| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. நிக்³கு³ண்டி³புப்பி²யத்தே²ரஅபதா³னங்
7. Nigguṇḍipupphiyattheraapadānaṃ
39.
39.
‘‘யதா³ தே³வோ தே³வகாயா, சவதே ஆயுஸங்க²யா;
‘‘Yadā devo devakāyā, cavate āyusaṅkhayā;
தயோ ஸத்³தா³ நிச்ச²ரந்தி, தே³வானங் அனுமோத³தங்.
Tayo saddā niccharanti, devānaṃ anumodataṃ.
40.
40.
‘‘‘இதோ போ⁴ ஸுக³திங் க³ச்ச², மனுஸ்ஸானங் ஸஹப்³யதங்;
‘‘‘Ito bho sugatiṃ gaccha, manussānaṃ sahabyataṃ;
மனுஸ்ஸபூ⁴தோ ஸத்³த⁴ம்மே, லப⁴ ஸத்³த⁴ங் அனுத்தரங்.
Manussabhūto saddhamme, labha saddhaṃ anuttaraṃ.
41.
41.
‘‘‘ஸா தே ஸத்³தா⁴ நிவிட்டா²ஸ்ஸ, மூலஜாதா பதிட்டி²தா;
‘‘‘Sā te saddhā niviṭṭhāssa, mūlajātā patiṭṭhitā;
யாவஜீவங் அஸங்ஹீரா, ஸத்³த⁴ம்மே ஸுப்பவேதி³தே.
Yāvajīvaṃ asaṃhīrā, saddhamme suppavedite.
42.
42.
‘‘‘காயேன குஸலங் கத்வா, வாசாய குஸலங் ப³ஹுங்;
‘‘‘Kāyena kusalaṃ katvā, vācāya kusalaṃ bahuṃ;
மனஸா குஸலங் கத்வா, அப்³யாபஜ்ஜங் நிரூபதி⁴ங்.
Manasā kusalaṃ katvā, abyāpajjaṃ nirūpadhiṃ.
43.
43.
‘‘‘ததோ ஓபதி⁴கங் புஞ்ஞங், கத்வா தா³னேன தங் ப³ஹுங்;
‘‘‘Tato opadhikaṃ puññaṃ, katvā dānena taṃ bahuṃ;
அஞ்ஞேபி மச்சே ஸத்³த⁴ம்மே, ப்³ரஹ்மசரியே நிவேஸய’.
Aññepi macce saddhamme, brahmacariye nivesaya’.
44.
44.
‘‘இமாய அனுகம்பாய, தே³வாதே³வங் யதா³ விதூ³;
‘‘Imāya anukampāya, devādevaṃ yadā vidū;
45.
45.
கங்ஸு நாம அஹங் யோனிங், க³மிஸ்ஸாமி இதோ சுதோ.
Kaṃsu nāma ahaṃ yoniṃ, gamissāmi ito cuto.
46.
46.
‘‘மம ஸங்வேக³மஞ்ஞாய, ஸமணோ பா⁴விதிந்த்³ரியோ;
‘‘Mama saṃvegamaññāya, samaṇo bhāvitindriyo;
மமுத்³த⁴ரிதுகாமோ ஸோ, ஆக³ச்சி² மம ஸந்திகங்.
Mamuddharitukāmo so, āgacchi mama santikaṃ.
47.
47.
‘‘ஸுமனோ நாம நாமேன, பது³முத்தரஸாவகோ;
‘‘Sumano nāma nāmena, padumuttarasāvako;
அத்த²த⁴ம்மானுஸாஸித்வா, ஸங்வேஜேஸி மமங் ததா³.
Atthadhammānusāsitvā, saṃvejesi mamaṃ tadā.
த்³வாத³ஸமங் பா⁴ணவாரங்.
Dvādasamaṃ bhāṇavāraṃ.
48.
48.
‘‘தஸ்ஸாஹங் வசனங் ஸுத்வா, பு³த்³தே⁴ சித்தங் பஸாத³யிங்;
‘‘Tassāhaṃ vacanaṃ sutvā, buddhe cittaṃ pasādayiṃ;
தங் தீ⁴ரங் அபி⁴வாதெ³த்வா, தத்த² காலங்கதோ அஹங்.
Taṃ dhīraṃ abhivādetvā, tattha kālaṃkato ahaṃ.
49.
49.
வஸந்தோ மாதுகுச்சி²ம்ஹி, புன தா⁴ரேதி மாதுயா.
Vasanto mātukucchimhi, puna dhāreti mātuyā.
50.
50.
‘‘தம்ஹா காயா சவித்வான, தித³ஸே உபபஜ்ஜஹங்;
‘‘Tamhā kāyā cavitvāna, tidase upapajjahaṃ;
எத்த²ந்தரே ந பஸ்ஸாமி, தோ³மனஸ்ஸமஹங் ததா³.
Etthantare na passāmi, domanassamahaṃ tadā.
51.
51.
‘‘தாவதிங்ஸா சவித்வான, மாதுகுச்சி²ங் ஸமோக்கமிங்;
‘‘Tāvatiṃsā cavitvāna, mātukucchiṃ samokkamiṃ;
நிக்க²மித்வான குச்சி²ம்ஹா, கண்ஹஸுக்கங் அஜானஹங்.
Nikkhamitvāna kucchimhā, kaṇhasukkaṃ ajānahaṃ.
52.
52.
கோ³தமஸ்ஸ ப⁴க³வதோ, ஸக்யபுத்தஸ்ஸ தாதி³னோ.
Gotamassa bhagavato, sakyaputtassa tādino.
53.
53.
அத்³த³ஸங் ஸாஸனகரே, பி⁴க்க²வோ தத்த² ஸத்து²னோ.
Addasaṃ sāsanakare, bhikkhavo tattha satthuno.
54.
54.
‘‘ஸாவத்தி² நாம நக³ரங், ராஜா தத்தா²ஸி கோஸலோ;
‘‘Sāvatthi nāma nagaraṃ, rājā tatthāsi kosalo;
ரதே²ன நாக³யுத்தேன, உபேஸி போ³தி⁴முத்தமங்.
Rathena nāgayuttena, upesi bodhimuttamaṃ.
55.
55.
‘‘தஸ்ஸாஹங் நாக³ங் தி³ஸ்வான, புப்³ப³கம்மங் அனுஸ்ஸரிங்;
‘‘Tassāhaṃ nāgaṃ disvāna, pubbakammaṃ anussariṃ;
அஞ்ஜலிங் பக்³க³ஹெத்வான, ஸமயங் அக³மாஸஹங்.
Añjaliṃ paggahetvāna, samayaṃ agamāsahaṃ.
56.
56.
‘‘ஜாதியா ஸத்தவஸ்ஸோவ, பப்³ப³ஜிங் அனகா³ரியங்;
‘‘Jātiyā sattavassova, pabbajiṃ anagāriyaṃ;
யோ ஸோ பு³த்³த⁴ங் உபட்டா²ஸி, ஆனந்தோ³ நாம ஸாவகோ.
Yo so buddhaṃ upaṭṭhāsi, ānando nāma sāvako.
57.
57.
‘‘க³திமா தி⁴திமா சேவ, ஸதிமா ச ப³ஹுஸ்ஸுதோ;
‘‘Gatimā dhitimā ceva, satimā ca bahussuto;
ரஞ்ஞோ சித்தங் பஸாதெ³ந்தோ, நிய்யாதே³ஸி மஹாஜுதி.
Rañño cittaṃ pasādento, niyyādesi mahājuti.
58.
58.
‘‘தஸ்ஸாஹங் த⁴ம்மங் ஸுத்வான, புப்³ப³கம்மங் அனுஸ்ஸரிங்;
‘‘Tassāhaṃ dhammaṃ sutvāna, pubbakammaṃ anussariṃ;
தத்தே²வ டி²தகோ ஸந்தோ, அரஹத்தமபாபுணிங்.
Tattheva ṭhitako santo, arahattamapāpuṇiṃ.
59.
59.
‘‘ஏகங்ஸங் சீவரங் கத்வா, ஸிரே கத்வான அஞ்ஜலிங்;
‘‘Ekaṃsaṃ cīvaraṃ katvā, sire katvāna añjaliṃ;
ஸம்பு³த்³த⁴ங் அபி⁴வாதெ³த்வா, இமங் வாசங் உதீ³ரயிங்.
Sambuddhaṃ abhivādetvā, imaṃ vācaṃ udīrayiṃ.
60.
60.
‘‘‘பது³முத்தரபு³த்³த⁴ஸ்ஸ, த்³விபதி³ந்த³ஸ்ஸ ஸத்து²னோ;
‘‘‘Padumuttarabuddhassa, dvipadindassa satthuno;
நிக்³கு³ண்டி³புப்ப²ங் பக்³க³ய்ஹ, ஸீஹாஸனே ட²பேஸஹங்.
Nigguṇḍipupphaṃ paggayha, sīhāsane ṭhapesahaṃ.
61.
61.
‘‘‘தேன கம்மேன த்³விபதி³ந்த³, லோகஜெட்ட² நராஸப⁴;
‘‘‘Tena kammena dvipadinda, lokajeṭṭha narāsabha;
பத்தொம்ஹி அசலங் டா²னங், ஹித்வா ஜயபராஜயங்’.
Pattomhi acalaṃ ṭhānaṃ, hitvā jayaparājayaṃ’.
62.
62.
‘‘பஞ்சவீஸஸஹஸ்ஸம்ஹி , கப்பானங் மனுஜாதி⁴பா;
‘‘Pañcavīsasahassamhi , kappānaṃ manujādhipā;
அப்³பு³த³னிரப்³பு³தா³னி, அட்ட²ட்டா²ஸிங்ஸு க²த்தியா.
Abbudanirabbudāni, aṭṭhaṭṭhāsiṃsu khattiyā.
63.
63.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நிக்³கு³ண்டி³புப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā nigguṇḍipupphiyo thero imā gāthāyo abhāsitthāti.
நிக்³கு³ண்டி³புப்பி²யத்தே²ரஸ்ஸாபதா³னங் ஸத்தமங்.
Nigguṇḍipupphiyattherassāpadānaṃ sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. உமாபுப்பி²யத்தே²ரஅபதா³னாதி³வண்ணனா • 1-10. Umāpupphiyattheraapadānādivaṇṇanā
