| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
9. පඨමරාගසුත්තං
9. Paṭhamarāgasuttaṃ
68. වුත්තඤ්හෙතං භගවතා, වුත්තමරහතාති මෙ සුතං –
68. Vuttañhetaṃ bhagavatā, vuttamarahatāti me sutaṃ –
‘‘යස්ස කස්සචි, භික්ඛවෙ, රාගො අප්පහීනො, දොසො අප්පහීනො, මොහො අප්පහීනො – අයං වුච්චති, භික්ඛවෙ, ‘බද්ධො 1 මාරස්ස පටිමුක්කස්ස මාරපාසො යථාකාමකරණීයො 2 පාපිමතො’. යස්ස කස්සචි, භික්ඛවෙ, රාගො පහීනො, දොසො පහීනො, මොහො පහීනො – අයං වුච්චති, භික්ඛවෙ, ‘අබද්ධො මාරස්ස ඔමුක්කස්ස මාරපාසො න යථා කාමකරණීයො 3 පාපිමතො’’’ති. එතමත්ථං භගවා අවොච. තත්ථෙතං ඉති වුච්චති –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘යස්ස රාගො ච දොසො ච, අවිජ්ජා ච විරාජිතා;
‘‘Yassa rāgo ca doso ca, avijjā ca virājitā;
තං භාවිතත්තඤ්ඤතරං, බ්රහ්මභූතං තථාගතං;
Taṃ bhāvitattaññataraṃ, brahmabhūtaṃ tathāgataṃ;
බුද්ධං වෙරභයාතීතං, ආහු සබ්බප්පහායින’’න්ති.
Buddhaṃ verabhayātītaṃ, āhu sabbappahāyina’’nti.
අයම්පි අත්ථො වුත්තො භගවතා, ඉති මෙ සුතන්ති. නවමං.
Ayampi attho vutto bhagavatā, iti me sutanti. Navamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 9. පඨමරාගසුත්තවණ්ණනා • 9. Paṭhamarāgasuttavaṇṇanā
