| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
10. удтаанасуд̇д̇аван̣н̣анаа
10. Uṭṭhānasuttavaṇṇanā
334. удтахат̇аад̇и удтаанасуд̇д̇ам̣. гаа уббад̇д̇и? згам̣ самаяам̣ бхаг̇аваа саавад̇т̇ияам̣ вихаранд̇о рад̇д̇им̣ ж̇зд̇аванавихаарз васид̇ваа буб̣б̣ан̣хасамаяам̣ бхигкусан̇гхабаривуд̇о саавад̇т̇ияам̣ бин̣д̣ааяа жарид̇ваа баажийнад̣̇ваарзна наг̇араа нигкамид̇ваа миг̇аарамаад̇убаасаад̣̇ам̣ аг̇амааси д̣̇иваавихаарад̇т̇ааяа. аажин̣н̣ам̣ гирзд̇ам̣ бхаг̇авад̇о рад̇д̇им̣ ж̇зд̇аванавихаарз васид̇ваа миг̇аарамаад̇убаасаад̣̇з д̣̇иваавихааруубаг̇аманам̣, рад̇д̇ин̃жа миг̇аарамаад̇убаасаад̣̇з васид̇ваа ж̇зд̇аванз д̣̇иваавихааруубаг̇аманам̣. гасмаа? д̣̇виннам̣ гулаанам̣ ануг̇г̇ахад̇т̇ааяа махаабарижжааг̇аг̇ун̣абарид̣̇ийбанад̇т̇ааяа жа. миг̇аарамаад̇убаасаад̣̇асса жа хздтаа бан̃жа гуудааг̇аараг̇аб̣бхасад̇аани хонд̇и, язсу бан̃жасад̇аа бхигкуу васанд̇и. д̇ад̇т̇а яад̣̇аа бхаг̇аваа хздтаабаасаад̣̇з васад̇и, д̇ад̣̇аа бхигкуу бхаг̇авад̇о г̇ааравзна убарибаасаад̣̇ам̣ нааруханд̇и. д̇ам̣ д̣̇ивасам̣ бана бхаг̇аваа убарибаасаад̣̇з гуудааг̇аараг̇аб̣бхам̣ баависи, д̇зна хздтаабаасаад̣̇з бан̃жаби г̇аб̣бхасад̇аани бан̃жасад̇аа бхигкуу бависим̣су. д̇з жа саб̣б̣зва наваа хонд̇и ад̇хунааг̇ад̇аа имам̣ д̇хаммавинаяам̣ уд̣̇д̇хад̇аа уннал̣аа баагад̇инд̣̇рияаа. д̇з бависид̇ваа д̣̇иваасзяяам̣ субид̇ваа сааяам̣ удтааяа махаад̇алз саннибад̇ид̇ваа ‘‘аж̇ж̇а бхад̇д̇аг̇г̇з д̇уяхам̣ гим̣ ахоси, д̇вам̣ гад̇т̇а аг̇амааси, ахам̣ аавусо госаларан̃н̃о гхарам̣, ахам̣ анаат̇абин̣д̣игасса, д̇ад̇т̇а зваруубо жа зваруубо жа бхож̇анавид̇хи ахосий’’д̇и наанаббагаарам̣ аамисагат̇ам̣ гат̇знд̇аа ужжаасад̣̇д̣̇амахаасад̣̇д̣̇аа ахзсум̣.
334.Uṭṭhahathāti uṭṭhānasuttaṃ. Kā uppatti? Ekaṃ samayaṃ bhagavā sāvatthiyaṃ viharanto rattiṃ jetavanavihāre vasitvā pubbaṇhasamayaṃ bhikkhusaṅghaparivuto sāvatthiyaṃ piṇḍāya caritvā pācīnadvārena nagarā nikkhamitvā migāramātupāsādaṃ agamāsi divāvihāratthāya. Āciṇṇaṃ kiretaṃ bhagavato rattiṃ jetavanavihāre vasitvā migāramātupāsāde divāvihārūpagamanaṃ, rattiñca migāramātupāsāde vasitvā jetavane divāvihārūpagamanaṃ. Kasmā? Dvinnaṃ kulānaṃ anuggahatthāya mahāpariccāgaguṇaparidīpanatthāya ca. Migāramātupāsādassa ca heṭṭhā pañca kūṭāgāragabbhasatāni honti, yesu pañcasatā bhikkhū vasanti. Tattha yadā bhagavā heṭṭhāpāsāde vasati, tadā bhikkhū bhagavato gāravena uparipāsādaṃ nāruhanti. Taṃ divasaṃ pana bhagavā uparipāsāde kūṭāgāragabbhaṃ pāvisi, tena heṭṭhāpāsāde pañcapi gabbhasatāni pañcasatā bhikkhū pavisiṃsu. Te ca sabbeva navā honti adhunāgatā imaṃ dhammavinayaṃ uddhatā unnaḷā pākatindriyā. Te pavisitvā divāseyyaṃ supitvā sāyaṃ uṭṭhāya mahātale sannipatitvā ‘‘ajja bhattagge tuyhaṃ kiṃ ahosi, tvaṃ kattha agamāsi, ahaṃ āvuso kosalarañño gharaṃ, ahaṃ anāthapiṇḍikassa, tattha evarūpo ca evarūpo ca bhojanavidhi ahosī’’ti nānappakāraṃ āmisakathaṃ kathentā uccāsaddamahāsaddā ahesuṃ.
бхаг̇аваа д̇ам̣ сад̣̇д̣̇ам̣ суд̇ваа ‘‘имз маяаа сад̣̇д̇хим̣ васанд̇ааби звам̣ бамад̇д̇аа, ахо аяуд̇д̇агаарино’’д̇и махаамог̇г̇аллаанад̇т̇зрасса ааг̇аманам̣ жинд̇зси. д̇аавад̣̇зва ааяасмаа махаамог̇г̇аллаано бхаг̇авад̇о жид̇д̇ам̣ н̃ад̇ваа ид̣̇д̇хияаа ааг̇амма баад̣̇амуулз ванд̣̇амааноязва ахоси. д̇ад̇о нам̣ бхаг̇аваа ааманд̇зси – ‘‘зд̇з д̇з, мог̇г̇аллаана, саб̣рахмажаарино бамад̇д̇аа, саад̇ху нз сам̣взж̇зхий’’д̇и. ‘‘звам̣ бханд̇з’’д̇и ко со ааяасмаа махаамог̇г̇аллаано бхаг̇авад̇о бадиссун̣ид̇ваа д̇аавад̣̇зва аабогасин̣ам̣ самаабаж̇ж̇ид̇ваа гарийсабхуумияам̣ тид̇ам̣ махаабаасаад̣̇ам̣ наавам̣ вияа махааваад̇о баад̣̇ан̇г̇удтагзна гамбзси сад̣̇д̇хим̣ бад̇идтид̇абат̇авиббад̣̇зсзна. ат̇а д̇з бхигкуу бхийд̇аа виссарам̣ гаронд̇аа сагасагажийвараани чад̣д̣зд̇ваа жад̇уухи д̣̇ваарзхи нигкамим̣су. бхаг̇аваа д̇зсам̣ ад̇д̇аанам̣ д̣̇ассзнд̇о ан̃н̃зна д̣̇ваарзна г̇анд̇хагудим̣ бависанд̇о вияа ахоси, д̇з бхаг̇аванд̇ам̣ д̣̇исваа ванд̣̇ид̇ваа адтам̣су . бхаг̇аваа ‘‘гим̣, бхигкавз, бхийд̇ад̇т̇аа’’д̇и бужчи, д̇з ‘‘аяам̣, бханд̇з, миг̇аарамаад̇убаасаад̣̇о гамбид̇о’’д̇и аахам̣су . ‘‘ж̇аанаат̇а, бхигкавз, гзнаа’’д̇и? ‘‘на ж̇аанаама, бханд̇з’’д̇и. ат̇а бхаг̇аваа ‘‘д̇умхаад̣̇исаанам̣, бхигкавз, мудтассад̇ийнам̣ асамбаж̇аанаанам̣ бамаад̣̇авихаарийнам̣ сам̣взг̇аж̇ананад̇т̇ам̣ мог̇г̇аллаанзна гамбид̇о’’д̇и вад̇ваа д̇зсам̣ бхигкуунам̣ д̇хаммад̣̇зсанад̇т̇ам̣ имам̣ суд̇д̇амабхааси.
Bhagavā taṃ saddaṃ sutvā ‘‘ime mayā saddhiṃ vasantāpi evaṃ pamattā, aho ayuttakārino’’ti mahāmoggallānattherassa āgamanaṃ cintesi. Tāvadeva āyasmā mahāmoggallāno bhagavato cittaṃ ñatvā iddhiyā āgamma pādamūle vandamānoyeva ahosi. Tato naṃ bhagavā āmantesi – ‘‘ete te, moggallāna, sabrahmacārino pamattā, sādhu ne saṃvejehī’’ti. ‘‘Evaṃ bhante’’ti kho so āyasmā mahāmoggallāno bhagavato paṭissuṇitvā tāvadeva āpokasiṇaṃ samāpajjitvā karīsabhūmiyaṃ ṭhitaṃ mahāpāsādaṃ nāvaṃ viya mahāvāto pādaṅguṭṭhakena kampesi saddhiṃ patiṭṭhitapathavippadesena. Atha te bhikkhū bhītā vissaraṃ karontā sakasakacīvarāni chaḍḍetvā catūhi dvārehi nikkhamiṃsu. Bhagavā tesaṃ attānaṃ dassento aññena dvārena gandhakuṭiṃ pavisanto viya ahosi, te bhagavantaṃ disvā vanditvā aṭṭhaṃsu . Bhagavā ‘‘kiṃ, bhikkhave, bhītatthā’’ti pucchi, te ‘‘ayaṃ, bhante, migāramātupāsādo kampito’’ti āhaṃsu . ‘‘Jānātha, bhikkhave, kenā’’ti? ‘‘Na jānāma, bhante’’ti. Atha bhagavā ‘‘tumhādisānaṃ, bhikkhave, muṭṭhassatīnaṃ asampajānānaṃ pamādavihārīnaṃ saṃvegajananatthaṃ moggallānena kampito’’ti vatvā tesaṃ bhikkhūnaṃ dhammadesanatthaṃ imaṃ suttamabhāsi.
д̇ад̇т̇а удтахат̇аад̇и аасанаа удтахат̇а гхадат̇а вааяамат̇а, маа гусийд̇аа хот̇а. нисийд̣̇ат̇аад̇и баллан̇гам̣ аабхуж̇ид̇ваа гаммадтаанаануяог̇ад̇т̇ааяа нисийд̣̇ат̇а. го ад̇т̇о субид̇зна вод̇и го д̇умхаагам̣ анубаад̣̇аабариниб̣б̣аанад̇т̇ааяа баб̣б̣аж̇ид̇аанам̣ субид̇зна ад̇т̇о. на хи саггаа субанд̇зна гожи ад̇т̇о баабун̣ид̇ум̣. аад̇ураанан̃хи гаа нид̣̇д̣̇аа, саллавид̣̇д̇хаана руббад̇анд̇и яад̇ра жа наама аббагзби сарийраббад̣̇зсз удтид̇зна жагкурог̇аад̣̇инаа рог̇зна аад̇ураанам̣ згад̣̇ван̇г̇уламад̇д̇амби бавидтзна аяасаллаадтисаллад̣̇анд̇асаллависаан̣асаллагадтасаллаанам̣ ан̃н̃ад̇арзна саллзна руббамаанаанам̣ мануссаанам̣ нид̣̇д̣̇аа над̇т̇и, д̇ад̇т̇а д̇умхаагам̣ сагалажид̇д̇асарийрасанд̇аанам̣ бхан̃ж̇ид̇ваа уббаннзхи наанаббагаарагилзсарог̇зхи аад̇ураанан̃хи гаа нид̣̇д̣̇аа рааг̇асаллаад̣̇ийхи жа бан̃жахи саллзхи анд̇охад̣̇аяам̣ бависияа вид̣̇д̇хад̇д̇аа саллавид̣̇д̇хаанам̣ руббад̇ам̣.
Tattha uṭṭhahathāti āsanā uṭṭhahatha ghaṭatha vāyamatha, mā kusītā hotha. Nisīdathāti pallaṅkaṃ ābhujitvā kammaṭṭhānānuyogatthāya nisīdatha. Ko attho supitena voti ko tumhākaṃ anupādāparinibbānatthāya pabbajitānaṃ supitena attho. Na hi sakkā supantena koci attho pāpuṇituṃ. Āturānañhi kā niddā, sallaviddhāna ruppatanti yatra ca nāma appakepi sarīrappadese uṭṭhitena cakkhurogādinā rogena āturānaṃ ekadvaṅgulamattampi paviṭṭhena ayasallaaṭṭhisalladantasallavisāṇasallakaṭṭhasallānaṃ aññatarena sallena ruppamānānaṃ manussānaṃ niddā natthi, tattha tumhākaṃ sakalacittasarīrasantānaṃ bhañjitvā uppannehi nānappakārakilesarogehi āturānañhi kā niddā rāgasallādīhi ca pañcahi sallehi antohadayaṃ pavisiya viddhattā sallaviddhānaṃ ruppataṃ.
335. звам̣ вад̇ваа буна бхаг̇аваа бхияяосомад̇д̇ааяа д̇з бхигкуу уссаахзнд̇о сам̣взж̇знд̇о жа ааха – ‘‘удтахат̇а…бз… васаануг̇з’’д̇и. д̇ад̇рааяам̣ саад̇хиббааяаяож̇анаа ад̇т̇аван̣н̣анаа – звам̣ гилзсасаллавид̣̇д̇хаанан̃хи во, бхигкавз, гаало баб̣уж̇жхид̇ум̣. гим̣ гааран̣ам̣? ман̣д̣абзяяамид̣̇ам̣, бхигкавз, б̣рахмажарияам̣, сад̇т̇аа саммукийбхууд̇о, ид̇о буб̣б̣з бана во д̣̇ийгхарад̇д̇ам̣ суд̇д̇ам̣, г̇ирийсу суд̇д̇ам̣, над̣̇ийсу суд̇д̇ам̣, самзсу суд̇д̇ам̣, висамзсу суд̇д̇ам̣, ругкаг̇г̇зсуби суд̇д̇ам̣ ад̣̇ассанаа арияасажжаанам̣, д̇асмаа д̇ассаа нид̣̇д̣̇ааяа анд̇агирияад̇т̇ам̣ удтахат̇а нисийд̣̇ат̇а д̣̇ал̣хам̣ сигкат̇а санд̇ияаа.
335. Evaṃ vatvā puna bhagavā bhiyyosomattāya te bhikkhū ussāhento saṃvejento ca āha – ‘‘uṭṭhahatha…pe… vasānuge’’ti. Tatrāyaṃ sādhippāyayojanā atthavaṇṇanā – evaṃ kilesasallaviddhānañhi vo, bhikkhave, kālo pabujjhituṃ. Kiṃ kāraṇaṃ? Maṇḍapeyyamidaṃ, bhikkhave, brahmacariyaṃ, satthā sammukhībhūto, ito pubbe pana vo dīgharattaṃ suttaṃ, girīsu suttaṃ, nadīsu suttaṃ, samesu suttaṃ, visamesu suttaṃ, rukkhaggesupi suttaṃ adassanā ariyasaccānaṃ, tasmā tassā niddāya antakiriyatthaṃ uṭṭhahatha nisīdatha daḷhaṃ sikkhatha santiyā.
д̇ад̇т̇а буримабаад̣̇ассад̇т̇о вуд̇д̇анаяо зва. д̣̇уд̇ияабаад̣̇з бана санд̇ийд̇и д̇иссо санд̇ияо – ажжанд̇асанд̇и, д̇ад̣̇ан̇г̇асанд̇и, саммуд̇исанд̇ийд̇и, ниб̣б̣аанавибассанаад̣̇идтиг̇ад̇аанамзд̇ам̣ ад̇хиважанам̣. ид̇ха бана ажжанд̇асанд̇и ниб̣б̣аанамад̇хиббзд̇ам̣, д̇асмаа ниб̣б̣аанад̇т̇ам̣ д̣̇ал̣хам̣ сигкат̇а, асит̇илабараггамаа худ̇ваа сигкат̇аад̇и вуд̇д̇ам̣ ход̇и. гим̣ гааран̣ам̣? маа во бамад̇д̇з вин̃н̃ааяа, мажжурааж̇аа амохаяид̇т̇а васаануг̇з , маа д̇умхз ‘‘бамад̇д̇аа зд̇з’’д̇и звам̣ н̃ад̇ваа мажжурааж̇абарияааяанаамо мааро васаануг̇з амохаяид̇т̇а, яат̇аа д̇асса васам̣ г̇ажчат̇а, звам̣ васаануг̇з гаронд̇о маа амохаяид̇т̇аад̇и вуд̇д̇ам̣ ход̇и.
Tattha purimapādassattho vuttanayo eva. Dutiyapāde pana santīti tisso santiyo – accantasanti, tadaṅgasanti, sammutisantīti, nibbānavipassanādiṭṭhigatānametaṃ adhivacanaṃ. Idha pana accantasanti nibbānamadhippetaṃ, tasmā nibbānatthaṃ daḷhaṃ sikkhatha, asithilaparakkamā hutvā sikkhathāti vuttaṃ hoti. Kiṃ kāraṇaṃ? Mā vo pamatte viññāya, maccurājā amohayittha vasānuge, mā tumhe ‘‘pamattā ete’’ti evaṃ ñatvā maccurājapariyāyanāmo māro vasānuge amohayittha, yathā tassa vasaṃ gacchatha, evaṃ vasānuge karonto mā amohayitthāti vuttaṃ hoti.
336. яад̇о д̇асса васам̣ анубаг̇ажчанд̇аа яааяа д̣̇зваа мануссаа жа…бз… самаббид̇аа, яааяа д̣̇зваа жа мануссаа жа ад̇т̇игаа руубасад̣̇д̣̇аг̇анд̇харасаподтаб̣б̣ад̇т̇игаа, д̇ам̣ руубаад̣̇им̣ сид̇аа ниссид̇аа аллийнаа худ̇ваа д̇идтанд̇и, д̇арат̇а самад̇иггамат̇а зд̇ам̣ наанаббагаарзсу висаязсу висадавид̇т̇ин̣н̣ависаалад̇д̇аа висад̇д̇игам̣ бхавабхог̇ад̇ан̣хам̣. кан̣о во маа убажжаг̇аа, аяам̣ д̇умхаагам̣ саман̣ад̇хаммагаран̣агкан̣о маа ад̇иггами. язсан̃хи аяамзваруубо кан̣о ад̇иггамад̇и, яз жа имам̣ кан̣ам̣ ад̇иггаманд̇и, д̇з кан̣аад̇ийд̇аа хи сожанд̇и нираяамхи самаббид̇аа, нирассаад̣̇адтзна нираяасан̃н̃ид̇з жад̇уб̣б̣ид̇хзби абааяз бад̇идтид̇аа ‘‘агад̇ам̣ вад̇а но галяаан̣а’’нд̇иаад̣̇инаа наязна сожанд̇и.
336. Yato tassa vasaṃ anupagacchantā yāya devā manussā ca…pe… samappitā, yāya devā ca manussā ca atthikā rūpasaddagandharasaphoṭṭhabbatthikā, taṃ rūpādiṃ sitā nissitā allīnā hutvā tiṭṭhanti, taratha samatikkamatha etaṃ nānappakāresu visayesu visaṭavitthiṇṇavisālattā visattikaṃ bhavabhogataṇhaṃ. Khaṇo vo mā upaccagā, ayaṃ tumhākaṃ samaṇadhammakaraṇakkhaṇo mā atikkami. Yesañhi ayamevarūpo khaṇo atikkamati, ye ca imaṃ khaṇaṃ atikkamanti, te khaṇātītā hi socanti nirayamhi samappitā, nirassādaṭṭhena nirayasaññite catubbidhepi apāye patiṭṭhitā ‘‘akataṃ vata no kalyāṇa’’ntiādinā nayena socanti.
337. звам̣ бхаг̇аваа д̇з бхигкуу уссаахзд̇ваа сам̣взж̇зд̇ваа жа ид̣̇аани д̇зсам̣ д̇ам̣ бамаад̣̇авихаарам̣ виг̇арахид̇ваа саб̣б̣зва д̇з аббамаад̣̇з нияож̇знд̇о ‘‘бамаад̣̇о раж̇о’’д̇и имам̣ г̇аат̇амааха. д̇ад̇т̇а бамаад̣̇од̇и сан̇кзбад̇о сад̇ивиббаваасо, со жид̇д̇амалинадтзна раж̇о. д̇ам̣ бамаад̣̇аманубад̇ид̇о бамаад̣̇аанубад̇ид̇о, бамаад̣̇аанубад̇ид̇ад̇д̇аа абараабаруббанно бамаад̣̇о зва, соби раж̇о. на хи гад̣̇аажи бамаад̣̇о наама араж̇о ад̇т̇и. д̇зна гим̣ д̣̇ийбзд̇и? маа д̇умхз ‘‘д̣̇ахараа д̇аава маяам̣ бажчаа ж̇ааниссаамаа’’д̇и виссаасамаабаж̇ж̇ид̇т̇а. д̣̇ахарагаалзби хи бамаад̣̇о раж̇о, маж̇жхимагаалзби т̇зрагаалзби бамаад̣̇аанубад̇ид̇ад̇д̇аа махаараж̇о сан̇гаарагуудо зва ход̇и, яат̇аа гхарз згад̣̇взд̣̇ивасиго раж̇о раж̇о зва, вад̣дхамаано бана г̇ан̣авассиго сан̇гаарагуудо зва ход̇и. звам̣ санд̇зби бана батамаваяз б̣уд̣̇д̇хаважанам̣ барияаабун̣ид̇ваа ид̇араваязсу саман̣ад̇хаммам̣ гаронд̇о, батамаваяз ваа барияаабун̣ид̇ваа маж̇жхимаваяз сун̣ид̇ваа бажчимаваяз саман̣ад̇хаммам̣ гаронд̇оби бхигку бамаад̣̇авихаарий на ход̇и аббамаад̣̇аануломабадибад̣̇ам̣ бадибаннад̇д̇аа. яо бана саб̣б̣аваязсу бамаад̣̇авихаарий д̣̇иваасзяяам̣ аамисагат̇ан̃жа ануяуд̇д̇о, сзяяат̇ааби д̇умхз, д̇ассзва со батамаваяз бамаад̣̇о раж̇о, ид̇араваязсу бамаад̣̇аанубад̇ид̇о махаабамаад̣̇о жа махаараж̇о зваад̇и.
337. Evaṃ bhagavā te bhikkhū ussāhetvā saṃvejetvā ca idāni tesaṃ taṃ pamādavihāraṃ vigarahitvā sabbeva te appamāde niyojento ‘‘pamādo rajo’’ti imaṃ gāthamāha. Tattha pamādoti saṅkhepato sativippavāso, so cittamalinaṭṭhena rajo. Taṃ pamādamanupatito pamādānupatito, pamādānupatitattā aparāparuppanno pamādo eva, sopi rajo. Na hi kadāci pamādo nāma arajo atthi. Tena kiṃ dīpeti? Mā tumhe ‘‘daharā tāva mayaṃ pacchā jānissāmā’’ti vissāsamāpajjittha. Daharakālepi hi pamādo rajo, majjhimakālepi therakālepi pamādānupatitattā mahārajo saṅkārakūṭo eva hoti, yathā ghare ekadvedivasiko rajo rajo eva, vaḍḍhamāno pana gaṇavassiko saṅkārakūṭo eva hoti. Evaṃ santepi pana paṭhamavaye buddhavacanaṃ pariyāpuṇitvā itaravayesu samaṇadhammaṃ karonto, paṭhamavaye vā pariyāpuṇitvā majjhimavaye suṇitvā pacchimavaye samaṇadhammaṃ karontopi bhikkhu pamādavihārī na hoti appamādānulomapaṭipadaṃ paṭipannattā. Yo pana sabbavayesu pamādavihārī divāseyyaṃ āmisakathañca anuyutto, seyyathāpi tumhe, tasseva so paṭhamavaye pamādo rajo, itaravayesu pamādānupatito mahāpamādo ca mahārajo evāti.
звам̣ д̇зсам̣ бамаад̣̇авихаарам̣ виг̇арахид̇ваа аббамаад̣̇з нияож̇знд̇о ааха – ‘‘аббамаад̣̇зна виж̇ж̇ааяа, аб̣б̣ахз салламад̇д̇ано’’д̇и, д̇ассад̇т̇о – яасмаа звамзсо саб̣б̣ад̣̇ааби бамаад̣̇о раж̇о, д̇асмаа сад̇иавиббаваасасан̇каад̇зна аббамаад̣̇зна аасаваанам̣ каяан̃аан̣асан̇каад̇ааяа жа виж̇ж̇ааяа бан̣д̣ид̇о гулабуд̇д̇о уд̣̇д̇харз ад̇д̇ано хад̣̇аяаниссид̇ам̣ рааг̇аад̣̇ибан̃жавид̇хам̣ салланд̇и арахад̇д̇анигуудзна д̣̇зсанам̣ самаабзси. д̣̇зсанаабарияосаанз сам̣взг̇амаабаж̇ж̇ид̇ваа д̇амзва д̇хаммад̣̇зсанам̣ манаси гарид̇ваа бажжавзгкамаанаа вибассанам̣ аарабхид̇ваа бан̃жасад̇ааби д̇з бхигкуу арахад̇д̇з бад̇идтахим̣сууд̇и.
Evaṃ tesaṃ pamādavihāraṃ vigarahitvā appamāde niyojento āha – ‘‘appamādena vijjāya, abbahe sallamattano’’ti, tassattho – yasmā evameso sabbadāpi pamādo rajo, tasmā satiavippavāsasaṅkhātena appamādena āsavānaṃ khayañāṇasaṅkhātāya ca vijjāya paṇḍito kulaputto uddhare attano hadayanissitaṃ rāgādipañcavidhaṃ sallanti arahattanikūṭena desanaṃ samāpesi. Desanāpariyosāne saṃvegamāpajjitvā tameva dhammadesanaṃ manasi karitvā paccavekkhamānā vipassanaṃ ārabhitvā pañcasatāpi te bhikkhū arahatte patiṭṭhahiṃsūti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа удтаанасуд̇д̇аван̣н̣анаа нидтид̇аа.
Suttanipāta-aṭṭhakathāya uṭṭhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 10. удтаанасуд̇д̇ам̣ • 10. Uṭṭhānasuttaṃ
