| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೩. ಚಾಪಾಥೇರೀಗಾಥಾ
3. Cāpātherīgāthā
೨೯೨.
292.
‘‘ಲಟ್ಠಿಹತ್ಥೋ ಪುರೇ ಆಸಿ, ಸೋ ದಾನಿ ಮಿಗಲುದ್ದಕೋ।
‘‘Laṭṭhihattho pure āsi, so dāni migaluddako;
ಆಸಾಯ ಪಲಿಪಾ ಘೋರಾ, ನಾಸಕ್ಖಿ ಪಾರಮೇತವೇ॥
Āsāya palipā ghorā, nāsakkhi pārametave.
೨೯೩.
293.
‘‘ಸುಮತ್ತಂ ಮಂ ಮಞ್ಞಮಾನಾ, ಚಾಪಾ ಪುತ್ತಮತೋಸಯಿ।
‘‘Sumattaṃ maṃ maññamānā, cāpā puttamatosayi;
ಚಾಪಾಯ ಬನ್ಧನಂ ಛೇತ್ವಾ, ಪಬ್ಬಜಿಸ್ಸಂ ಪುನೋಪಹಂ॥
Cāpāya bandhanaṃ chetvā, pabbajissaṃ punopahaṃ.
೨೯೪.
294.
‘‘ಮಾ ಮೇ ಕುಜ್ಝಿ ಮಹಾವೀರ, ಮಾ ಮೇ ಕುಜ್ಝಿ ಮಹಾಮುನಿ।
‘‘Mā me kujjhi mahāvīra, mā me kujjhi mahāmuni;
ನ ಹಿ ಕೋಧಪರೇತಸ್ಸ, ಸುದ್ಧಿ ಅತ್ಥಿ ಕುತೋ ತಪೋ॥
Na hi kodhaparetassa, suddhi atthi kuto tapo.
೨೯೫.
295.
‘‘ಪಕ್ಕಮಿಸ್ಸಞ್ಚ ನಾಳಾತೋ, ಕೋಧ ನಾಳಾಯ ವಚ್ಛತಿ।
‘‘Pakkamissañca nāḷāto, kodha nāḷāya vacchati;
೨೯೬.
296.
‘‘ಏಹಿ ಕಾಳ ನಿವತ್ತಸ್ಸು, ಭುಞ್ಜ ಕಾಮೇ ಯಥಾ ಪುರೇ।
‘‘Ehi kāḷa nivattassu, bhuñja kāme yathā pure;
ಅಹಞ್ಚ ತೇ ವಸೀಕತಾ, ಯೇ ಚ ಮೇ ಸನ್ತಿ ಞಾತಕಾ’’॥
Ahañca te vasīkatā, ye ca me santi ñātakā’’.
೨೯೭.
297.
‘‘ಏತ್ತೋ ಚಾಪೇ ಚತುಬ್ಭಾಗಂ, ಯಥಾ ಭಾಸಸಿ ತ್ವಞ್ಚ ಮೇ।
‘‘Etto cāpe catubbhāgaṃ, yathā bhāsasi tvañca me;
ತಯಿ ರತ್ತಸ್ಸ ಪೋಸಸ್ಸ, ಉಳಾರಂ ವತ ತಂ ಸಿಯಾ’’॥
Tayi rattassa posassa, uḷāraṃ vata taṃ siyā’’.
೨೯೮.
298.
‘‘ಕಾಳಙ್ಗಿನಿಂವ ತಕ್ಕಾರಿಂ, ಪುಪ್ಫಿತಂ ಗಿರಿಮುದ್ಧನಿ।
‘‘Kāḷaṅginiṃva takkāriṃ, pupphitaṃ girimuddhani;
ಫುಲ್ಲಂ ದಾಲಿಮಲಟ್ಠಿಂವ, ಅನ್ತೋದೀಪೇವ ಪಾಟಲಿಂ॥
Phullaṃ dālimalaṭṭhiṃva, antodīpeva pāṭaliṃ.
೨೯೯.
299.
‘‘ಹರಿಚನ್ದನಲಿತ್ತಙ್ಗಿಂ, ಕಾಸಿಕುತ್ತಮಧಾರಿನಿಂ।
‘‘Haricandanalittaṅgiṃ, kāsikuttamadhāriniṃ;
ತಂ ಮಂ ರೂಪವತಿಂ ಸನ್ತಿಂ, ಕಸ್ಸ ಓಹಾಯ ಗಚ್ಛಸಿ’’॥
Taṃ maṃ rūpavatiṃ santiṃ, kassa ohāya gacchasi’’.
೩೦೦.
300.
ಆಹರಿಮೇನ ರೂಪೇನ, ನ ಮಂ ತ್ವಂ ಬಾಧಯಿಸ್ಸಸಿ’’॥
Āharimena rūpena, na maṃ tvaṃ bādhayissasi’’.
೩೦೧.
301.
‘‘ಇಮಞ್ಚ ಮೇ ಪುತ್ತಫಲಂ, ಕಾಳ ಉಪ್ಪಾದಿತಂ ತಯಾ।
‘‘Imañca me puttaphalaṃ, kāḷa uppāditaṃ tayā;
ತಂ ಮಂ ಪುತ್ತವತಿಂ ಸನ್ತಿಂ, ಕಸ್ಸ ಓಹಾಯ ಗಚ್ಛಸಿ’’॥
Taṃ maṃ puttavatiṃ santiṃ, kassa ohāya gacchasi’’.
೩೦೨.
302.
‘‘ಜಹನ್ತಿ ಪುತ್ತೇ ಸಪ್ಪಞ್ಞಾ, ತತೋ ಞಾತೀ ತತೋ ಧನಂ।
‘‘Jahanti putte sappaññā, tato ñātī tato dhanaṃ;
ಪಬ್ಬಜನ್ತಿ ಮಹಾವೀರಾ, ನಾಗೋ ಛೇತ್ವಾವ ಬನ್ಧನಂ’’॥
Pabbajanti mahāvīrā, nāgo chetvāva bandhanaṃ’’.
೩೦೩.
303.
‘‘ಇದಾನಿ ತೇ ಇಮಂ ಪುತ್ತಂ, ದಣ್ಡೇನ ಛುರಿಕಾಯ ವಾ।
‘‘Idāni te imaṃ puttaṃ, daṇḍena churikāya vā;
ಭೂಮಿಯಂ ವಾ ನಿಸುಮ್ಭಿಸ್ಸಂ 5, ಪುತ್ತಸೋಕಾ ನ ಗಚ್ಛಸಿ’’॥
Bhūmiyaṃ vā nisumbhissaṃ 6, puttasokā na gacchasi’’.
೩೦೪.
304.
‘‘ಸಚೇ ಪುತ್ತಂ ಸಿಙ್ಗಾಲಾನಂ, ಕುಕ್ಕುರಾನಂ ಪದಾಹಿಸಿ।
‘‘Sace puttaṃ siṅgālānaṃ, kukkurānaṃ padāhisi;
ನ ಮಂ ಪುತ್ತಕತ್ತೇ ಜಮ್ಮಿ, ಪುನರಾವತ್ತಯಿಸ್ಸಸಿ’’॥
Na maṃ puttakatte jammi, punarāvattayissasi’’.
೩೦೫.
305.
‘‘ಹನ್ದ ಖೋ ದಾನಿ ಭದ್ದನ್ತೇ, ಕುಹಿಂ ಕಾಳ ಗಮಿಸ್ಸಸಿ।
‘‘Handa kho dāni bhaddante, kuhiṃ kāḷa gamissasi;
ಕತಮಂ ಗಾಮನಿಗಮಂ, ನಗರಂ ರಾಜಧಾನಿಯೋ’’॥
Katamaṃ gāmanigamaṃ, nagaraṃ rājadhāniyo’’.
೩೦೬.
306.
‘‘ಅಹುಮ್ಹ ಪುಬ್ಬೇ ಗಣಿನೋ, ಅಸ್ಸಮಣಾ ಸಮಣಮಾನಿನೋ।
‘‘Ahumha pubbe gaṇino, assamaṇā samaṇamānino;
ಗಾಮೇನ ಗಾಮಂ ವಿಚರಿಮ್ಹ, ನಗರೇ ರಾಜಧಾನಿಯೋ॥
Gāmena gāmaṃ vicarimha, nagare rājadhāniyo.
೩೦೭.
307.
‘‘ಏಸೋ ಹಿ ಭಗವಾ ಬುದ್ಧೋ, ನದಿಂ ನೇರಞ್ಜರಂ ಪತಿ।
‘‘Eso hi bhagavā buddho, nadiṃ nerañjaraṃ pati;
ಸಬ್ಬದುಕ್ಖಪ್ಪಹಾನಾಯ, ಧಮ್ಮಂ ದೇಸೇತಿ ಪಾಣಿನಂ।
Sabbadukkhappahānāya, dhammaṃ deseti pāṇinaṃ;
ತಸ್ಸಾಹಂ ಸನ್ತಿಕಂ ಗಚ್ಛಂ, ಸೋ ಮೇ ಸತ್ಥಾ ಭವಿಸ್ಸತಿ’’॥
Tassāhaṃ santikaṃ gacchaṃ, so me satthā bhavissati’’.
೩೦೮.
308.
‘‘ವನ್ದನಂ ದಾನಿ ವಜ್ಜಾಸಿ, ಲೋಕನಾಥಂ ಅನುತ್ತರಂ।
‘‘Vandanaṃ dāni vajjāsi, lokanāthaṃ anuttaraṃ;
ಪದಕ್ಖಿಣಞ್ಚ ಕತ್ವಾನ, ಆದಿಸೇಯ್ಯಾಸಿ ದಕ್ಖಿಣಂ’’॥
Padakkhiṇañca katvāna, ādiseyyāsi dakkhiṇaṃ’’.
೩೦೯.
309.
‘‘ಏತಂ ಖೋ ಲಬ್ಭಮಮ್ಹೇಹಿ, ಯಥಾ ಭಾಸಸಿ ತ್ವಞ್ಚ ಮೇ।
‘‘Etaṃ kho labbhamamhehi, yathā bhāsasi tvañca me;
ವನ್ದನಂ ದಾನಿ ತೇ ವಜ್ಜಂ, ಲೋಕನಾಥಂ ಅನುತ್ತರಂ।
Vandanaṃ dāni te vajjaṃ, lokanāthaṃ anuttaraṃ;
ಪದಕ್ಖಿಣಞ್ಚ ಕತ್ವಾನ, ಆದಿಸಿಸ್ಸಾಮಿ ದಕ್ಖಿಣಂ’’॥
Padakkhiṇañca katvāna, ādisissāmi dakkhiṇaṃ’’.
೩೧೦.
310.
ತತೋ ಚ ಕಾಳೋ ಪಕ್ಕಾಮಿ, ನದಿಂ ನೇರಞ್ಜರಂ ಪತಿ।
Tato ca kāḷo pakkāmi, nadiṃ nerañjaraṃ pati;
ಸೋ ಅದ್ದಸಾಸಿ ಸಮ್ಬುದ್ಧಂ, ದೇಸೇನ್ತಂ ಅಮತಂ ಪದಂ॥
So addasāsi sambuddhaṃ, desentaṃ amataṃ padaṃ.
೩೧೧.
311.
ದುಕ್ಖಂ ದುಕ್ಖಸಮುಪ್ಪಾದಂ, ದುಕ್ಖಸ್ಸ ಚ ಅತಿಕ್ಕಮಂ।
Dukkhaṃ dukkhasamuppādaṃ, dukkhassa ca atikkamaṃ;
ಅರಿಯಂ ಚಟ್ಠಙ್ಗಿಕಂ ಮಗ್ಗಂ, ದುಕ್ಖೂಪಸಮಗಾಮಿನಂ॥
Ariyaṃ caṭṭhaṅgikaṃ maggaṃ, dukkhūpasamagāminaṃ.
೩೧೨.
312.
ಚಾಪಾಯ ಆದಿಸಿತ್ವಾನ, ಪಬ್ಬಜಿಂ ಅನಗಾರಿಯಂ।
Cāpāya ādisitvāna, pabbajiṃ anagāriyaṃ;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā anuppattā, kataṃ buddhassa sāsanaṃ.
… ಚಾಪಾ ಥೇರೀ…।
… Cāpā therī….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೩. ಚಾಪಾಥೇರೀಗಾಥಾವಣ್ಣನಾ • 3. Cāpātherīgāthāvaṇṇanā
