| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೯. ವಟ್ಟಪೋತಕಚರಿಯಾ
9. Vaṭṭapotakacariyā
೭೨.
72.
‘‘ಪುನಾಪರಂ ಯದಾ ಹೋಮಿ, ಮಗಧೇ ವಟ್ಟಪೋತಕೋ।
‘‘Punāparaṃ yadā homi, magadhe vaṭṭapotako;
ಅಜಾತಪಕ್ಖೋ ತರುಣೋ, ಮಂಸಪೇಸಿ ಕುಲಾವಕೇ॥
Ajātapakkho taruṇo, maṃsapesi kulāvake.
೭೩.
73.
ತಸ್ಸಾ ಫಸ್ಸೇನ ಜೀವಾಮಿ, ನತ್ಥಿ ಮೇ ಕಾಯಿಕಂ ಬಲಂ॥
Tassā phassena jīvāmi, natthi me kāyikaṃ balaṃ.
೭೪.
74.
ಉಪಗಚ್ಛತಿ ಅಮ್ಹಾಕಂ, ಪಾವಕೋ ಕಣ್ಹವತ್ತನೀ॥
Upagacchati amhākaṃ, pāvako kaṇhavattanī.
೭೫.
75.
‘‘ಧಮಧಮಾ ಇತಿಏವಂ, ಸದ್ದಾಯನ್ತೋ ಮಹಾಸಿಖೀ।
‘‘Dhamadhamā itievaṃ, saddāyanto mahāsikhī;
ಅನುಪುಬ್ಬೇನ ಝಾಪೇನ್ತೋ, ಅಗ್ಗಿ ಮಮಮುಪಾಗಮಿ॥
Anupubbena jhāpento, aggi mamamupāgami.
೭೬.
76.
‘‘ಅಗ್ಗಿವೇಗಭಯಾತೀತಾ, ತಸಿತಾ ಮಾತಾಪಿತಾ ಮಮ।
‘‘Aggivegabhayātītā, tasitā mātāpitā mama;
ಕುಲಾವಕೇ ಮಂ ಛಡ್ಡೇತ್ವಾ, ಅತ್ತಾನಂ ಪರಿಮೋಚಯುಂ॥
Kulāvake maṃ chaḍḍetvā, attānaṃ parimocayuṃ.
೭೭.
77.
‘‘ಪಾದೇ ಪಕ್ಖೇ ಪಜಹಾಮಿ, ನತ್ಥಿ ಮೇ ಕಾಯಿಕಂ ಬಲಂ।
‘‘Pāde pakkhe pajahāmi, natthi me kāyikaṃ balaṃ;
ಸೋಹಂ ಅಗತಿಕೋ ತತ್ಥ, ಏವಂ ಚಿನ್ತೇಸಹಂ ತದಾ॥
Sohaṃ agatiko tattha, evaṃ cintesahaṃ tadā.
೭೮.
78.
‘‘‘ಯೇಸಾಹಂ ಉಪಧಾವೇಯ್ಯಂ, ಭೀತೋ ತಸಿತವೇಧಿತೋ।
‘‘‘Yesāhaṃ upadhāveyyaṃ, bhīto tasitavedhito;
ತೇ ಮಂ ಓಹಾಯ ಪಕ್ಕನ್ತಾ, ಕಥಂ ಮೇ ಅಜ್ಜ ಕಾತವೇ॥
Te maṃ ohāya pakkantā, kathaṃ me ajja kātave.
೭೯.
79.
‘‘‘ಅತ್ಥಿ ಲೋಕೇ ಸೀಲಗುಣೋ, ಸಚ್ಚಂ ಸೋಚೇಯ್ಯನುದ್ದಯಾ।
‘‘‘Atthi loke sīlaguṇo, saccaṃ soceyyanuddayā;
ತೇನ ಸಚ್ಚೇನ ಕಾಹಾಮಿ, ಸಚ್ಚಕಿರಿಯಮುತ್ತಮಂ॥
Tena saccena kāhāmi, saccakiriyamuttamaṃ.
೮೦.
80.
‘‘‘ಆವೇಜ್ಜೇತ್ವಾ ಧಮ್ಮಬಲಂ, ಸರಿತ್ವಾ ಪುಬ್ಬಕೇ ಜಿನೇ।
‘‘‘Āvejjetvā dhammabalaṃ, saritvā pubbake jine;
ಸಚ್ಚಬಲಮವಸ್ಸಾಯ, ಸಚ್ಚಕಿರಿಯಮಕಾಸಹಂ॥
Saccabalamavassāya, saccakiriyamakāsahaṃ.
೮೧.
81.
‘‘‘ಸನ್ತಿ ಪಕ್ಖಾ ಅಪತನಾ, ಸನ್ತಿ ಪಾದಾ ಅವಞ್ಚನಾ।
‘‘‘Santi pakkhā apatanā, santi pādā avañcanā;
ಮಾತಾಪಿತಾ ಚ ನಿಕ್ಖನ್ತಾ, ಜಾತವೇದ ಪಟಿಕ್ಕಮ’॥
Mātāpitā ca nikkhantā, jātaveda paṭikkama’.
೮೨.
82.
‘‘ಸಹಸಚ್ಚೇ ಕತೇ ಮಯ್ಹಂ, ಮಹಾಪಜ್ಜಲಿತೋ ಸಿಖೀ।
‘‘Sahasacce kate mayhaṃ, mahāpajjalito sikhī;
ವಜ್ಜೇಸಿ ಸೋಳಸಕರೀಸಾನಿ, ಉದಕಂ ಪತ್ವಾ ಯಥಾ ಸಿಖೀ।
Vajjesi soḷasakarīsāni, udakaṃ patvā yathā sikhī;
ಸಚ್ಚೇನ ಮೇ ಸಮೋ ನತ್ಥಿ, ಏಸಾ ಮೇ ಸಚ್ಚಪಾರಮೀ’’ತಿ॥
Saccena me samo natthi, esā me saccapāramī’’ti.
ವಟ್ಟಪೋತಕಚರಿಯಂ ನವಮಂ।
Vaṭṭapotakacariyaṃ navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೯. ವಟ್ಟಪೋತಕಚರಿಯಾವಣ್ಣನಾ • 9. Vaṭṭapotakacariyāvaṇṇanā
