| Library / Tipiṭaka / តិបិដក • Tipiṭaka / ថេរីគាថាបាឡិ • Therīgāthāpāḷi |
៩. ភទ្ទាកុណ្ឌលកេសាថេរីគាថា
9. Bhaddākuṇḍalakesātherīgāthā
១០៧.
107.
‘‘លូនកេសី បង្កធរី, ឯកសាដី បុរេ ចរិំ;
‘‘Lūnakesī paṅkadharī, ekasāṭī pure cariṃ;
អវជ្ជេ វជ្ជមតិនី, វជ្ជេ ចាវជ្ជទស្សិនី។
Avajje vajjamatinī, vajje cāvajjadassinī.
១០៨.
108.
‘‘ទិវាវិហារា និក្ខម្ម, គិជ្ឈកូដម្ហិ បព្ពតេ;
‘‘Divāvihārā nikkhamma, gijjhakūṭamhi pabbate;
អទ្ទសំ វិរជំ ពុទ្ធំ, ភិក្ខុសង្ឃបុរក្ខតំ។
Addasaṃ virajaṃ buddhaṃ, bhikkhusaṅghapurakkhataṃ.
១០៩.
109.
‘‘និហច្ច ជាណុំ វន្ទិត្វា, សម្មុខា អញ្ជលិំ អកំ;
‘‘Nihacca jāṇuṃ vanditvā, sammukhā añjaliṃ akaṃ;
‘ឯហិ ភទ្ទេ’តិ មំ អវច, សា មេ អាសូបសម្បទា។
‘Ehi bhadde’ti maṃ avaca, sā me āsūpasampadā.
១១០.
110.
‘‘ចិណ្ណា អង្គា ច មគធា, វជ្ជី កាសី ច កោសលា;
‘‘Ciṇṇā aṅgā ca magadhā, vajjī kāsī ca kosalā;
អនណា បណ្ណាសវស្សានិ, រដ្ឋបិណ្ឌំ អភុញ្ជហំ។
Anaṇā paṇṇāsavassāni, raṭṭhapiṇḍaṃ abhuñjahaṃ.
១១១.
111.
‘‘បុញ្ញំ វត បសវិ ពហុំ, សប្បញ្ញោ វតាយំ ឧបាសកោ;
‘‘Puññaṃ vata pasavi bahuṃ, sappañño vatāyaṃ upāsako;
យោ ភទ្ទាយ ចីវរំ អទាសិ, វិប្បមុត្តាយ សព្ពគន្ថេហី’’តិ។
Yo bhaddāya cīvaraṃ adāsi, vippamuttāya sabbaganthehī’’ti.
… ភទ្ទា កុណ្ឌលកេសា ថេរី…។
… Bhaddā kuṇḍalakesā therī….
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរីគាថា-អដ្ឋកថា • Therīgāthā-aṭṭhakathā / ៩. ភទ្ទាកុណ្ឌលកេសាថេរីគាថាវណ្ណនា • 9. Bhaddākuṇḍalakesātherīgāthāvaṇṇanā
