| Library / Tipiṭaka / ཏིཔིཊཀ • Tipiṭaka / ཝིམཱནཝཏྠུཔཱལི༹ • Vimānavatthupāḷi |
༢. ནནྡནཝིམཱནཝཏྠུ
2. Nandanavimānavatthu
༡༡༢༠.
1120.
‘‘ཡཐཱ ཝནཾ ནནྡནཾ 1 པབྷཱསཏི, ཨུཡྻཱནསེཊྛཾ ཏིདསཱནམུཏྟམཾ།
‘‘Yathā vanaṃ nandanaṃ 2 pabhāsati, uyyānaseṭṭhaṃ tidasānamuttamaṃ;
ཏཐཱུཔམཾ ཏུཡ྄ཧམིདཾ ཝིམཱནཾ, ཨོབྷཱསཡཾ ཏིཊྛཏི ཨནྟལིཀྑེ༎
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
༡༡༢༡.
1121.
‘‘དེཝིདྡྷིཔཏྟོསི མཧཱནུབྷཱཝོ, མནུསྶབྷཱུཏོ ཀིམཀཱསི པུཉྙཾ།
‘‘Deviddhipattosi mahānubhāvo, manussabhūto kimakāsi puññaṃ;
ཀེནཱསི ཨེཝཾ ཛལིཏཱནུབྷཱཝོ, ཝཎྞོ ཙ ཏེ སབྦདིསཱ པབྷཱསཏཱི’’ཏི༎
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
༡༡༢༢.
1122.
སོ དེཝཔུཏྟོ ཨཏྟམནོ…པེ॰… ཡསྶ ཀམྨསྶིདཾ ཕལཾ༎
So devaputto attamano…pe… yassa kammassidaṃ phalaṃ.
༡༡༢༣.
1123.
‘‘ཨཧཾ མནུསྶེསུ མནུསྶབྷཱུཏོ, དལིདྡོ ཨཏཱཎོ ཀཔཎོ ཀམྨཀརོ ཨཧོསིཾ།
‘‘Ahaṃ manussesu manussabhūto, daliddo atāṇo kapaṇo kammakaro ahosiṃ;
ཛིཎྞེ ཙ མཱཏཱཔིཏརོ ཨབྷཱརིཾ, པིཡཱ ཙ མེ སཱིལཝནྟོ ཨཧེསུཾ།
Jiṇṇe ca mātāpitaro abhāriṃ, piyā ca me sīlavanto ahesuṃ;
ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ༎
Annañca pānañca pasannacitto, sakkacca dānaṃ vipulaṃ adāsiṃ.
༡༡༢༤.
1124.
‘‘ཏེན མེཏཱདིསོ ཝཎྞོ…པེ॰… ཝཎྞོ ཙ མེ སབྦདིསཱ པབྷཱསཏཱི’’ཏི༎
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
ནནྡནཝིམཱནཾ དུཏིཡཾ།
Nandanavimānaṃ dutiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཝིམཱནཝཏྠུ-ཨཊྛཀཐཱ • Vimānavatthu-aṭṭhakathā / ༢. ནནྡནཝིམཱནཝཎྞནཱ • 2. Nandanavimānavaṇṇanā
