| Library / Tipiṭaka / តិបិដក • Tipiṭaka / មហាវគ្គបាឡិ • Mahāvaggapāḷi |
៦៧. តស្សុទ្ទានំ
67. Tassuddānaṃ
១៣១.
131.
វិនយម្ហិ មហត្ថេសុ, បេសលានំ សុខាវហេ;
Vinayamhi mahatthesu, pesalānaṃ sukhāvahe;
និគ្គហានញ្ច បាបិច្ឆេ, លជ្ជីនំ បគ្គហេសុ ច។
Niggahānañca pāpicche, lajjīnaṃ paggahesu ca.
សាសនាធារណេ ចេវ, សព្ពញ្ញុជិនគោចរេ;
Sāsanādhāraṇe ceva, sabbaññujinagocare;
អនញ្ញវិសយេ ខេមេ, សុបញ្ញត្តេ អសំសយេ។
Anaññavisaye kheme, supaññatte asaṃsaye.
ខន្ធកេ វិនយេ ចេវ, បរិវារេ ច មាតិកេ;
Khandhake vinaye ceva, parivāre ca mātike;
យថាត្ថការី កុសលោ, បដិបជ្ជតិ យោនិសោ។
Yathātthakārī kusalo, paṭipajjati yoniso.
យោ គវំ ន វិជានាតិ, ន សោ រក្ខតិ គោគណំ;
Yo gavaṃ na vijānāti, na so rakkhati gogaṇaṃ;
ឯវំ សីលំ អជានន្តោ, កិំ សោ រក្ខេយ្យ សំវរំ។
Evaṃ sīlaṃ ajānanto, kiṃ so rakkheyya saṃvaraṃ.
បមុដ្ឋម្ហិ ច សុត្តន្តេ, អភិធម្មេ ច តាវទេ;
Pamuṭṭhamhi ca suttante, abhidhamme ca tāvade;
វិនយេ អវិនដ្ឋម្ហិ, បុន តិដ្ឋតិ សាសនំ។
Vinaye avinaṭṭhamhi, puna tiṭṭhati sāsanaṃ.
បវក្ខាមិ យថាញាយំ, សុណាថ មម ភាសតោ។
Pavakkhāmi yathāñāyaṃ, suṇātha mama bhāsato.
វត្ថុ និទានំ អាបត្តិ, នយា បេយ្យាលមេវ ច;
Vatthu nidānaṃ āpatti, nayā peyyālameva ca;
ទុក្ករំ តំ អសេសេតុំ, នយតោ តំ វិជានថាតិ។
Dukkaraṃ taṃ asesetuṃ, nayato taṃ vijānathāti.
ពោធិ រាជាយតនញ្ច, អជបាលោ សហម្បតិ;
Bodhi rājāyatanañca, ajapālo sahampati;
ព្រហ្មា អាឡារោ ឧទកោ, ភិក្ខុ ច ឧបកោ ឥសិ។
Brahmā āḷāro udako, bhikkhu ca upako isi.
កោណ្ឌញ្ញោ វប្បោ ភទ្ទិយោ, មហានាមោ ច អស្សជិ;
Koṇḍañño vappo bhaddiyo, mahānāmo ca assaji;
យសោ ចត្តារោ បញ្ញាស, សព្ពេ បេសេសិ សោ ទិសា។
Yaso cattāro paññāsa, sabbe pesesi so disā.
វត្ថុ មារេហិ តិំសា ច, ឧរុវេលំ តយោ ជដី;
Vatthu mārehi tiṃsā ca, uruvelaṃ tayo jaṭī;
អគ្យាគារំ មហារាជា, សក្កោ ព្រហ្មា ច កេវលា។
Agyāgāraṃ mahārājā, sakko brahmā ca kevalā.
បំសុកូលំ បោក្ខរណី, សិលា ច កកុធោ សិលា;
Paṃsukūlaṃ pokkharaṇī, silā ca kakudho silā;
ជម្ពុ អម្ពោ ច អាមលោ, បារិបុប្ផញ្ច អាហរិ។
Jambu ambo ca āmalo, pāripupphañca āhari.
ផាលិយន្តុ ឧជ្ជលន្តុ, វិជ្ឈាយន្តុ ច កស្សប;
Phāliyantu ujjalantu, vijjhāyantu ca kassapa;
និមុជ្ជន្តិ មុខី មេឃោ, គយា លដ្ឋិ ច មាគធោ។
Nimujjanti mukhī megho, gayā laṭṭhi ca māgadho.
ឧបតិស្សោ កោលិតោ ច, អភិញ្ញាតា ច បព្ពជុំ;
Upatisso kolito ca, abhiññātā ca pabbajuṃ;
ទុន្និវត្ថា បណាមនា, កិសោ លូខោ ច ព្រាហ្មណោ។
Dunnivatthā paṇāmanā, kiso lūkho ca brāhmaṇo.
អនាចារំ អាចរតិ, ឧទរំ មាណវោ គណោ;
Anācāraṃ ācarati, udaraṃ māṇavo gaṇo;
វស្សំ ពាលេហិ បក្កន្តោ, ទស វស្សានិ និស្សយោ។
Vassaṃ bālehi pakkanto, dasa vassāni nissayo.
ន វត្តន្តិ បណាមេតុំ, ពាលា បស្សទ្ធិ បញ្ច ឆ;
Na vattanti paṇāmetuṃ, bālā passaddhi pañca cha;
យោ សោ អញ្ញោ ច នគ្គោ ច, អច្ឆិន្នជដិលសាកិយោ។
Yo so añño ca naggo ca, acchinnajaṭilasākiyo.
មាគធោ ច អនុញ្ញាសិ, ការា លិខិ កសាហតោ។
Māgadho ca anuññāsi, kārā likhi kasāhato.
លក្ខណា ឥណា ទាសោ ច, ភណ្ឌុកោ ឧបាលិ អហិ;
Lakkhaṇā iṇā dāso ca, bhaṇḍuko upāli ahi;
សទ្ធំ កុលំ កណ្ដកោ ច, អាហុន្ទរិកមេវ ច។
Saddhaṃ kulaṃ kaṇṭako ca, āhundarikameva ca.
វត្ថុម្ហិ ទារកោ សិក្ខា, វិហរន្តិ ច កិំ នុ ខោ;
Vatthumhi dārako sikkhā, viharanti ca kiṃ nu kho;
សព្ពំ មុខំ ឧបជ្ឈាយេ, អបលាឡន កណ្ដកោ។
Sabbaṃ mukhaṃ upajjhāye, apalāḷana kaṇṭako.
បណ្ឌកោ ថេយ្យបក្កន្តោ, អហិ ច មាតរី បិតា;
Paṇḍako theyyapakkanto, ahi ca mātarī pitā;
អរហន្តភិក្ខុនីភេទា, រុហិរេន ច ព្យញ្ជនំ។
Arahantabhikkhunībhedā, ruhirena ca byañjanaṃ.
អនុបជ្ឈាយសង្ឃេន, គណបណ្ឌកបត្តកោ;
Anupajjhāyasaṅghena, gaṇapaṇḍakapattako;
អចីវរំ តទុភយំ, យាចិតេនបិ យេ តយោ។
Acīvaraṃ tadubhayaṃ, yācitenapi ye tayo.
ហត្ថា បាទា ហត្ថបាទា, កណ្ណា នាសា តទូភយំ;
Hatthā pādā hatthapādā, kaṇṇā nāsā tadūbhayaṃ;
អង្គុលិអឡកណ្ឌរំ, ផណំ ខុជ្ជញ្ច វាមនំ។
Aṅguliaḷakaṇḍaraṃ, phaṇaṃ khujjañca vāmanaṃ.
គលគណ្ឌី លក្ខណា ចេវ, កសា លិខិតសីបទី;
Galagaṇḍī lakkhaṇā ceva, kasā likhitasīpadī;
បាបបរិសទូសី ច, កាណំ កុណិ តថេវ ច។
Pāpaparisadūsī ca, kāṇaṃ kuṇi tatheva ca.
ខញ្ជំ បក្ខហតញ្ចេវ, សច្ឆិន្នឥរិយាបថំ;
Khañjaṃ pakkhahatañceva, sacchinnairiyāpathaṃ;
ជរាន្ធមូគពធិរំ, អន្ធមូគញ្ច យំ តហិំ។
Jarāndhamūgabadhiraṃ, andhamūgañca yaṃ tahiṃ.
អន្ធពធិរំ យំ វុត្តំ, មូគពធិរមេវ ច;
Andhabadhiraṃ yaṃ vuttaṃ, mūgabadhirameva ca;
អន្ធមូគពធិរញ្ច, អលជ្ជីនញ្ច និស្សយំ។
Andhamūgabadhirañca, alajjīnañca nissayaṃ.
អាគច្ឆតុ វិវទន្តិ, ឯកុបជ្ឈាយេន កស្សបោ។
Āgacchatu vivadanti, ekupajjhāyena kassapo.
ទិស្សន្តិ ឧបសម្បន្នា, អាពាធេហិ ច បីឡិតា;
Dissanti upasampannā, ābādhehi ca pīḷitā;
អននុសិដ្ឋា វិត្ថេន្តិ, តត្ថេវ អនុសាសនា។
Ananusiṭṭhā vitthenti, tattheva anusāsanā.
សង្ឃេបិ ច អថោ ពាលា, អសម្មតា ច ឯកតោ;
Saṅghepi ca atho bālā, asammatā ca ekato;
ឧល្លុម្បតុបសម្បទា, និស្សយោ ឯកកោ តយោតិ។
Ullumpatupasampadā, nissayo ekako tayoti.
ឥមម្ហិ ខន្ធកេ វត្ថូនិ ឯកសតញ្ច ទ្វាសត្តតិ។
Imamhi khandhake vatthūni ekasatañca dvāsattati.
មហាខន្ធកោ និដ្ឋិតោ។
Mahākhandhako niṭṭhito.
Footnotes:
Related texts:
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ចត្តារោនិស្សយាទិកថាវណ្ណនា • Cattāronissayādikathāvaṇṇanā
