| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
41. багин̣н̣аганид̣̇д̣̇зсаван̣н̣анаа
41. Pakiṇṇakaniddesavaṇṇanā
335. сад̣̇ваараб̣анд̇ханз сод̣̇угкалагабаасагз таанз д̣̇иваа саяанд̇зна баривад̇д̇агам̣ д̣̇ваарам̣ б̣анд̇хзяяаад̇и самб̣анд̇хо. д̣̇вааран̃жа д̣̇ваараб̣анд̇ханан̃жа д̣̇ваараб̣анд̇ханаани маж̇жхзбад̣̇алобавасзна, б̣анд̇хана-сад̣̇д̣̇знзва ваа д̣̇ваараб̣аахаа вужжанд̇и, саха д̣̇ваараб̣анд̇ханзхийд̇и сад̣̇ваараб̣анд̇ханам̣, таанам̣. хздтаа уд̣̇угкалаган̃жа убари баасаго жа, саха уд̣̇угкалабаасагзхийд̇и самаасо. д̇аад̣̇исз таанз баагаараад̣̇ибаригкзбзна бхавид̇аб̣б̣анд̇и баригкид̇д̇зд̇и вин̃н̃ааяад̇и. со жа ужжад̇о сахасзяяаббахонагз вуд̇д̇анаяод̇и вад̣̇анд̇и . саяанд̇знаад̇и баад̣̇з бхуумид̇о можзд̇ваа нибаж̇ж̇анд̇зна. баривад̇д̇аганд̇и сам̣варан̣авиваран̣авасзна ид̇о жид̇о жа баривад̇д̇анаяог̇г̇ам̣. д̣̇вааранд̇и анд̇амасо д̣̇уссасаан̣ид̣̇ваарамби. б̣анд̇хзяяаад̇и саб̣б̣анд̇имзна вид̇хинаа яаавад̇аа сийсам̣ на бависад̇и, д̇аавад̇ааби б̣анд̇хзяяа, сам̣варзяяаад̇и вуд̇д̇ам̣ ход̇и.
335. Sadvārabandhane sodukkhalakapāsake ṭhāne divā sayantena parivattakaṃ dvāraṃ bandheyyāti sambandho. Dvārañca dvārabandhanañca dvārabandhanāni majjhepadalopavasena, bandhana-saddeneva vā dvārabāhā vuccanti, saha dvārabandhanehīti sadvārabandhanaṃ, ṭhānaṃ. Heṭṭhā udukkhalakañca upari pāsako ca, saha udukkhalapāsakehīti samāso. Tādise ṭhāne pākārādiparikkhepena bhavitabbanti parikkhitteti viññāyati. So ca uccato sahaseyyappahonake vuttanayoti vadanti . Sayantenāti pāde bhūmito mocetvā nipajjantena. Parivattakanti saṃvaraṇavivaraṇavasena ito cito ca parivattanayoggaṃ. Dvāranti antamaso dussasāṇidvārampi. Bandheyyāti sabbantimena vidhinā yāvatā sīsaṃ na pavisati, tāvatāpi bandheyya, saṃvareyyāti vuttaṃ hoti.
336. аабхог̇о жаабийд̇и ‘‘зса ж̇аг̇г̇иссад̇ий’’д̇и аабхог̇о жааби. жа-сад̣̇д̣̇зна ‘‘д̣̇ваарам̣ ж̇аг̇г̇аахий’’д̇и важанамби самужжинод̇и. савасз д̇ам̣ аагаарам̣ винаад̇и сасса ад̇д̇ано васз ааяад̇д̇з таанз, яад̇т̇а бана б̣ахуунам̣ сан̃жаран̣ад̇д̇аа д̣̇ваарам̣ сам̣вуд̇амби сам̣вуд̇адтаанз на д̇идтад̇и, д̣̇ваарам̣ алабханд̇аа баагаарам̣ абхирухид̇вааби вижаранд̇и, д̇аад̣̇исз баривзн̣з сам̣варан̣агижжам̣ над̇т̇и. ат̇а ваа сасса васо ааяад̇д̇о, на яагкаад̣̇ийнам̣ д̇зхи г̇ахид̇агад̇д̇асса, б̣анд̇хид̇ваа нибаж̇ж̇аабид̇ад̇д̇асса жа абхаавзнаад̇и савасо. д̇асмим̣ сад̇и буб̣б̣з вуд̇д̇ад̣̇ваарам̣ сам̣варан̣ааабхог̇агаран̣аважанасан̇каад̇ам̣ аагааранд̇и ад̇т̇о.
336.Ābhogo cāpīti ‘‘esa jaggissatī’’ti ābhogo cāpi. Ca-saddena ‘‘dvāraṃ jaggāhī’’ti vacanampi samuccinoti. Savase taṃ ākāraṃ vināti sassa attano vase āyatte ṭhāne, yattha pana bahūnaṃ sañcaraṇattā dvāraṃ saṃvutampi saṃvutaṭṭhāne na tiṭṭhati, dvāraṃ alabhantā pākāraṃ abhiruhitvāpi vicaranti, tādise pariveṇe saṃvaraṇakiccaṃ natthi. Atha vā sassa vaso āyatto, na yakkhādīnaṃ tehi gahitakattassa, bandhitvā nipajjāpitattassa ca abhāvenāti savaso. Tasmiṃ sati pubbe vuttadvāraṃ saṃvaraṇaābhogakaraṇavacanasaṅkhātaṃ ākāranti attho.
337. рад̇анаанийд̇и муд̇д̇аад̣̇ийни д̣̇асавид̇хаани. д̇ад̇т̇а бана ж̇аад̇ипалигам̣ убаад̣̇ааяа саб̣б̣оби ман̣и взл̣урияоби лохид̇ан̇го масаараг̇алло жа д̇ход̇ааби ад̇ход̇авид̣̇д̇хааби анаамаасаа, гаажаман̣и жа баанийяасан̇ко д̇ход̇о ад̇ход̇оби аамаасаа, силаа д̇ход̇авид̣̇д̇хаа суван̣н̣зна сад̣̇д̇хим̣ бажид̇аа муг̇г̇аван̣н̣аа жа анаамаасаа. жзд̇ияагхараг̇обагаанам̣ суван̣н̣ажзд̇ияз гажаварамзва харид̇ум̣ ваддад̇и. аарагуудалохамби ж̇аад̇аруубаг̇ад̇игамзва. ид̇т̇ируубаанийд̇и анд̇амасо бидтамаяаид̇т̇ируубааниби. д̇хан̃н̃анд̇и анд̇амасо д̇ад̇т̇аж̇аад̇агамби маг̇г̇з басаарид̇амби сад̇д̇авид̇хам̣ д̇хан̃н̃ам̣. гийл̣аавасзна абаран̣н̣аани д̇аалапалаад̣̇ийниби анаамаасаани, басаарид̇амби на мад̣̇д̣̇анд̇зна г̇анд̇аб̣б̣ам̣, асад̇и маг̇г̇з маг̇г̇ам̣ ад̇хидтааяа г̇анд̇аб̣б̣ам̣. ид̇т̇ибасаад̇хананд̇и анд̇амасо бил̣анд̇ханад̇т̇ааяа табид̇ам̣ ниваасанад̇аалабан̣н̣амуд̣̇д̣̇игамби.
337.Ratanānīti muttādīni dasavidhāni. Tattha pana jātiphalikaṃ upādāya sabbopi maṇi veḷuriyopi lohitaṅko masāragallo ca dhotāpi adhotaviddhāpi anāmāsā, kācamaṇi ca pānīyasaṅkho dhoto adhotopi āmāsā, silā dhotaviddhā suvaṇṇena saddhiṃ pacitā muggavaṇṇā ca anāmāsā. Cetiyagharagopakānaṃ suvaṇṇacetiye kacavarameva harituṃ vaṭṭati. Ārakūṭalohampi jātarūpagatikameva. Itthirūpānīti antamaso piṭṭhamayaitthirūpānipi. Dhaññanti antamaso tatthajātakampi magge pasāritampi sattavidhaṃ dhaññaṃ. Kīḷāvasena aparaṇṇāni tālaphalādīnipi anāmāsāni, pasāritampi na maddantena gantabbaṃ, asati magge maggaṃ adhiṭṭhāya gantabbaṃ. Itthipasādhananti antamaso piḷandhanatthāya ṭhapitaṃ nivāsanatālapaṇṇamuddikampi.
338. сид̇т̇ад̇злод̣̇ад̇злзхийд̇и мад̇хусид̇т̇аганияяаасаад̣̇ийсу язна гзнажи д̇зламиссагасилзсзна жа уд̣̇агамиссагад̇злзна жа. пан̣ахад̇т̇апан̣зхийд̇и пан̣амива пан̣ам̣, ан̇г̇улийхи пан̣агижжагаран̣зна хад̇т̇оязва пан̣ам̣ хад̇т̇апан̣ам̣, д̣̇анд̇амаяаад̣̇и яам̣ гин̃жи пан̣ан̃жзва хад̇т̇апан̣ан̃жаад̇и д̣̇ванд̣̇о. осан̣тзяяаад̇и оликид̇ваа саннисийд̣̇аабзяяа.
338.Sitthatelodatelehīti madhusitthakaniyyāsādīsu yena kenaci telamissakasilesena ca udakamissakatelena ca. Phaṇahatthaphaṇehīti phaṇamiva phaṇaṃ, aṅgulīhi phaṇakiccakaraṇena hatthoyeva phaṇaṃ hatthaphaṇaṃ, dantamayādi yaṃ kiñci phaṇañceva hatthaphaṇañcāti dvando. Osaṇṭheyyāti olikhitvā sannisīdāpeyya.
339. згабаавуран̣аа ваа згад̇т̇аран̣аа ваа на д̇уваддаяум̣, згаман̃жз на д̇уваддаяунд̇и яож̇анаа. згам̣ баавуран̣ам̣ згам̣ ад̇т̇аран̣ам̣ зд̇зсанд̇и виг̇г̇ахо. на д̇уваддаяунд̇и на нибаж̇ж̇зяяум̣. згасмим̣ бхааж̇анз вааби на бхун̃ж̇зяяунд̇и яож̇зд̇аб̣б̣ам̣.
339. Ekapāvuraṇā vā ekattharaṇā vā na tuvaṭṭayuṃ, ekamañce na tuvaṭṭayunti yojanā. Ekaṃ pāvuraṇaṃ ekaṃ attharaṇaṃ etesanti viggaho. Na tuvaṭṭayunti na nipajjeyyuṃ. Ekasmiṃ bhājane vāpi na bhuñjeyyunti yojetabbaṃ.
340. мануссаанам̣ бамаан̣ан̇г̇улзна адта ан̇г̇улаани яасса, ад̇хигзна сахид̇ам̣ адтан̇г̇уланд̇и самаасо. ласун̣ам̣ маг̇ад̇хзсу ж̇аад̇ам̣ аамалагабхан̣д̣игам̣ ласун̣ам̣ на каад̣̇зяяаад̇и самб̣анд̇хо. на агаллагод̇и аг̇илаано.
340. Manussānaṃ pamāṇaṅgulena aṭṭha aṅgulāni yassa, adhikena sahitaṃ aṭṭhaṅgulanti samāso. Lasuṇaṃ magadhesu jātaṃ āmalakabhaṇḍikaṃ lasuṇaṃ na khādeyyāti sambandho. Na akallakoti agilāno.
341. хийнуггадтзхи ж̇аад̇иаад̣̇ийхи уггадтам̣ ваа хийнам̣ ваа уж̇ум̣ ваа ан̃н̃аабад̣̇зсзна ваа д̣̇аваа вад̣̇з, д̣̇уб̣бхаасид̇анд̇и самб̣анд̇хо. ж̇аад̇иаад̣̇ийхийд̇и ж̇аад̇инаамаг̇од̇д̇агаммасиббаааб̣аад̇халин̇г̇агилзсааабад̇д̇иаггосзхи . уггадтанд̇и ж̇аад̇яаад̣̇ийхиязва уггадтам̣ убасамбаннам̣ анубасамбаннам̣ ваа. д̣̇аваад̇и гзл̣ихасаад̇хиббааяад̇ааяа. уж̇ум̣ ваад̇и ‘‘жан̣д̣аалосий’’д̇иаад̣̇инаа наязна. ан̃н̃аабад̣̇зсзна ваад̇и ‘‘санд̇и ид̇хзгажжз жан̣д̣аалаа’’д̇иаад̣̇инаа наязна.
341. Hīnukkaṭṭhehi jātiādīhi ukkaṭṭhaṃ vā hīnaṃ vā ujuṃ vā aññāpadesena vā davā vade, dubbhāsitanti sambandho. Jātiādīhīti jātināmagottakammasippaābādhaliṅgakilesaāpattiakkosehi . Ukkaṭṭhanti jātyādīhiyeva ukkaṭṭhaṃ upasampannaṃ anupasampannaṃ vā. Davāti keḷihasādhippāyatāya. Ujuṃ vāti ‘‘caṇḍālosī’’tiādinā nayena. Aññāpadesena vāti ‘‘santi idhekacce caṇḍālā’’tiādinā nayena.
342. д̣̇ийгхз накзд̇и мам̣саббамаан̣ад̇о. д̣̇ийгхз гзсзд̇и д̣̇ван̇г̇улад̇о. сажзби на д̣̇ийгхаа, д̣̇умаасад̇о згад̣̇ивасамби ад̇иггаамзд̇ум̣ на лабхад̇и. д̣̇ийгхз наасаломзд̇и наасад̇о б̣ахи нигканд̇з. вийсад̇имадтанд̇и вийсад̇ияаа накаанам̣ мадтан̃жа. самб̣аад̇хзд̇и убхосу убагажчагзсу, муд̇д̇агаран̣з жа ломахааран̣ан̃жа на лаб̣бхаад̇и самб̣анд̇ханийяам̣. на лаб̣бхаад̇и зд̇з мадтаад̣̇аяо на лаб̣бханд̇ийд̇и ад̇т̇о, нибаад̇о ваа лаб̣бхаад̇и. ааб̣аад̇хаббажжаяаа бана самб̣аад̇хз ломам̣ сам̣харид̇ум̣ ваддад̇и.
342.Dīghe nakheti maṃsappamāṇato. Dīghe keseti dvaṅgulato. Sacepi na dīghā, dumāsato ekadivasampi atikkāmetuṃ na labhati. Dīghe nāsalometi nāsato bahi nikkhante. Vīsatimaṭṭhanti vīsatiyā nakhānaṃ maṭṭhañca. Sambādheti ubhosu upakacchakesu, muttakaraṇe ca lomahāraṇañca na labbhāti sambandhanīyaṃ. Na labbhāti ete maṭṭhādayo na labbhantīti attho, nipāto vā labbhāti. Ābādhappaccayā pana sambādhe lomaṃ saṃharituṃ vaṭṭati.
343. сан̇гхуд̣̇д̣̇идтам̣ ваа сан̇гхигам̣ ваа саяанаасанам̣ яат̇аавуд̣дхам̣ на б̣аад̇хзяяаад̇и яож̇анаа. сан̇гхасса уд̣̇д̣̇идтам̣ сан̇гхуд̣̇д̣̇идтам̣, сан̇гхам̣ уд̣̇д̣̇исса гад̇анд̇и ад̇хиббааяо. яо яо вуд̣дхо яат̇аавуд̣дхам̣, вуд̣дхаббадибаадияаад̇и ад̇т̇о. на б̣аад̇хзяяаад̇и на бадиб̣аахзяяа. аллабаад̣̇аа наама язхи агганд̇адтаанз уд̣̇агам̣ бан̃н̃ааяад̇и. саяанаасананд̇и ман̃жабийтаад̣̇и, иминаа барибхан̣д̣агад̇аа бхуумийд̇иби убалагкид̇аа. суд̇ход̇абаад̣̇агам̣ вааби саубаахано д̇ат̇зваад̇и самб̣анд̇хо. суд̇ход̇абаад̣̇аганд̇и д̇ход̇абаад̣̇зхзва аггамид̇аб̣б̣адтаанам̣. д̇ход̇аа баад̣̇аа яасса аггаманассаад̇и гирияаависзсанасамаасо. яад̣̇и бана д̇ад̇т̇а нзваасигаа ад̇ход̇абаад̣̇зхиби вал̣ан̃ж̇знд̇и, д̇ат̇зва вал̣ан̃ж̇зд̇ум̣ ваддад̇и. д̇ат̇зваад̇и барибхан̣д̣агад̇ам̣ бхуумим̣ сзнаасанам̣ ваа наггамзд̇и ад̇т̇о.
343. Saṅghuddiṭṭhaṃ vā saṅghikaṃ vā sayanāsanaṃ yathāvuḍḍhaṃ na bādheyyāti yojanā. Saṅghassa uddiṭṭhaṃ saṅghuddiṭṭhaṃ, saṅghaṃ uddissa katanti adhippāyo. Yo yo vuḍḍho yathāvuḍḍhaṃ, vuḍḍhappaṭipāṭiyāti attho. Na bādheyyāti na paṭibāheyya. Allapādā nāma yehi akkantaṭṭhāne udakaṃ paññāyati. Sayanāsananti mañcapīṭhādi, iminā paribhaṇḍakatā bhūmītipi upalakkhitā. Sudhotapādakaṃ vāpi saupāhano tathevāti sambandho. Sudhotapādakanti dhotapādeheva akkamitabbaṭṭhānaṃ. Dhotā pādā yassa akkamanassāti kiriyāvisesanasamāso. Yadi pana tattha nevāsikā adhotapādehipi vaḷañjenti, tatheva vaḷañjetuṃ vaṭṭati. Tathevāti paribhaṇḍakataṃ bhūmiṃ senāsanaṃ vā nakkameti attho.
344. сан̇гхаадияаад̇и ад̇хидтид̇асан̇гхаадияаа. баад̣̇з бариг̇г̇ахзд̇ваа аасанам̣ баллад̇т̇о, баллад̇т̇ам̣ гарод̇ийд̇и баллад̇т̇аад̇ид̇хаад̇усса баллад̇т̇зд̇и руубам̣. вихаарзби анд̇арагхарзби баллад̇т̇игааяа на нисийд̣̇зяяаад̇и ад̇хиббааяо, баригаммагад̇ам̣ бхид̇д̇аад̣̇инд̇и яож̇анаа. баригаммагад̇анд̇и сзд̇аван̣н̣зна ваа жид̇д̇агаммзна ваа гад̇абаригаммам̣. аад̣̇и-сад̣̇д̣̇о д̣̇ваараваад̇абаанаад̣̇им̣ сан̇г̇ан̣хаад̇и. на абассаязд̇и жийвараад̣̇инаа аббадижчаад̣̇зд̇ваа абассаяанам̣ на гарзяяа. но на аажамзд̇и нзва на аажамз, аажамзяяаад̇и ад̇т̇о. д̣̇вз бадисзд̇хаа багад̇ияад̇т̇ам̣ г̇амзнд̇ийд̇и. санд̇зд̇и иминаа уд̣̇агз асанд̇з анаабад̇д̇ийд̇и д̣̇ийбзд̇и.
344.Saṅghāṭiyāti adhiṭṭhitasaṅghāṭiyā. Pāde pariggahetvā āsanaṃ pallattho, pallatthaṃ karotīti pallatthātidhātussa pallattheti rūpaṃ. Vihārepi antaragharepi pallatthikāya na nisīdeyyāti adhippāyo, parikammakataṃ bhittādinti yojanā. Parikammakatanti setavaṇṇena vā cittakammena vā kataparikammaṃ. Ādi-saddo dvāravātapānādiṃ saṅgaṇhāti. Na apassayeti cīvarādinā appaṭicchādetvā apassayanaṃ na kareyya. No na ācameti neva na ācame, ācameyyāti attho. Dve paṭisedhā pakatiyatthaṃ gamentīti. Santeti iminā udake asante anāpattīti dīpeti.
345. агаббияасамаад̣̇аанзд̇и бхигкуунам̣ сааман̣зраанам̣ агаббияз самаад̣̇аанз. д̣̇аваад̇и нибаад̇о , гийл̣аад̇хиббааязнаад̇и ад̇т̇о. силаабавиж̇жханзд̇и анд̇амасо хад̇т̇аяанд̇знаби сагкаригааяаби кибанз. сабхааг̇ааяа д̣̇зсанааяа аавигаммз жа д̣̇уггаданд̇и яож̇зд̇аб̣б̣ам̣. сабхааг̇ааяаад̇и вад̇т̇увасзна самаано бхааг̇о зд̇иссаа аабад̇д̇ияаад̇и виг̇г̇ахо. жа-сад̣̇д̣̇о д̇аад̣̇исияаа бадиг̇г̇ахан̣амад̇д̇ам̣ самужжинод̇и.
345.Akappiyasamādāneti bhikkhūnaṃ sāmaṇerānaṃ akappiye samādāne. Davāti nipāto , kīḷādhippāyenāti attho. Silāpavijjhaneti antamaso hatthayantenapi sakkharikāyapi khipane. Sabhāgāya desanāya āvikamme ca dukkaṭanti yojetabbaṃ. Sabhāgāyāti vatthuvasena samāno bhāgo etissā āpattiyāti viggaho. Ca-saddo tādisiyā paṭiggahaṇamattaṃ samuccinoti.
346. бадиссаво наама ‘‘убхоби маяам̣ ид̇ха вассам̣ васиссаама, згад̇о уд̣̇д̣̇исаабзмаа’’д̇иаад̣̇ибадиж̇аананам̣, д̇асса висам̣ваад̣̇о бажчаа агаран̣ам̣ бадиссавависам̣ваад̣̇о, д̇асмим̣, нимид̇д̇ад̇т̇з бхуммам̣. суд̣̇д̇хажид̇д̇ассаад̇и гат̇анасамаяз ‘‘гариссаамий’’д̇и звам̣ бавад̇д̇ажид̇д̇асса. ид̇арассаад̇и ан̃н̃асса асуд̣̇д̇хажид̇д̇асса.
346.Paṭissavo nāma ‘‘ubhopi mayaṃ idha vassaṃ vasissāma, ekato uddisāpemā’’tiādipaṭijānanaṃ, tassa visaṃvādo pacchā akaraṇaṃ paṭissavavisaṃvādo, tasmiṃ, nimittatthe bhummaṃ. Suddhacittassāti kathanasamaye ‘‘karissāmī’’ti evaṃ pavattacittassa. Itarassāti aññassa asuddhacittassa.
347. гижжзд̇и сугкагадтаад̣̇иг̇г̇ахан̣агижжз сад̇и зва борисам̣ бурисаббамаан̣ам̣ абхирухзяяаад̇и самб̣анд̇хо. аабад̣̇аасууд̇и ваал̣амиг̇ад̣̇ассанаад̣̇ийсу.
347.Kicceti sukkhakaṭṭhādiggahaṇakicce sati eva porisaṃ purisappamāṇaṃ abhiruheyyāti sambandho. Āpadāsūti vāḷamigadassanādīsu.
348. бариссааванам̣ винаад̇и самб̣анд̇хо. ад̣̇д̇хаананд̇и хздтиманд̇зна ад̣̇д̇хаяож̇анасан̇каад̇ам̣ ад̣̇д̇хаанам̣. сажз на ход̇и бариссааванам̣ ваа д̇хаммагаран̣о ваа, сан̇гхаадиган̣н̣оби ад̇хидтаад̇аб̣б̣о. яаажамаанассаад̇и бариссааванам̣ яаажанд̇асса.
348. Parissāvanaṃ vināti sambandho. Addhānanti heṭṭhimantena addhayojanasaṅkhātaṃ addhānaṃ. Sace na hoti parissāvanaṃ vā dhammakaraṇo vā, saṅghāṭikaṇṇopi adhiṭṭhātabbo. Yācamānassāti parissāvanaṃ yācantassa.
349. ааб̣аад̇хаббажжаяаа ан̃н̃ад̇ра сзсан̇г̇з жа ад̇д̇агхаад̇анз жа д̣̇уггаданд̇и яож̇анаа. сзсан̇г̇зд̇и ан̇г̇аж̇аад̇ад̇о ган̣н̣анаасаад̣̇иавасзсз аваяаважчзд̣̇анз. ад̇д̇агхаад̇анзд̇и аахаарубажчзд̣̇аад̣̇инаа ад̇д̇ано мааран̣з.
349. Ābādhappaccayā aññatra sesaṅge ca attaghātane ca dukkaṭanti yojanā. Sesaṅgeti aṅgajātato kaṇṇanāsādiavasese avayavacchedane. Attaghātaneti āhārupacchedādinā attano māraṇe.
350. д̇уулигааяа гаяирамаанам̣ ид̇т̇ибурисаад̣̇игам̣ жид̇д̇ан̃жа бод̇т̇аган̃жа гадтаад̣̇ийсу гаяирамаанам̣ жид̇д̇абод̇т̇агаани, д̇ааниязва руубаанийд̇и самаасо. ж̇аад̇агаад̣̇ийни бана барзхи гаараабзд̇ум̣ лаб̣бханд̇и. маалаагаммаад̣̇ийни саяамби гаад̇ум̣ лаб̣бханд̇и. аараамааран̃н̃аг̇зхзсу бхун̃ж̇анд̇ам̣ на удтаабзяяаад̇и яож̇зд̇аб̣б̣ам̣. вихаарасан̇каад̇о аараамо жа аран̃н̃ан̃жа анд̇арагхарасан̇каад̇ам̣ г̇зхан̃жаад̇и д̣̇ванд̣̇о. ‘‘аараама…бз… г̇зхзсуу’’д̇и вад̇д̇аб̣б̣з з-гаарасса а-гаарагаран̣зна г̇аат̇ааб̣анд̇хавасзна вуд̇д̇ам̣. огаасз гад̇з бана ‘‘бависат̇аа’’д̇и вуд̇д̇з жа бависид̇аб̣б̣ам̣ убанисийд̣̇ид̇аб̣б̣ан̃жа.
350. Tūlikāya kayiramānaṃ itthipurisādikaṃ cittañca potthakañca kaṭṭhādīsu kayiramānaṃ cittapotthakāni, tāniyeva rūpānīti samāso. Jātakādīni pana parehi kārāpetuṃ labbhanti. Mālākammādīni sayampi kātuṃ labbhanti. Ārāmāraññagehesu bhuñjantaṃ na uṭṭhāpeyyāti yojetabbaṃ. Vihārasaṅkhāto ārāmo ca araññañca antaragharasaṅkhātaṃ gehañcāti dvando. ‘‘Ārāma…pe… gehesū’’ti vattabbe e-kārassa a-kārakaraṇena gāthābandhavasena vuttaṃ. Okāse kate pana ‘‘pavisathā’’ti vutte ca pavisitabbaṃ upanisīditabbañca.
351. бумаяуд̇д̇аани яаанаани жа сивиган̃жа хад̇т̇аваддаган̃жа баадан̇гин̃жа абхирухид̇ум̣ г̇илаанасса габбад̇зд̇и самб̣анд̇хо. бумаяуд̇д̇аанийд̇и ассаг̇аваад̣̇ибурисаяуд̇д̇аани, на д̇хзнуяуд̇д̇аани, саарат̇и бана ид̇т̇ий ваа ход̇у бурисо ваа, ваддад̇и. хад̇т̇аваддагзби зсзва наяо, яаанаанийд̇и рат̇асагадаад̣̇ийни, сивиганд̇и бийтагасивигам̣, бийтагаяаананд̇и ад̇т̇о. баадан̇гийд̇и анд̣̇олигаа. г̇илаанассаад̇и зд̇т̇а г̇илаано наама на аббагзнаби сийсааб̣аад̇хаад̣̇имад̇д̇зна взд̣̇ид̇аб̣б̣о, яо бана на саггод̇и винаа яаанзна г̇анд̇ум̣, зваруубо взд̣̇ид̇аб̣б̣о. д̇ат̇аа хи яаанам̣ ануж̇аананд̇зна бхаг̇авад̇аа госалзсу ж̇анабад̣̇зсу бхаг̇аванд̇ам̣ д̣̇ассанааяа саавад̇т̇им̣ г̇ажчанд̇ам̣ ан̃н̃ад̇арам̣ г̇илаанам̣ бхигкум̣ г̇анд̇умасаггун̣зяяад̇ааяа ан̃н̃ад̇арасмим̣ ругкамуулз нисиннам̣ д̣̇исваа мануссзхи д̇ам̣ бавад̇д̇им̣ н̃ад̇ваа ‘‘зхи, бханд̇з, г̇амиссаамаа’’д̇и вуд̇д̇з ‘‘наахам̣, аавусо, г̇амиссаами, г̇илааномхий’’д̇и вуд̇д̇авад̇т̇усмим̣ (махаава. 253) анун̃н̃аад̇ам̣, д̇ат̇аа вад̣̇анд̇о жа со бхигку г̇аманубажчзд̣̇асаад̇хагамзва г̇злан̃н̃ам̣ санд̇хааяаахаад̇и вин̃н̃ааяад̇и ад̇хиббзд̇ад̇т̇анибпад̇д̇ияаа убажчиннад̇д̇аа, абижа яаанзна згабарижчзд̣̇ааяа убааханааяа барижчзд̣̇ам̣ табзнд̇зна адтагат̇аажариязна ‘‘г̇илаанзна бхигкунаа саубааханзнаад̇и зд̇т̇а г̇илаано наама яо на саггод̇и анубааханзна г̇аамам̣ бависид̇у’’нд̇и адтагат̇ааяам̣ (махаава. адта. 256) вуд̇д̇ам̣, д̇асмаа яат̇аавуд̇д̇аг̇илаанова г̇илаанод̇и нидтамзд̇т̇а г̇анд̇аб̣б̣ам̣.
351. Pumayuttāni yānāni ca sivikañca hatthavaṭṭakañca pāṭaṅkiñca abhiruhituṃ gilānassa kappateti sambandho. Pumayuttānīti assagavādipurisayuttāni, na dhenuyuttāni, sārathi pana itthī vā hotu puriso vā, vaṭṭati. Hatthavaṭṭakepi eseva nayo, yānānīti rathasakaṭādīni, sivikanti pīṭhakasivikaṃ, pīṭhakayānanti attho. Pāṭaṅkīti andolikā. Gilānassāti ettha gilāno nāma na appakenapi sīsābādhādimattena veditabbo, yo pana na sakkoti vinā yānena gantuṃ, evarūpo veditabbo. Tathā hi yānaṃ anujānantena bhagavatā kosalesu janapadesu bhagavantaṃ dassanāya sāvatthiṃ gacchantaṃ aññataraṃ gilānaṃ bhikkhuṃ gantumasakkuṇeyyatāya aññatarasmiṃ rukkhamūle nisinnaṃ disvā manussehi taṃ pavattiṃ ñatvā ‘‘ehi, bhante, gamissāmā’’ti vutte ‘‘nāhaṃ, āvuso, gamissāmi, gilānomhī’’ti vuttavatthusmiṃ (mahāva. 253) anuññātaṃ, tathā vadanto ca so bhikkhu gamanupacchedasādhakameva gelaññaṃ sandhāyāhāti viññāyati adhippetatthanipphattiyā upacchinnattā, apica yānena ekaparicchedāya upāhanāya paricchedaṃ ṭhapentena aṭṭhakathācariyena ‘‘gilānena bhikkhunā saupāhanenāti ettha gilāno nāma yo na sakkoti anupāhanena gāmaṃ pavisitu’’nti aṭṭhakathāyaṃ (mahāva. aṭṭha. 256) vuttaṃ, tasmā yathāvuttagilānova gilānoti niṭṭhamettha gantabbaṃ.
352. д̣̇авам̣ гаран̣зд̇и гзл̣ияаа гаран̣з. ан̃н̃ассаад̇и анд̇амасо д̣̇уссийлассааби. убалаал̣анзд̇и ‘‘бад̇д̇ам̣ д̣̇ассаами, жийварам̣ д̣̇ассаамий’’д̇иаад̣̇инаа.
352.Davaṃkaraṇeti keḷiyā karaṇe. Aññassāti antamaso dussīlassāpi. Upalāḷaneti ‘‘pattaṃ dassāmi, cīvaraṃ dassāmī’’tiādinā.
353. виварид̇ваа на д̣̇ассаязд̇и самб̣анд̇ханийяам̣. д̇аа бхигкунияо.
353. Vivaritvā na dassayeti sambandhanīyaṃ. Tā bhikkhuniyo.
354. оваад̣̇анд̇и бхигкунийхи д̇зрасияам̣ ваа жаад̇уд̣̇д̣̇асияам̣ ваа ааг̇анд̇ваа убосат̇ам̣ бужчид̇ваа ‘‘жаад̇уд̣̇д̣̇асо’’д̇иаад̣̇инаа бхигкунаа аажигкид̇з буна д̇аахи убосат̇ад̣̇ивасз самааг̇анд̇ваа оваад̣̇уубасан̇гаманаяаажанам̣, д̇ам̣ баад̇имогкуд̣̇д̣̇зсагасса аарожзд̇ваа д̇зна гад̇асаннидтаанам̣ г̇ахзд̇ваа баадибад̣̇з бажжаахарид̇аб̣б̣анд̇и аж̇аананагам̣ б̣аалан̃жа д̇ат̇аа гаад̇ум̣ асамад̇т̇ам̣ г̇илаанан̃жа баадибад̣̇з г̇анд̇угаамам̣ г̇амияан̃жа важ̇ж̇зд̇ваа ан̃н̃асса г̇ахан̣абажжаахаран̣аани агаад̇ум̣ на ваддад̇и. д̇зна вуд̇д̇ам̣ ‘‘на г̇ан̣хад̇о’’д̇иаад̣̇и.
354.Ovādanti bhikkhunīhi terasiyaṃ vā cātuddasiyaṃ vā āgantvā uposathaṃ pucchitvā ‘‘cātuddaso’’tiādinā bhikkhunā ācikkhite puna tāhi uposathadivase samāgantvā ovādūpasaṅkamanayācanaṃ, taṃ pātimokkhuddesakassa ārocetvā tena katasanniṭṭhānaṃ gahetvā pāṭipade paccāharitabbanti ajānanakaṃ bālañca tathā kātuṃ asamatthaṃ gilānañca pāṭipade gantukāmaṃ gamiyañca vajjetvā aññassa gahaṇapaccāharaṇāni akātuṃ na vaṭṭati. Tena vuttaṃ ‘‘na gaṇhato’’tiādi.
355. логааяад̇анд̇и нирад̇т̇агагааран̣аббадисам̣яуд̇д̇ам̣ д̇ид̇т̇ияасад̇т̇ам̣. д̇иражчаанавиж̇ж̇аа жа иминаава убалагкид̇аа. на ваажзяяаад̇и барзсам̣ на ваажзяяа. иминаава ад̇д̇ано барияаабун̣анамби бадигкид̇д̇ам̣ логааяад̇ад̇иражчаанавиж̇ж̇аад̇и жа рааг̇ад̣̇осамохавад̣дхаани б̣уд̣̇д̇хаад̣̇иг̇арахид̇аа саг̇г̇амогкаанам̣ д̇иро д̇ирияад̇о ан̃жид̇аа г̇ад̇аа бавад̇д̇аа габ̣б̣анаадагаад̣̇игаа саб̣б̣ааби виж̇ж̇аа ануломавасзна ваа винаяабарияааяам̣ бад̇ваа г̇аругз таад̇аб̣б̣анд̇и винаяаяуд̇д̇ид̇оби сан̇г̇ахид̇аад̇и взд̣̇ид̇аб̣б̣аа. зван̃жа но г̇аруунамубад̣̇зсо. бзл̣ааяабийд̇и яад̇т̇а баад̇им̣ табзд̇ваа сукино бхун̃ж̇анд̇и, д̇амб̣алохзна раж̇ад̇зна ваа гад̇ааяа д̇ааяа аасид̇д̇агуубад̇хаанасан̇каад̇ааяа бзл̣ааяа табзд̇ваа.
355.Lokāyatanti niratthakakāraṇappaṭisaṃyuttaṃ titthiyasatthaṃ. Tiracchānavijjā ca imināva upalakkhitā. Na vāceyyāti paresaṃ na vāceyya. Imināva attano pariyāpuṇanampi paṭikkhittaṃ lokāyatatiracchānavijjāti ca rāgadosamohavaḍḍhāni buddhādigarahitā saggamokkhānaṃ tiro tiriyato añcitā gatā pavattā kabbanāṭakādikā sabbāpi vijjā anulomavasena vā vinayapariyāyaṃ patvā garuke ṭhātabbanti vinayayuttitopi saṅgahitāti veditabbā. Evañca no garūnamupadeso. Peḷāyapīti yattha pātiṃ ṭhapetvā sukhino bhuñjanti, tambalohena rajatena vā katāya tāya āsittakūpadhānasaṅkhātāya peḷāya ṭhapetvā.
356. бааруд̇ан̃жа ниваасанан̃жа, г̇ихийнам̣ хад̇т̇исон̣д̣аад̣̇ивасзна бааруд̇аниваасанам̣ яасса баарубанасса ниваасанассаад̇и гирияаависзсанасамаасо . г̇ихибааруд̇аниваасанам̣ на баарубз на ниваасзяяаад̇и самб̣анд̇хо. сам̣взллияам̣ на ниваасзяяаад̇и маллагаммагараад̣̇аяо вияа гажчам̣ гад̇ваа на ниваасзяяа. звам̣ ниваасзд̇ум̣ г̇илаанассааби маг̇г̇аббадибаннассааби на ваддад̇и. яамби маг̇г̇ам̣ г̇ажчанд̇аа згам̣ ваа д̣̇вз ваа гон̣з угкибид̇ваа анд̇араваасагасса убари лаг̇г̇анд̇и, на ваддад̇и. звам̣ абаарубид̇ваа аниваасзд̇ваа жа ниб̣б̣игаарам̣ бариман̣д̣алам̣ баарубид̇аб̣б̣ам̣ д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇аб̣б̣ан̃жа, д̇ат̇аа абаарубид̇ваа аниваасзд̇ваа жа аараамз ваа анд̇арагхарз ваа анаад̣̇арзна яам̣ гин̃жи вигаарам̣ гаронд̇асса д̣̇уггадам̣. д̣̇ааяанд̇и ванам̣. наалимбаязяяаад̇и ‘‘саб̣б̣уубагаараани винассанд̇уу’’д̇и ваа кид̣д̣аад̇хиббааязна ваа наалимбаязяяа.
356. Pārutañca nivāsanañca, gihīnaṃ hatthisoṇḍādivasena pārutanivāsanaṃ yassa pārupanassa nivāsanassāti kiriyāvisesanasamāso . Gihipārutanivāsanaṃ na pārupe na nivāseyyāti sambandho. Saṃvelliyaṃ na nivāseyyāti mallakammakarādayo viya kacchaṃ katvā na nivāseyya. Evaṃ nivāsetuṃ gilānassāpi maggappaṭipannassāpi na vaṭṭati. Yampi maggaṃ gacchantā ekaṃ vā dve vā koṇe ukkhipitvā antaravāsakassa upari lagganti, na vaṭṭati. Evaṃ apārupitvā anivāsetvā ca nibbikāraṃ parimaṇḍalaṃ pārupitabbaṃ timaṇḍalaṃ paṭicchādentena parimaṇḍalaṃ nivāsetabbañca, tathā apārupitvā anivāsetvā ca ārāme vā antaraghare vā anādarena yaṃ kiñci vikāraṃ karontassa dukkaṭaṃ. Dāyanti vanaṃ. Nālimpayeyyāti ‘‘sabbūpakārāni vinassantū’’ti vā khiḍḍādhippāyena vā nālimpayeyya.
357. вад̣дхим̣ но баяож̇аяз ан̃н̃аад̇агаббаваарид̇з но яаажзд̇и яож̇анаа. ан̃н̃ассаад̇и сахад̇хаммигассааби. гад̇ибаахам̣ бхуд̇ваа ваад̇и яож̇анийяам̣. бунод̇и нибаад̇о.
357. Vaḍḍhiṃ no payojaye aññātakappavārite no yāceti yojanā. Aññassāti sahadhammikassāpi. Katipāhaṃ bhutvā vāti yojanīyaṃ. Punoti nipāto.
358. д̣̇ан̣д̣инам̣ н̃ад̇ваа ваа ан̃ад̇ваа ваа уд̣̇д̣̇исса рагкам̣ яаажанз д̣̇ан̣д̣ид̇з д̣̇ан̣д̣о асса г̇ийваад̇и яож̇анаа. д̣̇ан̣д̣ам̣ г̇ан̣хад̇ийд̇и бажжаяанд̇асса д̣̇ан̣д̣инам̣ д̣̇ан̣д̣аг̇г̇ахан̣анд̇и ад̇т̇о. уд̣̇д̣̇иссаад̇и ‘‘амхаагам̣ вихаарз асугзна жа асугзна жа ид̣̇ам̣ наама гад̇а’’нд̇и, ‘‘гарисса’’нд̇и ваа звам̣ ад̇ийд̇ам̣ ваа анааг̇ад̇ам̣ ваа аараб̣бха. яаажанзд̇и вохааригзсу яаажанз сад̇и. д̣̇ан̣д̣ид̇зд̇и д̇зхи д̣̇ан̣д̣з г̇ахид̇з со д̣̇ан̣д̣о асса яаажагасса бхигкуно г̇ийваа, ин̣ам̣ ход̇ийд̇и ад̇т̇о. вохааригзхи бана ‘‘гзнаа’’д̇и вуд̇д̇з ‘‘асугзнаад̇и вад̇д̇ум̣ амхаагам̣ на ваддад̇и, д̇умхзязва ж̇ааниссат̇а, гзвалан̃хи маяам̣ рагкам̣ яаажаама, д̇ам̣ но д̣̇зт̇а, авахадабхан̣д̣ан̃жа мам̣ аахараабзт̇аа’’д̇и вад̇д̇аб̣б̣ам̣ . звам̣ анод̣̇исса аажигкан̣аа ход̇и, саа ваддад̇и. баарааж̇игаад̣̇игаад̇и баарааж̇игат̇уллажжаяад̣̇уггадаани.
358. Daṇḍinaṃ ñatvā vā añatvā vā uddissa rakkhaṃ yācane daṇḍite daṇḍo assa gīvāti yojanā. Daṇḍaṃ gaṇhatīti paccayantassa daṇḍinaṃ daṇḍaggahaṇanti attho. Uddissāti ‘‘amhākaṃ vihāre asukena ca asukena ca idaṃ nāma kata’’nti, ‘‘karissa’’nti vā evaṃ atītaṃ vā anāgataṃ vā ārabbha. Yācaneti vohārikesu yācane sati. Daṇḍiteti tehi daṇḍe gahite so daṇḍo assa yācakassa bhikkhuno gīvā, iṇaṃ hotīti attho. Vohārikehi pana ‘‘kenā’’ti vutte ‘‘asukenāti vattuṃ amhākaṃ na vaṭṭati, tumheyeva jānissatha, kevalañhi mayaṃ rakkhaṃ yācāma, taṃ no detha, avahaṭabhaṇḍañca maṃ āharāpethā’’ti vattabbaṃ . Evaṃ anodissa ācikkhaṇā hoti, sā vaṭṭati. Pārājikādikāti pārājikathullaccayadukkaṭāni.
359.
359.
‘‘харанд̇зсу баригкаарам̣,
‘‘Harantesu parikkhāraṃ,
жоро жород̇и бхаасид̇з;
Coro coroti bhāsite;
анад̇т̇ааязсам̣ г̇ан̣ханд̇з’’д̇и. –
Anatthāyesaṃ gaṇhante’’ti. –
баатзхи бхавид̇аб̣б̣ам̣. зван̃хи сад̇и ‘‘харанд̇зсуу’’д̇и б̣ахуважанзна саха гхадад̇з. баригкаарам̣ харанд̇зсу зсам̣ анад̇т̇ааяа ‘‘жоро жоро’’д̇и бхаасид̇з д̣̇ан̣д̣ам̣ г̇ан̣ханд̇з д̇ад̇д̇агам̣ асса г̇ийваад̇и яож̇зд̇аб̣б̣ам̣. харанд̇зсууд̇и жорзсу г̇ахзд̇ваа г̇ажчанд̇зсу. зсанд̇и жораанам̣. г̇ан̣ханд̇зд̇и вохааригаж̇анз г̇ан̣ханд̇з. яад̇д̇агам̣ г̇ахид̇ам̣, д̇ад̇д̇агам̣ асса бхигкуно г̇ийваа, бхан̣д̣ад̣̇зяяам̣ ход̇ийд̇и ад̇т̇о.
Pāṭhehi bhavitabbaṃ. Evañhi sati ‘‘harantesū’’ti bahuvacanena saha ghaṭate. Parikkhāraṃ harantesu esaṃ anatthāya ‘‘coro coro’’ti bhāsite daṇḍaṃ gaṇhante tattakaṃ assa gīvāti yojetabbaṃ. Harantesūti coresu gahetvā gacchantesu. Esanti corānaṃ. Gaṇhanteti vohārikajane gaṇhante. Yattakaṃ gahitaṃ, tattakaṃ assa bhikkhuno gīvā, bhaṇḍadeyyaṃ hotīti attho.
360. баагаарагуддаанам̣ б̣ахи вал̣ан̃ж̇з вааби вийхаад̣̇инаал̣игзраад̣̇иробимз харид̇з вааби вигхаасужжаарасан̇гаарамуд̇д̇ам̣ наавалогияа чад̣д̣зяяа, д̣̇уггаданд̇и самб̣анд̇хо. вал̣ан̃ж̇з наавалогияаад̇и жа иминаа ологзд̇ваа ваа авал̣ан̃ж̇з ваа вигхаасаад̣̇ийни чад̣д̣знд̇асса анаабад̇д̇ийд̇и д̣̇ийбзд̇и. вийхи аад̣̇и язсам̣ саалиаад̣̇ийнам̣ д̇з вийхаад̣̇аяо, наал̣игзро аад̣̇и язсам̣ амб̣абанасаад̣̇ийнам̣ д̇з наал̣игзраад̣̇аяо, вийхаад̣̇аяо жа наал̣игзраад̣̇аяо жаад̇и д̣̇ванд̣̇о, д̇зсам̣ робо, д̇зна ниб̣б̣ад̇д̇ам̣ вийхаад̣̇и…бз… робимам̣. харид̇зд̇и харид̇адтаанз. вигхаасо наама ужчидтод̣̇агажалагаад̣̇и.
360. Pākārakuṭṭānaṃ bahi vaḷañje vāpi vīhādināḷikerādiropime harite vāpi vighāsuccārasaṅkāramuttaṃ nāvalokiya chaḍḍeyya, dukkaṭanti sambandho. Vaḷañje nāvalokiyāti ca iminā oloketvā vā avaḷañje vā vighāsādīni chaḍḍentassa anāpattīti dīpeti. Vīhi ādi yesaṃ sāliādīnaṃ te vīhādayo, nāḷikero ādi yesaṃ ambapanasādīnaṃ te nāḷikerādayo, vīhādayo ca nāḷikerādayo cāti dvando, tesaṃ ropo, tena nibbattaṃ vīhādi…pe… ropimaṃ. Hariteti haritaṭṭhāne. Vighāso nāma ucchiṭṭhodakacalakādi.
361. д̇хаммаяуд̇д̇амби нажжан̃жа г̇ийд̇ан̃жа ваад̣̇ид̇ан̃жа яож̇аабзд̇ун̃жа баяож̇зд̇ун̃жа баяуд̇д̇аани бассид̇ун̃жа ‘‘убахаарам̣ гаромаа’’д̇и вуд̇д̇з самбадижчид̇ум̣ ваа на лаб̣бханд̇и самб̣анд̇хо. д̇хаммаяуд̇д̇амбийд̇и рад̇анад̇д̇аяаг̇ун̣уубасам̣хид̇ад̇ааяа анд̇амасо д̇хаммзна бун̃н̃зна сам̣яуд̇д̇амби. нажжанд̇и анд̇амасо морасугамаггадаад̣̇ийнам̣ нажжамби. г̇ийд̇анд̇и анд̇амасо г̇ийд̇асса буб̣б̣абхааг̇з гаяирамаанам̣ д̣̇анд̇аг̇ийд̇амби. ваад̣̇ид̇анд̇и анд̇амасо уд̣̇агабхзриваад̣̇ид̇амби. яож̇аабзд̇унд̇и ан̃н̃зхи гаараабзд̇ум̣. баяож̇зд̇унд̇и ад̇д̇анаа гаад̇ум̣. ааяад̇агзна г̇ийд̇ассарзна д̇хаммамби бхаасид̇ум̣ на ваддад̇и. баяуд̇д̇аанийд̇и барзхи язхи гзхижи гад̇аани. бассид̇унд̇и иминаа аноложанад̣̇ассанамби г̇ахид̇анд̇и сод̇унд̇иби ад̇т̇о вин̃н̃ааяад̇и. анд̇араараамз тид̇асса бассад̇о анаабад̇д̇и. вийт̇ияам̣ тад̇ваа г̇ийвам̣ баривад̇д̇зд̇ваа бассад̇оби аабад̇д̇иязва. язна гзнажи гаран̣ийязна г̇ад̇адтаанз бассад̇и, сун̣аад̇и ваа, анаабад̇д̇и. самбадижчид̇унд̇и ‘‘саад̇хуу’’д̇и самбадижчид̇ум̣. ‘‘убахаарагаран̣ам̣ наама сунд̣̇ара’’нд̇и вад̇д̇ум̣ ваддад̇и. ваа-сад̣̇д̣̇о самужжаяз.
361. Dhammayuttampi naccañca gītañca vāditañca yojāpetuñca payojetuñca payuttāni passituñca ‘‘upahāraṃ karomā’’ti vutte sampaṭicchituṃ vā na labbhanti sambandho. Dhammayuttampīti ratanattayaguṇūpasaṃhitatāya antamaso dhammena puññena saṃyuttampi. Naccanti antamaso morasukamakkaṭādīnaṃ naccampi. Gītanti antamaso gītassa pubbabhāge kayiramānaṃ dantagītampi. Vāditanti antamaso udakabherivāditampi. Yojāpetunti aññehi kārāpetuṃ. Payojetunti attanā kātuṃ. Āyatakena gītassarena dhammampi bhāsituṃ na vaṭṭati. Payuttānīti parehi yehi kehici katāni. Passitunti iminā anolocanadassanampi gahitanti sotuntipi attho viññāyati. Antarārāme ṭhitassa passato anāpatti. Vīthiyaṃ ṭhatvā gīvaṃ parivattetvā passatopi āpattiyeva. Yena kenaci karaṇīyena gataṭṭhāne passati, suṇāti vā, anāpatti. Sampaṭicchitunti ‘‘sādhū’’ti sampaṭicchituṃ. ‘‘Upahārakaraṇaṃ nāma sundara’’nti vattuṃ vaṭṭati. Vā-saddo samuccaye.
362. ‘‘гийл̣ад̇т̇ам̣ гад̇ам̣ рааж̇ааг̇аара’’нд̇иаад̣̇инаа самб̣анд̇хид̇аб̣б̣ам̣. жид̇д̇зна вижид̇д̇агам̣ ааг̇аарам̣ жид̇д̇ааг̇аарагам̣.
362. ‘‘Kīḷatthaṃ kataṃ rājāgāra’’ntiādinā sambandhitabbaṃ. Cittena vicittakaṃ āgāraṃ cittāgārakaṃ.
363. аасанзна навз на бадиб̣аахзяяаад̇и яож̇анаа. аасанзнаад̇и аасанад̇о. на бадиб̣аахзяяаад̇и на удтаабзяяа. ун̣хз жийварам̣ на нид̣̇ахзяяаад̇и яож̇анийяам̣. на нид̣̇ахзяяаад̇и ад̇хигам̣ на нид̣̇ахзяяа. г̇арунаад̇и аажарияубаж̇жхааязна. бан̣аамид̇од̇и ‘‘маа ид̇ха бависаа’’д̇иаад̣̇инаа ниггад̣дхид̇о.
363. Āsanena nave na paṭibāheyyāti yojanā. Āsanenāti āsanato. Na paṭibāheyyāti na uṭṭhāpeyya. Uṇhe cīvaraṃ na nidaheyyāti yojanīyaṃ. Na nidaheyyāti adhikaṃ na nidaheyya. Garunāti ācariyupajjhāyena. Paṇāmitoti ‘‘mā idha pavisā’’tiādinā nikkaḍḍhito.
364. сад̇д̇ахи аабад̇д̇ийхи жа бхигкум̣ вааби ан̃н̃знзва жа убаасагам̣ вааби бараммукаа аггосанз д̣̇уггаданд̇и яож̇зд̇аб̣б̣ам̣. аабад̇д̇ийхи жаад̇и жа-сад̣̇д̣̇о авад̇хааран̣з. ан̃н̃знзва жаад̇и зд̇т̇а зва жаад̇и нибаад̇асамуд̣̇ааяо, зго зва ваа авад̇хааран̣з, вуд̇д̇ад̇о ан̃н̃знзва ‘‘асад̣̇д̇хо’’д̇иаад̣̇инаад̇и ад̇т̇о. бараммукаад̇и нибаад̇о, д̇асса асаммукзд̇и ад̇т̇о. саммукаа вад̣̇анд̇асса баажид̇д̇ияам̣. баабаг̇арахан̣авасзна бана вад̣̇ад̇о анаабад̇д̇и.
364. Sattahi āpattīhi ca bhikkhuṃ vāpi aññeneva ca upāsakaṃ vāpi parammukhā akkosane dukkaṭanti yojetabbaṃ. Āpattīhi cāti ca-saddo avadhāraṇe. Aññeneva cāti ettha eva cāti nipātasamudāyo, eko eva vā avadhāraṇe, vuttato aññeneva ‘‘asaddho’’tiādināti attho. Parammukhāti nipāto, tassa asammukheti attho. Sammukhā vadantassa pācittiyaṃ. Pāpagarahaṇavasena pana vadato anāpatti.
365. сад̣̇д̇хаад̣̇зяяам̣ сад̣̇д̇хааяа д̣̇аад̇аб̣б̣ам̣ жийваран̃жа жа-сад̣̇д̣̇зна авасзсамби винибаад̇зд̇ум̣ наасзд̇ум̣ на лаб̣бхам̣, бид̇уунам̣ лаб̣бханд̇и самб̣анд̇хо. н̃аад̇ийнамбийд̇и би-сад̣̇д̣̇о самбхааванз.
365.Saddhādeyyaṃ saddhāya dātabbaṃ cīvarañca ca-saddena avasesampi vinipātetuṃ nāsetuṃ na labbhaṃ, pitūnaṃ labbhanti sambandho. Ñātīnampīti pi-saddo sambhāvane.
366. ан̃н̃ад̇ра вассам̣вуд̇т̇о ан̃н̃ад̇о бхааг̇ам̣ г̇ан̣хзяяа, д̣̇уггаданд̇и самб̣анд̇хо. ан̃н̃ад̇раад̇и ан̃н̃асмим̣ вихаарз. ан̃н̃ад̇од̇и ан̃н̃авихаарад̇о. бадид̣̇зяяаад̇и г̇ахид̇адтаанз д̣̇ад̣̇зяяа. г̇ахид̇з д̇асмим̣ вад̇т̇усмим̣ надтз ваа ж̇ин̣н̣з ваа д̇асса г̇ийваахо д̇ийд̇и самб̣анд̇хо. жод̣̇ид̇о но д̣̇ад̣̇зяяа, д̇зсам̣ д̇хуранигкзбад̇о бхан̣д̣аг̇гхагаарияо ход̇ийд̇и яож̇анаа. жод̣̇ид̇од̇и вад̇т̇усаамигзхи ‘‘д̣̇зхий’’д̇и вуд̇д̇о. д̇зсанд̇и д̇асмим̣ вихаарз лаабхийнам̣ бхигкуунам̣.
366. Aññatra vassaṃvuttho aññato bhāgaṃ gaṇheyya, dukkaṭanti sambandho. Aññatrāti aññasmiṃ vihāre. Aññatoti aññavihārato. Paṭideyyāti gahitaṭṭhāne dadeyya. Gahite tasmiṃ vatthusmiṃ naṭṭhe vā jiṇṇe vā tassa gīvāho tīti sambandho. Codito no dadeyya, tesaṃ dhuranikkhepato bhaṇḍagghakāriyo hotīti yojanā. Coditoti vatthusāmikehi ‘‘dehī’’ti vutto. Tesanti tasmiṃ vihāre lābhīnaṃ bhikkhūnaṃ.
367. санд̇аруд̇д̇аро ваа галло саубаахано ваа г̇аамам̣ на бависзяяа, жаамариймагасаб̣ийж̇аним̣ на д̇хаарзяяаад̇и яож̇анийяам̣. анд̇аран̃жа уд̇д̇аран̃жа, саха анд̇аруд̇д̇арзна санд̇аруд̇д̇аро. аг̇г̇ал̣аг̇уд̇д̇з вихаарз сан̇гхаадим̣ нигкибид̇ваа г̇анд̇ум̣ ваддад̇и. ааран̃н̃агзна бана бхан̣д̣угкалигааяа багкибид̇ваа баасаан̣аругкасусираад̣̇ийсу бадижчаннзсу табзд̇ваа г̇анд̇аб̣б̣ам̣. анд̇аруд̇д̇араанам̣ нигкзбз аяамзва наяо. галлод̇и аг̇илаано. магасаанам̣ б̣ийж̇аний магасаб̣ийж̇аний, жамарийнам̣ ваал̣зхи гад̇аа магасаб̣ийж̇анийд̇и самаасо.
367. Santaruttaro vā kallo saupāhano vā gāmaṃ na paviseyya, cāmarīmakasabījaniṃ na dhāreyyāti yojanīyaṃ. Antarañca uttarañca, saha antaruttarena santaruttaro. Aggaḷagutte vihāre saṅghāṭiṃ nikkhipitvā gantuṃ vaṭṭati. Āraññakena pana bhaṇḍukkhalikāya pakkhipitvā pāsāṇarukkhasusirādīsu paṭicchannesu ṭhapetvā gantabbaṃ. Antaruttarānaṃ nikkhepe ayameva nayo. Kalloti agilāno. Makasānaṃ bījanī makasabījanī, camarīnaṃ vāḷehi katā makasabījanīti samāso.
368. аараамад̇о б̣ахийд̇и самб̣анд̇ханийяам̣. аараамад̇од̇и аараамуубажаарад̇о. на д̇хаарзяяаад̇и аг̇илаано на д̇хаарзяяа. яасса бана гааяад̣̇аахо ваа бид̇д̇агобо ваа ход̇и, жагку ваа д̣̇уб̣б̣алам̣, ан̃н̃о ваа гожи ааб̣аад̇хо винаа чад̇д̇зна уббаж̇ж̇ад̇и, д̇асса г̇аамз ваа аран̃н̃з ваа чад̇д̇ам̣ ваддад̇и. г̇уд̇д̇ияаа лаб̣бхад̇ийд̇и вассз жийвараг̇уд̇д̇ад̇т̇ам̣, ваал̣амиг̇ажорабхаязсу ад̇д̇аг̇уд̇д̇ад̇т̇амби лаб̣бхад̇ийд̇и ад̇т̇о. згабан̣н̣ачад̇д̇ам̣ бана саб̣б̣ад̇т̇зва ваддад̇и.
368. Ārāmato bahīti sambandhanīyaṃ. Ārāmatoti ārāmūpacārato. Na dhāreyyāti agilāno na dhāreyya. Yassa pana kāyadāho vā pittakopo vā hoti, cakkhu vā dubbalaṃ, añño vā koci ābādho vinā chattena uppajjati, tassa gāme vā araññe vā chattaṃ vaṭṭati. Guttiyā labbhatīti vasse cīvaraguttatthaṃ, vāḷamigacorabhayesu attaguttatthampi labbhatīti attho. Ekapaṇṇachattaṃ pana sabbattheva vaṭṭati.
369. убхад̇огааж̇ам̣ на г̇аахзяяаад̇и самб̣анд̇хо. убхад̇о д̣̇ан̣д̣асса убхаяагодияам̣ бхаараб̣анд̇хагааж̇ам̣ убхад̇огааж̇ам̣, алобад̇аббурисо. зганд̇аригагааж̇аганд̇и анд̇арамзва анд̇аригам̣, зган̃жа анд̇ариган̃жаад̇и д̣̇ванд̣̇о, зганд̇аригз бхаараб̣анд̇хагааж̇анд̇и д̇аббурисо згад̇огааж̇агам̣, анд̇аригагааж̇аганд̇и вуд̇д̇ам̣ ход̇и. хад̇т̇з оламб̣о асса бхаарассаад̇и самаасо.
369. Ubhatokājaṃ na gāheyyāti sambandho. Ubhato daṇḍassa ubhayakoṭiyaṃ bhārabandhakājaṃ ubhatokājaṃ, alopatappuriso. Ekantarikakājakanti antarameva antarikaṃ, ekañca antarikañcāti dvando, ekantarike bhārabandhakājanti tappuriso ekatokājakaṃ, antarikakājakanti vuttaṃ hoti. Hatthe olambo assa bhārassāti samāso.
370. аногаасагад̇анд̇и ‘‘гарод̇у мз ааяасмаа огаасам̣, ахам̣ д̇ам̣ вад̇д̇угаамо’’д̇и звам̣ жод̣̇агзна огаасз гаараабид̇з над̇т̇и огаасо гад̇о анзна жуд̣̇ид̇агзнаад̇и б̣ахуб̣б̣ийхи. жод̣̇зяяаад̇и жааванааггосагаммавудтаанаад̇хиббааязна жод̣̇зяяа. убосат̇аббавааран̣адтабанаанувиж̇ж̇ад̇хаммагат̇аад̇хиббааязсу огаасагаммам̣ над̇т̇и. суд̣̇д̇хассаад̇и анаабад̇д̇игад̇ааяа суд̣̇д̇хасса. авад̇т̇усминд̇и агааран̣з. д̇ат̇аад̇и д̣̇уггадам̣ ад̇ид̣̇исад̇и. гаронд̇знааби ‘‘бхууд̇амзва ну ко аабад̇д̇им̣ вад̣̇ад̇и, абхууд̇а’’нд̇и звам̣ убабаригкид̇ваа гаад̇аб̣б̣аа. ‘‘ануж̇аанаами, бхигкавз, буг̇г̇алам̣ д̇улаяид̇ваа огаасам̣ гаад̇у’’нд̇и (махаава. 153) хи вуд̇д̇ам̣.
370.Anokāsakatanti ‘‘karotu me āyasmā okāsaṃ, ahaṃ taṃ vattukāmo’’ti evaṃ codakena okāse kārāpite natthi okāso kato anena cuditakenāti bahubbīhi. Codeyyāti cāvanaakkosakammavuṭṭhānādhippāyena codeyya. Uposathappavāraṇaṭṭhapanaanuvijjadhammakathādhippāyesu okāsakammaṃ natthi. Suddhassāti anāpattikatāya suddhassa. Avatthusminti akāraṇe. Tathāti dukkaṭaṃ atidisati. Karontenāpi ‘‘bhūtameva nu kho āpattiṃ vadati, abhūta’’nti evaṃ upaparikkhitvā kātabbā. ‘‘Anujānāmi, bhikkhave, puggalaṃ tulayitvā okāsaṃ kātu’’nti (mahāva. 153) hi vuttaṃ.
371. сад̇д̇аанам̣ багад̇ан̇г̇улзна адтан̇г̇улаад̇хигам̣ ман̃жаббадибаад̣̇ам̣ ваа ужжабаад̣̇агам̣ ман̃жам̣ ваа на д̇хаараязд̇и яож̇анаа. багад̇ияаа ан̇г̇улам̣ багад̇ан̇г̇улам̣. д̇ан̃жа вад̣дхагиан̇г̇улам̣ взд̣̇ид̇аб̣б̣ам̣. адта жа д̇аани ан̇г̇улаани жа, д̇зхи д̇амад̇хигам̣ яассаад̇и самаасо. ман̃жаанам̣ бадибаад̣̇о, яад̇т̇а ман̃жабаад̣̇з нигкибанд̇и. адтан̇г̇улад̇о ужжаа баад̣̇аа яассаад̇и б̣ахуб̣б̣ийхи.
371. Sattānaṃ pakataṅgulena aṭṭhaṅgulādhikaṃ mañcappaṭipādaṃ vā uccapādakaṃ mañcaṃ vā na dhārayeti yojanā. Pakatiyā aṅgulaṃ pakataṅgulaṃ. Tañca vaḍḍhakiaṅgulaṃ veditabbaṃ. Aṭṭha ca tāni aṅgulāni ca, tehi tamadhikaṃ yassāti samāso. Mañcānaṃ paṭipādo, yattha mañcapāde nikkhipanti. Aṭṭhaṅgulato uccā pādā yassāti bahubbīhi.
372. мууг̇аб̣б̣ад̇аад̣̇инд̇и мууг̇аанамива д̇ун̣хийбхаавасан̇каад̇ам̣ вад̇ам̣ аад̣̇и яасса г̇овад̇аад̣̇ино д̇ид̇т̇ияавад̇ассаад̇и самаасо. курамзва бхан̣д̣ам̣ курабхан̣д̣ам̣. буб̣б̣з нхаабид̇о нхаабид̇абуб̣б̣аго, висзсанасса баранибаад̇о.
372.Mūgabbatādinti mūgānamiva tuṇhībhāvasaṅkhātaṃ vataṃ ādi yassa govatādino titthiyavatassāti samāso. Khurameva bhaṇḍaṃ khurabhaṇḍaṃ. Pubbe nhāpito nhāpitapubbako, visesanassa paranipāto.
373. хад̇т̇агамманд̇и хад̇т̇зна гаад̇аб̣б̣ам̣ вад̣дхагиаад̣̇ийнам̣ гаммам̣. ануссаран̣ам̣ ‘‘габбияад̇д̇ам̣ мз язна яаажид̇ам̣, амхзхи имасса д̣̇аад̇аб̣б̣а’’нд̇и звам̣ жид̇д̇аббавад̇д̇ианусааро, д̇ассаа яаажанааяа анусааро д̇ад̣̇анусааро, д̇ад̇о лад̣̇д̇хам̣ яам̣ гин̃жи г̇ахзд̇унд̇и яож̇анаа. гаммад̇о ниг̇г̇ад̇о ниггаммо, вигхаасаад̣̇аад̣̇и. д̇ам̣ аяаажид̇вааби гаарзд̇унд̇и самб̣анд̇хо. аахараабзд̇унд̇и аран̃н̃ад̇о аанзд̇ум̣. абарасанд̇аганд̇и д̣̇ааруд̇ин̣абалаалаад̣̇игам̣ абарабариг̇г̇ахид̇ам̣.
373.Hatthakammanti hatthena kātabbaṃ vaḍḍhakiādīnaṃ kammaṃ. Anussaraṇaṃ ‘‘kappiyattaṃ me yena yācitaṃ, amhehi imassa dātabba’’nti evaṃ cittappavattianusāro, tassā yācanāya anusāro tadanusāro, tato laddhaṃ yaṃ kiñci gahetunti yojanā. Kammato niggato nikkammo, vighāsādādi. Taṃ ayācitvāpi kāretunti sambandho. Āharāpetunti araññato ānetuṃ. Aparasantakanti dārutiṇapalālādikaṃ aparapariggahitaṃ.
374. г̇ихийнам̣ яад̇д̇агам̣ д̣̇зд̇и, г̇обагз д̣̇знд̇з г̇ахзд̇ум̣ лаб̣бхам̣, сан̇гхажзд̇ияасанд̇агз яат̇аабарижчзд̣̇ам̣ г̇ахзд̇ум̣ лаб̣бханд̇и яож̇анаа. д̣̇зд̇ийд̇и г̇обаго бхигкуунам̣ д̣̇зд̇и. г̇ахзд̇унд̇и д̇ад̇д̇агам̣ г̇ахзд̇ум̣. сан̇гхажзд̇ияасанд̇агзд̇и взд̇анаг̇обагзхи д̣̇ийяамаанз сан̇гхасса жзд̇ияасса жа санд̇агз. яат̇аабарижчзд̣̇анд̇и яам̣ д̇зсам̣ сан̇гхзна анун̃н̃аад̇ам̣ ход̇и ‘‘д̣̇ивасз д̣̇ивасз зд̇д̇агам̣ наама каад̣̇ат̇аа’’д̇и, д̇ам̣ барижчзд̣̇ам̣ анад̇иггамма. сан̇гхигз жа жзд̇ияасанд̇агз жа гзн̣ияаа г̇ахзд̇ваа аарагканд̇ассзва хи д̣̇аанз барижчзд̣̇о над̇т̇и.
374. Gihīnaṃ yattakaṃ deti, gopake dente gahetuṃ labbhaṃ, saṅghacetiyasantake yathāparicchedaṃ gahetuṃ labbhanti yojanā. Detīti gopako bhikkhūnaṃ deti. Gahetunti tattakaṃ gahetuṃ. Saṅghacetiyasantaketi vetanagopakehi dīyamāne saṅghassa cetiyassa ca santake. Yathāparicchedanti yaṃ tesaṃ saṅghena anuññātaṃ hoti ‘‘divase divase ettakaṃ nāma khādathā’’ti, taṃ paricchedaṃ anatikkamma. Saṅghike ca cetiyasantake ca keṇiyā gahetvā ārakkhantasseva hi dāne paricchedo natthi.
375. ‘‘гааяаваажаахи д̣̇вийхи аабад̇д̇им̣ аабаж̇ж̇зяяаа’’д̇и язбхуяяавасзна вуд̇д̇ам̣, мзт̇унад̇хаммз баруубаггамз сад̇и саад̣̇ияанд̇асса агирияасамудтаанабхаавасамбхавад̇о. чахи ваад̇и аабад̇д̇уббад̇д̇игааран̣асан̇каад̇зхи чахи самудтаанзхи ваа аабад̇д̇им̣ аабаж̇ж̇зяяаад̇и самб̣анд̇хо. саб̣б̣аабад̇д̇ийнан̃хи гааяо ваажаа гааяаваажаа гааяажид̇д̇ам̣ ваажаажид̇д̇ам̣ гааяаваажаажид̇д̇анд̇и ча самудтаанаани. д̇ад̇т̇а буримаани д̇ийн̣и ажид̇д̇агаани, бажчимаани сажид̇д̇агаани.
375.‘‘Kāyavācāhi dvīhi āpattiṃ āpajjeyyā’’ti yebhuyyavasena vuttaṃ, methunadhamme parūpakkame sati sādiyantassa akiriyasamuṭṭhānabhāvasambhavato. Chahi vāti āpattuppattikāraṇasaṅkhātehi chahi samuṭṭhānehi vā āpattiṃ āpajjeyyāti sambandho. Sabbāpattīnañhi kāyo vācā kāyavācā kāyacittaṃ vācācittaṃ kāyavācācittanti cha samuṭṭhānāni. Tattha purimāni tīṇi acittakāni, pacchimāni sacittakāni.
д̇ид̇хаа згасамудтаанаа, бан̃жад̇хаа д̣̇висамудтид̇аа;
Tidhā ekasamuṭṭhānā, pañcadhā dvisamuṭṭhitā;
д̣̇вид̇хаа д̇ижад̇уро таанаа, згад̇хаа часамудтид̇аа.
Dvidhā ticaturo ṭhānā, ekadhā chasamuṭṭhitā.
д̇ад̇т̇а жад̇уд̇т̇зна бан̃жамзна чадтзна жа самудтаанад̇о згасамудтаанаа д̇ид̇хаа. батамажад̇уд̇т̇зхи жа д̣̇уд̇ияабан̃жамзхи жа д̇ад̇ияачадтзхи жа жад̇уд̇т̇ачадтзхи жа бан̃жамачадтзхи жа самудтаанад̇о д̣̇висамудтид̇аа бан̃жад̇хаа . батамзхи жа д̇ийхи бажчимзхи жа д̇ийхи самудтаанад̇о д̇исамудтаанаа д̣̇вид̇хаа. батамад̇ад̇ияажад̇уд̇т̇ачадтзхи жа д̣̇уд̇ияад̇ад̇ияабан̃жамачадтзхи жа самудтаанад̇о жад̇усамудтаанаа д̣̇вид̇хаа. чахиби самудтид̇о часамудтаанаа згад̇хаа. алаж̇ж̇и…бз… сан̃н̃ид̇ааяа жаад̇и имзхи чахи ваа аабад̇д̇им̣ аабаж̇ж̇зяяаад̇и самб̣анд̇хо. яо сан̃жижжа аабад̇д̇им̣ аабаж̇ж̇ад̇и, аабад̇д̇им̣ бариг̇уухад̇и, аг̇ад̇иг̇аманан̃жа г̇ажчад̇и, зд̣̇исо вужжад̇и алаж̇ж̇ий буг̇г̇ало. алаж̇ж̇ий жа ан̃н̃аан̣о жа гуггужжабагад̇о жа гуггужжзна абхибхууд̇од̇и д̣̇ванд̣̇о. бхаавз д̇д̇аббажжаяо.
Tattha catutthena pañcamena chaṭṭhena ca samuṭṭhānato ekasamuṭṭhānā tidhā. Paṭhamacatutthehi ca dutiyapañcamehi ca tatiyachaṭṭhehi ca catutthachaṭṭhehi ca pañcamachaṭṭhehi ca samuṭṭhānato dvisamuṭṭhitā pañcadhā. Paṭhamehi ca tīhi pacchimehi ca tīhi samuṭṭhānato tisamuṭṭhānā dvidhā. Paṭhamatatiyacatutthachaṭṭhehi ca dutiyatatiyapañcamachaṭṭhehi ca samuṭṭhānato catusamuṭṭhānā dvidhā. Chahipi samuṭṭhito chasamuṭṭhānā ekadhā. Alajji…pe… saññitāya cāti imehi chahi vā āpattiṃ āpajjeyyāti sambandho. Yo sañcicca āpattiṃ āpajjati, āpattiṃ parigūhati, agatigamanañca gacchati, ediso vuccati alajjī puggalo. Alajjī ca aññāṇo ca kukkuccapakato ca kukkuccena abhibhūtoti dvando. Bhāve ttappaccayo.
д̇ад̇т̇а яо агаббияабхаавам̣ ж̇аананд̇оязва мад̣̇д̣̇ид̇ваа вийд̇иггамам̣ гарод̇и, аяам̣ алаж̇ж̇ид̇аа аабаж̇ж̇ад̇и. манд̣̇о момуухо гад̇д̇аб̣б̣аагад̇д̇аб̣б̣ам̣ аж̇аананд̇о агад̇д̇аб̣б̣ам̣ гарод̇и, гад̇д̇аб̣б̣ам̣ вираад̇хзд̇и, аяам̣ ан̃н̃аан̣ад̇д̇аа аабаж̇ж̇ад̇и. габбияаагаббияам̣ ниссааяа гуггужжз уббаннз винаяад̇харам̣ абужчид̇ваа мад̣̇д̣̇ид̇ваа вийд̇иггамад̇и, аяам̣ гуггужжабагад̇ад̇д̇аа аабаж̇ж̇ад̇и. сад̇ияаа блаво саммохо сад̇иблаво, сахасзяяад̇ижийваравиббаваасаад̣̇ийни сад̇иблаваа аабаж̇ж̇ад̇и. габбан̃жа агаббияан̃жа габбаагаббияам̣, габбаагаббияз сан̃н̃аа, саа асса ад̇т̇ийд̇и габбаа…бз… сан̃н̃ий, д̇асса бхаавод̇и д̇аа-бажжаяо. яа-лобзна бана ‘‘сан̃н̃ид̇аа’’д̇и вуд̇д̇ам̣, гаран̣ад̇т̇з ваа бажжад̇д̇аважанам̣. д̇з жа ‘‘агаббияз’’д̇иаад̣̇ийнам̣ яат̇ааггамзна яуж̇ж̇анд̇и. д̇ад̇т̇а яо ажчамам̣сам̣ ‘‘суугарамам̣са’’нд̇и каад̣̇ад̇и, вигаалз гааласан̃н̃ид̇ааяа бхун̃ж̇ад̇и, аяам̣ агаббияз габбияасан̃н̃ид̇ааяа аабаж̇ж̇ад̇и. яо бана суугарамам̣сам̣ ‘‘ажчамам̣са’’нд̇и каад̣̇ад̇и, гаалз вигааласан̃н̃ааяа бхун̃ж̇ад̇и, аяам̣ габбияз агаббияасан̃н̃ид̇ааяа аабаж̇ж̇ад̇и.
Tattha yo akappiyabhāvaṃ jānantoyeva madditvā vītikkamaṃ karoti, ayaṃ alajjitā āpajjati. Mando momūho kattabbākattabbaṃ ajānanto akattabbaṃ karoti, kattabbaṃ virādheti, ayaṃ aññāṇattā āpajjati. Kappiyākappiyaṃ nissāya kukkucce uppanne vinayadharaṃ apucchitvā madditvā vītikkamati, ayaṃ kukkuccapakatattā āpajjati. Satiyā plavo sammoho satiplavo, sahaseyyaticīvaravippavāsādīni satiplavā āpajjati. Kappañca akappiyañca kappākappiyaṃ, kappākappiye saññā, sā assa atthīti kappā…pe… saññī, tassa bhāvoti tā-paccayo. Ya-lopena pana ‘‘saññitā’’ti vuttaṃ, karaṇatthe vā paccattavacanaṃ. Te ca ‘‘akappiye’’tiādīnaṃ yathākkamena yujjanti. Tattha yo acchamaṃsaṃ ‘‘sūkaramaṃsa’’nti khādati, vikāle kālasaññitāya bhuñjati, ayaṃ akappiye kappiyasaññitāya āpajjati. Yo pana sūkaramaṃsaṃ ‘‘acchamaṃsa’’nti khādati, kāle vikālasaññāya bhuñjati, ayaṃ kappiye akappiyasaññitāya āpajjati.
376. алаж̇ж̇иан̃н̃аан̣ад̇ааяа гааяаваажаахи аабад̇д̇им̣ чаад̣̇аязд̇и яож̇анаа. лин̇г̇зд̇и лин̇г̇абаривад̇д̇ананимид̇д̇ам̣. лин̇г̇з сан̇гхз жа г̇ан̣з жа згасмим̣ жаад̇и аабад̇д̇ивудтид̇и жад̇уд̇хаа ход̇ийд̇и сзсо.
376. Alajjiaññāṇatāya kāyavācāhi āpattiṃ chādayeti yojanā. Liṅgeti liṅgaparivattananimittaṃ. Liṅge saṅghe ca gaṇe ca ekasmiṃ cāti āpattivuṭṭhiti catudhā hotīti seso.
377. бажжаяад̣̇ваязд̇и жийварз бин̣д̣абаад̇з жа. баригат̇обхаасавин̃н̃ад̇д̇ийд̇и абхилаабамад̇д̇амзд̇ам̣. сахажарид̇асса бана нимид̇д̇агаммассааби зд̇т̇зва сан̇г̇ахо взд̣̇ид̇аб̣б̣о. д̇ад̇т̇а барияааязна гат̇анам̣ баригат̇аа. уж̇угамзва авад̇ваа яат̇аа ад̇хиббааяо вибхууд̇о ход̇и, звам̣ обхаасанам̣ обхаасо. бажжаяз уд̣̇д̣̇исса яат̇аа ад̇хиббааяо н̃ааяад̇и, звам̣ вин̃н̃аабанам̣ вин̃н̃ад̇д̇и. нимид̇д̇агаран̣ам̣ нимид̇д̇агаммам̣. д̇ад̇иязд̇и сзнаасанз. сзсзд̇и г̇илаанабажжаяз.
377.Paccayadvayeti cīvare piṇḍapāte ca. Parikathobhāsaviññattīti abhilāpamattametaṃ. Sahacaritassa pana nimittakammassāpi ettheva saṅgaho veditabbo. Tattha pariyāyena kathanaṃ parikathā. Ujukameva avatvā yathā adhippāyo vibhūto hoti, evaṃ obhāsanaṃ obhāso. Paccaye uddissa yathā adhippāyo ñāyati, evaṃ viññāpanaṃ viññatti. Nimittakaraṇaṃ nimittakammaṃ. Tatiyeti senāsane. Seseti gilānapaccaye.
378. бан̃жаннам̣ сахад̇хаммигаанам̣ ажжаяз д̣̇аанам̣ на руухад̇ийд̇и самб̣анд̇хо. ажжаяз д̣̇аананд̇и ‘‘мамажжаязна маяхам̣ санд̇агам̣ убаж̇жхааяасса ход̇уу’’д̇иаад̣̇инаа звам̣ ад̇д̇ано абаг̇амз д̣̇аанам̣. д̇анд̇и ажжаязна д̣̇иннам̣ жийвараад̣̇игам̣ сан̇гхассзва жа ход̇и, на бхигкунод̇и ад̇хиббааяо. г̇ихийнам̣ банаад̇и г̇ихийнам̣ ажжаяз д̣̇аанам̣ бана. ид̣̇амзд̇т̇а д̣̇аанаг̇г̇ахан̣алагкан̣ам̣ – ‘‘ид̣̇ам̣ д̇уяхам̣ д̣̇аммий’’д̇иаад̣̇инаа саммукаа ваа ‘‘ид̇т̇аннаамасса д̣̇змий’’д̇иаад̣̇инаа бараммукааби д̣̇иннам̣язва ход̇и. ‘‘д̇уяхам̣ г̇ан̣хаахий’’д̇и вуд̇д̇з ‘‘маяхам̣ г̇ан̣хаамий’’д̇и вад̣̇ад̇и, суд̣̇иннам̣ суг̇г̇ахид̇ан̃жа. ‘‘д̇ава санд̇агам̣ гарохи, д̇ава санд̇агам̣ ход̇у, д̇ава санд̇агам̣ гаараабзхий’’д̇и вуд̇д̇з ‘‘мама санд̇агам̣ гароми, мама санд̇агам̣ ход̇у, мама санд̇агам̣ гариссаамий’’д̇и вад̣̇ад̇и. д̣̇уд̣̇д̣̇иннам̣ д̣̇уг̇г̇ахид̇ан̃жа. сажз бана ‘‘д̇ава санд̇агам̣ гарохий’’д̇и вуд̇д̇з ‘‘саад̇ху, бханд̇з, маяхам̣ г̇ан̣хаамий’’д̇и г̇ан̣хаад̇и, суг̇г̇ахид̇анд̇и.
378. Pañcannaṃ sahadhammikānaṃ accaye dānaṃ na rūhatīti sambandho. Accaye dānanti ‘‘mamaccayena mayhaṃ santakaṃ upajjhāyassa hotū’’tiādinā evaṃ attano apagame dānaṃ. Tanti accayena dinnaṃ cīvarādikaṃ saṅghasseva ca hoti, na bhikkhunoti adhippāyo. Gihīnaṃ panāti gihīnaṃ accaye dānaṃ pana. Idamettha dānaggahaṇalakkhaṇaṃ – ‘‘idaṃ tuyhaṃ dammī’’tiādinā sammukhā vā ‘‘itthannāmassa demī’’tiādinā parammukhāpi dinnaṃyeva hoti. ‘‘Tuyhaṃ gaṇhāhī’’ti vutte ‘‘mayhaṃ gaṇhāmī’’ti vadati, sudinnaṃ suggahitañca. ‘‘Tava santakaṃ karohi, tava santakaṃ hotu, tava santakaṃ kārāpehī’’ti vutte ‘‘mama santakaṃ karomi, mama santakaṃ hotu, mama santakaṃ karissāmī’’ti vadati. Duddinnaṃ duggahitañca. Sace pana ‘‘tava santakaṃ karohī’’ti vutte ‘‘sādhu, bhante, mayhaṃ gaṇhāmī’’ti gaṇhāti, suggahitanti.
379. бхигку ваа сааман̣зро ваа убассаяз бхигкунийнам̣ вихаарз гаалам̣ гаяираат̇а яад̣̇и гаалан̇гарзяяа, д̇ад̇т̇а д̇асмим̣ убхиннам̣ санд̇агз бхигкусан̇гхо зва д̣̇ааяаж̇ж̇о саамий ход̇ийд̇и сзсо. сзсзбийд̇и авасзсз бхигкунисигкамаанасааман̣зрисанд̇агзби. аяам̣ наяод̇и яад̣̇и д̇з бхигкуунам̣ вихаарз гаалам̣ гарзяяум̣, д̇зсам̣ санд̇агз бхигкунисан̇гхо зва д̣̇ааяаж̇ж̇од̇и аяамзва наяод̇и ад̇т̇о.
379. Bhikkhu vā sāmaṇero vā upassaye bhikkhunīnaṃ vihāre kālaṃ kayirātha yadi kālaṅkareyya, tattha tasmiṃ ubhinnaṃ santake bhikkhusaṅgho eva dāyajjo sāmī hotīti seso. Sesepīti avasese bhikkhunisikkhamānasāmaṇerisantakepi. Ayaṃ nayoti yadi te bhikkhūnaṃ vihāre kālaṃ kareyyuṃ, tesaṃ santake bhikkhunisaṅgho eva dāyajjoti ayameva nayoti attho.
380. ‘‘имам̣ нзд̇ваа асугасса д̣̇зхий’’д̇и д̣̇иннам̣ яаава барасса хад̇т̇ам̣ на баабун̣аад̇и, д̇аава буримассзва, яо бахин̣ад̇и, д̇ассзваад̇и ад̇т̇о. д̣̇аммийд̇и ‘‘ид̇т̇аннаамасса д̣̇змий’’д̇и д̣̇иннам̣ бана бажчимассзва, яасса бахин̣ад̇и, д̇ассзва санд̇аганд̇и ад̇т̇о. имам̣ вид̇хим̣ ‘‘вуд̇д̇анаязна имз саамино хонд̇ий’’д̇и зд̇ам̣ багаарам̣ н̃ад̇ваа виссаасаг̇г̇аахам̣ ваа г̇ан̣хз, мад̇агажийварам̣ ваа ад̇хидтзд̇и яож̇анаа. виссаасаг̇ааханд̇и саамийсу ж̇ийванд̇зсу виссаасзна г̇аахам̣ г̇ахзд̇ваа. мад̇агажийварам̣ ад̇хидтзд̇и д̇зсу мад̇зсу ан̃н̃з жз бхигкуу на санд̇и, ‘‘маяхам̣ д̇ам̣ баабун̣аад̇ий’’д̇и мад̇агажийварам̣ ад̇хидтзяяа. ан̃н̃зсам̣ ад̣̇ад̇ваа д̣̇уурз табид̇амад̇агабаригкаараа бана д̇ад̇т̇а д̇ад̇т̇а сан̇гхассзва хонд̇и. бхигкумхи гаалагад̇з сан̇гхо саамий бад̇д̇ажийварз, абижа г̇илаанубадтаагаа б̣ахуубагаараа, сан̇гхзна д̇ижийваран̃жа бад̇д̇ан̃жа г̇илаанубадтаагаанам̣ д̣̇аад̇аб̣б̣ам̣. яам̣ д̇ад̇т̇а лахубхан̣д̣ам̣ лахубаригкаарам̣, д̇ам̣ саммукийбхууд̇зна сан̇гхзна бхааж̇зд̇аб̣б̣ам̣. яам̣ д̇ад̇т̇а г̇арубхан̣д̣ам̣ г̇арубаригкаарам̣, д̇ам̣ ааг̇ад̇аанааг̇ад̇асса жаад̇уд̣̇д̣̇исасса сан̇гхасса ависсаж̇ж̇ияам̣ авзбхан̇г̇ияам̣. г̇илаанубадтааго наама г̇ихий ваа ход̇у баб̣б̣аж̇ид̇о ваа, анд̇амасо маад̇уг̇аамоби, саб̣б̣з бхааг̇ам̣ лабханд̇и. б̣ахуу жз саб̣б̣з самаг̇г̇аа худ̇ваа убадтаханд̇и, саб̣б̣зсам̣ самабхааг̇о д̣̇аад̇аб̣б̣о. яо банзд̇т̇а висзсзна убадтахад̇и, д̇асса висзсо гаад̇аб̣б̣о.
380. ‘‘Imaṃ netvā asukassa dehī’’ti dinnaṃ yāva parassa hatthaṃ na pāpuṇāti, tāva purimasseva, yo pahiṇati, tassevāti attho. Dammīti ‘‘itthannāmassa demī’’ti dinnaṃ pana pacchimasseva, yassa pahiṇati, tasseva santakanti attho. Imaṃ vidhiṃ ‘‘vuttanayena ime sāmino hontī’’ti etaṃ pakāraṃ ñatvā vissāsaggāhaṃ vā gaṇhe, matakacīvaraṃ vā adhiṭṭheti yojanā. Vissāsagāhanti sāmīsu jīvantesu vissāsena gāhaṃ gahetvā. Matakacīvaraṃ adhiṭṭheti tesu matesu aññe ce bhikkhū na santi, ‘‘mayhaṃ taṃ pāpuṇātī’’ti matakacīvaraṃ adhiṭṭheyya. Aññesaṃ adatvā dūre ṭhapitamatakaparikkhārā pana tattha tattha saṅghasseva honti. Bhikkhumhi kālakate saṅgho sāmī pattacīvare, apica gilānupaṭṭhākā bahūpakārā, saṅghena ticīvarañca pattañca gilānupaṭṭhākānaṃ dātabbaṃ. Yaṃ tattha lahubhaṇḍaṃ lahuparikkhāraṃ, taṃ sammukhībhūtena saṅghena bhājetabbaṃ. Yaṃ tattha garubhaṇḍaṃ garuparikkhāraṃ, taṃ āgatānāgatassa cātuddisassa saṅghassa avissajjiyaṃ avebhaṅgiyaṃ. Gilānupaṭṭhāko nāma gihī vā hotu pabbajito vā, antamaso mātugāmopi, sabbe bhāgaṃ labhanti. Bahū ce sabbe samaggā hutvā upaṭṭhahanti, sabbesaṃ samabhāgo dātabbo. Yo panettha visesena upaṭṭhahati, tassa viseso kātabbo.
381. ‘‘лохабхан̣д̣з бахаран̣им̣ табзд̇ваа саб̣б̣ам̣ габбад̇ий’’д̇иаад̣̇инаа яож̇зд̇аб̣б̣ам̣. бахаран̣инд̇и аавуд̇хам̣. баад̣̇угаа жа сан̇гаманийяо баллан̇го жаад̇и д̣̇ванд̣̇о. мад̇д̇игаамаяз гад̇агам̣ гумбхагаариган̃жа табзд̇ваа саб̣б̣ам̣ габбад̇ийд̇и яож̇анийяам̣, д̇ханияассзва саб̣б̣амад̇д̇игаамаяагуди гумбхагааригаад̇и.
381. ‘‘Lohabhaṇḍe paharaṇiṃ ṭhapetvā sabbaṃ kappatī’’tiādinā yojetabbaṃ. Paharaṇinti āvudhaṃ. Pādukā ca saṅkamanīyo pallaṅko cāti dvando. Mattikāmaye katakaṃ kumbhakārikañca ṭhapetvā sabbaṃ kappatīti yojanīyaṃ, dhaniyasseva sabbamattikāmayakuṭi kumbhakārikāti.
багин̣н̣аганид̣̇д̣̇зсаван̣н̣анаа нидтид̇аа.
Pakiṇṇakaniddesavaṇṇanā niṭṭhitā.
