| Library / Tipiṭaka / តិបិដក • Tipiṭaka / បេតវត្ថុបាឡិ • Petavatthupāḷi |
៨. គោណបេតវត្ថុ
8. Goṇapetavatthu
៤៦.
46.
‘‘កិំ នុ ឧម្មត្តរូបោវ, លាយិត្វា ហរិតំ តិណំ;
‘‘Kiṃ nu ummattarūpova, lāyitvā haritaṃ tiṇaṃ;
ខាទ ខាទាតិ លបសិ, គតសត្តំ ជរគ្គវំ។
Khāda khādāti lapasi, gatasattaṃ jaraggavaṃ.
៤៧.
47.
‘‘ន ហិ អន្នេន បានេន, មតោ គោណោ សមុដ្ឋហេ;
‘‘Na hi annena pānena, mato goṇo samuṭṭhahe;
ត្វំសិ ពាលោ ច 1 ទុម្មេធោ, យថា តញ្ញោវ ទុម្មតី’’តិ។
Tvaṃsi bālo ca 2 dummedho, yathā taññova dummatī’’ti.
៤៨.
48.
‘‘ឥមេ បាទា ឥទំ សីសំ, អយំ កាយោ សវាលធិ;
‘‘Ime pādā idaṃ sīsaṃ, ayaṃ kāyo savāladhi;
នេត្តា តថេវ តិដ្ឋន្តិ, អយំ គោណោ សមុដ្ឋហេ។
Nettā tatheva tiṭṭhanti, ayaṃ goṇo samuṭṭhahe.
៤៩.
49.
‘‘នាយ្យកស្ស ហត្ថបាទា, កាយោ សីសញ្ច ទិស្សតិ;
‘‘Nāyyakassa hatthapādā, kāyo sīsañca dissati;
រុទំ មត្តិកថូបស្មិំ, ននុ ត្វញ្ញេវ ទុម្មតី’’តិ។
Rudaṃ mattikathūpasmiṃ, nanu tvaññeva dummatī’’ti.
៥០.
50.
‘‘អាទិត្តំ វត មំ សន្តំ, ឃតសិត្តំវ បាវកំ;
‘‘Ādittaṃ vata maṃ santaṃ, ghatasittaṃva pāvakaṃ;
វារិនា វិយ ឱសិញ្ចំ, សព្ពំ និព្ពាបយេ ទរំ។
Vārinā viya osiñcaṃ, sabbaṃ nibbāpaye daraṃ.
៥១.
51.
យោ មេ សោកបរេតស្ស, បិតុសោកំ អបានុទិ។
Yo me sokaparetassa, pitusokaṃ apānudi.
៥២.
52.
‘‘ស្វាហំ អព្ពូឡ្ហសល្លោស្មិ, សីតិភូតោស្មិ និព្ពុតោ;
‘‘Svāhaṃ abbūḷhasallosmi, sītibhūtosmi nibbuto;
ន សោចាមិ ន រោទាមិ, តវ សុត្វាន មាណវ’។
Na socāmi na rodāmi, tava sutvāna māṇava’.
៥៣.
53.
ឯវំ ករោន្តិ សប្បញ្ញា, យេ ហោន្តិ អនុកម្បកា;
Evaṃ karonti sappaññā, ye honti anukampakā;
វិនិវត្តយន្តិ សោកម្ហា, សុជាតោ បិតរំ យថាតិ។
Vinivattayanti sokamhā, sujāto pitaraṃ yathāti.
គោណបេតវត្ថុ អដ្ឋមំ។
Goṇapetavatthu aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បេតវត្ថុ-អដ្ឋកថា • Petavatthu-aṭṭhakathā / ៨. គោណបេតវត្ថុវណ្ណនា • 8. Goṇapetavatthuvaṇṇanā
