| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೮೨. ರುರುಮಿಗರಾಜಜಾತಕಂ (೯)
482. Rurumigarājajātakaṃ (9)
೧೧೭.
117.
೧೧೮.
118.
ಮಯ್ಹಂ ಗಾಮವರಂ ದೇಹಿ, ನಾರಿಯೋ ಚ ಅಲಙ್ಕತಾ।
Mayhaṃ gāmavaraṃ dehi, nāriyo ca alaṅkatā;
ಅಹಂ ತೇ ಮಿಗಮಕ್ಖಿಸ್ಸಂ, ಮಿಗಾನಂ ಮಿಗಮುತ್ತಮಂ॥
Ahaṃ te migamakkhissaṃ, migānaṃ migamuttamaṃ.
೧೧೯.
119.
ಏತಸ್ಮಿಂ ವನಸಣ್ಡಸ್ಮಿಂ, ಅಮ್ಬಾ ಸಾಲಾ ಚ ಪುಪ್ಫಿತಾ।
Etasmiṃ vanasaṇḍasmiṃ, ambā sālā ca pupphitā;
ಇನ್ದಗೋಪಕಸಞ್ಛನ್ನಾ , ಏತ್ಥೇಸೋ ತಿಟ್ಠತೇ ಮಿಗೋ॥
Indagopakasañchannā , ettheso tiṭṭhate migo.
೧೨೦.
120.
ಮಿಗೋ ಚ ದಿಸ್ವಾ ರಾಜಾನಂ, ದೂರತೋ ಅಜ್ಝಭಾಸಥ॥
Migo ca disvā rājānaṃ, dūrato ajjhabhāsatha.
೧೨೧.
121.
ಆಗಮೇಹಿ ಮಹಾರಾಜ, ಮಾ ಮಂ ವಿಜ್ಝಿ ರಥೇಸಭ।
Āgamehi mahārāja, mā maṃ vijjhi rathesabha;
ಕೋ ನು ತೇ ಇದಮಕ್ಖಾಸಿ, ಏತ್ಥೇಸೋ ತಿಟ್ಠತೇ ಮಿಗೋ॥
Ko nu te idamakkhāsi, ettheso tiṭṭhate migo.
೧೨೨.
122.
ಏಸ ಪಾಪಚರೋ ಪೋಸೋ, ಸಮ್ಮ ತಿಟ್ಠತಿ ಆರಕಾ।
Esa pāpacaro poso, samma tiṭṭhati ārakā;
೧೨೩.
123.
ಸಚ್ಚಂ ಕಿರೇವ ಮಾಹಂಸು, ನರಾ ಏಕಚ್ಚಿಯಾ ಇಧ।
Saccaṃ kireva māhaṃsu, narā ekacciyā idha;
ಕಟ್ಠಂ ನಿಪ್ಲವಿತಂ ಸೇಯ್ಯೋ, ನ ತ್ವೇವೇಕಚ್ಚಿ ಯೋ ನರೋ॥
Kaṭṭhaṃ niplavitaṃ seyyo, na tvevekacci yo naro.
೧೨೪.
124.
ಕಿಂ ನು ರುರು ಗರಹಸಿ ಮಿಗಾನಂ, ಕಿಂ ಪಕ್ಖೀನಂ ಕಿಂ ಪನ ಮಾನುಸಾನಂ।
Kiṃ nu ruru garahasi migānaṃ, kiṃ pakkhīnaṃ kiṃ pana mānusānaṃ;
ಭಯಞ್ಹಿ ಮಂ ವಿನ್ದತಿನಪ್ಪರೂಪಂ, ಸುತ್ವಾನ ತಂ ಮಾನುಸಿಂ ಭಾಸಮಾನಂ॥
Bhayañhi maṃ vindatinapparūpaṃ, sutvāna taṃ mānusiṃ bhāsamānaṃ.
೧೨೫.
125.
ಯಮುದ್ಧರಿಂ ವಾಹನೇ ವುಯ್ಹಮಾನಂ, ಮಹೋದಕೇ ಸಲಿಲೇ ಸೀಘಸೋತೇ।
Yamuddhariṃ vāhane vuyhamānaṃ, mahodake salile sīghasote;
ತತೋನಿದಾನಂ ಭಯಮಾಗತಂ ಮಮ, ದುಕ್ಖೋ ಹವೇ ರಾಜ ಅಸಬ್ಭಿ ಸಙ್ಗಮೋ॥
Tatonidānaṃ bhayamāgataṃ mama, dukkho have rāja asabbhi saṅgamo.
೧೨೬.
126.
ಸೋಹಂ ಚತುಪ್ಪತ್ತಮಿಮಂ ವಿಹಙ್ಗಮಂ, ತನುಚ್ಛಿದಂ ಹದಯೇ ಓಸ್ಸಜಾಮಿ।
Sohaṃ catuppattamimaṃ vihaṅgamaṃ, tanucchidaṃ hadaye ossajāmi;
ಹನಾಮಿ ತಂ ಮಿತ್ತದುಬ್ಭಿಂ ಅಕಿಚ್ಚಕಾರಿಂ 13, ಯೋ ತಾದಿಸಂ ಕಮ್ಮಕತಂ ನ ಜಾನೇ॥
Hanāmi taṃ mittadubbhiṃ akiccakāriṃ 14, yo tādisaṃ kammakataṃ na jāne.
೧೨೭.
127.
ಧೀರಸ್ಸ ಬಾಲಸ್ಸ ಹವೇ ಜನಿನ್ದ, ಸನ್ತೋ ವಧಂ ನಪ್ಪಸಂಸನ್ತಿ ಜಾತು।
Dhīrassa bālassa have janinda, santo vadhaṃ nappasaṃsanti jātu;
ಕಾಮಂ ಘರಂ ಗಚ್ಛತು ಪಾಪಧಮ್ಮೋ, ಯಞ್ಚಸ್ಸ ಭಟ್ಠಂ ತದೇತಸ್ಸ ದೇಹಿ।
Kāmaṃ gharaṃ gacchatu pāpadhammo, yañcassa bhaṭṭhaṃ tadetassa dehi;
ಅಹಞ್ಚ ತೇ ಕಾಮಕರೋ ಭವಾಮಿ॥
Ahañca te kāmakaro bhavāmi.
೧೨೮.
128.
ಕಾಮಂ ಘರಂ ಗಚ್ಛತು ಪಾಪಧಮ್ಮೋ, ಯಞ್ಚಸ್ಸ ಭಟ್ಠಂ ತದೇತಸ್ಸ ದಮ್ಮಿ।
Kāmaṃ gharaṃ gacchatu pāpadhammo, yañcassa bhaṭṭhaṃ tadetassa dammi;
ಅಹಞ್ಚ ತೇ ಕಾಮಚಾರಂ ದದಾಮಿ॥
Ahañca te kāmacāraṃ dadāmi.
೧೨೯.
129.
ಸುವಿಜಾನಂ ಸಿಙ್ಗಾಲಾನಂ, ಸಕುಣಾನಞ್ಚವಸ್ಸಿತಂ।
Suvijānaṃ siṅgālānaṃ, sakuṇānañcavassitaṃ;
ಮನುಸ್ಸವಸ್ಸಿತಂ ರಾಜ, ದುಬ್ಬಿಜಾನತರಂ ತತೋ॥
Manussavassitaṃ rāja, dubbijānataraṃ tato.
೧೩೦.
130.
ಅಪಿ ಚೇ ಮಞ್ಞತೀ ಪೋಸೋ, ಞಾತಿ ಮಿತ್ತೋ ಸಖಾತಿ ವಾ।
Api ce maññatī poso, ñāti mitto sakhāti vā;
ಯೋ ಪುಬ್ಬೇ ಸುಮನೋ ಹುತ್ವಾ, ಪಚ್ಛಾ ಸಮ್ಪಜ್ಜತೇ ದಿಸೋ॥
Yo pubbe sumano hutvā, pacchā sampajjate diso.
೧೩೧.
131.
ಸಮಾಗತಾ ಜಾನಪದಾ, ನೇಗಮಾ ಚ ಸಮಾಗತಾ।
Samāgatā jānapadā, negamā ca samāgatā;
ಮಿಗಾ ಸಸ್ಸಾನಿ ಖಾದನ್ತಿ, ತಂ ದೇವೋ ಪಟಿಸೇಧತು॥
Migā sassāni khādanti, taṃ devo paṭisedhatu.
೧೩೨.
132.
ಕಾಮಂ ಜನಪದೋ ಮಾಸಿ, ರಟ್ಠಞ್ಚಾಪಿ ವಿನಸ್ಸತು।
Kāmaṃ janapado māsi, raṭṭhañcāpi vinassatu;
ನ ತ್ವೇವಾಹಂ ರುರುಂ ದುಬ್ಭೇ, ದತ್ವಾ ಅಭಯದಕ್ಖಿಣಂ॥
Na tvevāhaṃ ruruṃ dubbhe, datvā abhayadakkhiṇaṃ.
೧೩೩.
133.
ನ ತ್ವೇವಾಹಂ 21 ಮಿಗರಾಜಸ್ಸ, ವರಂ ದತ್ವಾ ಮುಸಾ ಭಣೇತಿ॥
Na tvevāhaṃ 22 migarājassa, varaṃ datvā musā bhaṇeti.
ರುರುಮಿಗರಾಜಜಾತಕಂ ನವಮಂ।
Rurumigarājajātakaṃ navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೮೨] ೯. ರುರುಮಿಗರಾಜಜಾತಕವಣ್ಣನಾ • [482] 9. Rurumigarājajātakavaṇṇanā
