| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
១១. កលហវិវាទសុត្តំ
11. Kalahavivādasuttaṃ
៨៦៨.
868.
‘‘កុតោបហូតា កលហា វិវាទា, បរិទេវសោកា សហមច្ឆរា ច;
‘‘Kutopahūtā kalahā vivādā, paridevasokā sahamaccharā ca;
មានាតិមានា សហបេសុណា ច, កុតោបហូតា តេ តទិង្ឃ ព្រូហិ’’។
Mānātimānā sahapesuṇā ca, kutopahūtā te tadiṅgha brūhi’’.
៨៦៩.
869.
‘‘បិយប្បហូតា កលហា វិវាទា,
‘‘Piyappahūtā kalahā vivādā,
បរិទេវសោកា សហមច្ឆរា ច;
Paridevasokā sahamaccharā ca;
មានាតិមានា សហបេសុណា ច,
Mānātimānā sahapesuṇā ca,
មច្ឆេរយុត្តា កលហា វិវាទា;
Maccherayuttā kalahā vivādā;
វិវាទជាតេសុ ច បេសុណានិ’’។
Vivādajātesu ca pesuṇāni’’.
៨៧០.
870.
អាសា ច និដ្ឋា ច កុតោនិទានា, យេ សម្បរាយាយ នរស្ស ហោន្តិ’’។
Āsā ca niṭṭhā ca kutonidānā, ye samparāyāya narassa honti’’.
៨៧១.
871.
‘‘ឆន្ទានិទានានិ បិយានិ លោកេ, យេ ចាបិ លោភា វិចរន្តិ លោកេ;
‘‘Chandānidānāni piyāni loke, ye cāpi lobhā vicaranti loke;
អាសា ច និដ្ឋា ច ឥតោនិទានា, យេ សម្បរាយាយ នរស្ស ហោន្តិ’’។
Āsā ca niṭṭhā ca itonidānā, ye samparāyāya narassa honti’’.
៨៧២.
872.
‘‘ឆន្ទោ នុ លោកស្មិំ កុតោនិទានោ, វិនិច្ឆយា ចាបិ 5 កុតោបហូតា;
‘‘Chando nu lokasmiṃ kutonidāno, vinicchayā cāpi 6 kutopahūtā;
កោធោ មោសវជ្ជញ្ច កថំកថា ច, យេ វាបិ ធម្មា សមណេន វុត្តា’’។
Kodho mosavajjañca kathaṃkathā ca, ye vāpi dhammā samaṇena vuttā’’.
៨៧៣.
873.
‘‘សាតំ អសាតន្តិ យមាហុ លោកេ, តមូបនិស្សាយ បហោតិ ឆន្ទោ;
‘‘Sātaṃ asātanti yamāhu loke, tamūpanissāya pahoti chando;
រូបេសុ ទិស្វា វិភវំ ភវញ្ច, វិនិច្ឆយំ កុព្ពតិ 7 ជន្តុ លោកេ។
Rūpesu disvā vibhavaṃ bhavañca, vinicchayaṃ kubbati 8 jantu loke.
៨៧៤.
874.
‘‘កោធោ មោសវជ្ជញ្ច កថំកថា ច, ឯតេបិ ធម្មា ទ្វយមេវ សន្តេ;
‘‘Kodho mosavajjañca kathaṃkathā ca, etepi dhammā dvayameva sante;
កថំកថី ញាណបថាយ សិក្ខេ, ញត្វា បវុត្តា សមណេន ធម្មា’’។
Kathaṃkathī ñāṇapathāya sikkhe, ñatvā pavuttā samaṇena dhammā’’.
៨៧៥.
875.
‘‘សាតំ អសាតញ្ច កុតោនិទានា, កិស្មិំ អសន្តេ ន ភវន្តិ ហេតេ;
‘‘Sātaṃ asātañca kutonidānā, kismiṃ asante na bhavanti hete;
វិភវំ ភវញ្ចាបិ យមេតមត្ថំ, ឯតំ មេ បព្រូហិ យតោនិទានំ’’។
Vibhavaṃ bhavañcāpi yametamatthaṃ, etaṃ me pabrūhi yatonidānaṃ’’.
៨៧៦.
876.
‘‘ផស្សនិទានំ សាតំ អសាតំ, ផស្សេ អសន្តេ ន ភវន្តិ ហេតេ;
‘‘Phassanidānaṃ sātaṃ asātaṃ, phasse asante na bhavanti hete;
វិភវំ ភវញ្ចាបិ យមេតមត្ថំ, ឯតំ តេ បព្រូមិ ឥតោនិទានំ’’។
Vibhavaṃ bhavañcāpi yametamatthaṃ, etaṃ te pabrūmi itonidānaṃ’’.
៨៧៧.
877.
‘‘ផស្សោ នុ លោកស្មិ កុតោនិទានោ, បរិគ្គហា ចាបិ កុតោបហូតា;
‘‘Phasso nu lokasmi kutonidāno, pariggahā cāpi kutopahūtā;
កិស្មិំ អសន្តេ ន មមត្តមត្ថិ, កិស្មិំ វិភូតេ ន ផុសន្តិ ផស្សា’’។
Kismiṃ asante na mamattamatthi, kismiṃ vibhūte na phusanti phassā’’.
៨៧៨.
878.
‘‘នាមញ្ច រូបញ្ច បដិច្ច ផស្សោ, ឥច្ឆានិទានានិ បរិគ្គហានិ;
‘‘Nāmañca rūpañca paṭicca phasso, icchānidānāni pariggahāni;
ឥច្ឆាយសន្ត្យា ន មមត្តមត្ថិ, រូបេ វិភូតេ ន ផុសន្តិ ផស្សា’’។
Icchāyasantyā na mamattamatthi, rūpe vibhūte na phusanti phassā’’.
៨៧៩.
879.
‘‘កថំសមេតស្ស វិភោតិ រូបំ, សុខំ ទុខញ្ចាបិ 9 កថំ វិភោតិ;
‘‘Kathaṃsametassa vibhoti rūpaṃ, sukhaṃ dukhañcāpi 10 kathaṃ vibhoti;
ឯតំ មេ បព្រូហិ យថា វិភោតិ, តំ ជានិយាមាតិ 11 មេ មនោ អហុ’’។
Etaṃ me pabrūhi yathā vibhoti, taṃ jāniyāmāti 12 me mano ahu’’.
៨៨០.
880.
‘‘ន សញ្ញសញ្ញី ន វិសញ្ញសញ្ញី, នោបិ អសញ្ញី ន វិភូតសញ្ញី;
‘‘Na saññasaññī na visaññasaññī, nopi asaññī na vibhūtasaññī;
ឯវំសមេតស្ស វិភោតិ រូបំ, សញ្ញានិទានា ហិ បបញ្ចសង្ខា’’។
Evaṃsametassa vibhoti rūpaṃ, saññānidānā hi papañcasaṅkhā’’.
៨៨១.
881.
‘‘យំ តំ អបុច្ឆិម្ហ អកិត្តយី នោ,
‘‘Yaṃ taṃ apucchimha akittayī no,
អញ្ញំ តំ បុច្ឆាម តទិង្ឃ ព្រូហិ;
Aññaṃ taṃ pucchāma tadiṅgha brūhi;
យក្ខស្ស សុទ្ធិំ ឥធ បណ្ឌិតាសេ;
Yakkhassa suddhiṃ idha paṇḍitāse;
ឧទាហុ អញ្ញម្បិ វទន្តិ ឯត្តោ។
Udāhu aññampi vadanti etto.
៨៨២.
882.
‘‘ឯត្តាវតគ្គម្បិ វទន្តិ ហេកេ, យក្ខស្ស សុទ្ធិំ ឥធ បណ្ឌិតាសេ;
‘‘Ettāvataggampi vadanti heke, yakkhassa suddhiṃ idha paṇḍitāse;
តេសំ បនេកេ សមយំ វទន្តិ, អនុបាទិសេសេ កុសលា វទានា។
Tesaṃ paneke samayaṃ vadanti, anupādisese kusalā vadānā.
៨៨៣.
883.
‘‘ឯតេ ច ញត្វា ឧបនិស្សិតាតិ, ញត្វា មុនី និស្សយេ សោ វិមំសី;
‘‘Ete ca ñatvā upanissitāti, ñatvā munī nissaye so vimaṃsī;
ញត្វា វិមុត្តោ ន វិវាទមេតិ, ភវាភវាយ ន សមេតិ ធីរោ’’តិ។
Ñatvā vimutto na vivādameti, bhavābhavāya na sameti dhīro’’ti.
កលហវិវាទសុត្តំ ឯកាទសមំ និដ្ឋិតំ។
Kalahavivādasuttaṃ ekādasamaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ១១. កលហវិវាទសុត្តវណ្ណនា • 11. Kalahavivādasuttavaṇṇanā
