| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
42. д̣̇зсанаанид̣̇д̣̇зсаван̣н̣анаа
42. Desanāniddesavaṇṇanā
382. ид̣̇аани д̣̇зсанаанид̣̇ассанаб̣яаасзна хздтаа авуд̇д̇аани гаанижи сигкаабад̣̇аани убад̣̇исид̇ум̣ ‘‘жааг̇о’’д̇иаад̣̇имааха. бхигкубхаавасса яо жааг̇о, саа баарааж̇игад̣̇зсанаад̇и самб̣анд̇хо. бхавад̇и анзнаад̇и бхааво, сад̣̇д̣̇аббавад̇д̇инимид̇д̇ам̣, бхигкуно бхааво бхигку-сад̣̇д̣̇асса бавад̇д̇инимид̇д̇ам̣ бхигкугижжам̣ бхигкубхааво, д̇асса. д̣̇исий ужжааран̣з, ужжааран̣аа багаасанаа д̣̇зсанаа. ‘‘чаннамад̇ивассад̇и, виваддам̣ наад̇ивассад̇ий’’д̇и (уд̣̇аа. 45) хи вуд̇д̇ам̣. ид̇ха бана бхигкубхаавабарижжааг̇оязва баарааж̇игааяа багаасанаа наама баарааж̇игааяа д̣̇зсанаа. ‘‘яо’’д̇и вуд̇д̇ад̇д̇аа ‘‘со’’д̇и вад̇д̇ум̣ яуд̇д̇ам̣, д̇ат̇ааби саб̣б̣аад̣̇ийхи вуд̇д̇асса ваа лин̇г̇амаад̣̇ияяад̇з вагкамаанасса ваад̇и вагкамаанад̣̇зсанаабзгкааяа ‘‘со’’д̇и вуд̇д̇ам̣. яат̇аа язна багаарзна ‘‘чаад̣̇зд̇и ж̇аанамаабанна’’нд̇иаад̣̇инаа вуд̇д̇ам̣ яат̇аавуд̇д̇ам̣, д̇зна. вуд̇д̇аманад̇иггаммаад̇и аб̣яаяийбхаававасзна ваа ад̇т̇о взд̣̇ид̇аб̣б̣о. ид̇хааби г̇аругаабад̇д̇ияаа вудтаанаанад̇иггамзнзва багаасанаа д̣̇зсанаа сияаад̇и ‘‘вудтаанам̣ г̇аругаабад̇д̇ид̣̇зсанаа’’д̇и вужжад̇и.
382. Idāni desanānidassanabyāsena heṭṭhā avuttāni kānici sikkhāpadāni upadisituṃ ‘‘cāgo’’tiādimāha. Bhikkhubhāvassa yo cāgo, sā pārājikadesanāti sambandho. Bhavati anenāti bhāvo, saddappavattinimittaṃ, bhikkhuno bhāvo bhikkhu-saddassa pavattinimittaṃ bhikkhukiccaṃ bhikkhubhāvo, tassa. Disī uccāraṇe, uccāraṇā pakāsanā desanā. ‘‘Channamativassati, vivaṭṭaṃ nātivassatī’’ti (udā. 45) hi vuttaṃ. Idha pana bhikkhubhāvapariccāgoyeva pārājikāya pakāsanā nāma pārājikāya desanā. ‘‘Yo’’ti vuttattā ‘‘so’’ti vattuṃ yuttaṃ, tathāpi sabbādīhi vuttassa vā liṅgamādiyyate vakkhamānassa vāti vakkhamānadesanāpekkhāya ‘‘so’’ti vuttaṃ. Yathā yena pakārena ‘‘chādeti jānamāpanna’’ntiādinā vuttaṃ yathāvuttaṃ, tena. Vuttamanatikkammāti abyayībhāvavasena vā attho veditabbo. Idhāpi garukāpattiyā vuṭṭhānānatikkameneva pakāsanā desanā siyāti ‘‘vuṭṭhānaṃ garukāpattidesanā’’ti vuccati.
383. ид̣̇аани вад̇д̇аб̣б̣ам̣ санд̇хааяа ‘‘зва’’нд̇и вуд̇д̇ам̣. згассаад̇и згасса бхигкуно.
383. Idāni vattabbaṃ sandhāya ‘‘eva’’nti vuttaṃ. Ekassāti ekassa bhikkhuno.
384. д̇умхамуулзд̇и д̇умхаагам̣ муулз самийбз. бадид̣̇зсзмийд̇и багаасзми. сам̣варзяяаасийд̇и сам̣яамзяяааси, сам̣варз бад̇идтзяяаасийд̇и ад̇т̇о.
384.Tumhamūleti tumhākaṃ mūle samīpe. Paṭidesemīti pakāsemi. Saṃvareyyāsīti saṃyameyyāsi, saṃvare patiṭṭheyyāsīti attho.
385. ниссаж̇ж̇ид̇ваанаад̇и згаб̣ахубхаавам̣ саннихид̇аасаннихид̇абхаавам̣ н̃ад̇ваа ‘‘ид̣̇ам̣ мз, бханд̇з, жийвара’’нд̇иаад̣̇инаа ниссаж̇ж̇ид̇ваа. д̇знаад̇и яасса жийварам̣ ниссадтам̣, д̇зна. ‘‘имам̣…бз… д̣̇аммий’’д̇и ниссадтажийварам̣ д̣̇зяяанд̇и самб̣анд̇хид̇аб̣б̣ам̣. ‘‘имам̣ жийварам̣ д̣̇асаахаад̇игганд̇а’’нд̇иаад̣̇инаа яож̇зд̇аб̣б̣ам̣.
385.Nissajjitvānāti ekabahubhāvaṃ sannihitāsannihitabhāvaṃ ñatvā ‘‘idaṃ me, bhante, cīvara’’ntiādinā nissajjitvā. Tenāti yassa cīvaraṃ nissaṭṭhaṃ, tena. ‘‘Imaṃ…pe… dammī’’ti nissaṭṭhacīvaraṃ deyyanti sambandhitabbaṃ. ‘‘Imaṃ cīvaraṃ dasāhātikkanta’’ntiādinā yojetabbaṃ.
386. (га) жийваранд̇и д̇ижийвараад̇хидтаананаязна ад̇хидтид̇зсу сан̇гхаадиаад̣̇ийсу яам̣ гин̃жи жийварам̣. виббавуд̇т̇анд̇и виббаяуд̇д̇зна вуд̇т̇ам̣.
386. (Ka) cīvaranti ticīvarādhiṭṭhānanayena adhiṭṭhitesu saṅghāṭiādīsu yaṃ kiñci cīvaraṃ. Vippavutthanti vippayuttena vutthaṃ.
(ка) агаалажийваранд̇и анад̇т̇ад̇з гат̇инз вассаанасса бажчимамаасам̣ табзд̇ваа сзсз згаад̣̇асамаасз, ад̇т̇ад̇з гат̇инз д̇ан̃жа маасам̣ хзманд̇игз жад̇д̇ааро маасз жа табзд̇ваа сзсз сад̇д̇амаасз уббаннам̣, гаалзби сан̇гхасса ваа ‘‘ид̣̇ам̣ агаалажийвара’’нд̇и згабуг̇г̇аласса ваа ‘‘ид̣̇ам̣ д̇уяхам̣ д̣̇аммий’’д̇и уд̣̇д̣̇исид̇ваа д̣̇иннам̣. ид̇арам̣ бана гаалажийварам̣. маасаад̇игганд̇анд̇и агаалажийварз уббаннз уунасса баарибуурияаа сан̇гхаг̇ан̣аад̣̇ид̇о сад̇ияаа бажжаасааяа маасамзгам̣ барихааро лаб̣бхад̇и, д̇ам̣ маасам̣ ад̇игганд̇ам̣.
(Kha) akālacīvaranti anatthate kathine vassānassa pacchimamāsaṃ ṭhapetvā sese ekādasamāse, atthate kathine tañca māsaṃ hemantike cattāro māse ca ṭhapetvā sese sattamāse uppannaṃ, kālepi saṅghassa vā ‘‘idaṃ akālacīvara’’nti ekapuggalassa vā ‘‘idaṃ tuyhaṃ dammī’’ti uddisitvā dinnaṃ. Itaraṃ pana kālacīvaraṃ. Māsātikkantanti akālacīvare uppanne ūnassa pāripūriyā saṅghagaṇādito satiyā paccāsāya māsamekaṃ parihāro labbhati, taṃ māsaṃ atikkantaṃ.
(г̇а) бураан̣ажийваранд̇и яам̣ анд̇амасо уссийсагам̣ гад̇ваа нибанно. жийварам̣ наама чаннам̣ ан̃н̃ад̇арам̣ вигаббануубаг̇ам̣. зсзва наяо саб̣б̣зсу вагкамаанажийвараббадисам̣яуд̇д̇асигкаабад̣̇зсу.
(Ga) purāṇacīvaranti yaṃ antamaso ussīsakaṃ katvā nipanno. Cīvaraṃ nāma channaṃ aññataraṃ vikappanūpagaṃ. Eseva nayo sabbesu vakkhamānacīvarappaṭisaṃyuttasikkhāpadesu.
(гха) ан̃н̃ад̇ра бааривад̇д̇агаад̇и анд̇амасо харийд̇агийкан̣д̣знаби бааривад̇д̇агам̣ винаа.
(Gha) aññatra pārivattakāti antamaso harītakīkhaṇḍenapi pārivattakaṃ vinā.
(н̇а) г̇ахабад̇иганд̇и бхигкуусу абаб̣б̣аж̇ид̇агам̣. ан̃н̃ад̇ра самаяаад̇и ажчиннажийваранадтажийварасамаяам̣ винаа, ажчиннажийварзхи бана саакаабалаасам̣ ад̇д̇анаа бхан̃ж̇ид̇вааби ваагаад̣̇ийни г̇ан̣хид̇вааби ниваасзд̇ум̣ ваддад̇и, баг̇зва вин̃н̃ад̇д̇и. жийварам̣ вин̃н̃аабид̇анд̇и самб̣анд̇хо. ганд̇и ааха ‘‘ан̃н̃аад̇ага’’нд̇иаад̣̇и.
(Ṅa) gahapatikanti bhikkhūsu apabbajitakaṃ. Aññatra samayāti acchinnacīvaranaṭṭhacīvarasamayaṃ vinā, acchinnacīvarehi pana sākhāpalāsaṃ attanā bhañjitvāpi vākādīni gaṇhitvāpi nivāsetuṃ vaṭṭati, pageva viññatti. Cīvaraṃ viññāpitanti sambandho. Kanti āha ‘‘aññātaka’’ntiādi.
(жа) д̇ад̣̇уд̇д̇арийд̇и д̇ад̇о вуд̇д̇аббамаан̣ад̇о уд̇д̇ари, ажчиннажийварзна бхигкунаа гааязна ваа ваажааяа ваа абхихарид̇ваа баваарид̇ажийварад̇о д̇ийсу надтзсу д̣̇вз саад̣̇ид̇аб̣б̣аани, д̣̇вийсу надтзсу згам̣ саад̣̇ид̇аб̣б̣ам̣. багад̇ияаа санд̇аруд̇д̇арзна жаранд̇зна д̣̇вийсу надтзсу д̣̇взязва саад̣̇ид̇аб̣б̣аани, згасмим̣ надтз згам̣язва саад̣̇ид̇аб̣б̣ам̣. яасса згам̣язва ход̇и, д̇асмим̣ надтз д̣̇вз саад̣̇ид̇аб̣б̣аани.
(Ca) taduttarīti tato vuttappamāṇato uttari, acchinnacīvarena bhikkhunā kāyena vā vācāya vā abhiharitvā pavāritacīvarato tīsu naṭṭhesu dve sāditabbāni, dvīsu naṭṭhesu ekaṃ sāditabbaṃ. Pakatiyā santaruttarena carantena dvīsu naṭṭhesu dveyeva sāditabbāni, ekasmiṃ naṭṭhe ekaṃyeva sāditabbaṃ. Yassa ekaṃyeva hoti, tasmiṃ naṭṭhe dve sāditabbāni.
(ча) аббаваарид̇од̇и г̇ахабад̇инаа ваа г̇ахабад̇аанияаа ваа. вигаббанд̇и батамаад̇хиббзд̇ад̇о муулам̣ вад̣дхаабзнд̇о сунд̣̇арагаамад̇ааяа ‘‘ааяад̇ам̣ ваа’’д̇иаад̣̇инаа висидтагаббам̣ ад̇хигавид̇хаанам̣.
(Cha) appavāritoti gahapatinā vā gahapatāniyā vā. Vikappanti paṭhamaadhippetato mūlaṃ vaḍḍhāpento sundarakāmatāya ‘‘āyataṃ vā’’tiādinā visiṭṭhakappaṃ adhikavidhānaṃ.
(ж̇а) ан̃н̃аад̇агз г̇ахабад̇игзд̇и б̣ахуунам̣ васзна вуд̇д̇амад̇д̇амзва буримад̇о висзсо.
(Ja) aññātake gahapatiketi bahūnaṃ vasena vuttamattameva purimato viseso.
(жха) жод̣̇анааяаад̇и ‘‘ад̇т̇о мз, аавусо, жийварзнаа’’д̇и жод̣̇анааяа. таанзнаад̇и гааяажод̣̇анамааха. рааж̇аад̣̇ийхи бзсид̇зна хи д̣̇ууд̇зна взяяааважжагарасса хад̇т̇з жийваражзд̇аабаннз нигкид̇д̇з д̇иссо жод̣̇анаа анун̃н̃аад̇аа, жод̣̇анааяа д̣̇иг̇ун̣ам̣ таанам̣, д̇асмаа сажз жод̣̇зд̇иязва, на д̇идтад̇и, ча жод̣̇анаа лаб̣бханд̇и. сажз д̇идтад̇иязва, на жод̣̇зд̇и, д̣̇ваад̣̇аса таанаани лаб̣бханд̇и. сажз убхаяам̣ гарод̇и, згааяа жод̣̇анааяа д̣̇вз таанаани хаабзд̇аб̣б̣аани.
(Jha) codanāyāti ‘‘attho me, āvuso, cīvarenā’’ti codanāya. Ṭhānenāti kāyacodanamāha. Rājādīhi pesitena hi dūtena veyyāvaccakarassa hatthe cīvaracetāpanne nikkhitte tisso codanā anuññātā, codanāya diguṇaṃ ṭhānaṃ, tasmā sace codetiyeva, na tiṭṭhati, cha codanā labbhanti. Sace tiṭṭhatiyeva, na codeti, dvādasa ṭhānāni labbhanti. Sace ubhayaṃ karoti, ekāya codanāya dve ṭhānāni hāpetabbāni.
(да) суд̣̇д̇хаани жа д̇аани гаал̣агаани жа ж̇аад̇ияаа раж̇анзна ваа.
(Ṭa) suddhāni ca tāni kāḷakāni ca jātiyā rajanena vā.
(та) д̇уланд̇и жад̇уухи д̇улаахи гаарзд̇угаамад̇ам̣ санд̇хааяа вуд̇д̇ам̣. ад̇т̇ад̇о бана яад̇д̇агзхи зл̣агаломзхи гаад̇угаамо ход̇и, д̇зсу д̣̇вз годтаасаа гаал̣агаанам̣, зго од̣̇аад̇аанам̣, зго г̇ожарияаанам̣ г̇ахзд̇аб̣б̣о. д̇улаа наама баласад̇ам̣. г̇ожарияаа наама габилаван̣н̣аа. ид̣̇ам̣ мз сант̇ад̇ам̣ гаараабид̇анд̇и яож̇анаа.
(Ṭha) tulanti catūhi tulāhi kāretukāmataṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ, eko odātānaṃ, eko gocariyānaṃ gahetabbo. Tulā nāma palasataṃ. Gocariyā nāma kapilavaṇṇā. Idaṃ me santhataṃ kārāpitanti yojanā.
(н̣а) д̇ияож̇анабараманд̇и г̇ахид̇адтаанад̇о д̇ийн̣и яож̇анаани барамо асса ад̇иггаманассаад̇и бхааванабум̣сагавасзна ад̇т̇о взд̣̇ид̇аб̣б̣о. ад̇иггаамид̇аанийд̇и анд̇амасо суд̇д̇агзнаби бхан̣д̣агад̇абхан̣д̣ахаран̣ам̣ винаа анд̇амасо ваад̇ааб̣аад̇хаббадигаарад̇т̇ам̣ ган̣н̣ажчид̣̇д̣̇з багкид̇д̇аани ад̇иггаамид̇аани.
(Ṇa) tiyojanaparamanti gahitaṭṭhānato tīṇi yojanāni paramo assa atikkamanassāti bhāvanapuṃsakavasena attho veditabbo. Atikkāmitānīti antamaso suttakenapi bhaṇḍakatabhaṇḍaharaṇaṃ vinā antamaso vātābādhappaṭikāratthaṃ kaṇṇacchidde pakkhittāni atikkāmitāni.
387-9. ниссаж̇ж̇ид̇ваанаад̇и вуд̇д̇анаязна вад̇т̇ууни ниссаж̇ж̇ид̇ваа. ат̇аад̇и д̣̇зсид̇аананд̇арам̣. ‘‘имам̣ ж̇аанаахий’’д̇и г̇ихим̣ вад̣̇зд̇и яож̇анаа. сод̇и аараамигаад̣̇иго г̇ихий. ‘‘иминаа гим̣ аахараамий’’д̇и вад̣̇зяяаад̇и самб̣анд̇хо. вад̣̇зяяаад̇и яад̣̇и вад̣̇ад̇и. иманд̇и авад̇ваад̇и ‘‘имам̣ аахараа’’д̇и авад̇ваа бхигкуунам̣ габбияам̣ д̇злаад̣̇инд̇и вад̣̇зд̇и самб̣анд̇хо. аад̣̇инд̇и санд̇хивасзна ниг̇г̇ахид̇ам̣. д̇зна баривад̇д̇зд̇ваана со яам̣ габбияам̣ аахарад̇ийд̇и яож̇анаа. д̇знаад̇и ниссаг̇г̇ияавад̇т̇унаа . д̣̇взбзд̇з табзд̇ваад̇и зд̇з руубияаббадиг̇г̇аахагаруубияасам̣вохаарагз д̣̇вз табзд̇ваа сзсзхи барибхун̃ж̇ид̇ум̣ лаб̣бханд̇и самб̣анд̇хо. барибхун̃ж̇ид̇унд̇и д̇ам̣ бхун̃ж̇ид̇ум̣. д̇ад̇од̇и баривад̇д̇ид̇агаббияад̇о. ан̃н̃знаад̇и анд̇амасо аараамигзнааби. д̇зсанд̇и вуд̇д̇аанам̣ д̣̇виннам̣.
387-9.Nissajjitvānāti vuttanayena vatthūni nissajjitvā. Athāti desitānantaraṃ. ‘‘Imaṃ jānāhī’’ti gihiṃ vadeti yojanā. Soti ārāmikādiko gihī. ‘‘Iminā kiṃ āharāmī’’ti vadeyyāti sambandho. Vadeyyāti yadi vadati. Imanti avatvāti ‘‘imaṃ āharā’’ti avatvā bhikkhūnaṃ kappiyaṃ telādinti vadeti sambandho. Ādinti sandhivasena niggahitaṃ. Tena parivattetvāna so yaṃ kappiyaṃ āharatīti yojanā. Tenāti nissaggiyavatthunā . Dvepete ṭhapetvāti ete rūpiyappaṭiggāhakarūpiyasaṃvohārake dve ṭhapetvā sesehi paribhuñjituṃ labbhanti sambandho. Paribhuñjitunti taṃ bhuñjituṃ. Tatoti parivattitakappiyato. Aññenāti antamaso ārāmikenāpi. Tesanti vuttānaṃ dvinnaṃ.
390. анд̇амасо д̇анниб̣б̣ад̇д̇аа ругкажчааяаабийд̇и самб̣анд̇хо. д̇анниб̣б̣ад̇д̇аад̇и ниссадтавад̇т̇унаа гин̣ид̇ваа г̇ахид̇ааараамз ругкажчааяаа д̇анниб̣б̣ад̇д̇аа ход̇ийд̇и д̇ад̇о ниб̣б̣ад̇д̇аад̇и самаасо. аад̣̇ид̇о сант̇ад̇ад̇д̇аяанд̇и аад̣̇имхи госияасуд̣̇д̇хагаал̣агад̣̇взбхааг̇асант̇ад̇ад̇д̇аяам̣.
390. Antamaso tannibbattā rukkhacchāyāpīti sambandho. Tannibbattāti nissaṭṭhavatthunā kiṇitvā gahitaārāme rukkhacchāyā tannibbattā hotīti tato nibbattāti samāso. Ādito santhatattayanti ādimhi kosiyasuddhakāḷakadvebhāgasanthatattayaṃ.
391. звам̣ жз но лабхзт̇аад̇и звам̣ баривад̇д̇зд̇ваа габбияагаараго но жз лабхзяяа, со г̇ихий ‘‘имам̣ чад̣д̣зхий’’д̇и сам̣сияо вад̇д̇аб̣б̣о, звам̣ руубияачад̣д̣аго г̇ихий но жз лабхзяяа, саммад̇о бхигку чад̣д̣зяяаад̇и самб̣анд̇хо. саммад̇од̇и ‘‘яо чанд̣̇ааг̇ад̇им̣ на г̇ажчзяяаа’’д̇иаад̣̇инаа (баараа. 584) вуд̇д̇абан̃жан̇г̇асаманнааг̇ад̇о руубияачад̣д̣агасаммуд̇ияаа саммад̇о бхигку.
391.Evaṃ ce no labhethāti evaṃ parivattetvā kappiyakārako no ce labheyya, so gihī ‘‘imaṃ chaḍḍehī’’ti saṃsiyo vattabbo, evaṃ rūpiyachaḍḍako gihī no ce labheyya, sammato bhikkhu chaḍḍeyyāti sambandho. Sammatoti ‘‘yo chandāgatiṃ na gaccheyyā’’tiādinā (pārā. 584) vuttapañcaṅgasamannāgato rūpiyachaḍḍakasammutiyā sammato bhikkhu.
392. зд̇аанийд̇и бадиг̇г̇ахид̇аруубияаани. д̣̇уд̇ияам̣ бад̇д̇анд̇и уунабан̃жаб̣анд̇ханз сад̇и вин̃н̃аабид̇абад̇д̇ам̣ сан̇гхз вад̇д̇ум̣ лаб̣бхарзд̇и бад̣̇асамб̣анд̇хо. вад̇д̇унд̇и ‘‘ахам̣ бханд̇з руубияам̣ бадиг̇г̇ахзси’’нд̇иаад̣̇инаа вад̇д̇ум̣. сзсаани авасзсаниссаг̇г̇ияавад̇т̇ууни сан̇гхз згасмим̣ г̇ан̣з жа вад̇д̇ум̣ лаб̣бхарзд̇и яож̇анаа. бхаасанд̇арзнаби вад̇д̇ум̣ лаб̣бханд̇и на гзвалам̣ баал̣ибхаасааяамзва, сийхал̣аад̣̇ибхаасааяаби ниссаж̇ж̇ид̇ум̣ лаб̣бхад̇ийд̇и ад̇т̇о.
392.Etānīti paṭiggahitarūpiyāni. Dutiyaṃ pattanti ūnapañcabandhane sati viññāpitapattaṃ saṅghe vattuṃ labbhareti padasambandho. Vattunti ‘‘ahaṃ bhante rūpiyaṃ paṭiggahesi’’ntiādinā vattuṃ. Sesāni avasesanissaggiyavatthūni saṅghe ekasmiṃ gaṇe ca vattuṃ labbhareti yojanā. Bhāsantarenapi vattuṃ labbhanti na kevalaṃ pāḷibhāsāyameva, sīhaḷādibhāsāyapi nissajjituṃ labbhatīti attho.
393. (га) наанаббагааранд̇и жийвараад̣̇ийнам̣ габбияабхан̣д̣аанам̣ васзна анзгавид̇хам̣. гаяо г̇ахан̣ам̣, виггаяо д̣̇аанам̣. гаяо жа виггаяо жа гаяавиггаяам̣.
393. (Ka) nānappakāranti cīvarādīnaṃ kappiyabhaṇḍānaṃ vasena anekavidhaṃ. Kayo gahaṇaṃ, vikkayo dānaṃ. Kayo ca vikkayo ca kayavikkayaṃ.
(г̇а) уунабан̃жаб̣анд̇ханзнаад̇и уунаани бан̃жа б̣анд̇ханаани яасса, д̇зна, ид̇т̇амбхууд̇алагкан̣з гаран̣аважанам̣. яат̇аагат̇ан̃жи бана бан̃жаб̣анд̇хано бад̇д̇о, бан̃жаб̣анд̇ханогаасо ваа, со абад̇д̇о, ан̃н̃ам̣ вин̃н̃аабзд̇ум̣ ваддад̇и.
(Ga) ūnapañcabandhanenāti ūnāni pañca bandhanāni yassa, tena, itthambhūtalakkhaṇe karaṇavacanaṃ. Yathākathañci pana pañcabandhano patto, pañcabandhanokāso vā, so apatto, aññaṃ viññāpetuṃ vaṭṭati.
394. самманнид̇ваанаад̇и бад̣̇абхааж̇анийяз вуд̇д̇ан̃ад̇д̇ид̣̇уд̇ияагаммзна самманнид̇ваа. сан̇гхасса бад̇д̇анд̇анд̇и анд̇а-сад̣̇д̣̇зна бад̇д̇аанам̣ анд̇з бхаво лаамаго бад̇д̇оязва г̇ахид̇о, ниссадтабад̇д̇асса виж̇ж̇амаанаг̇ун̣ам̣ вад̇ваа т̇зрам̣, т̇зрасса бад̇д̇ам̣ д̣̇уд̇ияад̇т̇зрам̣ г̇аахаабзд̇ваа зд̇знзва убааязна яаавасан̇гханавагам̣ г̇аахаабзд̇ваа яо д̇ад̇т̇а саннибад̇ид̇асан̇гхасса бад̇д̇зсу барияанд̇о бад̇д̇о, д̇ам̣ бад̇д̇анд̇и. д̇ассаад̇и гад̇аниссаж̇ж̇анасса бхигкуно. д̣̇аабаязд̇и саммад̇зна бад̇д̇аг̇аахаабагзна д̣̇аабзяяа.
394.Sammannitvānāti padabhājanīye vuttañattidutiyakammena sammannitvā. Saṅghassa pattantanti anta-saddena pattānaṃ ante bhavo lāmako pattoyeva gahito, nissaṭṭhapattassa vijjamānaguṇaṃ vatvā theraṃ, therassa pattaṃ dutiyattheraṃ gāhāpetvā eteneva upāyena yāvasaṅghanavakaṃ gāhāpetvā yo tattha sannipatitasaṅghassa pattesu pariyanto patto, taṃ pattanti. Tassāti katanissajjanassa bhikkhuno. Dāpayeti sammatena pattagāhāpakena dāpeyya.
395. (га) бхзсаж̇ж̇анд̇и бхзсаж̇ж̇агижжам̣ гарод̇у ваа, маа ваа, звам̣ лад̣̇д̇хавохаарам̣ саббиаад̣̇игам̣ сад̇д̇аахагаалигам̣.
395. (Ka) bhesajjanti bhesajjakiccaṃ karotu vā, mā vā, evaṃ laddhavohāraṃ sappiādikaṃ sattāhakālikaṃ.
(ка) г̇имхаанасса бажчимамаасз буримо ад̣̇д̇хамаасо бариязсанагаран̣аанам̣ кзд̇д̇ам̣, бажчимад̣̇д̇хамаасо бариязсанагаран̣аниваасанаанам̣ кзд̇д̇ам̣, вассигамаасаа жад̇д̇аароби ад̇хидтаанзна саха жад̇уннамби кзд̇д̇ам̣, имзязва бан̃жамаасаа гужчисамаяо, ид̇арасад̇д̇амаасаа бидтисамаяо. бидтисамаяз бариязсанд̇асса ниссаг̇г̇ияам̣ баажид̇д̇ияам̣, гужчисамаяз жа ад̇ирзгад̣̇д̇хамаасз гад̇ваа барид̣̇ахад̇о ниссаг̇г̇ияам̣ баажид̇д̇ияам̣. д̇зна вуд̇д̇ам̣ ‘‘ад̇ирзгамаасз сзсз’’д̇и.
(Kha) gimhānassa pacchimamāse purimo addhamāso pariyesanakaraṇānaṃ khettaṃ, pacchimaddhamāso pariyesanakaraṇanivāsanānaṃ khettaṃ, vassikamāsā cattāropi adhiṭṭhānena saha catunnampi khettaṃ, imeyeva pañcamāsā kucchisamayo, itarasattamāsā piṭṭhisamayo. Piṭṭhisamaye pariyesantassa nissaggiyaṃ pācittiyaṃ, kucchisamaye ca atirekaddhamāse katvā paridahato nissaggiyaṃ pācittiyaṃ. Tena vuttaṃ ‘‘atirekamāse sese’’ti.
(г̇а) саамам̣ д̣̇ад̇ваад̇и взяяааважжаад̣̇ийни бажжаасийсамаано саяамзва д̣̇ад̇ваа. ажчиннанд̇и д̇ам̣ агаронд̇ам̣ д̣̇исваа сагасан̃н̃ааяа ажчиннам̣. бхигкуноби жийварам̣ табзд̇ваа ан̃н̃ам̣ баригкаарам̣, анубасамбаннасса жа яам̣ гин̃жи баригкаарам̣ ажчинд̣̇ад̇о д̣̇уггадам̣. барижжаж̇ид̇ваа д̣̇иннам̣ сагасан̃н̃ам̣ винаа ажчинд̣̇анд̇о бхан̣д̣аг̇гхзна гаарзд̇аб̣б̣о.
(Ga) sāmaṃ datvāti veyyāvaccādīni paccāsīsamāno sayameva datvā. Acchinnanti taṃ akarontaṃ disvā sakasaññāya acchinnaṃ. Bhikkhunopi cīvaraṃ ṭhapetvā aññaṃ parikkhāraṃ, anupasampannassa ca yaṃ kiñci parikkhāraṃ acchindato dukkaṭaṃ. Pariccajitvā dinnaṃ sakasaññaṃ vinā acchindanto bhaṇḍagghena kāretabbo.
(н̇а) вигаббанд̇и ‘‘ааяад̇ан̃жа гарохи вид̇т̇ад̇ан̃жаа’’д̇иаад̣̇игам̣ ад̇хигавид̇хаанам̣.
(Ṅa) vikappanti ‘‘āyatañca karohi vitthatañcā’’tiādikaṃ adhikavidhānaṃ.
(жа) ажжзгажийваранд̇и г̇амигаг̇илаанаг̇аб̣бхиниабхинавуббаннасад̣̇д̇хаанам̣ ан̃н̃ад̇арзна бавааран̣амаасасса ж̇ун̣хабагкабан̃жамид̇о бадтааяа ‘‘вассааваасигам̣ д̣̇ассаамий’’д̇и д̣̇иннам̣ ажжааяигажийварам̣. ажжзгажийварасса анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа жийварагааласамаяо, д̇ам̣ ад̇иггаамзнд̇асса ниссаг̇г̇ияам̣ баажид̇д̇ияам̣. д̇зна вуд̇д̇ам̣ ‘‘жийварагааласамаяам̣ ад̇иггаамид̇а’’нд̇и. гаало жа со самаяо жа жийварасса гааласамаяо, д̇ам̣.
(Ca) accekacīvaranti gamikagilānagabbhiniabhinavuppannasaddhānaṃ aññatarena pavāraṇamāsassa juṇhapakkhapañcamito paṭṭhāya ‘‘vassāvāsikaṃ dassāmī’’ti dinnaṃ accāyikacīvaraṃ. Accekacīvarassa anatthate kathine ekādasadivasādhiko māso, atthate kathine ekādasadivasādhikā pañca māsā cīvarakālasamayo, taṃ atikkāmentassa nissaggiyaṃ pācittiyaṃ. Tena vuttaṃ ‘‘cīvarakālasamayaṃ atikkāmita’’nti. Kālo ca so samayo ca cīvarassa kālasamayo, taṃ.
(ча) саббадибхаяз ааран̃н̃агасзнаасанз вассам̣ убаг̇анд̇ваа вихаранд̇зна бхигкунаа д̇ин̣н̣ам̣ жийвараанам̣ ан̃н̃ад̇арам̣ жийварам̣ буримигааяа убаг̇анд̇ваа махаабавааран̣ааяа баваарид̇ад̇аа, гад̇д̇игамаасад̇аа, бан̃жад̇ханусад̇игабажчи маббамаан̣аяуд̇д̇асзнаасанад̇аа, саасан̇гасаббадибхаяад̇аад̇и звам̣ вуд̇д̇ажад̇уран̇г̇асамбад̇д̇ияааанд̇арагхарз нигкибид̇ваа сад̇и бажжаяз чаарад̇д̇абарамам̣ д̇зна жийварзна виббавасид̇аб̣б̣ам̣. д̇ад̇о жз уд̇д̇ари виббавасзяяа, ниссаг̇г̇ияам̣ баажид̇д̇ияам̣. д̇зна вуд̇д̇ам̣ ‘‘ад̇ирзгачаарад̇д̇а’’нд̇иаад̣̇и.
(Cha) sappaṭibhaye āraññakasenāsane vassaṃ upagantvā viharantena bhikkhunā tiṇṇaṃ cīvarānaṃ aññataraṃ cīvaraṃ purimikāya upagantvā mahāpavāraṇāya pavāritatā, kattikamāsatā, pañcadhanusatikapacchi mappamāṇayuttasenāsanatā, sāsaṅkasappaṭibhayatāti evaṃ vuttacaturaṅgasampattiyāantaraghare nikkhipitvā sati paccaye chārattaparamaṃ tena cīvarena vippavasitabbaṃ. Tato ce uttari vippavaseyya, nissaggiyaṃ pācittiyaṃ. Tena vuttaṃ ‘‘atirekachāratta’’ntiādi.
(ж̇а) ж̇аананд̇и ж̇аананд̇о.
(Ja) jānanti jānanto.
396. аад̣̇имхи вияаад̇и батаманиссаг̇г̇ияз вияа.
396.Ādimhi viyāti paṭhamanissaggiye viya.
397. (ка) анд̇арагхарам̣ бавидтааяа бхигкунияаа хад̇т̇ад̇о каад̣̇анийяаад̣̇иббадиг̇г̇ахан̣з жа бхигкуусу гулзсу бхун̃ж̇анд̇зсу ‘‘ид̇ха буувам̣, суубам̣ д̣̇зт̇аа’’д̇иаад̣̇инаа наязна восаасамаанааяа бхигкунияаа анабасаад̣̇анзна жа сзкасаммад̇зсу гулзсу буб̣б̣з аниманд̇ид̇асса каад̣̇анийяаад̣̇ийнам̣ бадиг̇г̇ахан̣з жа саббадибхаяз ааран̃н̃агасзнаасанз вихаранд̇асса буб̣б̣з аббадисам̣вид̣̇ид̇акаад̣̇анийяаад̣̇иббадиг̇г̇ахан̣з жа баадид̣̇зсанийяам̣ наама аабад̇д̇инигааяо вуд̇д̇о. д̇зна вуд̇д̇ам̣ ‘‘г̇аараяха’’нд̇иаад̣̇и.
397. (Kha) antaragharaṃ paviṭṭhāya bhikkhuniyā hatthato khādanīyādippaṭiggahaṇe ca bhikkhūsu kulesu bhuñjantesu ‘‘idha pūvaṃ, sūpaṃ dethā’’tiādinā nayena vosāsamānāya bhikkhuniyā anapasādanena ca sekhasammatesu kulesu pubbe animantitassa khādanīyādīnaṃ paṭiggahaṇe ca sappaṭibhaye āraññakasenāsane viharantassa pubbe appaṭisaṃviditakhādanīyādippaṭiggahaṇe ca pāṭidesanīyaṃ nāma āpattinikāyo vutto. Tena vuttaṃ ‘‘gārayha’’ntiādi.
398. ‘‘ад̣̇зсанааг̇ааминияа’’нд̇иаад̣̇и ‘‘на д̣̇зсаяз’’д̇и зд̇т̇а гаммам̣. баарааж̇игаа сан̇гхаад̣̇исзсаа жа ад̣̇зсанааг̇ааминияо наама. на аабад̇д̇и анаабад̇д̇и, д̇ам̣. гад̇ад̣̇зсанам̣ д̣̇зсид̇ам̣. наанаасам̣ваасаниссиймадтид̇аанам̣ на д̣̇зсаязд̇и самб̣анд̇хо. звам̣ жад̇убан̃жахи на д̣̇зсаяз, манасаа на д̣̇зсаяз, абагад̇ад̇д̇аанам̣ на д̣̇зсаяз, наанаа ‘‘згаа’’д̇и на д̣̇зсаязд̇и. манасаад̇и гзвалам̣ жид̇д̇знзва. наанаад̇и самб̣ахулаа аабад̇д̇ияо ‘‘згаа’’д̇и вад̇ваа. згам̣ бана аабад̇д̇им̣ ‘‘самб̣ахулаа’’д̇и д̣̇зсзд̇ум̣ ваддад̇ийд̇и.
398.‘‘Adesanāgāminiya’’ntiādi ‘‘na desaye’’ti ettha kammaṃ. Pārājikā saṅghādisesā ca adesanāgāminiyo nāma. Na āpatti anāpatti, taṃ. Katadesanaṃ desitaṃ. Nānāsaṃvāsanissīmaṭṭhitānaṃ na desayeti sambandho. Evaṃ catupañcahi na desaye, manasā na desaye, apakatattānaṃ na desaye, nānā ‘‘ekā’’ti na desayeti. Manasāti kevalaṃ citteneva. Nānāti sambahulā āpattiyo ‘‘ekā’’ti vatvā. Ekaṃ pana āpattiṃ ‘‘sambahulā’’ti desetuṃ vaṭṭatīti.
д̣̇зсанаанид̣̇д̣̇зсаван̣н̣анаа нидтид̇аа.
Desanāniddesavaṇṇanā niṭṭhitā.
