| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៣. តតិយសង្ឃាទិសេសសិក្ខាបទវណ្ណនា
3. Tatiyasaṅghādisesasikkhāpadavaṇṇanā
៦៩២. តតិយេ បរិក្ខេបំ អតិក្កាមេន្តិយាតិ គាមន្តរស្ស បរិក្ខេបំ អតិក្កាមេន្តិយា។ ‘‘គាមន្តរំ គច្ឆេយ្យា’’តិ ហិ វុត្តំ។ វិកាលគាមប្បវេសនសិក្ខាបទេ វិយ ‘‘អបរិក្ខិត្តស្ស ឧបចារំ ឱក្កមន្តិយា’’តិ អវត្វា ‘‘អតិក្កាមេន្តិយា’’តិ បាឡិយំ វុត្តត្តា គាមំ បវិសន្តិយា ឃរូបចារេ ឋិតស្ស ទុតិយលេឌ្ឌុបាតសង្ខាតស្ស ឧបចារស្ស អតិក្កមោ នាម បឋមលេឌ្ឌុបាតដ្ឋានសង្ខាតស្ស បរិក្ខេបារហដ្ឋានស្ស អតិក្កមោ ឯវាតិ អាហ ‘‘បរិក្ខេបារហដ្ឋានំ ឯកេន បាទេន អតិក្កមតី’’តិ។
692. Tatiye parikkhepaṃ atikkāmentiyāti gāmantarassa parikkhepaṃ atikkāmentiyā. ‘‘Gāmantaraṃ gaccheyyā’’ti hi vuttaṃ. Vikālagāmappavesanasikkhāpade viya ‘‘aparikkhittassa upacāraṃ okkamantiyā’’ti avatvā ‘‘atikkāmentiyā’’ti pāḷiyaṃ vuttattā gāmaṃ pavisantiyā gharūpacāre ṭhitassa dutiyaleḍḍupātasaṅkhātassa upacārassa atikkamo nāma paṭhamaleḍḍupātaṭṭhānasaṅkhātassa parikkhepārahaṭṭhānassa atikkamo evāti āha ‘‘parikkhepārahaṭṭhānaṃ ekena pādena atikkamatī’’ti.
មជ្ឈេតិ គាមមជ្ឈេ។ បច្ឆាតិ អបរកាលេ។ ‘‘ចតុគាមសាធារណត្តា’’តិ ឥមិនា វិហារតោ ចតូសុ គាមេសុ យត្ថ កត្ថចិ បវិសិតុំ វដ្ដតីតិ ឯត្ថ ការណមាហ។
Majjheti gāmamajjhe. Pacchāti aparakāle. ‘‘Catugāmasādhāraṇattā’’ti iminā vihārato catūsu gāmesu yattha katthaci pavisituṃ vaṭṭatīti ettha kāraṇamāha.
បរតីរមេវ អក្កមន្តិយាតិ នទិំ អនោតរិត្វា ឱរិមតីរតោ លង្ឃិត្វា វា អាកាសាទិនា វា បរតីរមេវ អតិក្កាមេន្តិយា។ ឱរិមតីរមេវ អាគច្ឆតិ, អាបត្តីតិ បារគមនាយ ឱតិណ្ណត្តា វុត្តំ។
Paratīrameva akkamantiyāti nadiṃ anotaritvā orimatīrato laṅghitvā vā ākāsādinā vā paratīrameva atikkāmentiyā. Orimatīrameva āgacchati, āpattīti pāragamanāya otiṇṇattā vuttaṃ.
តាទិសេ អរញ្ញេតិ ឥន្ទខីលតោ ពហិភាវលក្ខណេ អរញ្ញេ។ ‘‘តេនេវា’’តិអាទិនា ទស្សនូបចារេ វិរហិតេ សវនូបចារស្ស វិជ្ជមានត្តេបិ អាបត្តិ ហោតីតិ ទស្សេតិ។ អញ្ញំ មគ្គំ គណ្ហាតីតិ មគ្គមូឡ្ហត្តា គណ្ហាតិ, ន ទុតិយិកំ ឱហិយិតុំ។ តស្មា អនាបត្តិ។ អនន្តរាយេន ឯកភាវោ, អនាបទាយ គាមន្តរគមនាទីសុ ឯកន្តិ ទ្វេ អង្គានិ។
Tādise araññeti indakhīlato bahibhāvalakkhaṇe araññe. ‘‘Tenevā’’tiādinā dassanūpacāre virahite savanūpacārassa vijjamānattepi āpatti hotīti dasseti. Aññaṃ maggaṃ gaṇhātīti maggamūḷhattā gaṇhāti, na dutiyikaṃ ohiyituṃ. Tasmā anāpatti. Anantarāyena ekabhāvo, anāpadāya gāmantaragamanādīsu ekanti dve aṅgāni.
តតិយសង្ឃាទិសេសសិក្ខាបទវណ្ណនា និដ្ឋិតា។
Tatiyasaṅghādisesasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៣. តតិយសង្ឃាទិសេសសិក្ខាបទំ • 3. Tatiyasaṅghādisesasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ៣. តតិយសង្ឃាទិសេសសិក្ខាបទវណ្ណនា • 3. Tatiyasaṅghādisesasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៣. តតិយសង្ឃាទិសេសសិក្ខាបទវណ្ណនា • 3. Tatiyasaṅghādisesasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៣. តតិយសង្ឃាទិសេសសិក្ខាបទវណ្ណនា • 3. Tatiyasaṅghādisesasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៣. តតិយសង្ឃាទិសេសសិក្ខាបទំ • 3. Tatiyasaṅghādisesasikkhāpadaṃ
