| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
ឥណាយិកទាសវត្ថុកថាវណ្ណនា
Iṇāyikadāsavatthukathāvaṇṇanā
៩៦. បស្ស មេ បត្តចីវរមត្តំ, អហំ ឥទំ ទស្សាមីតិ សាមីចិ, យតោ នត្ថិ អាបត្តិ។ ឧបឌ្ឍុបឌ្ឍន្តិ ថោកំ ថោកំ។
96. Passa me pattacīvaramattaṃ, ahaṃ idaṃ dassāmīti sāmīci, yato natthi āpatti. Upaḍḍhupaḍḍhanti thokaṃ thokaṃ.
៩៧. ទេសចារិត្តន្តិ សាវនបណ្ណារោបនាទិ តំ តំ ទេសចារិត្តំ។ ‘‘ទេវទាសិបុត្តេ វដ្ដតី’’តិ លិខិតំ។ ‘‘អារាមិកំ ចេ បព្ពាជេតុកាមោ, អញ្ញមេកំ ទត្វា បព្ពាជេតព្ព’’ន្តិ វុត្តំ។ មហាបច្ចរិវាទស្ស អយមិធ អធិប្បាយោ។ ‘‘ភិក្ខុសង្ឃស្ស អារាមិកេ ទេមា’’តិ ទិន្នត្តា ន តេ តេសំ ទាសា។ ‘‘អារាមិកោ ច នេវ ទាសោ ន ភុជិស្សោតិ វត្តព្ពតោ ន ទាសោ’’តិ លិខិតំ។ តក្កាសិញ្ចនំ សីហឡទីបេ ចារិត្តំ។ តេ ច បព្ពាជេតព្ពា សង្ឃស្សារាមិកត្តា។ និស្សាមិកំ ទាសំ អត្តនាបិ ភុជិស្សំ កាតុំ លភតិ។ ‘‘ទាសស្ស បព្ពជិត្វា អត្តនោ សាមិកេ ទិស្វា បលាយន្តស្ស អាបត្តិ នត្ថីតិ វទន្តី’’តិ ច លិខិតំ។ អត្តនោ វា ទាសោ អស្ស ភិក្ខុនោតិ អត្ថោ។ និស្សាមិកស្ស ទាសស្ស រាជា សាមិ, តស្មា រាជានំ វា តស្មិំ គាមេ មនុស្សេ វា អាបុច្ឆិត្វា បព្ពាជេតព្ពោតិ ឯកេ។ ‘‘ភុជិស្សំ កត្វា’’តិ លិខិតំ។ តស្ស បរិហារំ ភណន្តិ ‘‘យថា ភុជិស្សោ ហោតិ, តថា កត្តព្ពោ’’តិ។ ឯវំ សង្កប្បេន វត្វា ‘‘បយោជនំ នត្ថី’’តិ កេហិចិ លិខិតំ។ ភុជិស្សំ កាតុមេវ វដ្ដតីតិ ‘‘សចេ បស្សន្តិ, អនុពន្ធិស្សន្តី’’តិ វុត្តំ។ អាបត្តិ នត្ថិ។ ‘‘អសុទ្ធា កិរ មេតិបិ តំ សន្ធាយេវ វុត្ត’’ន្តិ វទន្តិ។
97.Desacārittanti sāvanapaṇṇāropanādi taṃ taṃ desacārittaṃ. ‘‘Devadāsiputte vaṭṭatī’’ti likhitaṃ. ‘‘Ārāmikaṃ ce pabbājetukāmo, aññamekaṃ datvā pabbājetabba’’nti vuttaṃ. Mahāpaccarivādassa ayamidha adhippāyo. ‘‘Bhikkhusaṅghassa ārāmike demā’’ti dinnattā na te tesaṃ dāsā. ‘‘Ārāmiko ca neva dāso na bhujissoti vattabbato na dāso’’ti likhitaṃ. Takkāsiñcanaṃ sīhaḷadīpe cārittaṃ. Te ca pabbājetabbā saṅghassārāmikattā. Nissāmikaṃ dāsaṃ attanāpi bhujissaṃ kātuṃ labhati. ‘‘Dāsassa pabbajitvā attano sāmike disvā palāyantassa āpatti natthīti vadantī’’ti ca likhitaṃ. Attano vā dāso assa bhikkhunoti attho. Nissāmikassa dāsassa rājā sāmi, tasmā rājānaṃ vā tasmiṃ gāme manusse vā āpucchitvā pabbājetabboti eke. ‘‘Bhujissaṃ katvā’’ti likhitaṃ. Tassa parihāraṃ bhaṇanti ‘‘yathā bhujisso hoti, tathā kattabbo’’ti. Evaṃ saṅkappena vatvā ‘‘payojanaṃ natthī’’ti kehici likhitaṃ. Bhujissaṃ kātumeva vaṭṭatīti ‘‘sace passanti, anubandhissantī’’ti vuttaṃ. Āpatti natthi. ‘‘Asuddhā kira metipi taṃ sandhāyeva vutta’’nti vadanti.
ឥណាយិកទាសវត្ថុកថាវណ្ណនា និដ្ឋិតា។
Iṇāyikadāsavatthukathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
៣៣. ឥណាយិកវត្ថុ • 33. Iṇāyikavatthu
៣៤. ទាសវត្ថុ • 34. Dāsavatthu
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā
ឥណាយិកវត្ថុកថា • Iṇāyikavatthukathā
ទាសវត្ថុកថា • Dāsavatthukathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / រាជភដាទិវត្ថុកថាវណ្ណនា • Rājabhaṭādivatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā
ឥណាយិកវត្ថុកថាវណ្ណនា • Iṇāyikavatthukathāvaṇṇanā
ទាសវត្ថុកថាវណ្ណនា • Dāsavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
៣៣. ឥណាយិកវត្ថុកថា • 33. Iṇāyikavatthukathā
៣៤. ទាសវត្ថុកថា • 34. Dāsavatthukathā
