| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৮৩. কুক্কুটজাতকং (৬-১-৮)
383. Kukkuṭajātakaṃ (6-1-8)
৫৭.
57.
সুচিত্তপত্তছদন , তম্বচূল় ৰিহঙ্গম।
Sucittapattachadana , tambacūḷa vihaṅgama;
ওরোহ দুমসাখায, মুধা ভরিযা ভৰামি তে॥
Oroha dumasākhāya, mudhā bhariyā bhavāmi te.
৫৮.
58.
চতুপ্পদী ত্ৰং কল্যাণি, দ্ৰিপদাহং মনোরমে।
Catuppadī tvaṃ kalyāṇi, dvipadāhaṃ manorame;
মিগী পক্খী অসঞ্ঞুত্তা, অঞ্ঞং পরিযেস সামিকং॥
Migī pakkhī asaññuttā, aññaṃ pariyesa sāmikaṃ.
৫৯.
59.
কোমারিকা তে হেস্সামি, মঞ্জুকা পিযভাণিনী।
Komārikā te hessāmi, mañjukā piyabhāṇinī;
ৰিন্দ মং অরিযেন ৰেদেন, সাৰয মং যদিচ্ছসি॥
Vinda maṃ ariyena vedena, sāvaya maṃ yadicchasi.
৬০.
60.
কুণপাদিনি লোহিতপে, চোরি কুক্কুটপোথিনি।
Kuṇapādini lohitape, cori kukkuṭapothini;
ন ত্ৰং অরিযেন ৰেদেন, মমং ভত্তারমিচ্ছসি॥
Na tvaṃ ariyena vedena, mamaṃ bhattāramicchasi.
৬১.
61.
নেন্তি সণ্হাহি ৰাচাহি, বিল়ারী ৰিয কুক্কুটং॥
Nenti saṇhāhi vācāhi, biḷārī viya kukkuṭaṃ.
৬২.
62.
যো চ উপ্পতিতং অত্থং, ন খিপ্পমনুবুজ্ঝতি।
Yo ca uppatitaṃ atthaṃ, na khippamanubujjhati;
অমিত্তৰসমন্ৰেতি, পচ্ছা চ অনুতপ্পতি॥
Amittavasamanveti, pacchā ca anutappati.
৬৩.
63.
যো চ উপ্পতিতং অত্থং, খিপ্পমেৰ নিবোধতি।
Yo ca uppatitaṃ atthaṃ, khippameva nibodhati;
মুচ্চতে সত্তুসম্বাধা, কুক্কুটোৰ বিল়ারিযাতি॥
Muccate sattusambādhā, kukkuṭova biḷāriyāti.
কুক্কুটজাতকং অট্ঠমং।
Kukkuṭajātakaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৮৩] ৮. কুক্কুটজাতকৰণ্ণনা • [383] 8. Kukkuṭajātakavaṇṇanā
