| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
7. පවාරණානිද්දෙසො
7. Pavāraṇāniddeso
පවාරණාති –
Pavāraṇāti –
73.
73.
යෙනීරියාපථෙනායං, භුඤ්ජමානො පවාරිතො;
Yenīriyāpathenāyaṃ, bhuñjamāno pavārito;
තතො අඤ්ඤෙන භුඤ්ජෙය්ය, පාචිත්තිනතිරිත්තකං.
Tato aññena bhuñjeyya, pācittinatirittakaṃ.
74.
74.
අසනං භොජනඤ්චෙව, අභිහාරො සමීපතා;
Asanaṃ bhojanañceva, abhihāro samīpatā;
කායවාචාපටික්ඛෙපො, පඤ්චඅඞ්ගා පවාරණා.
Kāyavācāpaṭikkhepo, pañcaaṅgā pavāraṇā.
75.
75.
ඔදනො සත්තු කුම්මාසො, මච්ඡො මංසඤ්ච භොජනං;
Odano sattu kummāso, maccho maṃsañca bhojanaṃ;
සාලි වීහි යවො කඞ්ගු, කුද්රූසවරගොධුමා;
Sāli vīhi yavo kaṅgu, kudrūsavaragodhumā;
සත්තන්නමෙසං ධඤ්ඤානං, ඔදනො භොජ්ජයාගු ච.
Sattannamesaṃ dhaññānaṃ, odano bhojjayāgu ca.
76.
76.
සාමාකාදිතිණං කුද්රූසකෙ වරකචොරකො;
Sāmākāditiṇaṃ kudrūsake varakacorako;
වරකෙ සාලියඤ්චෙව, නීවාරො සඞ්ගහං ගතො.
Varake sāliyañceva, nīvāro saṅgahaṃ gato.
77.
77.
භට්ඨධඤ්ඤමයො සත්තු, කුම්මාසො යවසම්භවො;
Bhaṭṭhadhaññamayo sattu, kummāso yavasambhavo;
මංසො ච කප්පියො වුත්තො, මච්ඡො උදකසම්භවො.
Maṃso ca kappiyo vutto, maccho udakasambhavo.
78.
78.
භුඤ්ජන්තො භොජනං කප්ප-මකප්පං වා නිසෙධයං;
Bhuñjanto bhojanaṃ kappa-makappaṃ vā nisedhayaṃ;
පවාරෙය්යාභිහටං කප්පං, තන්නාමෙන ඉමන්ති වා.
Pavāreyyābhihaṭaṃ kappaṃ, tannāmena imanti vā.
79.
79.
ලාජා තංසත්තුභත්තානි, ගොරසො සුද්ධඛජ්ජකො;
Lājā taṃsattubhattāni, goraso suddhakhajjako;
තණ්ඩුලා භට්ඨපිට්ඨඤ්ච, පුථුකා වෙළුආදිනං.
Taṇḍulā bhaṭṭhapiṭṭhañca, puthukā veḷuādinaṃ.
80.
80.
භත්තං වුත්තාවසෙසානං, රසයාගු රසොපි ච;
Bhattaṃ vuttāvasesānaṃ, rasayāgu rasopi ca;
සුද්ධයාගුඵලාදීනි, න ජනෙන්ති පවාරණං.
Suddhayāguphalādīni, na janenti pavāraṇaṃ.
81.
81.
පවාරිතෙන වුට්ඨාය, අභුත්තෙන ච භොජනං;
Pavāritena vuṭṭhāya, abhuttena ca bhojanaṃ;
අතිරිත්තං න කාතබ්බං, යෙන යං වා පුරෙ කතං.
Atirittaṃ na kātabbaṃ, yena yaṃ vā pure kataṃ.
82.
82.
කප්පියං ගහිතඤ්චෙවු-ච්චාරිතං හත්ථපාසගං;
Kappiyaṃ gahitañcevu-ccāritaṃ hatthapāsagaṃ;
අතිරිත්තං කරොන්තෙවං, ‘‘අලමෙත’’න්ති භාසතු.
Atirittaṃ karontevaṃ, ‘‘alameta’’nti bhāsatu.
83.
83.
න කරෙනුපසම්පන්න-හත්ථගං පෙසයිත්වාපි;
Na karenupasampanna-hatthagaṃ pesayitvāpi;
කාරෙතුං ලබ්භතෙ සබ්බො, භුඤ්ජිතුං තමකාරකොති.
Kāretuṃ labbhate sabbo, bhuñjituṃ tamakārakoti.
