| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
បារាយនានុគីតិគាថា
Pārāyanānugītigāthā
១១៣៧.
1137.
‘‘បារាយនមនុគាយិស្សំ, (ឥច្ចាយស្មា បិង្គិយោ)
‘‘Pārāyanamanugāyissaṃ, (iccāyasmā piṅgiyo)
យថាទ្ទក្ខិ តថាក្ខាសិ, វិមលោ ភូរិមេធសោ;
Yathāddakkhi tathākkhāsi, vimalo bhūrimedhaso;
១១៣៨.
1138.
‘‘បហីនមលមោហស្ស , មានមក្ខប្បហាយិនោ;
‘‘Pahīnamalamohassa , mānamakkhappahāyino;
ហន្ទាហំ កិត្តយិស្សាមិ, គិរំ វណ្ណូបសញ្ហិតំ។
Handāhaṃ kittayissāmi, giraṃ vaṇṇūpasañhitaṃ.
១១៣៩.
1139.
‘‘តមោនុទោ ពុទ្ធោ សមន្តចក្ខុ, លោកន្តគូ សព្ពភវាតិវត្តោ;
‘‘Tamonudo buddho samantacakkhu, lokantagū sabbabhavātivatto;
អនាសវោ សព្ពទុក្ខបហីនោ, សច្ចវ្ហយោ ព្រហ្មេ ឧបាសិតោ មេ។
Anāsavo sabbadukkhapahīno, saccavhayo brahme upāsito me.
១១៤០.
1140.
‘‘ទិជោ យថា កុព្ពនកំ បហាយ, ពហុប្ផលំ កាននមាវសេយ្យ;
‘‘Dijo yathā kubbanakaṃ pahāya, bahupphalaṃ kānanamāvaseyya;
ឯវំ បហំ អប្បទស្សេ បហាយ, មហោទធិំ ហំសោរិវ អជ្ឈបត្តោ។
Evaṃ pahaṃ appadasse pahāya, mahodadhiṃ haṃsoriva ajjhapatto.
១១៤១.
1141.
‘‘យេមេ បុព្ពេ វិយាកំសុ, ហុរំ គោតមសាសនា;
‘‘Yeme pubbe viyākaṃsu, huraṃ gotamasāsanā;
ឥច្ចាសិ ឥតិ ភវិស្សតិ;
Iccāsi iti bhavissati;
សព្ពំ តំ ឥតិហិតិហំ, សព្ពំ តំ តក្កវឌ្ឍនំ។
Sabbaṃ taṃ itihitihaṃ, sabbaṃ taṃ takkavaḍḍhanaṃ.
១១៤២.
1142.
‘‘ឯកោ តមនុទាសិនោ, ជុតិមា សោ បភង្ករោ;
‘‘Eko tamanudāsino, jutimā so pabhaṅkaro;
គោតមោ ភូរិបញ្ញាណោ, គោតមោ ភូរិមេធសោ។
Gotamo bhūripaññāṇo, gotamo bhūrimedhaso.
១១៤៣.
1143.
‘‘យោ មេ ធម្មមទេសេសិ, សន្ទិដ្ឋិកមកាលិកំ;
‘‘Yo me dhammamadesesi, sandiṭṭhikamakālikaṃ;
តណ្ហក្ខយមនីតិកំ , យស្ស នត្ថិ ឧបមា ក្វចិ’’។
Taṇhakkhayamanītikaṃ , yassa natthi upamā kvaci’’.
១១៤៤.
1144.
‘‘កិំនុ តម្ហា វិប្បវសសិ, មុហុត្តមបិ បិង្គិយ;
‘‘Kiṃnu tamhā vippavasasi, muhuttamapi piṅgiya;
គោតមា ភូរិបញ្ញាណា, គោតមា ភូរិមេធសា។
Gotamā bhūripaññāṇā, gotamā bhūrimedhasā.
១១៤៥.
1145.
‘‘យោ តេ ធម្មមទេសេសិ, សន្ទិដ្ឋិកមកាលិកំ;
‘‘Yo te dhammamadesesi, sandiṭṭhikamakālikaṃ;
តណ្ហក្ខយមនីតិកំ, យស្ស នត្ថិ ឧបមា ក្វចិ’’។
Taṇhakkhayamanītikaṃ, yassa natthi upamā kvaci’’.
១១៤៦.
1146.
‘‘នាហំ តម្ហា វិប្បវសាមិ, មុហុត្តមបិ ព្រាហ្មណ;
‘‘Nāhaṃ tamhā vippavasāmi, muhuttamapi brāhmaṇa;
គោតមា ភូរិបញ្ញាណា, គោតមា ភូរិមេធសា។
Gotamā bhūripaññāṇā, gotamā bhūrimedhasā.
១១៤៧.
1147.
‘‘យោ មេ ធម្មមទេសេសិ, សន្ទិដ្ឋិកមកាលិកំ;
‘‘Yo me dhammamadesesi, sandiṭṭhikamakālikaṃ;
តណ្ហក្ខយមនីតិកំ, យស្ស នត្ថិ ឧបមា ក្វចិ។
Taṇhakkhayamanītikaṃ, yassa natthi upamā kvaci.
១១៤៨.
1148.
‘‘បស្សាមិ នំ មនសា ចក្ខុនាវ, រត្តិន្ទិវំ ព្រាហ្មណ អប្បមត្តោ;
‘‘Passāmi naṃ manasā cakkhunāva, rattindivaṃ brāhmaṇa appamatto;
នមស្សមានោ វិវសេមិ រត្តិំ, តេនេវ មញ្ញាមិ អវិប្បវាសំ។
Namassamāno vivasemi rattiṃ, teneva maññāmi avippavāsaṃ.
១១៤៩.
1149.
‘‘សទ្ធា ច បីតិ ច មនោ សតិ ច, នាបេន្តិ មេ គោតមសាសនម្ហា;
‘‘Saddhā ca pīti ca mano sati ca, nāpenti me gotamasāsanamhā;
យំ យំ ទិសំ វជតិ ភូរិបញ្ញោ, ស តេន តេនេវ នតោហមស្មិ។
Yaṃ yaṃ disaṃ vajati bhūripañño, sa tena teneva natohamasmi.
១១៥០.
1150.
‘‘ជិណ្ណស្ស មេ ទុព្ពលថាមកស្ស, តេនេវ កាយោ ន បលេតិ តត្ថ;
‘‘Jiṇṇassa me dubbalathāmakassa, teneva kāyo na paleti tattha;
សំកប្បយន្តាយ 3 វជាមិ និច្ចំ, មនោ ហិ មេ ព្រាហ្មណ តេន យុត្តោ។
Saṃkappayantāya 4 vajāmi niccaṃ, mano hi me brāhmaṇa tena yutto.
១១៥១.
1151.
‘‘បង្កេ សយានោ បរិផន្ទមានោ, ទីបា ទីបំ ឧបប្លវិំ 5;
‘‘Paṅke sayāno pariphandamāno, dīpā dīpaṃ upaplaviṃ 6;
អថទ្ទសាសិំ សម្ពុទ្ធំ, ឱឃតិណ្ណមនាសវំ’’។
Athaddasāsiṃ sambuddhaṃ, oghatiṇṇamanāsavaṃ’’.
១១៥២.
1152.
‘‘យថា អហូ វក្កលិ មុត្តសទ្ធោ, ភទ្រាវុធោ អាឡវិ គោតមោ ច;
‘‘Yathā ahū vakkali muttasaddho, bhadrāvudho āḷavi gotamo ca;
ឯវមេវ ត្វម្បិ បមុញ្ចស្សុ សទ្ធំ,
Evameva tvampi pamuñcassu saddhaṃ,
១១៥៣.
1153.
‘‘ឯស ភិយ្យោ បសីទាមិ, សុត្វាន មុនិនោ វចោ;
‘‘Esa bhiyyo pasīdāmi, sutvāna munino vaco;
វិវដ្ដច្ឆទោ សម្ពុទ្ធោ, អខិលោ បដិភានវា។
Vivaṭṭacchado sambuddho, akhilo paṭibhānavā.
១១៥៤.
1154.
បញ្ហានន្តករោ សត្ថា, កង្ខីនំ បដិជានតំ។
Pañhānantakaro satthā, kaṅkhīnaṃ paṭijānataṃ.
១១៥៥.
1155.
‘‘អសំហីរំ អសង្កុប្បំ, យស្ស នត្ថិ ឧបមា ក្វចិ;
‘‘Asaṃhīraṃ asaṅkuppaṃ, yassa natthi upamā kvaci;
អទ្ធា គមិស្សាមិ ន មេត្ថ កង្ខា, ឯវំ មំ ធារេហិ អធិមុត្តចិត្ត’’ន្តិ។
Addhā gamissāmi na mettha kaṅkhā, evaṃ maṃ dhārehi adhimuttacitta’’nti.
បារាយនវគ្គោ បញ្ចមោ និដ្ឋិតោ។
Pārāyanavaggo pañcamo niṭṭhito.
សុត្តុទ្ទានំ –
Suttuddānaṃ –
១.
1.
ចុន្ទោ ភវោ បុនទេវ, វសលោ ច ករណីយញ្ច;
Cundo bhavo punadeva, vasalo ca karaṇīyañca;
ហេមវតោ អថ យក្ខោ, វិជយសុត្តំ មុនិសុត្តវរន្តិ។
Hemavato atha yakkho, vijayasuttaṃ munisuttavaranti.
២.
2.
បឋមកដ្ឋវរោ វរវគ្គោ, ទ្វាទសសុត្តធរោ សុវិភត្តោ;
Paṭhamakaṭṭhavaro varavaggo, dvādasasuttadharo suvibhatto;
ទេសិតោ ចក្ខុមតា វិមលេន, សុយ្យតិ វគ្គវរោ ឧរគោតិ។
Desito cakkhumatā vimalena, suyyati vaggavaro uragoti.
៣.
3.
រតនាមគន្ធោ ហិរិមង្គលនាមោ, សុចិលោមកបិលោ ច ព្រាហ្មណធម្មោ;
Ratanāmagandho hirimaṅgalanāmo, sucilomakapilo ca brāhmaṇadhammo;
នាវា 13 កិំសីលឧដ្ឋហនោ ច, រាហុលោ ច បុនបិ វង្គីសោ។
Nāvā 14 kiṃsīlauṭṭhahano ca, rāhulo ca punapi vaṅgīso.
៤.
4.
សម្មាបរិព្ពាជនីយោបិ ចេត្ថ, ធម្មិកសុត្តវរោ សុវិភត្តោ;
Sammāparibbājanīyopi cettha, dhammikasuttavaro suvibhatto;
ចុទ្ទសសុត្តធរោ ទុតិយម្ហិ, ចូឡកវគ្គវរោតិ តមាហុ។
Cuddasasuttadharo dutiyamhi, cūḷakavaggavaroti tamāhu.
៥.
5.
បព្ពជ្ជបធានសុភាសិតនាមោ, បូរឡាសោ បុនទេវ មាឃោ ច;
Pabbajjapadhānasubhāsitanāmo, pūraḷāso punadeva māgho ca;
សភិយំ កេណិយមេវ សល្លនាមោ, វាសេដ្ឋវរោ កាលិកោបិ ច។
Sabhiyaṃ keṇiyameva sallanāmo, vāseṭṭhavaro kālikopi ca.
៦.
6.
នាលកសុត្តវរោ សុវិភត្តោ, តំ អនុបស្សី តថា បុនទេវ;
Nālakasuttavaro suvibhatto, taṃ anupassī tathā punadeva;
ទ្វាទសសុត្តធរោ តតិយម្ហិ, សុយ្យតិ វគ្គវរោ មហានាមោ។
Dvādasasuttadharo tatiyamhi, suyyati vaggavaro mahānāmo.
៧.
7.
កាមគុហដ្ឋកទុដ្ឋកនាមា , សុទ្ធវរោ បរមដ្ឋកនាមោ;
Kāmaguhaṭṭhakaduṭṭhakanāmā , suddhavaro paramaṭṭhakanāmo;
ជរា មេត្តិយវរោ សុវិភត្តោ, បសូរមាគណ្ឌិយា បុរាភេទោ។
Jarā mettiyavaro suvibhatto, pasūramāgaṇḍiyā purābhedo.
៨.
8.
កលហវិវាទោ ឧភោ វិយុហា ច, តុវដកអត្តទណ្ឌសារិបុត្តា;
Kalahavivādo ubho viyuhā ca, tuvaṭakaattadaṇḍasāriputtā;
សោឡសសុត្តធរោ ចតុត្ថម្ហិ, អដ្ឋកវគ្គវរោតិ តមាហុ។
Soḷasasuttadharo catutthamhi, aṭṭhakavaggavaroti tamāhu.
៩.
9.
មគធេ ជនបទេ រមណីយេ, ទេសវរេ កតបុញ្ញនិវេសេ;
Magadhe janapade ramaṇīye, desavare katapuññanivese;
បាសាណកចេតិយវរេ សុវិភត្តេ, វសិ ភគវា គណសេដ្ឋោ។
Pāsāṇakacetiyavare suvibhatte, vasi bhagavā gaṇaseṭṭho.
១០.
10.
សោឡសព្រាហ្មណានំ កិរ បុដ្ឋោ, បុច្ឆាយ សោឡសបញ្ហកម្មិយា;
Soḷasabrāhmaṇānaṃ kira puṭṭho, pucchāya soḷasapañhakammiyā;
និប្បកាសយិ ធម្មមទាសិ។
Nippakāsayi dhammamadāsi.
១១.
11.
អត្ថបកាសកព្យញ្ជនបុណ្ណំ, ធម្មមទេសេសិ បរខេមជនិយំ 17;
Atthapakāsakabyañjanapuṇṇaṃ, dhammamadesesi parakhemajaniyaṃ 18;
លោកហិតាយ ជិនោ ទ្វិបទគ្គោ, សុត្តវរំ ពហុធម្មវិចិត្រំ;
Lokahitāya jino dvipadaggo, suttavaraṃ bahudhammavicitraṃ;
សព្ពកិលេសបមោចនហេតុំ, ទេសយិ សុត្តវរំ ទ្វិបទគ្គោ។
Sabbakilesapamocanahetuṃ, desayi suttavaraṃ dvipadaggo.
១២.
12.
ព្យញ្ជនមត្ថបទំ សមយុត្តំ 19, អក្ខរសញ្ញិតឱបមគាឡ្ហំ;
Byañjanamatthapadaṃ samayuttaṃ 20, akkharasaññitaopamagāḷhaṃ;
លោកវិចារណញាណបភគ្គំ, ទេសយិ សុត្តវរំ ទ្វិបទគ្គោ។
Lokavicāraṇañāṇapabhaggaṃ, desayi suttavaraṃ dvipadaggo.
១៣.
13.
រាគមលេ អមលំ វិមលគ្គំ, ទោសមលេ អមលំ វិមលគ្គំ;
Rāgamale amalaṃ vimalaggaṃ, dosamale amalaṃ vimalaggaṃ;
មោហមលេ អមលំ វិមលគ្គំ, លោកវិចារណញាណបភគ្គំ;
Mohamale amalaṃ vimalaggaṃ, lokavicāraṇañāṇapabhaggaṃ;
ទេសយិ សុត្តវរំ ទ្វិបទគ្គោ។
Desayi suttavaraṃ dvipadaggo.
១៤.
14.
ក្លេសមលេ អមលំ វិមលគ្គំ, ទុច្ចរិតមលេ អមលំ វិមលគ្គំ;
Klesamale amalaṃ vimalaggaṃ, duccaritamale amalaṃ vimalaggaṃ;
លោកវិចារណញាណបភគ្គំ, ទេសយិ សុត្តវរំ ទ្វិបទគ្គោ។
Lokavicāraṇañāṇapabhaggaṃ, desayi suttavaraṃ dvipadaggo.
១៥.
15.
អាសវពន្ធនយោគាកិលេសំ, នីវរណានិ ច តីណិ មលានិ;
Āsavabandhanayogākilesaṃ, nīvaraṇāni ca tīṇi malāni;
តស្ស កិលេសបមោចនហេតុំ, ទេសយិ សុត្តវរំ ទ្វិបទគ្គោ។
Tassa kilesapamocanahetuṃ, desayi suttavaraṃ dvipadaggo.
១៦.
16.
និម្មលសព្ពកិលេសបនូទំ, រាគវិរាគមនេជមសោកំ;
Nimmalasabbakilesapanūdaṃ, rāgavirāgamanejamasokaṃ;
សន្តបណីតសុទុទ្ទសធម្មំ, ទេសយិ សុត្តវរំ ទ្វិបទគ្គោ។
Santapaṇītasududdasadhammaṃ, desayi suttavaraṃ dvipadaggo.
១៧.
17.
រាគញ្ច ទោសកមភញ្ជិតសន្តំ 21, យោនិចតុគ្គតិបញ្ចវិញ្ញាណំ;
Rāgañca dosakamabhañjitasantaṃ 22, yonicatuggatipañcaviññāṇaṃ;
តណ្ហារតច្ឆទនតាណលតាបមោក្ខំ 23, ទេសយិ សុត្តវរំ ទ្វិបទគ្គោ។
Taṇhāratacchadanatāṇalatāpamokkhaṃ 24, desayi suttavaraṃ dvipadaggo.
១៨.
18.
គម្ភីរទុទ្ទសសណ្ហនិបុណំ, បណ្ឌិតវេទនិយំ និបុណត្ថំ;
Gambhīraduddasasaṇhanipuṇaṃ, paṇḍitavedaniyaṃ nipuṇatthaṃ;
លោកវិចារណញាណបភគ្គំ, ទេសយិ សុត្តវរំ ទ្វិបទគ្គោ។
Lokavicāraṇañāṇapabhaggaṃ, desayi suttavaraṃ dvipadaggo.
១៩.
19.
នវង្គកុសុមមាលគីវេយ្យំ, ឥន្ទ្រិយឈានវិមោក្ខវិភត្តំ;
Navaṅgakusumamālagīveyyaṃ, indriyajhānavimokkhavibhattaṃ;
អដ្ឋង្គមគ្គធរំ វរយានំ, ទេសយិ សុត្តវរំ ទ្វិបទគ្គោ។
Aṭṭhaṅgamaggadharaṃ varayānaṃ, desayi suttavaraṃ dvipadaggo.
២០.
20.
សោមុបមំ វិមលំ បរិសុទ្ធំ, អណ្ណវមូបមរតនសុចិត្តំ;
Somupamaṃ vimalaṃ parisuddhaṃ, aṇṇavamūpamaratanasucittaṃ;
បុប្ផសមំ រវិមូបមតេជំ, ទេសយិ សុត្តវរំ ទ្វិបទគ្គោ។
Pupphasamaṃ ravimūpamatejaṃ, desayi suttavaraṃ dvipadaggo.
២១.
21.
ខេមសិវំ សុខសីតលសន្តំ, មច្ចុតតាណបរំ បរមត្ថំ;
Khemasivaṃ sukhasītalasantaṃ, maccutatāṇaparaṃ paramatthaṃ;
តស្ស សុនិព្ពុតទស្សនហេតុំ, ទេសយិ សុត្តវរំ ទ្វិបទគ្គោតិ។
Tassa sunibbutadassanahetuṃ, desayi suttavaraṃ dvipadaggoti.
សុត្តនិបាតបាឡិ និដ្ឋិតា។
Suttanipātapāḷi niṭṭhitā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / បារាយនានុគីតិគាថាវណ្ណនា • Pārāyanānugītigāthāvaṇṇanā
