| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๓. วิชฺชาสุตฺตํ
3. Vijjāsuttaṃ
๔๐. วุตฺตเญฺหตํ ภควตา, วุตฺตมรหตาติ เม สุตํ –
40. Vuttañhetaṃ bhagavatā, vuttamarahatāti me sutaṃ –
‘‘อวิชฺชา , ภิกฺขเว, ปุพฺพงฺคมา อกุสลานํ ธมฺมานํ สมาปตฺติยา อนฺวเทว อหิริกํ อโนตฺตปฺปํ; วิชฺชา จ โข, ภิกฺขเว, ปุพฺพงฺคมา กุสลานํ ธมฺมานํ สมาปตฺติยา อนฺวเทว หิโรตฺตปฺป’’นฺติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Avijjā , bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappaṃ; vijjā ca kho, bhikkhave, pubbaṅgamā kusalānaṃ dhammānaṃ samāpattiyā anvadeva hirottappa’’nti. Etamatthaṃ bhagavā avoca. Tatthetaṃ iti vuccati –
‘‘ยา กาจิมา ทุคฺคติโย, อสฺมิํ โลเก ปรมฺหิ จ;
‘‘Yā kācimā duggatiyo, asmiṃ loke paramhi ca;
อวิชฺชามูลิกา สพฺพา, อิจฺฉาโลภสมุสฺสยาฯ
Avijjāmūlikā sabbā, icchālobhasamussayā.
‘‘ยโต จ โหติ ปาปิโจฺฉ, อหิรีโก อนาทโร;
‘‘Yato ca hoti pāpiccho, ahirīko anādaro;
ตโต ปาปํ ปสวติ, อปายํ เตน คจฺฉติฯ
Tato pāpaṃ pasavati, apāyaṃ tena gacchati.
‘‘ตสฺมา ฉนฺทญฺจ โลภญฺจ, อวิชฺชญฺจ วิราชยํ;
‘‘Tasmā chandañca lobhañca, avijjañca virājayaṃ;
วิชฺชํ อุปฺปาทยํ ภิกฺขุ, สพฺพา ทุคฺคติโย ชเห’’ติฯ
Vijjaṃ uppādayaṃ bhikkhu, sabbā duggatiyo jahe’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ ตติยํฯ
Ayampi attho vutto bhagavatā, iti me sutanti. Tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๓. วิชฺชาสุตฺตวณฺณนา • 3. Vijjāsuttavaṇṇanā
