| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
១៤. សព្ពកាមិត្ថេរគាថា
14. Sabbakāmittheragāthā
៤៥៣.
453.
នានាកុណបបរិបូរោ, វិស្សវន្តោ តតោ តតោ។
Nānākuṇapaparipūro, vissavanto tato tato.
៤៥៤.
454.
‘‘មិគំ និលីនំ កូដេន, ពឡិសេនេវ អម្ពុជំ;
‘‘Migaṃ nilīnaṃ kūṭena, baḷiseneva ambujaṃ;
វានរំ វិយ លេបេន, ពាធយន្តិ បុថុជ្ជនំ។
Vānaraṃ viya lepena, bādhayanti puthujjanaṃ.
៤៥៥.
455.
‘‘រូបា សទ្ទា រសា គន្ធា, ផោដ្ឋព្ពា ច មនោរមា;
‘‘Rūpā saddā rasā gandhā, phoṭṭhabbā ca manoramā;
បញ្ច កាមគុណា ឯតេ, ឥត្ថិរូបស្មិ ទិស្សរេ។
Pañca kāmaguṇā ete, itthirūpasmi dissare.
៤៥៦.
456.
‘‘យេ ឯតា ឧបសេវន្តិ, រត្តចិត្តា បុថុជ្ជនា;
‘‘Ye etā upasevanti, rattacittā puthujjanā;
វឌ្ឍេន្តិ កដសិំ ឃោរំ, អាចិនន្តិ បុនព្ភវំ។
Vaḍḍhenti kaṭasiṃ ghoraṃ, ācinanti punabbhavaṃ.
៤៥៧.
457.
‘‘យោ ចេតា បរិវជ្ជេតិ, សប្បស្សេវ បទា សិរោ;
‘‘Yo cetā parivajjeti, sappasseva padā siro;
សោមំ វិសត្តិកំ លោកេ, សតោ សមតិវត្តតិ។
Somaṃ visattikaṃ loke, sato samativattati.
៤៥៨.
458.
‘‘កាមេស្វាទីនវំ ទិស្វា, នេក្ខម្មំ ទដ្ឋុ ខេមតោ;
‘‘Kāmesvādīnavaṃ disvā, nekkhammaṃ daṭṭhu khemato;
និស្សដោ សព្ពកាមេហិ, បត្តោ មេ អាសវក្ខយោ’’តិ។
Nissaṭo sabbakāmehi, patto me āsavakkhayo’’ti.
… សព្ពកាមិត្ថេរោ…។
… Sabbakāmitthero….
ឆក្កនិបាតោ និដ្ឋិតោ។
Chakkanipāto niṭṭhito.
តត្រុទ្ទានំ –
Tatruddānaṃ –
ឧរុវេឡកស្សបោ ច, ថេរោ តេកិច្ឆការិ ច;
Uruveḷakassapo ca, thero tekicchakāri ca;
កាតិយានោ មិគជាលោ, ជេន្តោ សុមនសវ្ហយោ;
Kātiyāno migajālo, jento sumanasavhayo;
ន្ហាតមុនិ ព្រហ្មទត្តោ, សិរិមណ្ឌោ សព្ពកាមី ច;
Nhātamuni brahmadatto, sirimaṇḍo sabbakāmī ca;
គាថាយោ ចតុរាសីតិ, ថេរា ចេត្ថ ចតុទ្ទសាតិ។
Gāthāyo caturāsīti, therā cettha catuddasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១៤. សព្ពកាមិត្ថេរគាថាវណ្ណនា • 14. Sabbakāmittheragāthāvaṇṇanā
