| Library / Tipiṭaka / តិបិដក • Tipiṭaka / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā |
ទ្វាទសមនិស្សគ្គិយបាចិត្តិយសិក្ខាបទវណ្ណនា
Dvādasamanissaggiyapācittiyasikkhāpadavaṇṇanā
៧៨៩. ទ្វាទសមេ – លហុបាវុរណន្តិ ឧណ្ហកាលេ បាវុរណំ។ សេសំ សិក្ខាបទទ្វយេបិ ឧត្តានមេវ។
789. Dvādasame – lahupāvuraṇanti uṇhakāle pāvuraṇaṃ. Sesaṃ sikkhāpadadvayepi uttānameva.
ឆសមុដ្ឋានំ – កិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ។
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ទ្វាទសមសិក្ខាបទំ។
Dvādasamasikkhāpadaṃ.
ឧទ្ទិដ្ឋា ខោ អយ្យាយោ តិំស និស្សគ្គិយា បាចិត្តិយា ធម្មាតិ ឯត្ថ មហាវិភង្គេ ចីវរវគ្គតោ ធោវនញ្ច បដិគ្គហណញ្ចាតិ ទ្វេ សិក្ខាបទានិ អបនេត្វា អកាលចីវរំ កាលចីវរន្តិ អធិដ្ឋហិត្វា ភាជិតសិក្ខាបទេន ច បរិវត្តេត្វា អច្ឆិន្នចីវរេន ច បឋមវគ្គោ បូរេតព្ពោ។ បុន ឯឡកលោមវគ្គស្ស អាទិតោ សត្ត សិក្ខាបទានិ អបនេត្វា សត្ត អញ្ញទត្ថិកានិ បក្ខិបិត្វា ទុតិយវគ្គោ បូរេតព្ពោ។ តតិយវគ្គតោ បឋមបត្តំ វស្សិកសាដិកំ អារញ្ញកសិក្ខាបទន្តិ ឥមានិ តីណិ អបនេត្វា បត្តសន្និចយគរុបាវុរណលហុបាវុរណសិក្ខាបទេហិ តតិយវគ្គោ បូរេតព្ពោ។ ឥតិ ភិក្ខុនីនំ ទ្វាទស សិក្ខាបទានិ ឯកតោបញ្ញត្តានិ, អដ្ឋារស ឧភតោបញ្ញត្តានីតិ ឯវំ សព្ពេបិ បាតិមោក្ខុទ្ទេសមគ្គេន ‘‘ឧទ្ទិដ្ឋា ខោ អយ្យាយោ តិំស និស្សគ្គិយា បាចិត្តិយា ធម្មា’’តិ ឯវមេត្ថ អត្ថោ ទដ្ឋព្ពោ។ សេសំ វុត្តនយមេវាតិ។
Uddiṭṭhā kho ayyāyo tiṃsa nissaggiyā pācittiyā dhammāti ettha mahāvibhaṅge cīvaravaggato dhovanañca paṭiggahaṇañcāti dve sikkhāpadāni apanetvā akālacīvaraṃ kālacīvaranti adhiṭṭhahitvā bhājitasikkhāpadena ca parivattetvā acchinnacīvarena ca paṭhamavaggo pūretabbo. Puna eḷakalomavaggassa ādito satta sikkhāpadāni apanetvā satta aññadatthikāni pakkhipitvā dutiyavaggo pūretabbo. Tatiyavaggato paṭhamapattaṃ vassikasāṭikaṃ āraññakasikkhāpadanti imāni tīṇi apanetvā pattasannicayagarupāvuraṇalahupāvuraṇasikkhāpadehi tatiyavaggo pūretabbo. Iti bhikkhunīnaṃ dvādasa sikkhāpadāni ekatopaññattāni, aṭṭhārasa ubhatopaññattānīti evaṃ sabbepi pātimokkhuddesamaggena ‘‘uddiṭṭhā kho ayyāyo tiṃsa nissaggiyā pācittiyā dhammā’’ti evamettha attho daṭṭhabbo. Sesaṃ vuttanayamevāti.
សមន្តបាសាទិកាយ វិនយសំវណ្ណនាយ ភិក្ខុនីវិភង្គេ
Samantapāsādikāya vinayasaṃvaṇṇanāya bhikkhunīvibhaṅge
តិំសកវណ្ណនា និដ្ឋិតា។
Tiṃsakavaṇṇanā niṭṭhitā.
និស្សគ្គិយកណ្ឌំ និដ្ឋិតំ។
Nissaggiyakaṇḍaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១២. ទ្វាទសមសិក្ខាបទំ • 12. Dvādasamasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. ទុតិយនិស្សគ្គិយាទិបាចិត្តិយសិក្ខាបទវណ្ណនា • 2. Dutiyanissaggiyādipācittiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១២. ទ្វាទសមនិស្សគ្គិយបាចិត្តិយសិក្ខាបទំ • 12. Dvādasamanissaggiyapācittiyasikkhāpadaṃ
