| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. និគ្គុណ្ឌិបុប្ផិយត្ថេរអបទានំ
5. Nigguṇḍipupphiyattheraapadānaṃ
២១.
21.
‘‘វិបស្សិស្ស ភគវតោ, អាសិមារាមិកោ អហំ;
‘‘Vipassissa bhagavato, āsimārāmiko ahaṃ;
និគ្គុណ្ឌិបុប្ផំ បគ្គយ្ហ, ពុទ្ធស្ស អភិរោបយិំ។
Nigguṇḍipupphaṃ paggayha, buddhassa abhiropayiṃ.
២២.
22.
‘‘ឯកនវុតិតោ កប្បេ, យំ បុប្ផមភិបូជយិំ;
‘‘Ekanavutito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
២៣.
23.
មហាបតាបនាមេន, ចក្កវត្តី មហព្ពលោ។
Mahāpatāpanāmena, cakkavattī mahabbalo.
២៤.
24.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា និគ្គុណ្ឌិបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā nigguṇḍipupphiyo thero imā gāthāyo abhāsitthāti.
និគ្គុណ្ឌិបុប្ផិយត្ថេរស្សាបទានំ បញ្ចមំ។
Nigguṇḍipupphiyattherassāpadānaṃ pañcamaṃ.
Footnotes:
