| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
8. бин̣д̣абаад̇игасуд̇д̇ам̣
8. Piṇḍapātikasuttaṃ
28. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ гарзриман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и –
28. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulānaṃ bhikkhūnaṃ pacchābhattaṃ piṇḍapātapaṭikkantānaṃ karerimaṇḍalamāḷe sannisinnānaṃ sannipatitānaṃ ayamantarākathā udapādi –
‘‘бин̣д̣абаад̇иго, аавусо, бхигку бин̣д̣ааяа жаранд̇о лабхад̇и гаалзна гаалам̣ манаабигз жагкунаа руубз бассид̇ум̣, лабхад̇и гаалзна гаалам̣ манаабигз сод̇зна сад̣̇д̣̇з сод̇ум̣, лабхад̇и гаалзна гаалам̣ манаабигз гхаанзна г̇анд̇хз гхааяид̇ум̣, лабхад̇и гаалзна гаалам̣ манаабигз ж̇ивхааяа расз сааяид̇ум̣, лабхад̇и гаалзна гаалам̣ манаабигз гааязна подтаб̣б̣з пусид̇ум̣. бин̣д̣абаад̇иго, аавусо, бхигку саггад̇о г̇аругад̇о маанид̇о бууж̇ид̇о абажид̇о бин̣д̣ааяа жарад̇и. ханд̣̇аавусо, маяамби бин̣д̣абаад̇игаа хома. маяамби лажчаама гаалзна гаалам̣ манаабигз жагкунаа руубз бассид̇ум̣, маяамби лажчаама гаалзна гаалам̣ манаабигз сод̇зна сад̣̇д̣̇з сод̇ум̣, маяамби лажчаама гаалзна гаалам̣ манаабигз гхаанзна г̇анд̇хз гхааяид̇ум̣, маяамби лажчаама гаалзна гаалам̣ манаабигз ж̇ивхааяа расз сааяид̇ум̣, маяамби лажчаама гаалзна гаалам̣ манаабигз гааязна подтаб̣б̣з пусид̇ум̣; маяамби саггад̇аа г̇аругад̇аа маанид̇аа бууж̇ид̇аа абажид̇аа бин̣д̣ааяа жариссаамаа’’д̇и. аяан̃жарахи д̇зсам̣ бхигкуунам̣ анд̇араагат̇аа ход̇и виббагад̇аа.
‘‘Piṇḍapātiko, āvuso, bhikkhu piṇḍāya caranto labhati kālena kālaṃ manāpike cakkhunā rūpe passituṃ, labhati kālena kālaṃ manāpike sotena sadde sotuṃ, labhati kālena kālaṃ manāpike ghānena gandhe ghāyituṃ, labhati kālena kālaṃ manāpike jivhāya rase sāyituṃ, labhati kālena kālaṃ manāpike kāyena phoṭṭhabbe phusituṃ. Piṇḍapātiko, āvuso, bhikkhu sakkato garukato mānito pūjito apacito piṇḍāya carati. Handāvuso, mayampi piṇḍapātikā homa. Mayampi lacchāma kālena kālaṃ manāpike cakkhunā rūpe passituṃ, mayampi lacchāma kālena kālaṃ manāpike sotena sadde sotuṃ, mayampi lacchāma kālena kālaṃ manāpike ghānena gandhe ghāyituṃ, mayampi lacchāma kālena kālaṃ manāpike jivhāya rase sāyituṃ, mayampi lacchāma kālena kālaṃ manāpike kāyena phoṭṭhabbe phusituṃ; mayampi sakkatā garukatā mānitā pūjitā apacitā piṇḍāya carissāmā’’ti. Ayañcarahi tesaṃ bhikkhūnaṃ antarākathā hoti vippakatā.
ат̇а ко бхаг̇аваа сааяанхасамаяам̣ бадисаллаанаа вудтид̇о язна гарзриман̣д̣аламаал̣о д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и?
Atha kho bhagavā sāyanhasamayaṃ paṭisallānā vuṭṭhito yena karerimaṇḍalamāḷo tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘kāya nuttha, bhikkhave, etarahi kathāya sannisinnā, kā ca pana vo antarākathā vippakatā’’ti?
‘‘ид̇ха, бханд̇з, амхаагам̣ бажчаабхад̇д̇ам̣ бин̣д̣абаад̇абадигганд̇аанам̣ гарзриман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и –
‘‘Idha, bhante, amhākaṃ pacchābhattaṃ piṇḍapātapaṭikkantānaṃ karerimaṇḍalamāḷe sannisinnānaṃ sannipatitānaṃ ayamantarākathā udapādi –
‘бин̣д̣абаад̇иго, аавусо, бхигку бин̣д̣ааяа жаранд̇о лабхад̇и гаалзна гаалам̣ манаабигз жагкунаа руубз бассид̇ум̣, лабхад̇и гаалзна гаалам̣ манаабигз сод̇зна сад̣̇д̣̇з сод̇ум̣, лабхад̇и гаалзна гаалам̣ манаабигз гхаанзна г̇анд̇хз гхааяид̇ум̣, лабхад̇и гаалзна гаалам̣ манаабигз ж̇ивхааяа расз сааяид̇ум̣, лабхад̇и гаалзна гаалам̣ манаабигз гааязна подтаб̣б̣з пусид̇ум̣. бин̣д̣абаад̇иго, аавусо, бхигку саггад̇о г̇аругад̇о маанид̇о бууж̇ид̇о абажид̇о бин̣д̣ааяа жарад̇и. ханд̣̇аавусо, маяамби бин̣д̣абаад̇игаа хома. маяамби лажчаама гаалзна гаалам̣ манаабигз жагкунаа руубз бассид̇ум̣…бз… гааязна подтаб̣б̣з пусид̇ум̣. маяамби саггад̇аа г̇аругад̇аа маанид̇аа бууж̇ид̇аа абажид̇аа бин̣д̣ааяа жариссаамаа’д̇и. аяам̣ ко но, бханд̇з, анд̇араагат̇аа виббагад̇аа, ат̇а бхаг̇аваа ануббад̇д̇о’’д̇и.
‘Piṇḍapātiko, āvuso, bhikkhu piṇḍāya caranto labhati kālena kālaṃ manāpike cakkhunā rūpe passituṃ, labhati kālena kālaṃ manāpike sotena sadde sotuṃ, labhati kālena kālaṃ manāpike ghānena gandhe ghāyituṃ, labhati kālena kālaṃ manāpike jivhāya rase sāyituṃ, labhati kālena kālaṃ manāpike kāyena phoṭṭhabbe phusituṃ. Piṇḍapātiko, āvuso, bhikkhu sakkato garukato mānito pūjito apacito piṇḍāya carati. Handāvuso, mayampi piṇḍapātikā homa. Mayampi lacchāma kālena kālaṃ manāpike cakkhunā rūpe passituṃ…pe… kāyena phoṭṭhabbe phusituṃ. Mayampi sakkatā garukatā mānitā pūjitā apacitā piṇḍāya carissāmā’ti. Ayaṃ kho no, bhante, antarākathā vippakatā, atha bhagavā anuppatto’’ti.
‘‘на квзд̇ам̣, бхигкавз, д̇умхаагам̣ бад̇ируубам̣ гулабуд̇д̇аанам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аанам̣ яам̣ д̇умхз зваруубим̣ гат̇ам̣ гат̇зяяаат̇а. саннибад̇ид̇аанам̣ во, бхигкавз, д̣̇ваяам̣ гаран̣ийяам̣ – д̇хаммий ваа гат̇аа арияо ваа д̇ун̣хийбхааво’’д̇и.
‘‘Na khvetaṃ, bhikkhave, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe evarūpiṃ kathaṃ katheyyātha. Sannipatitānaṃ vo, bhikkhave, dvayaṃ karaṇīyaṃ – dhammī vā kathā ariyo vā tuṇhībhāvo’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘бин̣д̣абаад̇игасса бхигкуно,
‘‘Piṇḍapātikassa bhikkhuno,
ад̇д̇абхарасса анан̃н̃абосино;
Attabharassa anaññaposino;
д̣̇зваа бихаяанд̇и д̇аад̣̇ино,
Devā pihayanti tādino,
но жз сад̣̇д̣̇асилоганиссид̇о’’д̇и. адтамам̣;
No ce saddasilokanissito’’ti. aṭṭhamaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 8. бин̣д̣абаад̇игасуд̇д̇аван̣н̣анаа • 8. Piṇḍapātikasuttavaṇṇanā
