| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
៣. ហិរិសុត្តំ
3. Hirisuttaṃ
២៥៦.
256.
ហិរិំ តរន្តំ វិជិគុច្ឆមានំ, តវាហមស្មិ 1 ឥតិ ភាសមានំ;
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
សយ្ហានិ កម្មានិ អនាទិយន្តំ, នេសោ មមន្តិ ឥតិ នំ វិជញ្ញា។
Sayhāni kammāni anādiyantaṃ, neso mamanti iti naṃ vijaññā.
២៥៧.
257.
អករោន្តំ ភាសមានំ, បរិជានន្តិ បណ្ឌិតា។
Akarontaṃ bhāsamānaṃ, parijānanti paṇḍitā.
២៥៨.
258.
ន សោ មិត្តោ យោ សទា អប្បមត្តោ, ភេទាសង្កី រន្ធមេវានុបស្សី;
Na so mitto yo sadā appamatto, bhedāsaṅkī randhamevānupassī;
យស្មិញ្ច សេតិ ឧរសីវ បុត្តោ, ស វេ មិត្តោ យោ បរេហិ អភេជ្ជោ។
Yasmiñca seti urasīva putto, sa ve mitto yo parehi abhejjo.
២៥៩.
259.
បាមុជ្ជករណំ ឋានំ, បសំសាវហនំ សុខំ;
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ផលានិសំសោ ភាវេតិ, វហន្តោ បោរិសំ ធុរំ។
Phalānisaṃso bhāveti, vahanto porisaṃ dhuraṃ.
២៦០.
260.
បវិវេករសំ បិត្វា, រសំ ឧបសមស្ស ច;
Pavivekarasaṃ pitvā, rasaṃ upasamassa ca;
និទ្ទរោ ហោតិ និប្បាបោ, ធម្មបីតិរសំ បិវន្តិ។
Niddaro hoti nippāpo, dhammapītirasaṃ pivanti.
ហិរិសុត្តំ តតិយំ និដ្ឋិតំ។
Hirisuttaṃ tatiyaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ៣. ហិរិសុត្តវណ្ណនា • 3. Hirisuttavaṇṇanā
