| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
4. баажид̇д̇ияанид̣̇д̣̇зсаван̣н̣анаа
4. Pācittiyaniddesavaṇṇanā
30. ид̣̇аани баажид̇д̇ияам̣ д̣̇ассзд̇ум̣ ‘‘самбаж̇аанамусааваад̣̇з’’д̇яаад̣̇и аарад̣̇д̇хам̣. д̇ад̇т̇а самбаж̇аанамусааваад̣̇зд̇и нимид̇д̇ад̇т̇з бхуммаважанам̣, д̇асмаа яо бхигку самбаж̇аананд̇о мусаа вад̣̇ад̇и, д̇асса д̇аннимид̇д̇ам̣ д̇ам̣хзд̇у д̇аббажжаяаа баажид̇д̇ияам̣ уд̣̇ийрид̇анд̇и ад̇т̇о. бхигкун̃жа омасанд̇ассаад̇и ж̇аад̇инаамаг̇од̇д̇агаммасиббаваяаааб̣аад̇халин̇г̇агилзсаабад̇д̇иаггосзсу бхууд̇зна ваа абхууд̇зна ваа язна гзнажи мукасад̇д̇инаа бхигкум̣ овиж̇жханд̇асса бхигкуно баажид̇д̇ияам̣ уд̣̇ийрид̇анд̇и ад̇т̇о. бзсун̃н̃ахаран̣зби жаад̇и бхигкусса бзсун̃н̃ахаран̣з, ж̇аад̇иаад̣̇ийхи аггосавад̇т̇уухи бхигкум̣ аггосанд̇асса бхигкуно суд̇ваа бхигкуно бияагамяад̇ааяа ваа бхзд̣̇аад̇хиббааязна ваа яо аггуд̣̇д̇хо, д̇асса бхигкусса гааязна ваа ваажааяа ваа бзсун̃н̃ахаран̣аважанз баажид̇д̇ияам̣ уд̣̇ийрид̇анд̇и ад̇т̇о.
30. Idāni pācittiyaṃ dassetuṃ ‘‘sampajānamusāvāde’’tyādi āraddhaṃ. Tattha sampajānamusāvādeti nimittatthe bhummavacanaṃ, tasmā yo bhikkhu sampajānanto musā vadati, tassa tannimittaṃ taṃhetu tappaccayā pācittiyaṃ udīritanti attho. Bhikkhuñca omasantassāti jātināmagottakammasippavayaābādhaliṅgakilesāpattiakkosesu bhūtena vā abhūtena vā yena kenaci mukhasattinā bhikkhuṃ ovijjhantassa bhikkhuno pācittiyaṃ udīritanti attho. Pesuññaharaṇepi cāti bhikkhussa pesuññaharaṇe, jātiādīhi akkosavatthūhi bhikkhuṃ akkosantassa bhikkhuno sutvā bhikkhuno piyakamyatāya vā bhedādhippāyena vā yo akkuddho, tassa bhikkhussa kāyena vā vācāya vā pesuññaharaṇavacane pācittiyaṃ udīritanti attho.
31. сан̇г̇ийд̇ид̇д̇аяамаарул̣хам̣ бидагад̇д̇аяам̣ д̇хаммам̣ бхигкун̃жа бхигкунин̃жа табзд̇ваа ан̃н̃зна буг̇г̇алзна сад̣̇д̇хим̣ згад̇о бад̣̇ам̣ бад̣̇ам̣ бхан̣анд̇асса бхигкуно бад̣̇аг̇ан̣анааяа баажид̇д̇ияам̣ уд̣̇ийрид̇анд̇и самуд̣̇ааяад̇т̇о.
31. Saṅgītittayamāruḷhaṃ piṭakattayaṃ dhammaṃ bhikkhuñca bhikkhuniñca ṭhapetvā aññena puggalena saddhiṃ ekato padaṃ padaṃ bhaṇantassa bhikkhuno padagaṇanāya pācittiyaṃ udīritanti samudāyattho.
32. анубасамбаннзнзваад̇и бхигкум̣ табзд̇ваа анд̇амасо баарааж̇игавад̇т̇убхууд̇зна д̇иражчаанаг̇ад̇знааби саха д̇ирад̇д̇ияам̣ саяид̇ваа жад̇уд̇т̇ад̣̇ивасз ад̇т̇ан̇г̇ад̇з суурияз буна сахасзяяааяа баажид̇д̇и сияаад̇и самб̣анд̇хо. д̇ад̇т̇а сахасзяяааяаад̇и саб̣б̣ажчаннабарижчиннз, язбхуяязнажчаннабарижчиннз ваа сзнаасанз буб̣б̣аабариязна ваа згагкан̣з ваа згад̇о нисаж̇ж̇анааяа. д̇ад̇т̇а чад̣̇анам̣ анаахажжа д̣̇ияад̣дхахад̇т̇уб̣б̣зд̇хзна баагаараад̣̇инаа барижчиннамби саб̣б̣абарижчиннамижжзва взд̣̇ид̇аб̣б̣ам̣.
32.Anupasampannenevāti bhikkhuṃ ṭhapetvā antamaso pārājikavatthubhūtena tiracchānagatenāpi saha tirattiyaṃ sayitvā catutthadivase atthaṅgate sūriye puna sahaseyyāya pācitti siyāti sambandho. Tattha sahaseyyāyāti sabbacchannaparicchinne, yebhuyyenacchannaparicchinne vā senāsane pubbāpariyena vā ekakkhaṇe vā ekato nisajjanāya. Tattha chadanaṃ anāhacca diyaḍḍhahatthubbedhena pākārādinā paricchinnampi sabbaparicchinnamicceva veditabbaṃ.
33. згарад̇д̇амби ид̇т̇ияаа сад̣̇д̇хим̣ сзяяам̣ габбаяад̇о д̇асса бхигкуноби баажид̇д̇и сияаад̇и ад̇т̇о. д̇ад̇т̇а ид̇т̇ияаад̇и анд̇амасо д̇ад̣̇ахуж̇аад̇ааяаби мануссид̇т̇ияаа. д̣̇зсзнд̇асса винаа вин̃н̃ум̣, д̇хамман̃жа чаббад̣̇уд̇д̇аринд̇и вин̃н̃ум̣ бурисам̣ винаа ид̇т̇ияаа чаббад̣̇ад̇о уд̇д̇арим̣ д̇хаммам̣ д̣̇зсзнд̇асса бхигкуно баажид̇д̇и сияаад̇и ад̇т̇о. д̇ад̇т̇а ‘‘чаббад̣̇уд̇д̇ари’’нд̇и зд̇т̇а зго г̇аат̇аабаад̣̇о згам̣ бад̣̇анд̇и звам̣ саб̣б̣ад̇т̇а бад̣̇аббамаан̣ам̣ взд̣̇ид̇аб̣б̣ам̣. ча бад̣̇аани чаббад̣̇ам̣, чаббад̣̇ад̇о уд̇д̇арим̣ чаббад̣̇уд̇д̇арим̣.
33. Ekarattampi itthiyā saddhiṃ seyyaṃ kappayato tassa bhikkhunopi pācitti siyāti attho. Tattha itthiyāti antamaso tadahujātāyapi manussitthiyā. Desentassa vinā viññuṃ, dhammañca chappaduttarinti viññuṃ purisaṃ vinā itthiyā chappadato uttariṃ dhammaṃ desentassa bhikkhuno pācitti siyāti attho. Tattha ‘‘chappaduttari’’nti ettha eko gāthāpādo ekaṃ padanti evaṃ sabbattha padappamāṇaṃ veditabbaṃ. Cha padāni chappadaṃ, chappadato uttariṃ chappaduttariṃ.
34. бхигкусаммуд̇им̣ табзд̇ваа бхигкуно д̣̇удтуллам̣ важ̇ж̇ам̣ абхигкуно вад̣̇анд̇асса баажид̇д̇ияам̣ уд̣̇ийрид̇анд̇и ад̇т̇о. д̇ад̇т̇а д̣̇удтулланд̇и ид̇ха сан̇гхаад̣̇исзсам̣ ад̇хиббзд̇ам̣. бхигкусаммуд̇ияаад̇и яам̣ сан̇гхо абхин̣хаабад̇д̇игасса бхигкуно ааяад̇им̣ сам̣варад̇т̇ааяа аабад̇д̇ийнан̃жа гулаанан̃жа барияанд̇ам̣ гад̇ваа ваа агад̇ваа ваа д̇игкад̇д̇ум̣ абалогзд̇ваа гад̇игам̣ гарод̇и, д̇ам̣ табзд̇ваа. абхигкунод̇и анубасамбаннасса. вад̣̇анд̇ассаад̇и аарожзнд̇асса.
34. Bhikkhusammutiṃ ṭhapetvā bhikkhuno duṭṭhullaṃ vajjaṃ abhikkhuno vadantassa pācittiyaṃ udīritanti attho. Tattha duṭṭhullanti idha saṅghādisesaṃ adhippetaṃ. Bhikkhusammutiyāti yaṃ saṅgho abhiṇhāpattikassa bhikkhuno āyatiṃ saṃvaratthāya āpattīnañca kulānañca pariyantaṃ katvā vā akatvā vā tikkhattuṃ apaloketvā katikaṃ karoti, taṃ ṭhapetvā. Abhikkhunoti anupasampannassa. Vadantassāti ārocentassa.
35. яо агаббияам̣ бат̇авим̣ кан̣зяяа ваа кан̣аабзяяа ваа, д̇асса баажид̇д̇ияам̣ сияаа. д̇ад̇т̇а агаббияанд̇и уд̣̇д̇ханабажанаад̣̇ивасзна ваа д̇ат̇аа д̇ат̇аа ад̣̇ад̣дхаа ваа ж̇аад̇абат̇авий вужжад̇и. саа д̇ивид̇хаа суд̣̇д̇хамиссабун̃ж̇авасзна. д̇ад̇т̇а суд̣̇д̇хабат̇авий наама багад̇ияаа суд̣̇д̇хабам̣су ваа суд̣̇д̇хамад̇д̇игаа ваа. миссабат̇авий наама яад̇т̇а бам̣суд̇о ваа мад̇д̇игад̇о ваа баасаан̣асагкарагат̇аламарумб̣аваалугаасу ан̃н̃ад̇арасса д̇ад̇ияабхааг̇о ход̇и. бун̃ж̇абат̇авий наама ад̇ирзгажаад̇умаасам̣ овадто бам̣субун̃ж̇о ваа мад̇д̇игаабун̃ж̇о ваа ход̇и. вуд̇д̇алагкан̣зна бана миссагабун̃ж̇оби бидтибаасаан̣з тид̇асукумараж̇амби жа д̣̇звз пусаяанд̇з сагим̣ жз д̇инд̇ам̣, жаад̇умаасажжаязна д̇инд̇огаасо бун̃ж̇абат̇авийсан̇камзва г̇ажчад̇и. яо бхигку бхууд̇аг̇аамам̣ вигобзяяа, д̇асса баажид̇д̇ияам̣ сияаад̇и самб̣анд̇хо. д̇ад̇т̇а бхууд̇аг̇ааманд̇и бхаванд̇и, абхавум̣ жаад̇и бхууд̇аа, ж̇ааяанд̇и вад̣дханд̇и ж̇аад̇аа вад̣дхид̇аа жаад̇и ад̇т̇о, г̇аамод̇и рааси, бхууд̇аанам̣ г̇аамо, бхууд̇аа зва ваа г̇аамод̇и бхууд̇аг̇аамо, бад̇идтид̇ахарид̇ад̇ин̣аругкаад̣̇ийнамзд̇ам̣ ад̇хиважанам̣. д̇ам̣ бхууд̇аг̇аамам̣. вигобзяяаад̇и чзд̣̇анабхзд̣̇анаад̣̇ийни гарзяяа.
35. Yo akappiyaṃ pathaviṃ khaṇeyya vā khaṇāpeyya vā, tassa pācittiyaṃ siyā. Tattha akappiyanti uddhanapacanādivasena vā tathā tathā adaḍḍhā vā jātapathavī vuccati. Sā tividhā suddhamissapuñjavasena. Tattha suddhapathavī nāma pakatiyā suddhapaṃsu vā suddhamattikā vā. Missapathavī nāma yattha paṃsuto vā mattikato vā pāsāṇasakkharakathalamarumbavālukāsu aññatarassa tatiyabhāgo hoti. Puñjapathavī nāma atirekacātumāsaṃ ovaṭṭho paṃsupuñjo vā mattikāpuñjo vā hoti. Vuttalakkhaṇena pana missakapuñjopi piṭṭhipāsāṇe ṭhitasukhumarajampi ca deve phusayante sakiṃ ce tintaṃ, cātumāsaccayena tintokāso puñjapathavīsaṅkhameva gacchati. Yo bhikkhu bhūtagāmaṃ vikopeyya, tassa pācittiyaṃ siyāti sambandho. Tattha bhūtagāmanti bhavanti, abhavuṃ cāti bhūtā, jāyanti vaḍḍhanti jātā vaḍḍhitā cāti attho, gāmoti rāsi, bhūtānaṃ gāmo, bhūtā eva vā gāmoti bhūtagāmo, patiṭṭhitaharitatiṇarukkhādīnametaṃ adhivacanaṃ. Taṃ bhūtagāmaṃ. Vikopeyyāti chedanabhedanādīni kareyya.
36. яо бхигку сан̇гхигам̣ ман̃жаад̣̇им̣ аж̇жхогаасз сант̇аран̣аад̣̇игам̣ гад̇ваа аабужчанаад̣̇игам̣ агад̇ваа яаад̇и, д̇асса баажид̇д̇и сияаад̇и ад̇т̇о. д̇ад̇т̇а сан̇гхиганд̇и сан̇гхасса санд̇агам̣. ман̃жаад̣̇инд̇и зд̇т̇а аад̣̇и-сад̣̇д̣̇зна бийтабхисигожчаад̣̇им̣ сан̇г̇ан̣хаад̇и. сант̇аран̣аад̣̇иганд̇и сант̇аран̣аад̣̇им̣ гад̇ваа ваа гаараабзд̇ваа ваа. аабужчанаад̣̇иганд̇и аабужчанам̣ ваа уд̣̇д̇харан̣ам̣ ваа уд̣̇д̇хараабанам̣ ваад̇и ад̇т̇о. яаад̇ийд̇и г̇ажчад̇и.
36. Yo bhikkhu saṅghikaṃ mañcādiṃ ajjhokāse santharaṇādikaṃ katvā āpucchanādikaṃ akatvā yāti, tassa pācitti siyāti attho. Tattha saṅghikanti saṅghassa santakaṃ. Mañcādinti ettha ādi-saddena pīṭhabhisikocchādiṃ saṅgaṇhāti. Santharaṇādikanti santharaṇādiṃ katvā vā kārāpetvā vā. Āpucchanādikanti āpucchanaṃ vā uddharaṇaṃ vā uddharāpanaṃ vāti attho. Yātīti gacchati.
37. яо бхигку сан̇гхигаавасат̇з сзяяам̣ сант̇аран̣аад̣̇игам̣ гад̇ваа аабужчанаад̣̇игам̣ агад̇ваа яаад̇и, д̇асса бхигкуно баажид̇д̇и сияаад̇и ад̇т̇о. д̇ад̇т̇а сан̇гхигаавасат̇зд̇и сан̇гхасса санд̇агз аавасат̇з вихаарз г̇аб̣бхз ваа ан̃н̃асмим̣ ваа саб̣б̣абарижчиннз г̇уд̇д̇асзнаасанз. сзяяанд̇и бхиси жимилигаа баавуран̣ам̣ уд̇д̇арад̇т̇аран̣ам̣ бхуумад̇т̇аран̣ам̣ д̇аддигаа жаммагкан̣д̣ам̣ нисийд̣̇анам̣ бажжад̇т̇аран̣ам̣ д̇ин̣асант̇ааро бан̣н̣асант̇аарод̇и звамаад̣̇игам̣. сант̇аран̣аад̣̇иганд̇и д̇зсу язна гзнажи ад̇т̇аран̣аад̣̇игам̣ гад̇ваа ваа гаараабзд̇ваа ваа.
37. Yo bhikkhu saṅghikāvasathe seyyaṃ santharaṇādikaṃ katvā āpucchanādikaṃ akatvā yāti, tassa bhikkhuno pācitti siyāti attho. Tattha saṅghikāvasatheti saṅghassa santake āvasathe vihāre gabbhe vā aññasmiṃ vā sabbaparicchinne guttasenāsane. Seyyanti bhisi cimilikā pāvuraṇaṃ uttarattharaṇaṃ bhūmattharaṇaṃ taṭṭikā cammakkhaṇḍaṃ nisīdanaṃ paccattharaṇaṃ tiṇasanthāro paṇṇasanthāroti evamādikaṃ. Santharaṇādikanti tesu yena kenaci attharaṇādikaṃ katvā vā kārāpetvā vā.
38-9. яо бана бхигку ж̇аанам̣ саббаан̣агам̣ д̇ояам̣ барибхун̃ж̇аяз, д̇асса бхигкуно баажид̇д̇и сияаад̇и яож̇анаа. д̇ад̇т̇а ж̇аанам̣ саббаан̣аганд̇и ‘‘саббаан̣агамид̣̇а’’нд̇и д̣̇исваа ваа суд̇ваа ваа язна гзнажи аагаарзна ж̇аананд̇о. д̇ояанд̇и уд̣̇агам̣. барибхун̃ж̇аязд̇и барибхун̃ж̇зяяа. яо бхигку бааривад̇д̇агам̣ табзд̇ваа ан̃н̃аад̇игааяа бхигкунияаа жийварам̣ д̣̇зд̇и, д̇асса бхигкуно баажид̇д̇и сияаа. жийвараббадиг̇г̇ахан̣асигкаабад̣̇з бхигку бадиг̇г̇аахаго ид̇ха бхигкуний, аяам̣ висзсо. ан̃н̃аад̇игааяа бхигкунияаа жийварам̣ сиб̣б̣ад̇оби д̇асса бхигкуно баажид̇д̇и сияаад̇и ад̇т̇о. жийваранд̇и ниваасанабаарубануубаг̇ам̣. сиб̣б̣ад̇од̇и саяам̣ сиб̣б̣анд̇асса суужим̣ бавзсзд̇ваа нийхаран̣з баяог̇аг̇ан̣анааяа баажид̇д̇и. сиб̣б̣аабзнд̇асса бана ‘‘сиб̣б̣аа’’д̇и вуд̇д̇о сажзби саб̣б̣ам̣ суужигаммам̣ нидтаабзси, згамзва баажид̇д̇и, аан̣ад̇д̇асса баяог̇аг̇ан̣анааяа баажид̇д̇и ход̇и. баваарзд̇ваана ад̇ирид̇д̇ам̣ агаарзд̇ваа бхун̃ж̇ад̇о баажид̇д̇и сияаад̇и ад̇т̇о. д̇ад̇рааяам̣ винижчаяо – од̣̇ано сад̇д̇у гуммаасо мажчо мам̣санд̇и бан̃жаннам̣ бхож̇анаанам̣ ан̃н̃ад̇арам̣ саасабамад̇д̇амби аж̇жхохарид̇ваа бхож̇анам̣ бадигкзбам̣ гад̇ваа ан̃н̃зна ирияаабат̇зна ‘‘аламзд̇ам̣ саб̣б̣а’’нд̇и ад̇ирид̇д̇ам̣ агаарзд̇ваа барибхун̃ж̇ад̇о баажид̇д̇и ход̇ийд̇и.
38-9. Yo pana bhikkhu jānaṃ sappāṇakaṃ toyaṃ paribhuñjaye, tassa bhikkhuno pācitti siyāti yojanā. Tattha jānaṃsappāṇakanti ‘‘sappāṇakamida’’nti disvā vā sutvā vā yena kenaci ākārena jānanto. Toyanti udakaṃ. Paribhuñjayeti paribhuñjeyya. Yo bhikkhu pārivattakaṃ ṭhapetvā aññātikāya bhikkhuniyā cīvaraṃ deti, tassa bhikkhuno pācitti siyā. Cīvarappaṭiggahaṇasikkhāpade bhikkhu paṭiggāhako idha bhikkhunī, ayaṃ viseso. Aññātikāya bhikkhuniyā cīvaraṃ sibbatopi tassa bhikkhuno pācitti siyāti attho. Cīvaranti nivāsanapārupanūpagaṃ. Sibbatoti sayaṃ sibbantassa sūciṃ pavesetvā nīharaṇe payogagaṇanāya pācitti. Sibbāpentassa pana ‘‘sibbā’’ti vutto sacepi sabbaṃ sūcikammaṃ niṭṭhāpesi, ekameva pācitti, āṇattassa payogagaṇanāya pācitti hoti. Pavāretvāna atirittaṃ akāretvā bhuñjato pācitti siyāti attho. Tatrāyaṃ vinicchayo – odano sattu kummāso maccho maṃsanti pañcannaṃ bhojanānaṃ aññataraṃ sāsapamattampi ajjhoharitvā bhojanaṃ paṭikkhepaṃ katvā aññena iriyāpathena ‘‘alametaṃ sabba’’nti atirittaṃ akāretvā paribhuñjato pācitti hotīti.
40. яо бхигку аасаад̣̇анаабзгко бхуд̇д̇аавим̣ баваарид̇ам̣ бхигкум̣ ‘‘ханд̣̇а, бхигку, каад̣̇а ваа бхун̃ж̇а ваа’’д̇и анад̇ирид̇д̇зна баваарзд̇и, бхож̇анз бхуд̇д̇з д̇асса баажид̇д̇ияам̣ уд̣̇ийрид̇анд̇и ад̇т̇о. д̇ад̇т̇а аасаад̣̇анаабзгкод̇и аасаад̣̇анам̣ жод̣̇анам̣ ман̇гугаран̣абхаавам̣ абзгкамаано.
40. Yo bhikkhu āsādanāpekkho bhuttāviṃ pavāritaṃ bhikkhuṃ ‘‘handa, bhikkhu, khāda vā bhuñja vā’’ti anatirittena pavāreti, bhojane bhutte tassa pācittiyaṃ udīritanti attho. Tattha āsādanāpekkhoti āsādanaṃ codanaṃ maṅkukaraṇabhāvaṃ apekkhamāno.
41-2. яо бхигку саннид̇хибхож̇анам̣ бхун̃ж̇зяяа, д̇асса бхигкуно баажид̇д̇и сияаад̇и ад̇т̇о. д̇ад̇т̇а саннид̇хибхож̇ананд̇и бадиг̇г̇ахзд̇ваа згарад̇д̇ам̣ вийд̇инаамид̇абхож̇анам̣. вигаалз яаавагаалигам̣ бхун̃ж̇ад̇о вааби баажид̇д̇и сияаад̇и яож̇анаа. д̇ад̇т̇а вигаалзд̇и виг̇ад̇агаалз, маж̇жханхигаад̇иггамад̇о бадтааяа яаава арун̣уг̇г̇аманаад̇и ад̇т̇о. яаавагаалиганд̇и ванамуулапалаад̣̇игам̣ аамисабхож̇анам̣. аг̇илаано бхигку бан̣ийд̇агам̣ саббибхад̇д̇аад̣̇игамби вин̃н̃аабзд̇ваана бхун̃ж̇зяяа, д̇асса бхигкуно баажид̇д̇и сияаад̇и яож̇анаа. д̇ад̇т̇а аг̇илаанод̇и галлаго. бан̣ийд̇аганд̇и саббид̇зламад̇хупаан̣ид̇амажчамам̣сакийрад̣̇ад̇хисан̇каад̇зхи сам̣садтам̣ сад̇д̇ад̇хан̃н̃аниб̣б̣ад̇д̇ам̣ бан̣ийд̇абхож̇анам̣ . яо бхигку д̣̇анд̇агадтод̣̇агам̣ важ̇ж̇зд̇ваа аббадиг̇г̇ахид̇агам̣ бхун̃ж̇зяяа, баажид̇д̇и сияаад̇и ад̇т̇о. д̇ад̇т̇а аббадиг̇г̇ахид̇анд̇и гааязна ваа гааяаббадиб̣ад̣̇д̇хзна ваа г̇ан̣ханд̇асса хад̇т̇абаасз тад̇ваа гааяагааяаббадиб̣ад̣̇д̇ханиссаг̇г̇ияаанам̣ ан̃н̃ад̇арзна на д̣̇иннам̣ аббадиг̇г̇ахид̇ам̣ наама.
41-2. Yo bhikkhu sannidhibhojanaṃ bhuñjeyya, tassa bhikkhuno pācitti siyāti attho. Tattha sannidhibhojananti paṭiggahetvā ekarattaṃ vītināmitabhojanaṃ. Vikāle yāvakālikaṃ bhuñjato vāpi pācitti siyāti yojanā. Tattha vikāleti vigatakāle, majjhanhikātikkamato paṭṭhāya yāva aruṇuggamanāti attho. Yāvakālikanti vanamūlaphalādikaṃ āmisabhojanaṃ. Agilāno bhikkhu paṇītakaṃ sappibhattādikampi viññāpetvāna bhuñjeyya, tassa bhikkhuno pācitti siyāti yojanā. Tattha agilānoti kallako. Paṇītakanti sappitelamadhuphāṇitamacchamaṃsakhīradadhisaṅkhātehi saṃsaṭṭhaṃ sattadhaññanibbattaṃ paṇītabhojanaṃ . Yo bhikkhu dantakaṭṭhodakaṃ vajjetvā appaṭiggahitakaṃ bhuñjeyya, pācitti siyāti attho. Tattha appaṭiggahitanti kāyena vā kāyappaṭibaddhena vā gaṇhantassa hatthapāse ṭhatvā kāyakāyappaṭibaddhanissaggiyānaṃ aññatarena na dinnaṃ appaṭiggahitaṃ nāma.
43. яо бхигку д̇ид̇т̇ияасса сахад̇т̇ад̇о гин̃жи бхун̃ж̇ид̇аб̣б̣ам̣ д̣̇ад̣̇зяяа, д̇асса баажид̇д̇и сияаад̇и самб̣анд̇хо. д̇ад̇т̇а д̇ид̇т̇ияассаад̇и ан̃н̃ад̇ид̇т̇ияасса. гин̃жи бхун̃ж̇ид̇аб̣б̣анд̇и яам̣ гин̃жи бхож̇анийяам̣. сахад̇т̇ад̇од̇и сахад̇т̇аа. яо бхигку маад̇уг̇аамзна згад̇о рахо нисаж̇ж̇ам̣ габбзяяа, д̇асса баажид̇д̇и сияаад̇и самб̣анд̇хо. д̇ад̇т̇а раход̇и бадижчаннз. габбзд̇и габбзяяа. згад̇од̇и сад̣̇д̇хим̣.
43. Yo bhikkhu titthiyassa sahatthato kiñci bhuñjitabbaṃ dadeyya, tassa pācitti siyāti sambandho. Tattha titthiyassāti aññatitthiyassa. Kiñci bhuñjitabbanti yaṃ kiñci bhojanīyaṃ. Sahatthatoti sahatthā. Yo bhikkhu mātugāmena ekato raho nisajjaṃ kappeyya, tassa pācitti siyāti sambandho. Tattha rahoti paṭicchanne. Kappeti kappeyya. Ekatoti saddhiṃ.
44. сураамзраяабаанзбийд̇и зд̇т̇а бидтаад̣̇ийхи гад̇ам̣ маж̇ж̇ам̣ сураа. бубпаад̣̇ийхи гад̇о аасаво мзраяам̣. яо бхигку д̇ад̣̇убхаяамби б̣ийж̇ад̇о бадтааяа гусаг̇г̇знааби бивад̇и, д̇асса д̇аббаанабажжаяаа баажид̇д̇ияам̣ уд̣̇ийрид̇анд̇и ад̇т̇о. ан̇г̇улибад̇од̣̇агз жаабийд̇и ан̇г̇улийхи убагажчагаад̣̇ийнам̣ гхадданабажжаяаа баажид̇д̇и сияаад̇и ад̇т̇о. хасад̇хаммзби жод̣̇агзд̇и убариг̇обпагз уд̣̇агз хасад̇хаммз гийл̣аанимид̇д̇ам̣ д̇асса баажид̇д̇и сияаад̇и ад̇т̇о.
44.Surāmerayapānepīti ettha piṭṭhādīhi kataṃ majjaṃ surā. Pupphādīhi kato āsavo merayaṃ. Yo bhikkhu tadubhayampi bījato paṭṭhāya kusaggenāpi pivati, tassa tappānapaccayā pācittiyaṃ udīritanti attho. Aṅgulipatodake cāpīti aṅgulīhi upakacchakādīnaṃ ghaṭṭanapaccayā pācitti siyāti attho. Hasadhammepi codaketi uparigopphake udake hasadhamme kīḷānimittaṃ tassa pācitti siyāti attho.
45. анаад̣̇арзби баажид̇д̇ийд̇и буг̇г̇аласса ваа д̇хаммасса ваа анаад̣̇арагаран̣зби баажид̇д̇и сияаад̇и ад̇т̇о. яо бхигку убасамбаннзна бан̃н̃ад̇д̇зна вужжамаано д̇асса ваа важанам̣ агад̇д̇угаамад̇ааяа, д̇ам̣ ваа д̇хаммам̣ асигкид̇угаамад̇ааяа анаад̣̇арияам̣ гарод̇и, д̇асса д̇асмим̣ анаад̣̇арияз баажид̇д̇и сияаад̇и ад̇т̇о. бхаяаанагам̣ гат̇ам̣ гад̇ваа ваа бхаяаанагам̣ руубам̣ д̣̇ассзд̇ваа ваа бхигкум̣ бхийсаяад̇оби баажид̇д̇и сияаад̇и ад̇т̇о.
45.Anādarepi pācittīti puggalassa vā dhammassa vā anādarakaraṇepi pācitti siyāti attho. Yo bhikkhu upasampannena paññattena vuccamāno tassa vā vacanaṃ akattukāmatāya, taṃ vā dhammaṃ asikkhitukāmatāya anādariyaṃ karoti, tassa tasmiṃ anādariye pācitti siyāti attho. Bhayānakaṃ kathaṃ katvā vā bhayānakaṃ rūpaṃ dassetvā vā bhikkhuṃ bhīsayatopi pācitti siyāti attho.
46. яо бхигку аг̇илаано гин̃жи бажжаяам̣ табзд̇ваа ж̇од̇им̣ ж̇алзяяа ваа ж̇алаабзяяа ваа, д̇асса баажид̇д̇ияам̣ сияаад̇и самб̣анд̇хо. д̇ад̇т̇а гин̃жи бажжаяанд̇и бад̣̇ийбуж̇ж̇аланам̣ ваа бад̇д̇абажанаад̣̇ийсу ж̇од̇игаран̣ам̣ ваад̇и зваруубам̣ бажжаяам̣ табзд̇ваа. ж̇од̇инд̇и аг̇г̇им̣.
46. Yo bhikkhu agilāno kiñci paccayaṃ ṭhapetvā jotiṃ jaleyya vā jalāpeyya vā, tassa pācittiyaṃ siyāti sambandho. Tattha kiñci paccayanti padīpujjalanaṃ vā pattapacanādīsu jotikaraṇaṃ vāti evarūpaṃ paccayaṃ ṭhapetvā. Jotinti aggiṃ.
47-8. габбаб̣инд̣̇ум̣ анаад̣̇ааяа наважийварабхог̇ино навам̣ жийварам̣ бхун̃ж̇анд̇асса баажид̇д̇и сияаад̇и ад̇т̇о. габбаб̣инд̣̇унд̇и морагкиман̣д̣аламан̇г̇улабидтийнам̣ ан̃н̃ад̇араббамаан̣ам̣ габбаб̣инд̣̇ум̣. анаад̣̇ааяаад̇и анаад̣̇ияид̇ваа. бхигкуно жийвараад̣̇игам̣ баригкаарам̣ абанзд̇ваа нид̇хзнд̇асса ваа нид̇хаабзнд̇асса ваа хасаабзгкасса бхигкуно баажид̇д̇и сияаад̇и ад̇т̇о. жийвараад̣̇иганд̇и аад̣̇и-сад̣̇д̣̇зна бад̇д̇анисийд̣̇анасуужигхарагааяаб̣анд̇ханаад̣̇им̣ сан̇г̇ан̣хаад̇и. нид̇хзнд̇ассаад̇и нид̣̇аханд̇асса. хасаабзгкассаад̇и хасаад̇хиббааяасса. ж̇аанам̣ баан̣ам̣ ханз бхигку, д̇иражчаанаг̇ад̇амби жаад̇и яо бхигку ‘‘баан̣о’’д̇и ж̇аананд̇о д̇иражчаанаг̇ад̇ам̣ баан̣ам̣ куд̣̇д̣̇агамби маханд̇амби ханзяяа, д̇асса баажид̇д̇ияам̣ сияаад̇и ад̇т̇о.
47-8. Kappabinduṃ anādāya navacīvarabhogino navaṃ cīvaraṃ bhuñjantassa pācitti siyāti attho. Kappabindunti morakkhimaṇḍalamaṅgulapiṭṭhīnaṃ aññatarappamāṇaṃ kappabinduṃ. Anādāyāti anādiyitvā. Bhikkhuno cīvarādikaṃ parikkhāraṃ apanetvā nidhentassa vā nidhāpentassa vā hasāpekkhassa bhikkhuno pācitti siyāti attho. Cīvarādikanti ādi-saddena pattanisīdanasūcigharakāyabandhanādiṃ saṅgaṇhāti. Nidhentassāti nidahantassa. Hasāpekkhassāti hasādhippāyassa. Jānaṃ pāṇaṃ hane bhikkhu, tiracchānagatampi cāti yo bhikkhu ‘‘pāṇo’’ti jānanto tiracchānagataṃ pāṇaṃ khuddakampi mahantampi haneyya, tassa pācittiyaṃ siyāti attho.
49. чаад̣̇зд̇угаамо чаад̣̇зд̇и, д̣̇удтуллам̣ бхигкуноби жаад̇и яо бхигку бхигкуно д̣̇удтулласан̇каад̇ам̣ сан̇гхаад̣̇исзсам̣ чаад̣̇зд̇угаамо худ̇ваа чаад̣̇зд̇и, д̇асса баажид̇д̇ияам̣ сияаад̇и ад̇т̇о. ид̇т̇ияаа саха сам̣вид̇хааяа г̇ааманд̇араг̇ад̇асса бхигкуно баажид̇д̇ияам̣ сияаад̇и яож̇анаа.
49.Chādetukāmo chādeti, duṭṭhullaṃ bhikkhunopi cāti yo bhikkhu bhikkhuno duṭṭhullasaṅkhātaṃ saṅghādisesaṃ chādetukāmo hutvā chādeti, tassa pācittiyaṃ siyāti attho. Itthiyā saha saṃvidhāya gāmantaragatassa bhikkhuno pācittiyaṃ siyāti yojanā.
50. бхигкум̣ ваа бахарзяяаат̇аад̇и яо бхигку бхигкум̣ бахарзяяа, д̇асса баажид̇д̇ияам̣ сияаад̇и яож̇анаа. д̇аласад̇д̇игамуг̇г̇ирзд̇и яо бхигку бахаран̣аагаарам̣ д̣̇ассзнд̇о гааяам̣ ваа гааяаббадиб̣ад̣̇д̇хам̣ ваа уг̇г̇ирзяяа, д̇асса баажид̇д̇ияам̣ сияаад̇и ад̇т̇о. жод̣̇зяяа ваа жод̣̇аабзяяа, бхигкум̣ амуулагзна жаад̇и яо бхигку бхигкум̣ амуулагзна сан̇гхаад̣̇исзсзна жод̣̇зяяа ваа жод̣̇аабзяяа ваа, д̇асса баажид̇д̇ияам̣ сияаад̇и ад̇т̇о. д̇ад̇т̇а амуулагзнаад̇и д̣̇идтаад̣̇имуулавирахид̇зна.
50.Bhikkhuṃvā pahareyyāthāti yo bhikkhu bhikkhuṃ pahareyya, tassa pācittiyaṃ siyāti yojanā. Talasattikamuggireti yo bhikkhu paharaṇākāraṃ dassento kāyaṃ vā kāyappaṭibaddhaṃ vā uggireyya, tassa pācittiyaṃ siyāti attho. Codeyya vā codāpeyya, bhikkhuṃ amūlakena cāti yo bhikkhu bhikkhuṃ amūlakena saṅghādisesena codeyya vā codāpeyya vā, tassa pācittiyaṃ siyāti attho. Tattha amūlakenāti diṭṭhādimūlavirahitena.
51. гуггужжуббаад̣̇анз жаабийд̇и ‘‘уунавийсад̇ивассо д̇вам̣ ман̃н̃з’’д̇иаад̣̇ийни бхан̣анд̇о гуггужжам̣ уббаад̣̇зяяа, д̇асса гуггужжуббаад̣̇анабажжаяаа баажид̇д̇ияам̣ ход̇и. яо бхигку бхан̣д̣анад̇т̇ааяа бхан̣д̣анаж̇аад̇аанам̣ важанам̣ сод̇ум̣ убассуд̇им̣ яаад̇и, д̇асса баажид̇д̇ияам̣ сияаад̇и самб̣анд̇хо. д̇ад̇т̇а бхан̣д̣анад̇т̇ааяаад̇и галахад̇т̇ааяа. бхан̣д̣анаж̇аад̇аананд̇и галахаж̇аад̇аанам̣. убассуд̇инд̇и суд̇исамийбам̣.
51.Kukkuccuppādane cāpīti ‘‘ūnavīsativasso tvaṃ maññe’’tiādīni bhaṇanto kukkuccaṃ uppādeyya, tassa kukkuccuppādanapaccayā pācittiyaṃ hoti. Yo bhikkhu bhaṇḍanatthāya bhaṇḍanajātānaṃ vacanaṃ sotuṃ upassutiṃ yāti, tassa pācittiyaṃ siyāti sambandho. Tattha bhaṇḍanatthāyāti kalahatthāya. Bhaṇḍanajātānanti kalahajātānaṃ. Upassutinti sutisamīpaṃ.
52. яо бхигку сан̇гхасса барин̣аамид̇ам̣ яам̣ лаабхам̣, д̇ам̣ барабуг̇г̇аласса наамзд̇и, д̇асса баажид̇д̇ияам̣ сияаад̇и самб̣анд̇хо. д̇ад̇т̇а наамзд̇ийд̇и барин̣аамзд̇и. бужчам̣ агад̇ваад̇и ‘‘вигаалз г̇аамаббавзсанам̣ аабужчаамий’’д̇и ваа ‘‘г̇аамам̣ бависиссаамий’’д̇и ваа анаабужчид̇ваа. санд̇абхигкунд̇и анд̇оубажаарасиймааяа д̣̇ассануубажаарз бхигкум̣ д̣̇исваа яам̣ саггаа ход̇и багад̇иважанзна аабужчид̇ум̣, д̇аад̣̇исам̣ виж̇ж̇амаанам̣ бхигкум̣. г̇аамассаад̇и г̇аамам̣, гаммад̇т̇з саамиважанам̣. г̇ад̇зд̇и самбад̣̇аанад̇т̇з бхуммаважанам̣, г̇ад̇ассаад̇и ад̇т̇о. санд̇ам̣ бхигкум̣ анаабужчид̇ваа вигаалз г̇аамам̣ г̇ад̇асса бхигкуно баажид̇д̇ияам̣ сияаад̇и ад̇т̇о. сзсам̣ уд̇д̇аанамзваад̇и.
52. Yo bhikkhu saṅghassa pariṇāmitaṃ yaṃ lābhaṃ, taṃ parapuggalassa nāmeti, tassa pācittiyaṃ siyāti sambandho. Tattha nāmetīti pariṇāmeti. Pucchaṃ akatvāti ‘‘vikāle gāmappavesanaṃ āpucchāmī’’ti vā ‘‘gāmaṃ pavisissāmī’’ti vā anāpucchitvā. Santabhikkhunti antoupacārasīmāya dassanūpacāre bhikkhuṃ disvā yaṃ sakkā hoti pakativacanena āpucchituṃ, tādisaṃ vijjamānaṃ bhikkhuṃ. Gāmassāti gāmaṃ, kammatthe sāmivacanaṃ. Gateti sampadānatthe bhummavacanaṃ, gatassāti attho. Santaṃ bhikkhuṃ anāpucchitvā vikāle gāmaṃ gatassa bhikkhuno pācittiyaṃ siyāti attho. Sesaṃ uttānamevāti.
баажид̇д̇ияанид̣̇д̣̇зсаван̣н̣анаа нидтид̇аа.
Pācittiyaniddesavaṇṇanā niṭṭhitā.
