| Tipiṭaka / តិបិដក • Tipiṭaka / បេតវត្ថុបាឡិ • Petavatthupāḷi |
៣. បូតិមុខបេតវត្ថុ
3. Pūtimukhapetavatthu
៧.
7.
‘‘ទិព្ពំ សុភំ ធារេសិ វណ្ណធាតុំ, វេហាយសំ តិដ្ឋសិ អន្តលិក្ខេ;
‘‘Dibbaṃ subhaṃ dhāresi vaṇṇadhātuṃ, vehāyasaṃ tiṭṭhasi antalikkhe;
មុខញ្ច តេ កិមយោ បូតិគន្ធំ, ខាទន្តិ កិំ កម្មមកាសិ បុព្ពេ’’។
Mukhañca te kimayo pūtigandhaṃ, khādanti kiṃ kammamakāsi pubbe’’.
៨.
8.
‘‘សមណោ អហំ បាបោតិទុដ្ឋវាចោ 1, តបស្សិរូបោ មុខសា អសញ្ញតោ;
‘‘Samaṇo ahaṃ pāpotiduṭṭhavāco 2, tapassirūpo mukhasā asaññato;
លទ្ធា ច មេ តបសា វណ្ណធាតុ, មុខញ្ច មេ បេសុណិយេន បូតិ។
Laddhā ca me tapasā vaṇṇadhātu, mukhañca me pesuṇiyena pūti.
៩.
9.
‘‘តយិទំ តយា នារទ សាមំ ទិដ្ឋំ,
‘‘Tayidaṃ tayā nārada sāmaṃ diṭṭhaṃ,
អនុកម្បកា យេ កុសលា វទេយ្យុំ;
Anukampakā ye kusalā vadeyyuṃ;
‘មា បេសុណំ មា ច មុសា អភាណិ,
‘Mā pesuṇaṃ mā ca musā abhāṇi,
យក្ខោ តុវំ ហោហិសិ កាមកាមី’’’តិ។
Yakkho tuvaṃ hohisi kāmakāmī’’’ti.
បូតិមុខបេតវត្ថុ តតិយំ។
Pūtimukhapetavatthu tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បេតវត្ថុ-អដ្ឋកថា • Petavatthu-aṭṭhakathā / ៣. បូតិមុខបេតវត្ថុវណ្ណនា • 3. Pūtimukhapetavatthuvaṇṇanā
