| Library / Tipiṭaka / तिपिटक • Tipiṭaka / विमानवत्थुपाळि • Vimānavatthupāḷi |
११. दुतियनागविमानवत्थु
11. Dutiyanāgavimānavatthu
९६८.
968.
‘‘महन्तं नागं अभिरुय्ह, सब्बसेतं गजुत्तमं।
‘‘Mahantaṃ nāgaṃ abhiruyha, sabbasetaṃ gajuttamaṃ;
वना वनं अनुपरियासि, नारीगणपुरक्खतो।
Vanā vanaṃ anupariyāsi, nārīgaṇapurakkhato;
ओभासेन्तो दिसा सब्बा, ओसधी विय तारका॥
Obhāsento disā sabbā, osadhī viya tārakā.
९६९.
969.
‘‘केन तेतादिसो वण्णो…पे॰…वण्णो च ते सब्बदिसा पभासती’’ति॥
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
९७१.
971.
सो देवपुत्तो अत्तमनो, वङ्गीसेनेव पुच्छितो।
So devaputto attamano, vaṅgīseneva pucchito;
पञ्हं पुट्ठो वियाकासि, यस्स कम्मस्सिदं फलं॥
Pañhaṃ puṭṭho viyākāsi, yassa kammassidaṃ phalaṃ.
९७२.
972.
‘‘अहं मनुस्सेसु मनुस्सभूतो, उपासको चक्खुमतो अहोसिं।
‘‘Ahaṃ manussesu manussabhūto, upāsako cakkhumato ahosiṃ;
पाणातिपाता विरतो अहोसिं, लोके अदिन्नं परिवज्जयिस्सं॥
Pāṇātipātā virato ahosiṃ, loke adinnaṃ parivajjayissaṃ.
९७३.
973.
‘‘अमज्जपो नो च मुसा अभाणिं 1, सकेन दारेन च तुट्ठो अहोसिं।
‘‘Amajjapo no ca musā abhāṇiṃ 2, sakena dārena ca tuṭṭho ahosiṃ;
अन्नञ्च पानञ्च पसन्नचित्तो, सक्कच्च दानं विपुलं अदासिं॥
Annañca pānañca pasannacitto, sakkacca dānaṃ vipulaṃ adāsiṃ.
९७४.
974.
‘‘तेन मेतादिसो वण्णो…पे॰…वण्णो च मे सब्बदिसा पभासती’’ति॥
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
दुतियनागविमानं एकादसमं।
Dutiyanāgavimānaṃ ekādasamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / विमानवत्थु-अट्ठकथा • Vimānavatthu-aṭṭhakathā / ११. दुतियनागविमानवण्णना • 11. Dutiyanāgavimānavaṇṇanā
