| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. បច្ចាគមនិយត្ថេរអបទានំ
3. Paccāgamaniyattheraapadānaṃ
១៣.
13.
‘‘សិន្ធុយា នទិយា តីរេ, ចក្កវាកោ អហំ តទា;
‘‘Sindhuyā nadiyā tīre, cakkavāko ahaṃ tadā;
សុទ្ធសេវាលភក្ខោហំ, បាបេសុ ច សុសញ្ញតោ។
Suddhasevālabhakkhohaṃ, pāpesu ca susaññato.
១៤.
14.
‘‘អទ្ទសំ វិរជំ ពុទ្ធំ, គច្ឆន្តំ អនិលញ្ជសេ;
‘‘Addasaṃ virajaṃ buddhaṃ, gacchantaṃ anilañjase;
តុណ្ឌេន សាលំ បគ្គយ្ហ, វិបស្សិស្សាភិរោបយិំ។
Tuṇḍena sālaṃ paggayha, vipassissābhiropayiṃ.
១៥.
15.
‘‘យស្ស សទ្ធា តថាគតេ, អចលា សុបតិដ្ឋិតា;
‘‘Yassa saddhā tathāgate, acalā supatiṭṭhitā;
តេន ចិត្តប្បសាទេន, ទុគ្គតិំ សោ ន គច្ឆតិ។
Tena cittappasādena, duggatiṃ so na gacchati.
១៦.
16.
‘‘ស្វាគតំ វត មេ អាសិ, ពុទ្ធសេដ្ឋស្ស សន្តិកេ;
‘‘Svāgataṃ vata me āsi, buddhaseṭṭhassa santike;
វិហង្គមេន សន្តេន, សុពីជំ រោបិតំ មយា។
Vihaṅgamena santena, subījaṃ ropitaṃ mayā.
១៧.
17.
‘‘ឯកនវុតិតោ កប្បេ, យំ បុប្ផមភិរោបយិំ;
‘‘Ekanavutito kappe, yaṃ pupphamabhiropayiṃ;
១៨.
18.
‘‘សុចារុទស្សនា នាម, អដ្ឋេតេ ឯកនាមកា;
‘‘Sucārudassanā nāma, aṭṭhete ekanāmakā;
កប្បេ សត្តរសេ អាសុំ, ចក្កវត្តី មហព្ពលា។
Kappe sattarase āsuṃ, cakkavattī mahabbalā.
១៩.
19.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បច្ចាគមនិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā paccāgamaniyo thero imā gāthāyo abhāsitthāti.
បច្ចាគមនិយត្ថេរស្សាបទានំ តតិយំ។
Paccāgamaniyattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. បច្ចាគមនិយត្ថេរអបទានវណ្ណនា • 3. Paccāgamaniyattheraapadānavaṇṇanā
