| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
១៦. វច្ចបស្សាវដ្ឋានិកនិទ្ទេសោ
16. Vaccapassāvaṭṭhānikaniddeso
វច្ចបស្សាវដ្ឋានិកន្តិ –
Vaccapassāvaṭṭhānikanti –
១៥៦.
156.
ន ករេយ្យ យថាវុឌ្ឍំ, វច្ចំ យាតានុបុព្ពិយា;
Na kareyya yathāvuḍḍhaṃ, vaccaṃ yātānupubbiyā;
វច្ចបស្សាវកុដិយោ, ន្ហានតិត្ថញ្ច លព្ភតិ។
Vaccapassāvakuṭiyo, nhānatitthañca labbhati.
១៥៧.
157.
បវិសេយ្យុព្ភជិត្វា នោ, សហសា បវិសេយ្យ ច;
Paviseyyubbhajitvā no, sahasā paviseyya ca;
ឧក្កាសិត្វាវុព្ភជេយ្យ, បាទុកាស្វេវ សណ្ឋិតោ។
Ukkāsitvāvubbhajeyya, pādukāsveva saṇṭhito.
១៥៨.
158.
ន ករេ និត្ថុនំ វច្ចំ, ទន្តកដ្ឋញ្ច ខាទយំ;
Na kare nitthunaṃ vaccaṃ, dantakaṭṭhañca khādayaṃ;
វច្ចបស្សាវទោណីនំ, ន ករេយ្យុភយំ ពហិ។
Vaccapassāvadoṇīnaṃ, na kareyyubhayaṃ bahi.
១៥៩.
159.
កូបេ កដ្ឋំ ន បាតេយ្យ, ខេឡំ បស្សាវទោណិយា;
Kūpe kaṭṭhaṃ na pāteyya, kheḷaṃ passāvadoṇiyā;
នាវលេខេយ្យ ផរុសេ-នុហតញ្ចាបិ ធោវយេ។
Nāvalekheyya pharuse-nuhatañcāpi dhovaye.
១៦០.
160.
ន និក្ខមេយ្យ សហសា-វុព្ភជិត្វា ន និក្ខមេ;
Na nikkhameyya sahasā-vubbhajitvā na nikkhame;
ចបុ ចបុ នាចមេយ្យ, ឧក្លាបញ្ច វិសោធយេតិ។
Capu capu nācameyya, uklāpañca visodhayeti.
