| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
១៨. នគ្គនិទ្ទេសវណ្ណនា
18. Nagganiddesavaṇṇanā
១៦៦. ‘‘ន ត្វេវ នគ្គេន អាគន្តព្ពំ, យោ អាគច្ឆេយ្យ, អាបត្តិ ទុក្កដស្សា’’តិ (បារា. ៥១៧) វុត្តត្តា (ចូឡវ. ២៦១;) ‘‘នគ្គោ មគ្គំ ន វជេ’’តិ វុត្តំ។
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
១៦៧. បដិច្ឆាទិសូតិ ‘‘តេន ខោ បន សមយេន ភិក្ខូ ជន្តាឃរេបិ ឧទកេបិ បរិកម្មំ កាតុំ កុក្កុច្ចាយន្តិ។ អនុជានាមិ, ភិក្ខវេ, តិស្សោ បដិច្ឆាទិយោ ជន្តាឃរប្បដិច្ឆាទិំ ឧទកប្បដិច្ឆាទិំ វត្ថប្បដិច្ឆាទិ’’ន្តិ ឯវំ វុត្តាសុ តីសុ បដិច្ឆាទីសូតិ អត្ថោ។ ទុវេតិ ឯតាសុ តីសុ បដិច្ឆាទីសុ ឧទកជន្តាឃរប្បដិច្ឆាទិយោ បរិកម្មេ កប្បន្តីតិ អធិប្បាយោ។ វត្ថច្ឆាទីតិ វត្ថប្បដិច្ឆាទិ។ សព្ពត្ថាតិ ខាទនីយសាយនីយាទីសុ សព្ពកម្មេសុ កប្បិយាតិ អត្ថោ។ នគ្គវិនិច្ឆយោ។
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
នគ្គនិទ្ទេសវណ្ណនា និដ្ឋិតា។
Nagganiddesavaṇṇanā niṭṭhitā.
