| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৫০২. চূল়হংসজাতকং (৬)
502. Cūḷahaṃsajātakaṃ (6)
১৩৩.
133.
এতে হংসা পক্কমন্তি, ৰক্কঙ্গা ভযমেরিতা।
Ete haṃsā pakkamanti, vakkaṅgā bhayameritā;
হরিত্তচ হেমৰণ্ণ, কামং সুমুখ পক্কম॥
Harittaca hemavaṇṇa, kāmaṃ sumukha pakkama.
১৩৪.
134.
ওহায মং ঞাতিগণা, একং পাসৰসং গতং।
Ohāya maṃ ñātigaṇā, ekaṃ pāsavasaṃ gataṃ;
১৩৫.
135.
মা অনীঘায হাপেসি, কামং সুমুখ পক্কম॥
Mā anīghāya hāpesi, kāmaṃ sumukha pakkama.
১৩৬.
136.
জীৰিতং মরণং ৰা মে, তযা সদ্ধিং ভৰিস্সতি॥
Jīvitaṃ maraṇaṃ vā me, tayā saddhiṃ bhavissati.
১৩৭.
137.
এতদরিযস্স কল্যাণং, যং ত্ৰং সুমুখ ভাসসি।
Etadariyassa kalyāṇaṃ, yaṃ tvaṃ sumukha bhāsasi;
তঞ্চ ৰীমংসমানোহং, ‘‘পততেতং’’ অৰস্সজিং॥
Tañca vīmaṃsamānohaṃ, ‘‘patatetaṃ’’ avassajiṃ.
১৩৮.
138.
১৩৯.
139.
যদা পরাভৰো হোতি, পোসো জীৰিতসঙ্খযে।
Yadā parābhavo hoti, poso jīvitasaṅkhaye;
অথ জালঞ্চ পাসঞ্চ, আসজ্জাপি ন বুজ্ঝতি॥
Atha jālañca pāsañca, āsajjāpi na bujjhati.
১৪০.
140.
এতে হংসা পক্কমন্তি, ৰক্কঙ্গা ভযমেরিতা।
Ete haṃsā pakkamanti, vakkaṅgā bhayameritā;
১৪১.
141.
এতে ভুত্ৰা চ পিত্ৰা চ, পক্কমন্তি ৰিহঙ্গমা।
Ete bhutvā ca pitvā ca, pakkamanti vihaṅgamā;
অনপেক্খমানা ৰক্কঙ্গা, ত্ৰঞ্ঞেৰেকো উপাসসি॥
Anapekkhamānā vakkaṅgā, tvaññeveko upāsasi.
১৪২.
142.
ওহায সকুণা যন্তি, কিং একো অৰহিয্যসি॥
Ohāya sakuṇā yanti, kiṃ eko avahiyyasi.
১৪৩.
143.
রাজা মে সো দিজো মিত্তো, সখা পাণসমো চ মে।
Rājā me so dijo mitto, sakhā pāṇasamo ca me;
নেৰ নং ৰিজহিস্সামি, যাৰ কালস্স পরিযাযং॥
Neva naṃ vijahissāmi, yāva kālassa pariyāyaṃ.
১৪৪.
144.
যো চ ত্ৰং সখিনো হেতু, পাণং চজিতুমিচ্ছসি।
Yo ca tvaṃ sakhino hetu, pāṇaṃ cajitumicchasi;
সো তে সহাযং মুঞ্চামি, হোতু রাজা তৰানুগো॥
So te sahāyaṃ muñcāmi, hotu rājā tavānugo.
১৪৫.
145.
এৰং লুদ্দক নন্দস্সু, সহ সব্বেহি ঞাতিভি।
Evaṃ luddaka nandassu, saha sabbehi ñātibhi;
যথাহমজ্জ নন্দামি, দিস্ৰা মুত্তং দিজাধিপং॥
Yathāhamajja nandāmi, disvā muttaṃ dijādhipaṃ.
১৪৬.
146.
কচ্চিন্নু ভোতো কুসলং, কচ্চি ভোতো অনামযং।
Kaccinnu bhoto kusalaṃ, kacci bhoto anāmayaṃ;
কচ্চি রট্ঠমিদং ফীতং, ধম্মেন মনুসাসসি॥
Kacci raṭṭhamidaṃ phītaṃ, dhammena manusāsasi.
১৪৭.
147.
কুসলঞ্চেৰ মে হংস, অথো হংস অনামযং।
Kusalañceva me haṃsa, atho haṃsa anāmayaṃ;
অথো রট্ঠমিদং ফীতং, ধম্মেন মনুসাসহং॥
Atho raṭṭhamidaṃ phītaṃ, dhammena manusāsahaṃ.
১৪৮.
148.
কচ্চি ভোতো অমচ্চেসু, দোসো কোচি ন ৰিজ্জতি।
Kacci bhoto amaccesu, doso koci na vijjati;
কচ্চি আরা অমিত্তা তে, ছাযা দক্খিণতোরিৰ॥
Kacci ārā amittā te, chāyā dakkhiṇatoriva.
১৪৯.
149.
অথোপি মে অমচ্চেসু, দোসো কোচি ন ৰিজ্জতি।
Athopi me amaccesu, doso koci na vijjati;
অথো আরা অমিত্তা মে, ছাযা দক্খিণতোরিৰ॥
Atho ārā amittā me, chāyā dakkhiṇatoriva.
১৫০.
150.
কচ্চি তে সাদিসী ভরিযা, অস্সৰা পিযভাণিনী।
Kacci te sādisī bhariyā, assavā piyabhāṇinī;
পুত্তরূপযসূপেতা, তৰ ছন্দৰসানুগা॥
Puttarūpayasūpetā, tava chandavasānugā.
১৫১.
151.
অথো মে সাদিসী ভরিযা, অস্সৰা পিযভাণিনী।
Atho me sādisī bhariyā, assavā piyabhāṇinī;
পুত্তরূপযসূপেতা, মম ছন্দৰসানুগা॥
Puttarūpayasūpetā, mama chandavasānugā.
১৫২.
152.
কচ্চি তে বহৰো পুত্তা, সুজাতা রট্ঠৰড্ঢন।
Kacci te bahavo puttā, sujātā raṭṭhavaḍḍhana;
পঞ্ঞাজৰেন সম্পন্না, সম্মোদন্তি ততো ততো॥
Paññājavena sampannā, sammodanti tato tato.
১৫৩.
153.
সতমেকো চ মে পুত্তা, ধতরট্ঠ মযা সুতা।
Satameko ca me puttā, dhataraṭṭha mayā sutā;
১৫৪.
154.
উপপন্নোপি চে হোতি, জাতিযা ৰিনযেন ৰা।
Upapannopi ce hoti, jātiyā vinayena vā;
১৫৫.
155.
তস্স সংহীরপঞ্ঞস্স, ৰিৰরো জাযতে মহা।
Tassa saṃhīrapaññassa, vivaro jāyate mahā;
১৫৬.
156.
অসারে সারযোগঞ্ঞূ, মতিং ন ত্ৰেৰ ৰিন্দতি।
Asāre sārayogaññū, matiṃ na tveva vindati;
সরভোৰ গিরিদুগ্গস্মিং, অন্তরাযেৰ সীদতি॥
Sarabhova giriduggasmiṃ, antarāyeva sīdati.
১৫৭.
157.
হীনজচ্চোপি চে হোতি, উট্ঠাতা ধিতিমা নরো।
Hīnajaccopi ce hoti, uṭṭhātā dhitimā naro;
আচারসীলসম্পন্নো, নিসে অগ্গীৰ ভাসতি॥
Ācārasīlasampanno, nise aggīva bhāsati.
১৫৮.
158.
সংৰিরূল়্হেথ মেধাৰী, খেত্তে বীজংৰ 27 ৰুট্ঠিযাতি॥
Saṃvirūḷhetha medhāvī, khette bījaṃva 28 vuṭṭhiyāti.
চূল়হংসজাতকং ছট্ঠং।
Cūḷahaṃsajātakaṃ chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৫০২] ৬. চূল়হংসজাতকৰণ্ণনা • [502] 6. Cūḷahaṃsajātakavaṇṇanā
