| Library / Tipiṭaka / តិបិដក • Tipiṭaka / បេតវត្ថុបាឡិ • Petavatthupāḷi |
៩. មហាបេសការបេតិវត្ថុ
9. Mahāpesakārapetivatthu
៥៤.
54.
‘‘គូថញ្ច មុត្តំ រុហិរញ្ច បុព្ពំ, បរិភុញ្ជតិ កិស្ស អយំ វិបាកោ;
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
អយំ នុ កិំ កម្មមកាសិ នារី, យា សព្ពទា លោហិតបុព្ពភក្ខា។
Ayaṃ nu kiṃ kammamakāsi nārī, yā sabbadā lohitapubbabhakkhā.
៥៥.
55.
‘‘នវានិ វត្ថានិ សុភានិ ចេវ, មុទូនិ សុទ្ធានិ ច លោមសានិ;
‘‘Navāni vatthāni subhāni ceva, mudūni suddhāni ca lomasāni;
ទិន្នានិ មិស្សា កិតកា 1 ភវន្តិ, អយំ នុ កិំ កម្មមកាសិ នារី’’តិ។
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
៥៦.
56.
‘‘ភរិយា មមេសា អហូ ភទន្តេ, អទាយិកា មច្ឆរិនី កទរិយា;
‘‘Bhariyā mamesā ahū bhadante, adāyikā maccharinī kadariyā;
សា មំ ទទន្តំ សមណព្រាហ្មណានំ, អក្កោសតិ ច បរិភាសតិ ច។
Sā maṃ dadantaṃ samaṇabrāhmaṇānaṃ, akkosati ca paribhāsati ca.
៥៧.
57.
‘‘‘គូថញ្ច មុត្តំ រុហិរញ្ច បុព្ពំ, បរិភុញ្ជ ត្វំ អសុចិំ សព្ពកាលំ;
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
ឯតំ តេ បរលោកស្មិំ ហោតុ, វត្ថា ច តេ កិដកសមា ភវន្តុ’;
Etaṃ te paralokasmiṃ hotu, vatthā ca te kiṭakasamā bhavantu’;
ឯតាទិសំ ទុច្ចរិតំ ចរិត្វា, ឥធាគតា ចិររត្តាយ ខាទតី’’តិ។
Etādisaṃ duccaritaṃ caritvā, idhāgatā cirarattāya khādatī’’ti.
មហាបេសការបេតិវត្ថុ នវមំ។
Mahāpesakārapetivatthu navamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បេតវត្ថុ-អដ្ឋកថា • Petavatthu-aṭṭhakathā / ៩. មហាបេសការបេតិវត្ថុវណ្ណនា • 9. Mahāpesakārapetivatthuvaṇṇanā
