| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๖. วงฺคนฺตปุตฺตอุปเสนเตฺถรคาถา
6. Vaṅgantaputtaupasenattheragāthā
๕๗๗.
577.
‘‘วิวิตฺตํ อปฺปนิโคฺฆสํ, วาฬมิคนิเสวิตํ;
‘‘Vivittaṃ appanigghosaṃ, vāḷamiganisevitaṃ;
เสเว เสนาสนํ ภิกฺขุ, ปฎิสลฺลานการณาฯ
Seve senāsanaṃ bhikkhu, paṭisallānakāraṇā.
๕๗๘.
578.
ตโต สงฺฆาฎิกํ กตฺวา, ลูขํ ธาเรยฺย จีวรํฯ
Tato saṅghāṭikaṃ katvā, lūkhaṃ dhāreyya cīvaraṃ.
๕๗๙.
579.
‘‘นีจํ มนํ กริตฺวาน, สปทานํ กุลา กุลํ;
‘‘Nīcaṃ manaṃ karitvāna, sapadānaṃ kulā kulaṃ;
ปิณฺฑิกาย จเร ภิกฺขุ, คุตฺตทฺวาโร สุสํวุโตฯ
Piṇḍikāya care bhikkhu, guttadvāro susaṃvuto.
๕๘๐.
580.
‘‘ลูเขนปิ วา 3 สนฺตุเสฺส, นาญฺญํ ปเตฺถ รสํ พหุํ;
‘‘Lūkhenapi vā 4 santusse, nāññaṃ patthe rasaṃ bahuṃ;
รเสสุ อนุคิทฺธสฺส, ฌาเน น รมตี มโนฯ
Rasesu anugiddhassa, jhāne na ramatī mano.
๕๘๑.
581.
‘‘อปฺปิโจฺฉ เจว สนฺตุโฎฺฐ, ปวิวิโตฺต วเส มุนิ;
‘‘Appiccho ceva santuṭṭho, pavivitto vase muni;
อสํสโฎฺฐ คหเฎฺฐหิ, อนาคาเรหิ จูภยํฯ
Asaṃsaṭṭho gahaṭṭhehi, anāgārehi cūbhayaṃ.
๕๘๒.
582.
‘‘ยถา ชโฬ ว มูโค ว, อตฺตานํ ทสฺสเย ตถา;
‘‘Yathā jaḷo va mūgo va, attānaṃ dassaye tathā;
นาติเวลํ สมฺภาเสยฺย, สงฺฆมชฺฌมฺหิ ปณฺฑิโตฯ
Nātivelaṃ sambhāseyya, saṅghamajjhamhi paṇḍito.
๕๘๓.
583.
‘‘น โส อุปวเท กญฺจิ, อุปฆาตํ วิวชฺชเย;
‘‘Na so upavade kañci, upaghātaṃ vivajjaye;
สํวุโต ปาติโมกฺขสฺมิํ, มตฺตญฺญู จสฺส โภชเนฯ
Saṃvuto pātimokkhasmiṃ, mattaññū cassa bhojane.
๕๘๔.
584.
‘‘สุคฺคหีตนิมิตฺตสฺส, จิตฺตสฺสุปฺปาทโกวิโท;
‘‘Suggahītanimittassa, cittassuppādakovido;
สมํ อนุยุเญฺชยฺย, กาเลน จ วิปสฺสนํฯ
Samaṃ anuyuñjeyya, kālena ca vipassanaṃ.
๕๘๕.
585.
‘‘วีริยสาตจฺจสมฺปโนฺน , ยุตฺตโยโค สทา สิยา;
‘‘Vīriyasātaccasampanno , yuttayogo sadā siyā;
น จ อปฺปตฺวา ทุกฺขนฺตํ, วิสฺสาสํ เอยฺย ปณฺฑิโตฯ
Na ca appatvā dukkhantaṃ, vissāsaṃ eyya paṇḍito.
๕๘๖.
586.
‘‘เอวํ วิหรมานสฺส, สุทฺธิกามสฺส ภิกฺขุโน;
‘‘Evaṃ viharamānassa, suddhikāmassa bhikkhuno;
ขียนฺติ อาสวา สเพฺพ, นิพฺพุติญฺจาธิคจฺฉตี’’ติฯ
Khīyanti āsavā sabbe, nibbutiñcādhigacchatī’’ti.
… อุปเสโน วงฺคนฺตปุโตฺต เถโร…ฯ
… Upaseno vaṅgantaputto thero….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๖. วงฺคนฺตปุตฺตอุปเสนเตฺถรคาถาวณฺณนา • 6. Vaṅgantaputtaupasenattheragāthāvaṇṇanā
