittaṃ na uppajjissatīti?
អនាគតំ ចិត្តំ ន ឧប្បជ្ជតិ, នោ ច តស្ស តំ ចិត្តំ ន ឧប្បជ្ជិស្សតិ។ ភង្គក្ខណេ អតីតញ្ច ចិត្តំ ន ចេវ ឧប្បជ្ជតិ ន ច ឧប្បជ្ជិស្សតិ។
Anāgataṃ cittaṃ na uppajjati, no ca tassa taṃ cittaṃ na uppajjissati. Bhaṅgakkhaṇe atītañca cittaṃ na ceva uppajjati na ca uppajjissati.
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បជ្ជតីតិ?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjatīti?
ឧប្បាទក្ខណេ ចិត្តំ ន ឧប្បជ្ជិស្សតិ, នោ ច តស្ស តំ ចិត្តំ ន ឧប្បជ្ជតិ។ ភង្គក្ខណេ អតីតញ្ច ចិត្តំ ន ចេវ ឧប្បជ្ជិស្សតិ ន ច ឧប្បជ្ជតិ។
Uppādakkhaṇe cittaṃ na uppajjissati, no ca tassa taṃ cittaṃ na uppajjati. Bhaṅgakkhaṇe atītañca cittaṃ na ceva uppajjissati na ca uppajjati.
១១០. (ក) យស្ស យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បជ្ជិស្សតីតិ? នោ។
110. (Ka) yassa yaṃ cittaṃ uppajjittha tassa taṃ cittaṃ uppajjissatīti? No.
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បជ្ជិត្ថាតិ? នោ។
(Kha) yassa vā pana yaṃ cittaṃ uppajjissati tassa taṃ cittaṃ uppajjitthāti? No.
(ក) យស្ស យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បជ្ជិស្សតីតិ?
(Ka) yassa yaṃ cittaṃ na uppajjittha tassa taṃ cittaṃ na uppajjissatīti?
អនាគតំ ចិត្តំ ន ឧប្បជ្ជិត្ថ, នោ ច តស្ស តំ ចិត្តំ ន ឧប្បជ្ជិស្សតិ។ បច្ចុប្បន្នំ ចិត្តំ ន ចេវ ឧប្បជ្ជិត្ថ ន ច ឧប្បជ្ជិស្សតិ។
Anāgataṃ cittaṃ na uppajjittha, no ca tassa taṃ cittaṃ na uppajjissati. Paccuppannaṃ cittaṃ na ceva uppajjittha na ca uppajjissati.
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បជ្ជិត្ថាតិ?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjitthāti?
អតីតំ ចិត្តំ ន ឧប្បជ្ជិស្សតិ, នោ ច តស្ស តំ ចិត្តំ ន ឧប្បជ្ជិត្ថ។ បច្ចុប្បន្នំ ចិត្តំ ន ចេវ ឧប្បជ្ជិស្សតិ ន ច ឧប្បជ្ជិត្ថ។
Atītaṃ cittaṃ na uppajjissati, no ca tassa taṃ cittaṃ na uppajjittha. Paccuppannaṃ cittaṃ na ceva uppajjissati na ca uppajjittha.
(៥) និរោធវារោ
(5) Nirodhavāro
១១១. (ក) យស្ស យំ ចិត្តំ និរុជ្ឈតិ តស្ស តំ ចិត្តំ និរុជ្ឈិត្ថាតិ? នោ។
111. (Ka) yassa yaṃ cittaṃ nirujjhati tassa taṃ cittaṃ nirujjhitthāti? No.
(ខ) យស្ស វា បន យំ ចិត្តំ និរុជ្ឈិត្ថ តស្ស តំ ចិត្តំ និរុជ្ឈតីតិ? នោ។
(Kha) yassa vā pana yaṃ cittaṃ nirujjhittha tassa taṃ cittaṃ nirujjhatīti? No.
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន និរុជ្ឈិត្ថាតិ?
(Ka) yassa yaṃ cittaṃ na nirujjhati tassa taṃ cittaṃ na nirujjhitthāti?
អតីតំ ចិត្តំ ន និរុជ្ឈតិ, នោ ច តស្ស តំ ចិត្តំ ន និរុជ្ឈិត្ថ។ ឧប្បាទក្ខណេ អនាគតញ្ច ចិត្តំ ន ចេវ និរុជ្ឈតិ ន ច និរុជ្ឈិត្ថ។
Atītaṃ cittaṃ na nirujjhati, no ca tassa taṃ cittaṃ na nirujjhittha. Uppādakkhaṇe anāgatañca cittaṃ na ceva nirujjhati na ca nirujjhittha.
(ខ) យស្ស វា បន យំ ចិត្តំ ន និរុជ្ឈិត្ថ តស្ស តំ ចិត្តំ ន និរុជ្ឈតីតិ?
(Kha) yassa vā pana yaṃ cittaṃ na nirujjhittha tassa taṃ cittaṃ na nirujjhatīti?
ភង្គក្ខណេ ចិត្តំ ន និរុជ្ឈិត្ថ, នោ ច តស្ស តំ ចិត្តំ ន និរុជ្ឈតិ។ ឧប្បាទក្ខណេ អនាគតញ្ច ចិត្តំ ន ចេវ និរុជ្ឈិត្ថ ន ច និរុជ្ឈតិ។
Bhaṅgakkhaṇe cittaṃ na nirujjhittha, no ca tassa taṃ cittaṃ na nirujjhati. Uppādakkhaṇe anāgatañca cittaṃ na ceva nirujjhittha na ca nirujjhati.
១១២. (ក) យស្ស យំ ចិត្តំ និរុជ្ឈតិ តស្ស តំ ចិត្តំ និរុជ្ឈិស្សតីតិ? នោ។
112. (Ka) yassa yaṃ cittaṃ nirujjhati tassa taṃ cittaṃ nirujjhissatīti? No.
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ និរុជ្ឈតីតិ? នោ។
(Kha) yassa vā pana yaṃ cittaṃ nirujjhissati tassa taṃ cittaṃ nirujjhatīti? No.
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន និរុជ្ឈិស្សតីតិ?
(Ka) yassa yaṃ cittaṃ na nirujjhati tassa taṃ cittaṃ na nirujjhissatīti?
ឧប្បាទក្ខណេ អនាគតញ្ច ចិត្តំ ន និរុជ្ឈតិ, នោ ច តស្ស តំ ចិត្តំ ន និរុជ្ឈិស្សតិ។ អតីតំ ចិត្តំ ន ចេវ និរុជ្ឈតិ ន ច និរុជ្ឈិស្សតិ។
Uppādakkhaṇe anāgatañca cittaṃ na nirujjhati, no ca tassa taṃ cittaṃ na nirujjhissati. Atītaṃ cittaṃ na ceva nirujjhati na ca nirujjhissati.
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន និរុជ្ឈតីតិ?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhatīti?
ភង្គក្ខណេ ចិត្តំ ន និរុជ្ឈិស្សតិ, នោ ច តស្ស តំ ចិត្តំ ន និរុជ្ឈតិ។ អតីតំ ចិត្តំ ន ចេវ និរុជ្ឈិស្សតិ ន ច និរុជ្ឈតិ។
Bhaṅgakkhaṇe cittaṃ na nirujjhissati, no ca tassa taṃ cittaṃ na nirujjhati. Atītaṃ cittaṃ na ceva nirujjhissati na ca nirujjhati.
១១៣. (ក) យស្ស យំ ចិត្តំ និរុជ្ឈិត្ថ តស្ស តំ ចិត្តំ និរុជ្ឈិស្សតីតិ? នោ។
113. (Ka) yassa yaṃ cittaṃ nirujjhittha tassa taṃ cittaṃ nirujjhissatīti? No.
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ និរុជ្ឈិត្ថាតិ? នោ។
(Kha) yassa vā pana yaṃ cittaṃ nirujjhissati tassa taṃ cittaṃ nirujjhitthāti? No.
(ក) យស្ស យំ ចិត្តំ ន និរុជ្ឈិត្ថ តស្ស តំ ចិត្តំ ន និរុជ្ឈិស្សតីតិ?
(Ka) yassa yaṃ cittaṃ na nirujjhittha tassa taṃ cittaṃ na nirujjhissatīti?
ឧប្បាទក្ខណេ អនាគតញ្ច ចិត្តំ ន និរុជ្ឈិត្ថ, នោ ច តស្ស តំ ចិត្តំ ន និរុជ្ឈិស្សតិ។ ភង្គក្ខណេ ចិត្តំ ន ចេវ និរុជ្ឈិត្ថ ន ច និរុជ្ឈិស្សតិ។
Uppādakkhaṇe anāgatañca cittaṃ na nirujjhittha, no ca tassa taṃ cittaṃ na nirujjhissati. Bhaṅgakkhaṇe cittaṃ na ceva nirujjhittha na ca nirujjhissati.
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន និរុជ្ឈិត្ថាតិ?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhitthāti?
អតីតំ ចិត្តំ ន និរុជ្ឈិស្សតិ, នោ ច តស្ស តំ ចិត្តំ ន និរុជ្ឈិត្ថ។ ភង្គក្ខណេ ចិត្តំ ន ចេវ និរុជ្ឈិស្សតិ ន ច និរុជ្ឈិត្ថ។
Atītaṃ cittaṃ na nirujjhissati, no ca tassa taṃ cittaṃ na nirujjhittha. Bhaṅgakkhaṇe cittaṃ na ceva nirujjhissati na ca nirujjhittha.
(យស្ស ចិត្តកេ សកភាវេន និទ្ទិដ្ឋេ, យំ ចិត្តកេ ច យស្ស យំ ចិត្តកេ ច ឯកត្តេន និទ្ទិដ្ឋេ។)
(Yassa cittake sakabhāvena niddiṭṭhe, yaṃ cittake ca yassa yaṃ cittake ca ekattena niddiṭṭhe.)
២. សុត្តន្តចិត្តមិស្សកវិសេសោ
2. Suttantacittamissakaviseso
១១៤. យស្ស សរាគំ ចិត្តំ ឧប្បជ្ជតិ ន និរុជ្ឈតិ តស្ស សរាគំ ចិត្តំ និរុជ្ឈិស្សតិ ន ឧប្បជ្ជិស្សតីតិ?
114. Yassa sarāgaṃ cittaṃ uppajjati na nirujjhati tassa sarāgaṃ cittaṃ nirujjhissati na uppajjissatīti?
សរាគបច្ឆិមចិត្តស្ស ឧប្បាទក្ខណេ តេសំ សរាគំ ចិត្តំ ឧប្បជ្ជតិ ន និរុជ្ឈតិ, និរុជ្ឈិស្សតិ ន ឧប្បជ្ជិស្សតិ។ ឥតរេសំ សរាគចិត្តស្ស ឧប្បាទក្ខណេ តេសំ…បេ.…។
Sarāgapacchimacittassa uppādakkhaṇe tesaṃ sarāgaṃ cittaṃ uppajjati na nirujjhati, nirujjhissati na uppajjissati. Itaresaṃ sarāgacittassa uppādakkhaṇe tesaṃ…pe….
៣. អភិធម្មចិត្តមិស្សកវិសេសោ
3. Abhidhammacittamissakaviseso
១១៥. យស្ស កុសលំ ចិត្តំ ឧប្បជ្ជតិ ន និរុជ្ឈតិ តស្ស កុសលំ ចិត្តំ និរុជ្ឈិស្សតិ ន ឧប្បជ្ជិស្សតីតិ?
115. Yassa kusalaṃ cittaṃ uppajjati na nirujjhati tassa kusalaṃ cittaṃ nirujjhissati na uppajjissatīti?
បច្ឆិមកុសលចិត្តស្ស ឧប្បាទក្ខណេ តេសំ កុសលំ ចិត្តំ ឧប្បជ្ជតិ ន និរុជ្ឈតិ, និរុជ្ឈិស្សតិ ន ឧប្បជ្ជិស្សតិ។ ឥតរេសំ កុសលចិត្តស្ស ឧប្បាទក្ខណេ តេសំ…បេ.…។
Pacchimakusalacittassa uppādakkhaṇe tesaṃ kusalaṃ cittaṃ uppajjati na nirujjhati, nirujjhissati na uppajjissati. Itaresaṃ kusalacittassa uppādakkhaṇe tesaṃ…pe….
យស្ស វា បន…បេ.…? អាមន្តា …បេ.…។
Yassa vā pana…pe…? Āmantā …pe….
១១៦. យស្ស អកុសលំ ចិត្តំ ឧប្បជ្ជតិ ន និរុជ្ឈតិ…បេ.…។ យស្ស អព្យាកតំ ចិត្តំ ឧប្បជ្ជតិ ន និរុជ្ឈតិ…បេ.…។
116. Yassa akusalaṃ cittaṃ uppajjati na nirujjhati…pe…. Yassa abyākataṃ cittaṃ uppajjati na nirujjhati…pe….
(មូលយមកំ ចិត្តយមកំ ធម្មយមកន្តិ តីណិ យមកានិ យាវ សរណអរណា គច្ឆន្តិ។)
(Mūlayamakaṃ cittayamakaṃ dhammayamakanti tīṇi yamakāni yāva saraṇaaraṇā gacchanti.)
ចិត្តយមកំ និដ្ឋិតំ។
Cittayamakaṃ niṭṭhitaṃ.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៨. ចិត្តយមកំ • 8. Cittayamakaṃ
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១០. ឥន្ទ្រិយយមកំ • 10. Indriyayamakaṃ
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១០. ឥន្ទ្រិយយមកំ • 10. Indriyayamakaṃ
