| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អធិមានវត្ថុវណ្ណនា
Adhimānavatthuvaṇṇanā
១៩៦. អរហត្តេតិ អគ្គផលេ។ ញាណចក្ខុនាតិ បច្ចវេក្ខណញាណសង្ខាតេន ចក្ខុនា, អថ វា ផលចិត្តសម្បយុត្តេនេវ ញាណចក្ខុនា។ អត្តនា សម្បយុត្តេនាបិ ហិ ញាណេន អសម្មោហតោ សយំ ទិដ្ឋំ នាម ហោតិ, តថា តស្មិំ អទិដ្ឋេតិ អត្ថោ។ សព្ពេសំ កិលេសានំ បហាយកវសេន អាជានាតិ, សមន្តតោ សព្ពេន វា បការេន ជានាតីតិ ‘‘អញ្ញា’’តិ អគ្គមគ្គោ វុច្ចតិ, តទុបចារេន បន តប្ផលម្បីតិ អាហ ‘‘អញ្ញំ ព្យាករិំសូតិ អរហត្តំ ព្យាករិំសូ’’តិ។ អន្តរា ឋបេតីតិ សេខភូមិយំ អធិមានោ ឋបេតិ។ កិលេសសមុទាចារំ អបស្សន្តោតិ បុរិមមគ្គត្តយវជ្ឈានំយេវ កិលេសានំ វសេន វុត្តំ, ន ភវរាគាទីនំ។
196.Arahatteti aggaphale. Ñāṇacakkhunāti paccavekkhaṇañāṇasaṅkhātena cakkhunā, atha vā phalacittasampayutteneva ñāṇacakkhunā. Attanā sampayuttenāpi hi ñāṇena asammohato sayaṃ diṭṭhaṃ nāma hoti, tathā tasmiṃ adiṭṭheti attho. Sabbesaṃ kilesānaṃ pahāyakavasena ājānāti, samantato sabbena vā pakārena jānātīti ‘‘aññā’’ti aggamaggo vuccati, tadupacārena pana tapphalampīti āha ‘‘aññaṃ byākariṃsūti arahattaṃ byākariṃsū’’ti. Antarā ṭhapetīti sekhabhūmiyaṃ adhimāno ṭhapeti. Kilesasamudācāraṃ apassantoti purimamaggattayavajjhānaṃyeva kilesānaṃ vasena vuttaṃ, na bhavarāgādīnaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៤. ចតុត្ថបារាជិកំ • 4. Catutthapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៤. ចតុត្ថបារាជិកំ • 4. Catutthapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អធិមានវត្ថុវណ្ណនា • Adhimānavatthuvaṇṇanā
