| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
3. жийваранид̣̇д̣̇зсаван̣н̣анаа
3. Cīvaraniddesavaṇṇanā
30. ‘‘коман̃жа госзяяан̃жаа’’д̇иаад̣̇инаа набум̣сагавиг̇г̇ахзна д̣̇ванд̣̇з гад̇з кома…бз… бхан̇г̇аани. д̇ад̇т̇а команд̇и г̇ажчаж̇аад̇и. убажаарад̇о бана комзна комасуд̇д̇зна вааяид̇анд̇и д̇ад̣̇д̇хид̇зна убажаарзна ваа комам̣ комабадажийварам̣, д̇ат̇аа авасзсаани. саан̣ам̣ саан̣аваагасуд̇д̇зхи вааяид̇ам̣ жийварам̣. бхан̇г̇ам̣ комасуд̇д̇аад̣̇ийни саб̣б̣аани згажжаани ваа вомиссзд̇ваа вааяид̇ажийварам̣. ваагамаяамзва ваад̇и гзжи. гамб̣аланд̇и мануссаломам̣ ваал̣аломан̃жа табзд̇ваа сзсаломзхи вааяид̇ам̣. зд̇аанийд̇и комаад̣̇ийни яат̇аавуд̇д̇аани. саха ануломзхийд̇и саануломаани. ж̇аад̇ид̇о габбияаани ча жийвараани бхаванд̇и.
30. ‘‘Khomañca koseyyañcā’’tiādinā napuṃsakaviggahena dvande kate khoma…pe… bhaṅgāni. Tattha khomanti gacchajāti. Upacārato pana khomena khomasuttena vāyitanti taddhitena upacārena vā khomaṃ khomapaṭacīvaraṃ, tathā avasesāni. Sāṇaṃ sāṇavākasuttehi vāyitaṃ cīvaraṃ. Bhaṅgaṃ khomasuttādīni sabbāni ekaccāni vā vomissetvā vāyitacīvaraṃ. Vākamayameva vāti keci. Kambalanti manussalomaṃ vāḷalomañca ṭhapetvā sesalomehi vāyitaṃ. Etānīti khomādīni yathāvuttāni. Saha anulomehīti sānulomāni. Jātito kappiyāni cha cīvarāni bhavanti.
31. ид̣̇аани ‘‘д̣̇угуула’’нд̇иаад̣̇инаа д̇зсам̣ ануломаани д̣̇ассзд̇и. д̇ад̇т̇а д̣̇угууланд̇и д̣̇угууласан̇каад̇зна гзнажи ваагависзсзна вааяид̇ам̣ жийварам̣. жзваад̇и самужжаяз, со убари аагад̣дхид̇аб̣б̣о. баддун̣н̣анд̇и баддун̣н̣зсу ж̇аад̇ам̣ баддун̣н̣ам̣. д̣̇зсаваажино б̣ахуважананд̇аад̇и б̣ахуважанзна виг̇г̇ахо. д̇ат̇аа сомаараа жа жийнаа жа, д̇зсу ж̇аад̇ам̣ сомааражийнаж̇ам̣. имаани д̇ийн̣и баан̣агзхи гад̇асуд̇д̇амаяаани. зхибхигкуунам̣ бун̃н̃ид̣̇д̇хияаа ж̇аад̇ам̣ ид̣̇д̇хиж̇ам̣, д̇ам̣ бана комаад̣̇ийнам̣ ан̃н̃ад̇арам̣. д̣̇звад̣̇иннанд̇и д̣̇звзхи д̣̇иннам̣ габбаругкз ниб̣б̣ад̇д̇ам̣ жийварам̣. д̇ад̣̇зд̇ам̣ д̣̇угуулаад̣̇и д̇асса д̇асса яат̇аавуд̇д̇асса комаад̣̇ино ануломигам̣ ход̇и. д̇ад̇т̇а ломаани ануг̇ад̇ам̣ ануломам̣, яат̇аа сзсаломаани ануг̇ад̇ам̣ ломам̣ д̇ад̣̇анугуулад̇д̇аа ‘‘анулома’’нд̇и вужжад̇и, д̇ат̇аа д̇ам̣ж̇аад̇ияагам̣ язсам̣ гзсан̃жи анугуулам̣ саб̣б̣амби рул̣хийвасзна ‘‘анулома’’нд̇и вужжад̇и. д̇амзва ануломигам̣, анугууланд̇и ад̇т̇о. гат̇ам̣? д̣̇угуулам̣ саан̣асса ануломам̣, баддун̣н̣аад̣̇ийни д̇ийн̣и госзяяасса ануломаани, ид̣̇д̇хиж̇ам̣ д̣̇звад̣̇иннан̃жа комаад̣̇ийнамануломанд̇и.
31. Idāni ‘‘dukūla’’ntiādinā tesaṃ anulomāni dasseti. Tattha dukūlanti dukūlasaṅkhātena kenaci vākavisesena vāyitaṃ cīvaraṃ. Cevāti samuccaye, so upari ākaḍḍhitabbo. Paṭṭuṇṇanti paṭṭuṇṇesu jātaṃ paṭṭuṇṇaṃ. Desavācino bahuvacanantāti bahuvacanena viggaho. Tathā somārā ca cīnā ca, tesu jātaṃ somāracīnajaṃ. Imāni tīṇi pāṇakehi katasuttamayāni. Ehibhikkhūnaṃ puññiddhiyā jātaṃ iddhijaṃ, taṃ pana khomādīnaṃ aññataraṃ. Devadinnanti devehi dinnaṃ kapparukkhe nibbattaṃ cīvaraṃ. Tadetaṃ dukūlādi tassa tassa yathāvuttassa khomādino anulomikaṃ hoti. Tattha lomāni anugataṃ anulomaṃ, yathā sesalomāni anugataṃ lomaṃ tadanukūlattā ‘‘anuloma’’nti vuccati, tathā taṃjātiyakaṃ yesaṃ kesañci anukūlaṃ sabbampi ruḷhīvasena ‘‘anuloma’’nti vuccati. Tameva anulomikaṃ, anukūlanti attho. Kathaṃ? Dukūlaṃ sāṇassa anulomaṃ, paṭṭuṇṇādīni tīṇi koseyyassa anulomāni, iddhijaṃ devadinnañca khomādīnamanulomanti.
32-3. звам̣ саануломаани жийвараани д̣̇ассзд̇ваа ид̣̇аани ад̇хидтаанаад̣̇игам̣ д̣̇ассзд̇ум̣ ‘‘д̇ижийвара’’нд̇иаад̣̇имааха. д̇ад̇т̇а авуд̇д̇зби авассам̣ вад̇д̇аб̣б̣ад̇ааяа саб̣б̣ад̇т̇а жа-сад̣̇д̣̇о аж̇жхаахарид̇аб̣б̣о, д̇ижийваран̃жа…бз… ган̣д̣ужчаад̣̇ин̃жа ад̇хидтзяяа на вигаббзяяаад̇и самб̣анд̇хо. д̇ад̇т̇а д̇ин̣н̣ам̣ жийвараанам̣ самаахааро д̇ижийварам̣. баригкааран̃жа д̇ам̣ жол̣ан̃жаад̇и баригкааражол̣ам̣. вассасса яог̇г̇аа вассигаа, саава саадигаа вассигасаадигаа. бун̃чад̇и анзнаад̇и бун̃чанам̣, мукасса бун̃чанам̣ мукабун̃чанам̣. нисийд̣̇анд̇и зд̇т̇аад̇и нисийд̣̇анам̣, мукабун̃чанан̃жа нисийд̣̇анан̃жа мукабун̃чананисийд̣̇анам̣ . саяанасукаад̣̇им̣ бадижжа ад̇т̇арийяад̇ийд̇и бажжад̇т̇аран̣ам̣, д̇ад̣̇зва бажжад̇т̇аран̣агам̣. ган̣д̣ум̣ чаад̣̇зд̇ийд̇и ган̣д̣ужчаад̣̇и. ад̇хидтахзд̇и ‘‘имам̣ сан̇гхаадим̣ ад̇хидтаамий’’д̇иаад̣̇инаа наваннам̣ наамам̣ г̇ахзд̇ваа ад̇хидтзяяа. на вигаббзяяаад̇и д̇асса д̇асса наамам̣ г̇ахзд̇ваа на вигаббзяяа, д̇асса д̇асса бана наамам̣ аг̇г̇ахзд̇ваа ‘‘имам̣ жийварам̣ д̇уяхам̣ вигаббзмий’’д̇и вигаббзяяаад̇и ад̇хиббааяо. зд̇т̇аад̇и имзсу навасу жийварзсу. д̇ижийваранд̇и д̇ижийваранаамзна ад̇хидтид̇ам̣. д̇ат̇аа хи ад̇хидтаанад̇о буб̣б̣з висум̣ д̇ижийварам̣ наама над̇т̇и сан̇гхаадиаад̣̇иббахонагасса бажжад̇т̇аран̣аад̣̇ивасзнааби ад̇хидтаад̇ум̣ анун̃н̃аад̇ад̇д̇аа. д̇ам̣ винаа згаахам̣ згад̣̇ивасамби. на васзяяаад̇и алад̣̇д̇хасаммуд̇иго бхигку авиббаваасасиймад̇о ан̃н̃ад̇т̇а ваасам̣ на гарзяяаад̇и ад̇т̇о. звам̣ сад̇и д̇ижийваран̃жа ниссаж̇ж̇ид̇аб̣б̣ам̣ ход̇и, баажид̇д̇ияан̃жа аабад̇д̇им̣ аабаж̇ж̇ад̇ийд̇и д̣̇ийбзд̇и. нисийд̣̇анам̣ винаа жаад̇умаасам̣ на васзяяаад̇и самб̣анд̇хо. жад̇уннам̣ маасаанам̣ самаахааро жад̇умаасам̣, д̇амзва жаад̇умаасам̣. д̇ам̣ ажжанд̇асам̣яог̇авасзна.
32-3. Evaṃ sānulomāni cīvarāni dassetvā idāni adhiṭṭhānādikaṃ dassetuṃ ‘‘ticīvara’’ntiādimāha. Tattha avuttepi avassaṃ vattabbatāya sabbattha ca-saddo ajjhāharitabbo, ticīvarañca…pe… kaṇḍucchādiñca adhiṭṭheyya na vikappeyyāti sambandho. Tattha tiṇṇaṃ cīvarānaṃ samāhāro ticīvaraṃ. Parikkhārañca taṃ coḷañcāti parikkhāracoḷaṃ. Vassassa yoggā vassikā, sāva sāṭikā vassikasāṭikā. Puñchati anenāti puñchanaṃ, mukhassa puñchanaṃ mukhapuñchanaṃ. Nisīdanti etthāti nisīdanaṃ, mukhapuñchanañca nisīdanañca mukhapuñchananisīdanaṃ. Sayanasukhādiṃ paṭicca attharīyatīti paccattharaṇaṃ, tadeva paccattharaṇakaṃ. Kaṇḍuṃ chādetīti kaṇḍucchādi. Adhiṭṭhaheti ‘‘imaṃ saṅghāṭiṃ adhiṭṭhāmī’’tiādinā navannaṃ nāmaṃ gahetvā adhiṭṭheyya. Na vikappeyyāti tassa tassa nāmaṃ gahetvā na vikappeyya, tassa tassa pana nāmaṃ aggahetvā ‘‘imaṃ cīvaraṃ tuyhaṃ vikappemī’’ti vikappeyyāti adhippāyo. Etthāti imesu navasu cīvaresu. Ticīvaranti ticīvaranāmena adhiṭṭhitaṃ. Tathā hi adhiṭṭhānato pubbe visuṃ ticīvaraṃ nāma natthi saṅghāṭiādippahonakassa paccattharaṇādivasenāpi adhiṭṭhātuṃ anuññātattā. Taṃ vinā ekāhaṃ ekadivasampi. Na vaseyyāti aladdhasammutiko bhikkhu avippavāsasīmato aññattha vāsaṃ na kareyyāti attho. Evaṃ sati ticīvarañca nissajjitabbaṃ hoti, pācittiyañca āpattiṃ āpajjatīti dīpeti. Nisīdanaṃ vinā cātumāsaṃ na vaseyyāti sambandho. Catunnaṃ māsānaṃ samāhāro catumāsaṃ, tameva cātumāsaṃ. Taṃ accantasaṃyogavasena.
34. ид̣̇аани ‘‘има’’нд̇иаад̣̇инаа ‘‘ад̇хидтзяяаа’’д̇и вуд̇д̇амад̇хидтаанам̣ д̣̇ассзд̇и. сан̇гхаадим̣ ‘‘имам̣ сан̇гхаадим̣ ад̇хидтаамий’’д̇и ад̇хидтахзд̇и самб̣анд̇хо. д̇ад̇т̇а ад̇хидтахзд̇и хад̇т̇абаасз тид̇ам̣ звам̣ ад̇хидтзяяа. ахад̇т̇абаасанд̇и хад̇т̇асса баасо самийбо хад̇т̇абаасо, ад̣дхад̇зяяахад̇т̇аб̣бханд̇аро. д̣̇ваад̣̇асахад̇т̇аб̣бханд̇арод̇иби вад̣̇анд̇и. над̇т̇и хад̇т̇абаасо зд̇иссаад̇и ахад̇т̇абаасаа, д̇ам̣ зд̇анд̇и ад̇хидтахзд̇и самб̣анд̇хо. гим̣ вуд̇д̇ам̣ ход̇и? анд̇ог̇аб̣бхз ваа убарибаасаад̣̇з ваа д̇ад̣̇ахзва г̇анд̇ваа нивад̇д̇анаяог̇г̇з бад̣̇зсз ваа тид̇ам̣ жийварам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и ад̇хидтзяяаад̇и вуд̇д̇ам̣ ход̇и. д̇ад̇о д̣̇уурз тид̇амби ад̇хидтаад̇аб̣б̣анд̇иби вад̣̇анд̇и. сзсзсубийд̇и уд̇д̇араасан̇г̇аад̣̇иган̣д̣уббадижчаад̣̇ибарияанд̇зсуби авасзсажийварзсу. аяам̣ наяод̇и аяамзва наяо. яат̇аа сан̇гхаадияаа, звам̣ ‘‘имам̣ уд̇д̇араасан̇г̇ам̣ ад̇хидтаамий’’д̇иаад̣̇и вуд̇д̇анаяоваад̇и вуд̇д̇ам̣ ход̇и. ад̇хидтаханд̇зна бана хад̇т̇зна г̇ахзд̇ваа гааяавигаарам̣ гаронд̇зна ‘‘имам̣ сан̇гхаадим̣ ад̇хидтаамий’’д̇и жид̇д̇зна аабхог̇ам̣ гад̇ваа гааязна ваа ад̇хидтаад̇аб̣б̣ам̣, важийбхзд̣̇амад̇д̇ам̣ гад̇ваа ваажааяа ваа. баригкааражол̣ам̣ наама баадзггам̣ нид̇хаанамуканд̇и д̇ижийварам̣ баригкааражол̣амби ад̇хидтаад̇ум̣ ваддад̇ийд̇и.
34. Idāni ‘‘ima’’ntiādinā ‘‘adhiṭṭheyyā’’ti vuttamadhiṭṭhānaṃ dasseti. Saṅghāṭiṃ ‘‘imaṃ saṅghāṭiṃ adhiṭṭhāmī’’ti adhiṭṭhaheti sambandho. Tattha adhiṭṭhaheti hatthapāse ṭhitaṃ evaṃ adhiṭṭheyya. Ahatthapāsanti hatthassa pāso samīpo hatthapāso, aḍḍhateyyahatthabbhantaro. Dvādasahatthabbhantarotipi vadanti. Natthi hatthapāso etissāti ahatthapāsā, taṃ etanti adhiṭṭhaheti sambandho. Kiṃ vuttaṃ hoti? Antogabbhe vā uparipāsāde vā tadaheva gantvā nivattanayogge padese vā ṭhitaṃ cīvaraṃ sallakkhetvā ‘‘etaṃ saṅghāṭiṃ adhiṭṭhāmī’’ti adhiṭṭheyyāti vuttaṃ hoti. Tato dūre ṭhitampi adhiṭṭhātabbantipi vadanti. Sesesupīti uttarāsaṅgādikaṇḍuppaṭicchādipariyantesupi avasesacīvaresu. Ayaṃ nayoti ayameva nayo. Yathā saṅghāṭiyā, evaṃ ‘‘imaṃ uttarāsaṅgaṃ adhiṭṭhāmī’’tiādi vuttanayovāti vuttaṃ hoti. Adhiṭṭhahantena pana hatthena gahetvā kāyavikāraṃ karontena ‘‘imaṃ saṅghāṭiṃ adhiṭṭhāmī’’ti cittena ābhogaṃ katvā kāyena vā adhiṭṭhātabbaṃ, vacībhedamattaṃ katvā vācāya vā. Parikkhāracoḷaṃ nāma pāṭekkaṃ nidhānamukhanti ticīvaraṃ parikkhāracoḷampi adhiṭṭhātuṃ vaṭṭatīti.
35. ид̣̇аани звам̣ ад̇хидтахад̇о ан̃н̃ам̣ лад̣̇д̇хаа ад̇хидтаад̇угаамзна бажжуд̣̇д̇харид̇ваа ад̇хидтаад̇аб̣б̣анд̇и д̣̇ассзд̇ум̣ ‘‘ад̇хидтаханд̇о’’д̇иаад̣̇имааха. д̇ад̇т̇а сан̇гхаади бабхуд̇и аад̣̇и яасса д̇ам̣ сан̇гхаадиббабхуд̇и. зд̇ам̣ ‘‘ад̇хидтаханд̇о’’д̇и зд̇т̇ааби ‘‘ад̇хидтзяяаа’’д̇и зд̇т̇ааби гаммабад̣̇ам̣, ‘‘буб̣б̣ажийвара’’нд̇и зд̇т̇а бана висзсанам̣ худ̇ваа д̇идтад̇и. бажжуд̣̇д̇харид̇ваад̇и барижжаж̇ид̇ваа. баригкааражол̣анаамзна ад̇хидтахид̇ваа табид̇авад̇т̇зхи сан̇гхаадиаад̣̇ийни гарод̇и, нидтид̇з раж̇анз жа габбз жа имам̣ баригкааражол̣ам̣ бажжуд̣̇д̇харид̇ваа буна ад̇хидтаад̇аб̣б̣аани. бад̇д̇аад̇хидтаханзд̇и бад̇д̇асса ад̇хидтаанз. д̇ат̇аад̇и жа яат̇аа жийварз, д̇ат̇аа бад̇д̇зби ад̇хидтаанаад̣̇игам̣ саб̣б̣анд̇и ад̇т̇о. зд̇т̇а бана ‘‘имам̣ бад̇д̇ам̣, зд̇ам̣ бад̇д̇а’’нд̇и ваа висзсо.
35. Idāni evaṃ adhiṭṭhahato aññaṃ laddhā adhiṭṭhātukāmena paccuddharitvā adhiṭṭhātabbanti dassetuṃ ‘‘adhiṭṭhahanto’’tiādimāha. Tattha saṅghāṭi pabhuti ādi yassa taṃ saṅghāṭippabhuti. Etaṃ ‘‘adhiṭṭhahanto’’ti etthāpi ‘‘adhiṭṭheyyā’’ti etthāpi kammapadaṃ, ‘‘pubbacīvara’’nti ettha pana visesanaṃ hutvā tiṭṭhati. Paccuddharitvāti pariccajitvā. Parikkhāracoḷanāmena adhiṭṭhahitvā ṭhapitavatthehi saṅghāṭiādīni karoti, niṭṭhite rajane ca kappe ca imaṃ parikkhāracoḷaṃ paccuddharitvā puna adhiṭṭhātabbāni. Pattādhiṭṭhahaneti pattassa adhiṭṭhāne. Tathāti ca yathā cīvare, tathā pattepi adhiṭṭhānādikaṃ sabbanti attho. Ettha pana ‘‘imaṃ pattaṃ, etaṃ patta’’nti vā viseso.
36. ид̣̇аани бажжуд̣̇д̇хааравид̇хим̣ д̣̇ассзд̇ум̣ ‘‘зд̇а’’нд̇иаад̣̇имааха. д̇ад̇т̇а имам̣ ва ид̇и ваа-сад̣̇д̣̇о рассам̣ гад̇ваа нид̣̇д̣̇идто, со ид̇и-сад̣̇д̣̇ад̇о барам̣ яож̇зд̇аб̣б̣о, д̇асмаа ‘‘зд̇ам̣ сан̇гхаадим̣ бажжуд̣̇д̇хараамий’’д̇и ваа ‘‘имам̣ сан̇гхаадим̣ бажжуд̣̇д̇хараамий’’д̇и ваа сам̣сзд̇и самб̣анд̇хо взд̣̇ид̇аб̣б̣о. сам̣сзд̇и вад̣̇зяяа. званд̇и яат̇аа наамзна сан̇гхаади бажжуд̣̇д̇харид̇аб̣б̣аа, д̇ат̇аа уд̇д̇араасан̇г̇аад̣̇ийнийд̇и ад̇т̇о. вид̣̇ууд̇и бажжуд̣̇д̇харзд̇имасса гад̇д̇убад̣̇ам̣, бан̃н̃аваад̇и ад̇т̇о. саб̣б̣ад̇т̇ааби д̣̇уураасаннад̇аад̣̇ий вуд̇д̇анаязна взд̣̇ид̇аб̣б̣аа.
36. Idāni paccuddhāravidhiṃ dassetuṃ ‘‘eta’’ntiādimāha. Tattha imaṃ va iti vā-saddo rassaṃ katvā niddiṭṭho, so iti-saddato paraṃ yojetabbo, tasmā ‘‘etaṃ saṅghāṭiṃ paccuddharāmī’’ti vā ‘‘imaṃ saṅghāṭiṃ paccuddharāmī’’ti vā saṃseti sambandho veditabbo. Saṃseti vadeyya. Evanti yathā nāmena saṅghāṭi paccuddharitabbā, tathā uttarāsaṅgādīnīti attho. Vidūti paccuddharetimassa kattupadaṃ, paññavāti attho. Sabbatthāpi dūrāsannatādī vuttanayena veditabbā.
37-8. ид̣̇аани сан̇гхаадиаад̣̇ийнам̣ чаннам̣ бамаан̣абарижчзд̣̇ам̣ д̣̇ассзд̇и ‘‘сан̇гхаадий’’д̇иаад̣̇инаа. бажчимо анд̇о бажчиманд̇о, д̇зна, бажчимагодияаад̇и ад̇т̇о. д̣̇ийгхасод̇и д̣̇ийгхад̇о. мудтияаа сахид̇ам̣ бан̃жагам̣ яассаа саа мудтибан̃жагаа, лин̇г̇авибаллаасавасзна бана мудтибан̃жаго. мудти-сад̣̇д̣̇знзд̇т̇а убажааравасзна гад̇амудтиго хад̇т̇ова вуд̇д̇о. суг̇ад̇асса жийварад̇о уунаад̇и самаасо. абийд̇и вуд̇д̇асамужжаяз, д̇зна яат̇аавуд̇д̇абажчимаббамаан̣аа жа аяан̃жа уд̇д̇амаббамаан̣аад̇и ад̇т̇о. ‘‘бажчиманд̇знаа’’д̇и ид̣̇ам̣ мудтид̇д̇иган̃жа д̇ирияанд̇и зд̇т̇ааби анувад̇д̇зд̇ваа ад̇т̇о взд̣̇ид̇аб̣б̣о. жа-сад̣̇д̣̇о ‘‘уд̇д̇аманд̇зна суг̇ад̇ажийваруунааби ваддад̇ий’’д̇и ид̣̇ам̣ самужжинод̇и. д̇ад̇т̇а ид̣̇аани маж̇жхимасса бурисасса д̇иссо вид̣̇ад̇т̇ияо згаа суг̇ад̇авид̣̇ад̇т̇и, д̇ааяа вид̣̇ад̇т̇ияаа нава вид̣̇ад̇т̇ияо д̣̇ийгхад̇о суг̇ад̇ажийвараббамаан̣ам̣, д̇ирияам̣ ча вид̣̇ад̇т̇ияо, д̇ам̣ бана вад̣дхагихад̇т̇зна д̣̇ийгхад̇о д̇зраса хад̇т̇аа згаа жа вид̣̇ад̇т̇и, д̇ирияад̇о нава хад̇т̇аа хонд̇и. д̇ам̣васзна убхаяад̇т̇а уунад̇аа вин̃н̃аад̇аб̣б̣аа.
37-8. Idāni saṅghāṭiādīnaṃ channaṃ pamāṇaparicchedaṃ dasseti ‘‘saṅghāṭī’’tiādinā. Pacchimo anto pacchimanto, tena, pacchimakoṭiyāti attho. Dīghasoti dīghato. Muṭṭhiyā sahitaṃ pañcakaṃ yassā sā muṭṭhipañcakā, liṅgavipallāsavasena pana muṭṭhipañcako. Muṭṭhi-saddenettha upacāravasena katamuṭṭhiko hatthova vutto. Sugatassa cīvarato ūnāti samāso. Apīti vuttasamuccaye, tena yathāvuttapacchimappamāṇā ca ayañca uttamappamāṇāti attho. ‘‘Pacchimantenā’’ti idaṃ muṭṭhittikañca tiriyanti etthāpi anuvattetvā attho veditabbo. Ca-saddo ‘‘uttamantena sugatacīvarūnāpi vaṭṭatī’’ti idaṃ samuccinoti. Tattha idāni majjhimassa purisassa tisso vidatthiyo ekā sugatavidatthi, tāya vidatthiyā nava vidatthiyo dīghato sugatacīvarappamāṇaṃ, tiriyaṃ cha vidatthiyo, taṃ pana vaḍḍhakihatthena dīghato terasa hatthā ekā ca vidatthi, tiriyato nava hatthā honti. Taṃvasena ubhayattha ūnatā viññātabbā.
уд̇д̇араасан̇г̇оби д̇ад̇д̇аговаад̇и д̣̇ассзд̇ум̣ ‘‘д̇ат̇аа згам̣сигассабий’’д̇и ааха. зго ам̣со згам̣со, д̇ад̇т̇а гаад̇аб̣б̣анд̇и д̇ад̣̇д̇хид̇з згам̣сигам̣. ‘‘анд̇араваасаго’’жжаад̣̇инаа ниваасанам̣ д̣̇ассзд̇и. д̇ад̇т̇а анд̇арам̣ маж̇жхабад̣̇зсо, анд̇арз маж̇жхз гадиббад̣̇зсз ваасо вад̇т̇ам̣ анд̇араваасо, соязва анд̇араваасаго. жаабийд̇и самуд̣̇ааяо, зго ваа самужжаяо. ад̣дхзна д̇ад̇ияо бхааг̇о ад̣дхад̇зяяо. зд̇т̇а д̣̇виннам̣ хад̇т̇агодтаасаанам̣ самбун̣н̣аанам̣ д̇ад̇ияагодтаасасам̣сиж̇жханз гаран̣абхууд̇аа ад̣дха-сад̣̇д̣̇анид̣̇д̣̇идтаа яаа вид̣̇ад̇т̇и , саава д̇ад̇ияод̇и нид̣̇д̣̇идтод̇и убад̣дхахад̇т̇асан̇каад̇о д̇ад̇ияо бхааг̇о ад̣дхад̇зяяо. со жа наананд̇арзна д̣̇вихад̇т̇ад̇ад̇ияад̇аа лаб̣бхад̇ийд̇и д̣̇вз хад̇т̇аа, згаа жа вид̣̇ад̇т̇и ад̣дхад̇зяяо. д̇ам̣саннияог̇зна банзд̇т̇а анд̇араваасагова ад̣дхад̇зяяод̇и взд̣̇ид̇аб̣б̣о. д̣̇вз хад̇т̇аа яассаад̇и б̣аахирад̇т̇асамаасо. баарубанзнааби саггаа наабхим̣ бадижчаад̣̇зд̇унд̇и ‘‘д̣̇вихад̇т̇о’’д̇и вуд̇д̇ам̣. ваа-сад̣̇д̣̇о ад̣дхад̇зяяам̣ вигаббзд̇и. д̇ирияасса анд̇од̇и чадтийд̇аббурисо, д̇ирияамзва анд̇од̇и ваа гаммад̇хаараяо ‘‘г̇ааманд̇о’’д̇иаад̣̇ийсу вияа.
Uttarāsaṅgopi tattakovāti dassetuṃ ‘‘tathā ekaṃsikassapī’’ti āha. Eko aṃso ekaṃso, tattha kātabbanti taddhite ekaṃsikaṃ. ‘‘Antaravāsako’’ccādinā nivāsanaṃ dasseti. Tattha antaraṃ majjhapadeso, antare majjhe kaṭippadese vāso vatthaṃ antaravāso, soyeva antaravāsako. Cāpīti samudāyo, eko vā samuccayo. Aḍḍhena tatiyo bhāgo aḍḍhateyyo. Ettha dvinnaṃ hatthakoṭṭhāsānaṃ sampuṇṇānaṃ tatiyakoṭṭhāsasaṃsijjhane karaṇabhūtā aḍḍha-saddaniddiṭṭhā yā vidatthi , sāva tatiyoti niddiṭṭhoti upaḍḍhahatthasaṅkhāto tatiyo bhāgo aḍḍhateyyo. So ca nānantarena dvihatthatatiyatā labbhatīti dve hatthā, ekā ca vidatthi aḍḍhateyyo. Taṃsanniyogena panettha antaravāsakova aḍḍhateyyoti veditabbo. Dve hatthā yassāti bāhiratthasamāso. Pārupanenāpi sakkā nābhiṃ paṭicchādetunti ‘‘dvihattho’’ti vuttaṃ. Vā-saddo aḍḍhateyyaṃ vikappeti. Tiriyassa antoti chaṭṭhītappuriso, tiriyameva antoti vā kammadhārayo ‘‘gāmanto’’tiādīsu viya.
39. ‘‘нисийд̣̇анассаа’’д̇иаад̣̇инаа нисийд̣̇анажийварам̣ д̣̇ассзд̇и. зд̇т̇а нисийд̣̇анам̣ наама самз бхуумибхааг̇з зл̣агаломаани убаруубари сант̇арид̇ваа ган̃ж̇игаад̣̇ийхи син̃жид̇ваа гад̇о д̣̇вийсу таанзсу паалид̇ад̇д̇аа д̇ийхи д̣̇асаахи яуд̇д̇о баригкаарависзсо. вид̣̇ад̇т̇ий д̣̇взд̇и д̣̇вз вид̣̇ад̇т̇ий. висаалад̇о бут̇улад̇о.
39.‘‘Nisīdanassā’’tiādinā nisīdanacīvaraṃ dasseti. Ettha nisīdanaṃ nāma same bhūmibhāge eḷakalomāni uparūpari santharitvā kañjikādīhi siñcitvā kato dvīsu ṭhānesu phālitattā tīhi dasāhi yutto parikkhāraviseso. Vidatthī dveti dve vidatthī. Visālato puthulato.
40. ‘‘ган̣д̣уббадижчаад̣̇ий’’д̇иаад̣̇инаа ган̣д̣уббадижчаад̣̇им̣ д̣̇ассзд̇и. д̇ад̇т̇а ган̣д̣ууд̇и хи на ад̇т̇ад̇о наанам̣, д̇аг̇г̇ахан̣зна банзд̇т̇а бил̣агассаават̇уллагажчааб̣аад̇хам̣ г̇аяхад̇и. ган̣д̣ум̣ яат̇аавуд̇д̇ам̣ бил̣агаад̣̇им̣ бадижчаад̣̇зд̇ийд̇и ган̣д̣уббадижчаад̣̇и. бадижчад̣̇анам̣ ваа бадижчаад̣̇о, яат̇аавуд̇д̇аган̣д̣уяаа бадижчаад̣̇о ган̣д̣уббадижчаад̣̇о, со асса ад̇т̇ийд̇и ган̣д̣уббадижчаад̣̇ий, д̇асса. д̇ирияанд̇и д̇ирияад̇о.
40.‘‘Kaṇḍuppaṭicchādī’’tiādinā kaṇḍuppaṭicchādiṃ dasseti. Tattha kaṇḍūti hi na atthato nānaṃ, taggahaṇena panettha piḷakassāvathullakacchābādhaṃ gayhati. Kaṇḍuṃ yathāvuttaṃ piḷakādiṃ paṭicchādetīti kaṇḍuppaṭicchādi. Paṭicchadanaṃ vā paṭicchādo, yathāvuttakaṇḍuyā paṭicchādo kaṇḍuppaṭicchādo, so assa atthīti kaṇḍuppaṭicchādī, tassa. Tiriyanti tiriyato.
41. ‘‘вассигаа’’д̇иаад̣̇инаа вассигасаадигам̣ д̣̇ассзд̇и, д̇ам̣ сувин̃н̃зяяам̣.
41.‘‘Vassikā’’tiādinā vassikasāṭikaṃ dasseti, taṃ suviññeyyaṃ.
42. звам̣ бамаан̣аванд̇аанам̣ бамаан̣ам̣ д̣̇ассзд̇ваа вуд̇д̇аббамаан̣аад̇иггамз д̣̇осам̣, гзсан̃жи бамаан̣аабхааваг̇ан̣анаабхааван̃жа д̣̇ассзд̇ум̣ ‘‘зд̇т̇аа’’д̇иаад̣̇имааха. д̇ад̇т̇а зд̇т̇аад̇и вуд̇д̇аббамаан̣аванд̇зсу жийварзсу. д̇ад̣̇уд̇д̇ари д̇ад̇о вуд̇д̇аббамаан̣ад̇о уд̇д̇ари нибаад̇зна уд̇д̇ари-сад̣̇д̣̇зна д̇аббурисо. гаронд̇асса самбаад̣̇знд̇асса. чзд̣̇анабаажид̇д̇ийд̇и чзд̣̇анзна сахид̇аа баажид̇д̇и, ад̇ирзгам̣ чинд̣̇ид̇ваа баажид̇д̇ияам̣ д̣̇зсзд̇аб̣б̣анд̇и вуд̇д̇ам̣ ход̇и. вуд̇д̇аббамаан̣ад̇о бана ад̇ирзган̃жа уунаган̃жа ‘‘баригкааражол̣а’’нд̇и ад̇хидтаад̇аб̣б̣ам̣. язна мукам̣ бун̃чанд̇и, д̇ам̣ мукасамб̣анд̇хийд̇и мукасса жол̣анд̇и самаасз д̣̇ванд̣̇о. ааган̇кид̇ам̣ ижчид̇ам̣ бамаан̣анд̇и гаммад̇хаараяо. д̇амзд̇зсамад̇т̇ийд̇и ааган̇кид̇аббамаан̣игаа. зд̇т̇а жа д̇ижийвараад̣̇ийсу авуд̇д̇зби г̇ан̣анавибхааг̇з бажжад̇т̇аран̣амукабун̃чанабаригкааражол̣з табзд̇ваа аад̣̇ид̇о бадтааяа чаггамзгзгамзва ваддад̇и. мукабун̃чанажол̣аани бажжад̇т̇аран̣аани жа б̣ахуунибийд̇и вин̃н̃аад̇аб̣б̣ам̣.
42. Evaṃ pamāṇavantānaṃ pamāṇaṃ dassetvā vuttappamāṇātikkame dosaṃ, kesañci pamāṇābhāvagaṇanābhāvañca dassetuṃ ‘‘etthā’’tiādimāha. Tattha etthāti vuttappamāṇavantesu cīvaresu. Taduttari tato vuttappamāṇato uttari nipātena uttari-saddena tappuriso. Karontassa sampādentassa. Chedanapācittīti chedanena sahitā pācitti, atirekaṃ chinditvā pācittiyaṃ desetabbanti vuttaṃ hoti. Vuttappamāṇato pana atirekañca ūnakañca ‘‘parikkhāracoḷa’’nti adhiṭṭhātabbaṃ. Yena mukhaṃ puñchanti, taṃ mukhasambandhīti mukhassa coḷanti samāse dvando. Ākaṅkhitaṃ icchitaṃ pamāṇanti kammadhārayo. Tametesamatthīti ākaṅkhitappamāṇikā. Ettha ca ticīvarādīsu avuttepi gaṇanavibhāge paccattharaṇamukhapuñchanaparikkhāracoḷe ṭhapetvā ādito paṭṭhāya chakkamekekameva vaṭṭati. Mukhapuñchanacoḷāni paccattharaṇāni ca bahūnipīti viññātabbaṃ.
43. г̇ан̣анаад̇и зд̇т̇а набум̣сагасса ид̇т̇иважанзна яог̇аабхааваа ‘‘на д̣̇ийбид̇аа’’д̇и лин̇г̇ам̣ вибарин̣аамзд̇ваа самб̣анд̇хид̇аб̣б̣ам̣, адтагат̇ааяам̣ на багаасид̇аад̇и ад̇т̇о. д̇ин̣н̣ам̣ банзд̇зсам̣ уггадтабарижчзд̣̇авасзнзва вуд̇д̇ам̣, вигаббануубаг̇абажчимзна бажчимаббамаан̣ам̣ ад̇т̇иязва. ид̣̇аани яасмаа д̇ад̇т̇а д̇ам̣ саб̣б̣ам̣ на д̣̇ийбид̇ам̣, д̇асмаа вигаббануубаг̇ат̇авигаад̣̇и саб̣б̣ам̣ згам̣ ‘‘баригкааражол̣а’’нд̇и, б̣ахууни згад̇о гад̇ваа ‘‘баригкааражол̣ааний’’д̇иби вад̇ваа ад̇хидтаад̇аб̣б̣анд̇и д̣̇ассзнд̇о ‘‘д̇ат̇аа’’д̇иаад̣̇имааха. иминаа баригкааражол̣ам̣ наама баадзггам̣ нид̇хаанамуканд̇и д̣̇ассзд̇и. т̇авигаад̣̇им̣ т̇авигаа аад̣̇и яасса бариссааванаад̣̇инод̇и самаасо. вигаббасса убаг̇ам̣ вигаббияам̣, д̇ан̃жа убари вагкад̇и.
43.Gaṇanāti ettha napuṃsakassa itthivacanena yogābhāvā ‘‘na dīpitā’’ti liṅgaṃ vipariṇāmetvā sambandhitabbaṃ, aṭṭhakathāyaṃ na pakāsitāti attho. Tiṇṇaṃ panetesaṃ ukkaṭṭhaparicchedavaseneva vuttaṃ, vikappanūpagapacchimena pacchimappamāṇaṃ atthiyeva. Idāni yasmā tattha taṃ sabbaṃ na dīpitaṃ, tasmā vikappanūpagathavikādi sabbaṃ ekaṃ ‘‘parikkhāracoḷa’’nti, bahūni ekato katvā ‘‘parikkhāracoḷānī’’tipi vatvā adhiṭṭhātabbanti dassento ‘‘tathā’’tiādimāha. Iminā parikkhāracoḷaṃ nāma pāṭekkaṃ nidhānamukhanti dasseti. Thavikādiṃ thavikā ādi yassa parissāvanādinoti samāso. Vikappassa upagaṃ vikappiyaṃ, tañca upari vakkhati.
44. ид̣̇аани д̇ин̣н̣ам̣ жийвараанам̣ бадибхааг̇ам̣ д̣̇ассзд̇ум̣ ‘‘ахад̇аа’’д̇иаад̣̇и аарад̣̇д̇хам̣. д̇ад̇т̇а ахад̇зна навзна ад̇ход̇зна габбам̣ сад̣̇исам̣ ахад̇агаббам̣, згаваарад̇ход̇ам̣. ахад̇ан̃жа ахад̇агаббан̃жа ахад̇аахад̇агаббаани, вад̇т̇аани, д̇зсам̣. д̣̇вз г̇ун̣аа бадалаани яасса саад̇и д̣̇уг̇ун̣аа. ‘‘г̇ун̣о бадалараасийсуу’’д̇и хи абхид̇хаанаббад̣̇ийбигаа. д̣̇уг̇ун̣аа д̣̇убаддаа, уд̇д̇арасмим̣ д̣̇зхабхааг̇з аасан̃ж̇ийяад̇ийд̇и уггараасан̇г̇о. згажжам̣ згабаддам̣ асса ад̇т̇ийд̇и згажжий, згабаддод̇и ад̇т̇о. нибаад̇о ваа згажжийд̇и. д̇ат̇аад̇и самужжаяз, анд̇араваасаго жаад̇и вуд̇д̇ам̣ ход̇и. убамааяам̣ ваа, яат̇аа уд̇д̇араасан̇г̇о згажжияо, звам̣ анд̇араваасагод̇и ад̇т̇о.
44. Idāni tiṇṇaṃ cīvarānaṃ paṭibhāgaṃ dassetuṃ ‘‘ahatā’’tiādi āraddhaṃ. Tattha ahatena navena adhotena kappaṃ sadisaṃ ahatakappaṃ, ekavāradhotaṃ. Ahatañca ahatakappañca ahatāhatakappāni, vatthāni, tesaṃ. Dve guṇā paṭalāni yassa sāti duguṇā. ‘‘Guṇo paṭalarāsīsū’’ti hi abhidhānappadīpikā. Duguṇā dupaṭṭā, uttarasmiṃ dehabhāge āsañjīyatīti ukkarāsaṅgo. Ekaccaṃ ekapaṭṭaṃ assa atthīti ekaccī, ekapaṭṭoti attho. Nipāto vā ekaccīti. Tathāti samuccaye, antaravāsako cāti vuttaṃ hoti. Upamāyaṃ vā, yathā uttarāsaṅgo ekacciyo, evaṃ antaravāsakoti attho.
45. ‘‘уд̇уу’’д̇и анзгауд̇у г̇ахид̇аад̇и уд̇уд̇о д̣̇ийгхагаалад̇о уд̣̇д̇хадаа уд̇уд̣̇д̇хадаа, д̇зсам̣ билод̇игаананд̇и ад̇т̇о. сзсаад̇и уд̇д̇араасан̇г̇аанд̇араваасагаа. бам̣су вияа гужчид̇ам̣ улад̇и бавад̇д̇ад̇ийд̇и бам̣сугуулам̣, рат̇игаасусаанасан̇гаарагуудаад̣̇ийнам̣ яад̇т̇а гад̇т̇ажи тид̇ам̣ жол̣акан̣д̣ам̣, д̇асмим̣. яаа яаа ружийд̇и аб̣яаяийбхаавз яат̇ааружи, яаавад̣̇ад̇т̇ам̣ сад̇абаддамби ваддад̇ийд̇и ад̇хиббааяо.
45. ‘‘Utū’’ti anekautu gahitāti ututo dīghakālato uddhaṭā utuddhaṭā, tesaṃ pilotikānanti attho. Sesāti uttarāsaṅgaantaravāsakā. Paṃsu viya kucchitaṃ ulati pavattatīti paṃsukūlaṃ, rathikāsusānasaṅkārakūṭādīnaṃ yattha katthaci ṭhitaṃ coḷakhaṇḍaṃ, tasmiṃ. Yā yā rucīti abyayībhāve yathāruci, yāvadatthaṃ satapaṭṭampi vaṭṭatīti adhippāyo.
46. ид̣̇аани д̇ийсу чинд̣̇ид̇ваа гаад̇ум̣ аббахонд̇зсу гаад̇аб̣б̣авид̇хим̣ д̣̇ассзд̇ум̣ ‘‘д̇ийсуу’’д̇иаад̣̇имааха. д̇ад̇т̇а д̇ижийварасамуд̣̇ааяад̇о згад̣̇зсабхууд̇аанам̣ д̣̇виннамзгасса жа сан̇кааг̇ун̣зна нид̣̇д̇хаарияамаанад̇д̇аа д̇ийсууд̇и нид̣̇д̇хааран̣з бхуммам̣. згаважанасса б̣ахвад̇т̇зна яог̇аабхаавад̇о д̣̇вижийварасан̇каад̇аб̣ахвад̇т̇авасзна важанам̣ вибарин̣аамзд̇ваа яаани бахонд̇и, д̇аани д̣̇вз вааби чинд̣̇ид̇аб̣б̣аани, яам̣ баход̇и, д̇ам̣ згам̣ ваа чинд̣̇ид̇аб̣б̣анд̇и яож̇зд̇аб̣б̣ам̣. бахонд̇ийд̇и бажчимажийвараббамаан̣ачиннагаани бахонд̇и. абийд̇и самбхааванз, д̇ийсу гаа гат̇аад̇и ад̇т̇о. анваад̇хинд̇и ааг̇анд̇угабад̇д̇ам̣. ану бажчаа аад̇хийяад̇ийд̇и анваад̇хи, яам̣ жийварассобари сан̇гхаадиаагаарзна ааробзд̇аб̣б̣ам̣. анаад̣̇ин̣н̣анд̇и анааробид̇ам̣ анваад̇хигам̣. на д̇хаарзяяаад̇и иминаа яад̣̇и д̇хаарзяяа, д̣̇уггаданд̇и д̣̇ийбзд̇и.
46. Idāni tīsu chinditvā kātuṃ appahontesu kātabbavidhiṃ dassetuṃ ‘‘tīsū’’tiādimāha. Tattha ticīvarasamudāyato ekadesabhūtānaṃ dvinnamekassa ca saṅkhāguṇena niddhāriyamānattā tīsūti niddhāraṇe bhummaṃ. Ekavacanassa bahvatthena yogābhāvato dvicīvarasaṅkhātabahvatthavasena vacanaṃ vipariṇāmetvā yāni pahonti, tāni dve vāpi chinditabbāni, yaṃ pahoti, taṃ ekaṃ vā chinditabbanti yojetabbaṃ. Pahontīti pacchimacīvarappamāṇachinnakāni pahonti. Apīti sambhāvane, tīsu kā kathāti attho. Anvādhinti āgantukapattaṃ. Anu pacchā ādhīyatīti anvādhi, yaṃ cīvarassopari saṅghāṭiākārena āropetabbaṃ. Anādiṇṇanti anāropitaṃ anvādhikaṃ. Na dhāreyyāti iminā yadi dhāreyya, dukkaṭanti dīpeti.
47-8. ид̣̇аани ‘‘д̇ижийварам̣ на васзяяа винзгааха’’нд̇и вуд̇д̇аанам̣ д̇ин̣н̣ам̣ авиббаваасалагкан̣ам̣ д̣̇ассзд̇ум̣ ‘‘г̇аамз’’д̇иаад̣̇инаа уд̣̇осид̇асигкаабад̣̇з (баараа. 471 аад̣̇аяо) вуд̇д̇абарихаарамааха. д̇ад̇т̇а г̇аамз ваа…бз… вихаарз ваа д̇ижийварам̣ нигкибид̇ваад̇и самб̣анд̇хо. д̇ад̇т̇а ‘‘бадо д̣̇ад̣дхо’’д̇иаад̣̇ийсу вияа аваяавзби самуд̣̇ааяавохааравасзна д̇ийсу згамби ‘‘д̇ижийвара’’нд̇и вуд̇д̇ам̣. бхигкусаммуд̇ияан̃н̃ад̇раад̇и сан̇гхзна г̇илаанасса бхигкуно д̣̇ийяамаанам̣ жийварзна виббаваасасаммуд̇им̣ винаа. виббавад̇т̇унд̇и згуубажааранаануубажаараг̇аамаад̣̇ид̇о б̣ахи, ат̇а ваа нивзсанаад̣̇ийнам̣, д̇ад̇т̇а жа г̇аб̣бховарагаанам̣ жийварасса ваа хад̇т̇абаасам̣ ад̇иггамма жийварзна виббаяуд̇д̇о худ̇ваа васид̇ум̣. зд̇т̇а жа г̇аамаад̣̇ийнам̣ згуубажааранаануубажаарад̇аа згагуланаанаагуласанд̇агасса г̇аамаад̣̇ино баригкзбасса, баригкзбогаасасса жа васзна сад̇т̇ааб̣бхогаасаанам̣ сад̇д̇аб̣бханд̇аравасзна жа взд̣̇ид̇аб̣б̣аа. д̇ад̇т̇а зго аб̣бханд̇аро адтавийсад̇ихад̇т̇о ход̇и. зд̇т̇а жа нивзсанаад̣̇ийни г̇аамад̇о б̣ахи саннивидтаанийд̇и д̣̇адтаб̣б̣ам̣ висум̣ г̇аамасса г̇ахид̇ад̇д̇аа, д̇ат̇аа уд̣̇осид̇аад̣̇ийхи ан̃н̃ам̣ нивзсанам̣.
47-8. Idāni ‘‘ticīvaraṃ na vaseyya vinekāha’’nti vuttānaṃ tiṇṇaṃ avippavāsalakkhaṇaṃ dassetuṃ ‘‘gāme’’tiādinā udositasikkhāpade (pārā. 471 ādayo) vuttaparihāramāha. Tattha gāme vā…pe… vihāre vā ticīvaraṃ nikkhipitvāti sambandho. Tattha ‘‘paṭo daḍḍho’’tiādīsu viya avayavepi samudāyavohāravasena tīsu ekampi ‘‘ticīvara’’nti vuttaṃ. Bhikkhusammutiyaññatrāti saṅghena gilānassa bhikkhuno dīyamānaṃ cīvarena vippavāsasammutiṃ vinā. Vippavatthunti ekūpacāranānūpacāragāmādito bahi, atha vā nivesanādīnaṃ, tattha ca gabbhovarakānaṃ cīvarassa vā hatthapāsaṃ atikkamma cīvarena vippayutto hutvā vasituṃ. Ettha ca gāmādīnaṃ ekūpacāranānūpacāratā ekakulanānākulasantakassa gāmādino parikkhepassa, parikkhepokāsassa ca vasena satthaabbhokāsānaṃ sattabbhantaravasena ca veditabbā. Tattha eko abbhantaro aṭṭhavīsatihattho hoti. Ettha ca nivesanādīni gāmato bahi sanniviṭṭhānīti daṭṭhabbaṃ visuṃ gāmassa gahitattā, tathā udositādīhi aññaṃ nivesanaṃ.
д̇ад̇т̇а уд̣̇осид̇о наама яаанаад̣̇ийнам̣ бхан̣д̣аанам̣ саалаа. баасаад̣̇о д̣̇ийгхабаасаад̣̇о. хаммияам̣ мун̣д̣ажчад̣̇анабаасаад̣̇о. нааваа жа аддо жа маал̣о жа аараамо жа нааваа…бз… аараамам̣, д̇асмим̣. аддо наама бадирааж̇аад̣̇ийнам̣ бадиб̣ааханад̇т̇ам̣ идтагаахи гад̇о б̣ахалабхид̇д̇иго жад̇убан̃жабхуумиго бад̇иссаяависзсо. маал̣о згагуудасан̇г̇ахид̇о жад̇урассабаасаад̣̇о. аараамо бубпаараамо ваа палаараамо ваа. сад̇т̇о жа кзд̇д̇ан̃жа калан̃жаад̇и д̣̇ванд̣̇о. сад̇т̇о наама ж̇ан̇гхасад̇т̇о ваа сагадасад̇т̇о ваа. калам̣ вужжад̇и д̇хан̃н̃агаран̣ам̣. д̣̇умо наама д̣̇умамуулам̣ чааяааяа пудтогаасо убажааравасзна. аб̣бхогаасо бана аг̇аамагз аран̃н̃зва ад̇хиббзд̇о.
Tattha udosito nāma yānādīnaṃ bhaṇḍānaṃ sālā. Pāsādo dīghapāsādo. Hammiyaṃ muṇḍacchadanapāsādo. Nāvā ca aṭṭo ca māḷo ca ārāmo ca nāvā…pe… ārāmaṃ, tasmiṃ. Aṭṭo nāma paṭirājādīnaṃ paṭibāhanatthaṃ iṭṭhakāhi kato bahalabhittiko catupañcabhūmiko patissayaviseso. Māḷo ekakūṭasaṅgahito caturassapāsādo. Ārāmo pupphārāmo vā phalārāmo vā. Sattho ca khettañca khalañcāti dvando. Sattho nāma jaṅghasattho vā sakaṭasattho vā. Khalaṃ vuccati dhaññakaraṇaṃ. Dumo nāma dumamūlaṃ chāyāya phuṭṭhokāso upacāravasena. Abbhokāso pana agāmake araññeva adhippeto.
49. ид̣̇аани ‘‘зд̇ам̣…бз… сан̇гхаади’’нд̇иаад̣̇инаа наваннамзва бажжуд̣̇д̇хааро вуд̇д̇о, на бана д̇зсам̣ гаалабарижчзд̣̇од̇и д̇ам̣ д̣̇ассзд̇ум̣ ‘‘рог̇аа’’д̇иаад̣̇и аарад̣̇д̇хам̣. д̇ад̇т̇а д̣̇звад̣̇ад̇д̇о д̣̇ад̇д̇од̇и наамзгад̣̇зсзнааби наамавохаарад̇о вассигасаадигаава ‘‘саадигаа’’д̇и багаран̣авасзна г̇аммамаанад̇т̇ад̇д̇аа вуд̇д̇аа. ган̣д̣уббадижчаад̣̇игаа жа рог̇авассаанабарияанд̇аа. рог̇аа жа вассаанаа жа маасаа рог̇авассаанаа, д̇з д̇ад̣̇ад̇иггамзна бажжуд̣̇д̇харид̇аб̣б̣ад̇ааяа барияанд̇аа яаасанд̇и виг̇г̇ахо.
49. Idāni ‘‘etaṃ…pe… saṅghāṭi’’ntiādinā navannameva paccuddhāro vutto, na pana tesaṃ kālaparicchedoti taṃ dassetuṃ ‘‘rogā’’tiādi āraddhaṃ. Tattha devadatto dattoti nāmekadesenāpi nāmavohārato vassikasāṭikāva ‘‘sāṭikā’’ti pakaraṇavasena gammamānatthattā vuttā. Kaṇḍuppaṭicchādikā ca rogavassānapariyantā. Rogā ca vassānā ca māsā rogavassānā, te tadatikkamena paccuddharitabbatāya pariyantā yāsanti viggaho.
гим̣ вуд̇д̇ам̣ ход̇и? вассигасаадигаа вассаанамаасаад̇иггамз гад̇д̇игабун̣н̣амааяа зва бажжуд̣̇д̇харид̇аб̣б̣аа. д̇ат̇аа ган̣д̣уббадижчаад̣̇игаа ааб̣аад̇хзсу вуубасанд̇зсууд̇и вуд̇д̇ам̣ ход̇и. ‘‘бажжуд̣̇д̇харид̇ваа вигаббзд̇аб̣б̣аа’’д̇и хи адтагат̇ааяам̣ (баараа. адта. 2.469) вуд̇д̇ам̣. зд̇т̇а бана гзжи аажарияаа ‘‘бажжуд̣̇д̇харид̇ваад̇и вассигасаадигабхаавад̇о абанзд̇ваа’’д̇и вад̣̇им̣су, д̇ам̣ на яуж̇ж̇ад̇и. бажжуд̣̇д̇хааравинаяагаммависаязязва бажжуд̣̇д̇хаара-сад̣̇д̣̇асса д̣̇идтад̇д̇аа, ‘‘жаад̇умаасам̣ ад̇хидтаад̇ум̣ д̇ад̇о барам̣ вигаббзд̇у’’нд̇и (махаава. 358) баал̣иважанад̇о жа. ‘‘жаад̇умаасам̣ ад̇хидтаад̇у’’нд̇и жа жад̇уннам̣ маасаанам̣ ад̇хидтаанзна саха ажжанд̇асам̣яог̇о д̣̇ассид̇од̇и на д̇зна ад̇хидтаанабхзд̣̇о вин̃н̃ааяад̇и. д̇знзва гурунд̣̇адтагат̇ааяамби ‘‘вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и (махаава. 358) важанад̇о гад̇д̇игабун̣н̣амааяа зва бажжуд̣̇д̇харид̇ваа хзманд̇з вигаббзд̇аб̣б̣аад̇и вуд̇д̇ам̣. д̇асмаа ‘‘вассигасаадигаа вассаанамаасаад̇иггамзнааби ган̣д̣уббадижчаад̣̇и ааб̣аад̇хавуубасамзнааби ад̇хидтаанам̣ виж̇ахад̇ий’’д̇и (ган̇гаа. адта. гат̇инасигкаабад̣̇аван̣н̣анаа) вуд̇д̇ам̣. маад̇игаадтагат̇ааяамби бажжуд̣̇д̇хааравасзнааби ад̇хидтаанам̣ виж̇ахад̇ийд̇и звамад̇т̇о г̇ахзд̇аб̣б̣о. зван̃хи сад̇и саб̣б̣адтагат̇ааяо самзнд̇и, яуд̇д̇и жа авируд̣̇д̇хаа хонд̇ийд̇и. д̇ад̇о баранд̇и бажжуд̣̇д̇хаарад̇о убари. вигаббзяяаад̇и ган̣д̣уббадижчаад̣̇им̣ бажжуд̣̇д̇харид̇ваа вигаббзяяа. вассигасаадигам̣ гад̇д̇игабун̣н̣амааяам̣ бажжуд̣̇д̇харид̇ваа хзманд̇асса батамад̣̇ивасз вигаббзяяа, звам̣ асад̇и д̣̇уггаданд̇и ад̇хиббааяо. сзсаад̇и абарз сад̇д̇а жийвараани сзсаа. над̇т̇и барияанд̇ам̣ вуд̇д̇асад̣̇исо гаалабарижчзд̣̇о зд̇зсанд̇и абарияанд̇игаа.
Kiṃ vuttaṃ hoti? Vassikasāṭikā vassānamāsātikkame kattikapuṇṇamāya eva paccuddharitabbā. Tathā kaṇḍuppaṭicchādikā ābādhesu vūpasantesūti vuttaṃ hoti. ‘‘Paccuddharitvā vikappetabbā’’ti hi aṭṭhakathāyaṃ (pārā. aṭṭha. 2.469) vuttaṃ. Ettha pana keci ācariyā ‘‘paccuddharitvāti vassikasāṭikabhāvato apanetvā’’ti vadiṃsu, taṃ na yujjati. Paccuddhāravinayakammavisayeyeva paccuddhāra-saddassa diṭṭhattā, ‘‘cātumāsaṃ adhiṭṭhātuṃ tato paraṃ vikappetu’’nti (mahāva. 358) pāḷivacanato ca. ‘‘Cātumāsaṃ adhiṭṭhātu’’nti ca catunnaṃ māsānaṃ adhiṭṭhānena saha accantasaṃyogo dassitoti na tena adhiṭṭhānabhedo viññāyati. Teneva kurundaṭṭhakathāyampi ‘‘vassānaṃ cātumāsaṃ adhiṭṭhātuṃ, tato paraṃ vikappetu’’nti (mahāva. 358) vacanato kattikapuṇṇamāya eva paccuddharitvā hemante vikappetabbāti vuttaṃ. Tasmā ‘‘vassikasāṭikā vassānamāsātikkamenāpi kaṇḍuppaṭicchādi ābādhavūpasamenāpi adhiṭṭhānaṃ vijahatī’’ti (kaṅkā. aṭṭha. kathinasikkhāpadavaṇṇanā) vuttaṃ. Mātikāṭṭhakathāyampi paccuddhāravasenāpi adhiṭṭhānaṃ vijahatīti evamattho gahetabbo. Evañhi sati sabbaṭṭhakathāyo samenti, yutti ca aviruddhā hontīti. Tato paranti paccuddhārato upari. Vikappeyyāti kaṇḍuppaṭicchādiṃ paccuddharitvā vikappeyya. Vassikasāṭikaṃ kattikapuṇṇamāyaṃ paccuddharitvā hemantassa paṭhamadivase vikappeyya, evaṃ asati dukkaṭanti adhippāyo. Sesāti apare satta cīvarāni sesā. Natthi pariyantaṃ vuttasadiso kālaparicchedo etesanti apariyantikā.
50. ид̣̇аани бажжад̇т̇аран̣аад̣̇игам̣ жийваражад̇уггам̣ сад̣̇асаад̣̇игам̣ ваддад̇и, наабаранд̇и д̣̇ассзд̇ум̣ ‘‘бажжад̇т̇аран̣аа’’д̇иаад̣̇имааха. д̇ад̇т̇а баригкааро жа мукабун̃чанан̃жаад̇и д̣̇ванд̣̇о. баригкаарамукабун̃чанамзва жол̣аганд̇и гаммад̇хаараяо. д̣̇ванд̣̇асамаасанд̇з суяяамаанад̇д̇аа бана жол̣ага-сад̣̇д̣̇о баригкаара-сад̣̇д̣̇ад̇о жа барам̣ д̣̇адтаб̣б̣о ‘‘баригкааражол̣ага’’нд̇и. д̇ам̣ бана сааман̃н̃аж̇од̇анааяа висзсзби авадтаанад̇о табзд̇ваа бан̃жа жийвараани баригкааражол̣анаамзнаад̇хидтид̇аани авасзсам̣ д̣̇адтаб̣б̣ам̣. бажжад̇т̇аран̣ан̃жа баригкаарамукабун̃чанажол̣аган̃жа бажжад̇т̇аран̣а…бз… жол̣аган̃жа нисийд̣̇анан̃жаад̇и зд̇ам̣ жийваражад̇уггам̣ сад̣̇асамби арад̇д̇амби анаад̣̇ин̣н̣агаббамби лаб̣бханд̇и самб̣анд̇хо. сад̣̇асанд̇и саха яаахи гаахижи д̣̇асаахийд̇и сад̣̇асам̣. сад̣̇асагз лаб̣бхамаанз ад̣̇асамби лаб̣бхад̇зваад̇и сад̣̇асамби ад̣̇асамби бубпад̣̇асамбийд̇и зд̇т̇а ад̇т̇о. би-сад̣̇д̣̇о вуд̇д̇аавуд̇д̇асамбин̣д̣анад̇т̇о. арад̇д̇анд̇и нийлабийд̇аад̣̇ираж̇анзна аран̃ж̇ид̇амби. би-сад̣̇д̣̇зна ран̃ж̇ид̇анийлабийд̇аад̣̇игамби анаад̣̇ин̣н̣агаббамбийд̇и. аад̣̇ин̣н̣о габбо яасса над̇т̇ийд̇и д̇ам̣ анаад̣̇ин̣н̣агаббамби. би-сад̣̇д̣̇зна аад̣̇ин̣н̣агаббамби.
50. Idāni paccattharaṇādikaṃ cīvaracatukkaṃ sadasādikaṃ vaṭṭati, nāparanti dassetuṃ ‘‘paccattharaṇā’’tiādimāha. Tattha parikkhāro ca mukhapuñchanañcāti dvando. Parikkhāramukhapuñchanameva coḷakanti kammadhārayo. Dvandasamāsante suyyamānattā pana coḷaka-saddo parikkhāra-saddato ca paraṃ daṭṭhabbo ‘‘parikkhāracoḷaka’’nti. Taṃ pana sāmaññajotanāya visesepi avaṭṭhānato ṭhapetvā pañca cīvarāni parikkhāracoḷanāmenādhiṭṭhitāni avasesaṃ daṭṭhabbaṃ. Paccattharaṇañca parikkhāramukhapuñchanacoḷakañca paccattharaṇa…pe… coḷakañca nisīdanañcāti etaṃ cīvaracatukkaṃ sadasampi arattampi anādiṇṇakappampi labbhanti sambandho. Sadasanti saha yāhi kāhici dasāhīti sadasaṃ. Sadasake labbhamāne adasampi labbhatevāti sadasampi adasampi pupphadasampīti ettha attho. Pi-saddo vuttāvuttasampiṇḍanattho. Arattanti nīlapītādirajanena arañjitampi. Pi-saddena rañjitanīlapītādikampi anādiṇṇakappampīti. Ādiṇṇo kappo yassa natthīti taṃ anādiṇṇakappampi. Pi-saddena ādiṇṇakappampi.
нану жа ‘‘на бхигкавз саб̣б̣анийлагаани жийвараани д̇хаарзд̇аб̣б̣ааний’’д̇иаад̣̇инаа (махаава. 372) саб̣б̣анийлагасаб̣б̣абийд̇агасаб̣б̣алохид̇агажийвараани сааман̃н̃зна бадигкид̇д̇аанийд̇и гат̇амид̣̇ам̣ жийваражад̇уггам̣ сад̣̇асаад̣̇игам̣ ваддад̇и, гат̇ан̃жа анаад̣̇ин̣н̣агаббамби ваддад̇ийд̇и? вужжад̇з – ‘‘д̇зна ко бана самаязна ан̃н̃ад̇аро бхигку гусажийрам̣ ниваасзд̇ваа’’д̇иаад̣̇инаа уббаннавад̇т̇уусу (махаава. 371) ‘‘на бхигкавз гусажийрам̣…бз… д̇ид̇т̇ияад̣̇д̇хаж̇о д̇хаарзд̇аб̣б̣о. яо д̇хаарзяяа, аабад̇д̇и т̇уллажжаяассаа’’д̇иаад̣̇инаа (махаава. 371) уббаннавад̇т̇увасзнзва ниваасанабаарубанасан̇каад̇ад̇хааран̣асса бадигкид̇д̇ад̇д̇аа жа д̇ад̇т̇зва адтагат̇ааяан̃жа (махаава. адта. 372) ‘‘саб̣б̣анийлагаад̣̇ийни раж̇анам̣ д̇ховид̇ваа буна раж̇ид̇ваа д̇хаарзд̇аб̣б̣аани, на саггаа жз хонд̇и д̇ховид̇ум̣, бажжад̇т̇аран̣аани ваа гаад̇аб̣б̣аани, д̣̇убаддажийварасса ваа маж̇жхз д̣̇аад̇аб̣б̣аани, ажчиннад̣̇асад̣̇ийгхад̣̇асаани д̣̇асаа чинд̣̇ид̇ваа д̇хаарзд̇аб̣б̣аани, ган̃жугам̣ лабхид̇ваа паалзд̇ваа раж̇ид̇ваа барибхун̃ж̇ид̇ум̣ ваддад̇и, взтанзби зсзва наяо’’д̇и ниваасанабаарубанавасзнзва д̇хааран̣абарибхог̇аанам̣ вуд̇д̇ад̇д̇аа жа д̣̇уб̣б̣ан̣н̣агаран̣асигкаабад̣̇з (баажи. адта. 368) ‘‘яам̣ ниваасзд̇ум̣ ваа баарубид̇ум̣ ваа саггаа ход̇и, д̇ад̣̇зва жийваранд̇и взд̣̇ид̇аб̣б̣а’’нд̇и бан̃жаннам̣язва габбаб̣инд̣̇уно анун̃н̃аад̇ад̇д̇аа жа д̇ижийвараган̣д̣уббадижчаад̣̇ивассигасаадигасан̇каад̇аани бан̃жа жийвараани гааяабарихаарияаанзва ад̣̇асаани асаб̣б̣анийлагаад̣̇ийни габбияараж̇анараж̇ид̇аани аад̣̇ин̣н̣агаббааниязва хонд̇и, на нияамзна нивад̇д̇ид̇аани бараани жад̇д̇аарийд̇и жийваражад̇уггамзва сад̣̇асаад̣̇игам̣ анаад̣̇ин̣н̣агаббамби ваддад̇ийд̇и.
Nanu ca ‘‘na bhikkhave sabbanīlakāni cīvarāni dhāretabbānī’’tiādinā (mahāva. 372) sabbanīlakasabbapītakasabbalohitakacīvarāni sāmaññena paṭikkhittānīti kathamidaṃ cīvaracatukkaṃ sadasādikaṃ vaṭṭati, kathañca anādiṇṇakappampi vaṭṭatīti? Vuccate – ‘‘tena kho pana samayena aññataro bhikkhu kusacīraṃ nivāsetvā’’tiādinā uppannavatthūsu (mahāva. 371) ‘‘na bhikkhave kusacīraṃ…pe… titthiyaddhajo dhāretabbo. Yo dhāreyya, āpatti thullaccayassā’’tiādinā (mahāva. 371) uppannavatthuvaseneva nivāsanapārupanasaṅkhātadhāraṇassa paṭikkhittattā ca tattheva aṭṭhakathāyañca (mahāva. aṭṭha. 372) ‘‘sabbanīlakādīni rajanaṃ dhovitvā puna rajitvā dhāretabbāni, na sakkā ce honti dhovituṃ, paccattharaṇāni vā kātabbāni, dupaṭṭacīvarassa vā majjhe dātabbāni, acchinnadasadīghadasāni dasā chinditvā dhāretabbāni, kañcukaṃ labhitvā phāletvā rajitvā paribhuñjituṃ vaṭṭati, veṭhanepi eseva nayo’’ti nivāsanapārupanavaseneva dhāraṇaparibhogānaṃ vuttattā ca dubbaṇṇakaraṇasikkhāpade (pāci. aṭṭha. 368) ‘‘yaṃ nivāsetuṃ vā pārupituṃ vā sakkā hoti, tadeva cīvaranti veditabba’’nti pañcannaṃyeva kappabinduno anuññātattā ca ticīvarakaṇḍuppaṭicchādivassikasāṭikasaṅkhātāni pañca cīvarāni kāyaparihāriyāneva adasāni asabbanīlakādīni kappiyarajanarajitāni ādiṇṇakappāniyeva honti, na niyamena nivattitāni parāni cattārīti cīvaracatukkameva sadasādikaṃ anādiṇṇakappampi vaṭṭatīti.
51. сзсажийварабан̃жагам̣ ад̣̇асам̣язва раж̇ид̇ам̣язва аад̣̇ин̣н̣агаббам̣ва габбад̇ийд̇и яож̇анаа. раж̇ид̇анд̇и габбияараж̇анзна раж̇ид̇ам̣. нисийд̣̇анасса яат̇аавуд̇д̇знад̇т̇зна саб̣б̣ад̇т̇а ад̣̇асад̇т̇ам̣ нисзд̇хзд̇ум̣ ‘‘сад̣̇асам̣ва нисийд̣̇ана’’нд̇и вуд̇д̇ам̣. сад̇и хи самбхавз б̣яабхижаарз жа висзсанам̣ саад̇т̇агам̣ ход̇и.
51. Sesacīvarapañcakaṃ adasaṃyeva rajitaṃyeva ādiṇṇakappaṃva kappatīti yojanā. Rajitanti kappiyarajanena rajitaṃ. Nisīdanassa yathāvuttenatthena sabbattha adasatthaṃ nisedhetuṃ ‘‘sadasaṃva nisīdana’’nti vuttaṃ. Sati hi sambhave byabhicāre ca visesanaṃ sātthakaṃ hoti.
52. ид̣̇аани анад̇хидтид̇з аниссадтз жа гаа бавад̇д̇ийд̇и д̇ам̣ д̣̇ассзд̇ум̣ ‘‘анад̇хидтид̇а’’нд̇иаад̣̇имааха. д̇ад̇т̇а анад̇хидтид̇анд̇и д̇ижийвараад̣̇ивасзна анад̇хидтид̇ам̣. аниссадтанд̇и яасса гассажи д̣̇ааналагкан̣зна ад̣̇иннам̣. вигаббзд̇ваа барибхун̃ж̇аязд̇и вагкамаананаязна згаб̣ахубхаавам̣, саннихид̇аасаннихид̇абхааван̃жа саллагкзд̇ваа вигаббзд̇ваа бажжуд̣̇д̇харид̇ваа барибхун̃ж̇зяяа. вагкамаананаязна бана вин̃н̃ааяад̇ийд̇и ‘‘бажжуд̣̇д̇харид̇ваа’’д̇и на вуд̇д̇ам̣.
52. Idāni anadhiṭṭhite anissaṭṭhe ca kā pavattīti taṃ dassetuṃ ‘‘anadhiṭṭhita’’ntiādimāha. Tattha anadhiṭṭhitanti ticīvarādivasena anadhiṭṭhitaṃ. Anissaṭṭhanti yassa kassaci dānalakkhaṇena adinnaṃ. Vikappetvā paribhuñjayeti vakkhamānanayena ekabahubhāvaṃ, sannihitāsannihitabhāvañca sallakkhetvā vikappetvā paccuddharitvā paribhuñjeyya. Vakkhamānanayena pana viññāyatīti ‘‘paccuddharitvā’’ti na vuttaṃ.
ид̣̇аани ‘‘вигаббзд̇ваа’’д̇и вуд̇д̇ам̣ гийд̣̇исам̣ д̇ам̣ хздтиманд̇зна вигаббияанд̇и ааха ‘‘хад̇т̇аа’’д̇иаад̣̇и. д̇ад̇т̇а хад̇т̇о д̣̇ийгхзна яасса д̇ам̣ хад̇т̇ад̣̇ийгхам̣. д̇ад̇од̇и д̇асмаа хад̇т̇ад̇о. убад̣дхо хад̇т̇асса д̣̇уд̇ияо бхааг̇о вид̣̇ад̇т̇исан̇каад̇о вид̇т̇аарзна яасса д̇ам̣ убад̣дхавид̇т̇аарам̣.
Idāni ‘‘vikappetvā’’ti vuttaṃ kīdisaṃ taṃ heṭṭhimantena vikappiyanti āha ‘‘hatthā’’tiādi. Tattha hattho dīghena yassa taṃ hatthadīghaṃ. Tatoti tasmā hatthato. Upaḍḍho hatthassa dutiyo bhāgo vidatthisaṅkhāto vitthārena yassa taṃ upaḍḍhavitthāraṃ.
53. ид̣̇аани яат̇аавуд̇д̇авид̇хаанам̣ д̇зжийваригассзва васзна, абаро бана ан̃н̃ат̇аа бадибаж̇ж̇ад̇ийд̇и д̇ам̣ д̣̇ассзд̇ум̣ ‘‘д̇ижийварассаа’’д̇иаад̣̇имааха . д̇ад̇т̇а наамзнаад̇хидтид̇аани д̇ийн̣и жийвараани зд̇ассаад̇и д̇ижийваро. д̇асса винаяад̇зжийваригассаад̇и ад̇т̇о, на баригкааражол̣анаамзна ад̇хидтид̇ажийварасса. винаяад̇зжийваригасса бана уд̣̇осид̇асигкаабад̣̇з вуд̇д̇абарихааро над̇т̇и. баригкааражол̣ияод̇и баригкааражол̣амасса ад̇т̇ийд̇и н̣игзна яа-гааро. саб̣б̣анд̇и сагалам̣ нававид̇хамби жийварам̣. д̇ат̇аа вад̇ваад̇и згаб̣ахубхаавам̣, саннихид̇аасаннихид̇абхааван̃жа н̃ад̇ваа ‘‘имам̣ баригкааражол̣ам̣ ад̇хидтаамий’’д̇иаад̣̇инаа вад̇ваа. ад̇хидтад̇ийд̇и ад̇хидтаад̇и.
53. Idāni yathāvuttavidhānaṃ tecīvarikasseva vasena, aparo pana aññathā paṭipajjatīti taṃ dassetuṃ ‘‘ticīvarassā’’tiādimāha . Tattha nāmenādhiṭṭhitāni tīṇi cīvarāni etassāti ticīvaro. Tassa vinayatecīvarikassāti attho, na parikkhāracoḷanāmena adhiṭṭhitacīvarassa. Vinayatecīvarikassa pana udositasikkhāpade vuttaparihāro natthi. Parikkhāracoḷiyoti parikkhāracoḷamassa atthīti ṇikena ya-kāro. Sabbanti sakalaṃ navavidhampi cīvaraṃ. Tathā vatvāti ekabahubhāvaṃ, sannihitāsannihitabhāvañca ñatvā ‘‘imaṃ parikkhāracoḷaṃ adhiṭṭhāmī’’tiādinā vatvā. Adhiṭṭhatīti adhiṭṭhāti.
54. ад̇хидтид̇ажийварам̣ бана барибхун̃ж̇ад̇о гат̇ам̣ ад̇хидтаанам̣ виж̇ахад̇ийд̇и д̇ам̣ д̣̇ассзнд̇о ‘‘ажчзд̣̇аа’’д̇иаад̣̇имааха. д̇ад̇т̇а ажчзд̣̇о жа виссаж̇ж̇анан̃жа г̇аахо жа виб̣бхамо жаад̇и д̣̇ванд̣̇о. ажчзд̣̇о наама жораад̣̇ийхи ажчинд̣̇ид̇ваа г̇ахан̣ам̣. виссаж̇ж̇анам̣ барзсам̣ д̣̇аанам̣. г̇аахо виссаасзна г̇ахан̣ам̣. виб̣бхамо сигкам̣ аббажжагкааяа г̇ихибхаавуубаг̇аманам̣. д̇ад̣̇ааби д̇асса ан̃н̃асса д̣̇аанз вияа жийварасса нираалаяабхаавзна бана барижжааг̇од̇и. дийгааяам̣ бана бхаад̣̇исо бхигкуязваад̇и ад̇хидтаанам̣ на виж̇ахад̇ийд̇и ад̇т̇ам̣ вигаббзд̇ваа бхигкунияаа г̇ихибхаавуубаг̇аманам̣ вуд̇д̇ам̣, д̇ам̣ на г̇ахзд̇аб̣б̣ам̣, гааран̣ам̣ банзд̇т̇а амхаагам̣ г̇аруухиязва саарад̇т̇ад̣̇ийбанияам̣ (саарад̇т̇а. дий. 2.469) ‘‘бхигкунияаа ‘хийнааяаавад̇д̇анзнаа’д̇и висзсзд̇ваа авуд̇д̇ад̇д̇аа бхигкунияаа хи г̇ихибхаавуубаг̇аманз ад̇хидтаанавиж̇аханам̣ висум̣ вад̇д̇аб̣б̣ам̣ над̇т̇и д̇ассаа виб̣бхаманзнзва ассаман̣ийбхаавад̇о’’д̇и вуд̇д̇ам̣. нану жа бхигкуно аббажжагкаад̇асигкасса г̇ихибхаавуубаг̇аманзна ад̇хидтаанавиж̇аханзна нираалаяабхааво гааран̣абхаавзна вуд̇д̇о, звам̣ сад̇и баривад̇д̇алин̇г̇асса над̇т̇и нираалаяабхаавод̇и гат̇амасса ад̇хидтаанам̣ виж̇ахад̇ийд̇и? сажжамзд̇ам̣, д̇ат̇ааби б̣уд̣̇д̇хамад̇ан̃н̃уухи адтагат̇аажариязхи адтагат̇ааяам̣ (баараа. адта. 1.69) ‘‘яам̣ банасса бхигкубхаавз ад̇хидтид̇ам̣ д̇ижийваран̃жа бад̇д̇о жа, д̇ам̣ ад̇хидтаанам̣ виж̇ахад̇и, буна ад̇хидтаад̇аб̣б̣а’’нд̇и вуд̇д̇ад̇д̇аа над̇т̇зд̇т̇а д̣̇осод̇и.
54. Adhiṭṭhitacīvaraṃ pana paribhuñjato kathaṃ adhiṭṭhānaṃ vijahatīti taṃ dassento ‘‘acchedā’’tiādimāha. Tattha acchedo ca vissajjanañca gāho ca vibbhamo cāti dvando. Acchedo nāma corādīhi acchinditvā gahaṇaṃ. Vissajjanaṃ paresaṃ dānaṃ. Gāho vissāsena gahaṇaṃ. Vibbhamo sikkhaṃ appaccakkhāya gihibhāvūpagamanaṃ. Tadāpi tassa aññassa dāne viya cīvarassa nirālayabhāvena pana pariccāgoti. Ṭīkāyaṃ pana bhādiso bhikkhuyevāti adhiṭṭhānaṃ na vijahatīti atthaṃ vikappetvā bhikkhuniyā gihibhāvūpagamanaṃ vuttaṃ, taṃ na gahetabbaṃ, kāraṇaṃ panettha amhākaṃ garūhiyeva sāratthadīpaniyaṃ (sārattha. ṭī. 2.469) ‘‘bhikkhuniyā ‘hīnāyāvattanenā’ti visesetvā avuttattā bhikkhuniyā hi gihibhāvūpagamane adhiṭṭhānavijahanaṃ visuṃ vattabbaṃ natthi tassā vibbhamaneneva assamaṇībhāvato’’ti vuttaṃ. Nanu ca bhikkhuno appaccakkhātasikkhassa gihibhāvūpagamanena adhiṭṭhānavijahanena nirālayabhāvo kāraṇabhāvena vutto, evaṃ sati parivattaliṅgassa natthi nirālayabhāvoti kathamassa adhiṭṭhānaṃ vijahatīti? Saccametaṃ, tathāpi buddhamataññūhi aṭṭhakathācariyehi aṭṭhakathāyaṃ (pārā. aṭṭha. 1.69) ‘‘yaṃ panassa bhikkhubhāve adhiṭṭhitaṃ ticīvarañca patto ca, taṃ adhiṭṭhānaṃ vijahati, puna adhiṭṭhātabba’’nti vuttattā natthettha dosoti.
мааран̣алин̇г̇асигкаад̇и уд̇д̇арабад̣̇алобзна убажаарзна ваа лин̇г̇абаривад̇д̇анам̣ сигкаабажжагкаанан̃жа ‘‘лин̇г̇асигкаа’’д̇и жа вуд̇д̇ам̣. ид̇и зд̇з адта саб̣б̣зсу навасу жийварзсу ад̇хидтаанасса вияог̇о виббаваасо, д̇асса гааран̣аа хонд̇ийд̇и баатасзсо. д̇ижийварасса бана на гзвалам̣ имзязва адта, винивид̣̇д̇хачид̣̇д̣̇ан̃жа ад̇хидтаанавияог̇агааран̣анд̇и лин̇г̇аважанан̃жа баривад̇д̇зд̇ваа яож̇зд̇аб̣б̣ам̣. д̇ад̇т̇а аб̣бханд̇арз згассаби д̇анд̇уно абхаавзна винивид̣̇д̇хам̣ винивиж̇жхид̇ваа г̇ад̇ачид̣̇д̣̇ам̣ганидтан̇г̇улинакабидтиббамаан̣ам̣ винивид̣̇д̇хачид̣̇д̣̇ам̣. д̇ад̇т̇а сан̇гхаадияаа жа уд̇д̇араасан̇г̇асса жа д̣̇ийгханд̇ад̇о вид̣̇ад̇т̇иббамаан̣асса, д̇ирияанд̇ад̇о адтан̇г̇улаббамаан̣асса, анд̇араваасагасса бана д̣̇ийгханд̇ад̇о вид̣̇ад̇т̇иббамаан̣ассзва д̇ирияанд̇ад̇о жад̇уран̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, суужигаммам̣ гад̇ваа буна ад̇хидтаад̇аб̣б̣ам̣. суужигаммам̣ гаронд̇зна жа чинд̣̇ид̇ваа д̣̇уб̣б̣аладтаанаабанаяанзна чид̣̇д̣̇ам̣ ад̣̇ассзд̇ваа гаад̇аб̣б̣ам̣.
Māraṇaliṅgasikkhāti uttarapadalopena upacārena vā liṅgaparivattanaṃ sikkhāpaccakkhānañca ‘‘liṅgasikkhā’’ti ca vuttaṃ. Iti ete aṭṭha sabbesu navasu cīvaresu adhiṭṭhānassa viyogo vippavāso, tassa kāraṇā hontīti pāṭhaseso. Ticīvarassa pana na kevalaṃ imeyeva aṭṭha, vinividdhachiddañca adhiṭṭhānaviyogakāraṇanti liṅgavacanañca parivattetvā yojetabbaṃ. Tattha abbhantare ekassapi tantuno abhāvena vinividdhaṃ vinivijjhitvā gatachiddaṃkaniṭṭhaṅgulinakhapiṭṭhippamāṇaṃ vinividdhachiddaṃ. Tattha saṅghāṭiyā ca uttarāsaṅgassa ca dīghantato vidatthippamāṇassa, tiriyantato aṭṭhaṅgulappamāṇassa, antaravāsakassa pana dīghantato vidatthippamāṇasseva tiriyantato caturaṅgulappamāṇassa padesassa orato chiddaṃ adhiṭṭhānaṃ bhindati, sūcikammaṃ katvā puna adhiṭṭhātabbaṃ. Sūcikammaṃ karontena ca chinditvā dubbalaṭṭhānāpanayanena chiddaṃ adassetvā kātabbaṃ.
55. ид̣̇аани агаббияаани д̣̇ассзд̇ум̣ ‘‘гусаа’’д̇иаад̣̇и вуд̇д̇ам̣. д̇ад̇т̇а гусаа жа ваагаа жа палагаани жа, д̇зсам̣ жийраани гуса…бз… жийраани. д̇ад̇т̇а гусзна г̇ант̇зд̇ваа гад̇ам̣ гусажийрам̣. д̇ат̇аа ваагзна г̇ант̇зд̇ваа гад̇ам̣ ваагажийрам̣, д̇аабасаанам̣ ваггалам̣. палагасан̣таанаани палагаани сиб̣б̣ид̇ваа гад̇ам̣ палагажийрам̣. гзсаваалаж̇анд̇и гзсзхи жа ваалзхи жа ж̇аад̇ам̣ вааяид̇ам̣ гамб̣аланд̇и самб̣анд̇хо. улуугабагкааж̇инагкибзд̇и улуугаанам̣ госияасагун̣аанам̣ багкам̣ багкзна гад̇ам̣ ниваасанан̃жа аж̇инагкибам̣ саломам̣ сакурам̣ аж̇инамиг̇аанам̣ жамман̃жа д̇хаараяад̇о т̇уллажжаяанд̇и самб̣анд̇хо.
55. Idāni akappiyāni dassetuṃ ‘‘kusā’’tiādi vuttaṃ. Tattha kusā ca vākā ca phalakāni ca, tesaṃ cīrāni kusa…pe… cīrāni. Tattha kusena ganthetvā kataṃ kusacīraṃ. Tathā vākena ganthetvā kataṃ vākacīraṃ, tāpasānaṃ vakkalaṃ. Phalakasaṇṭhānāni phalakāni sibbitvā kataṃ phalakacīraṃ. Kesavālajanti kesehi ca vālehi ca jātaṃ vāyitaṃ kambalanti sambandho. Ulūkapakkhājinakkhipeti ulūkānaṃ kosiyasakuṇānaṃ pakkhaṃ pakkhena kataṃ nivāsanañca ajinakkhipaṃ salomaṃ sakhuraṃ ajinamigānaṃ cammañca dhārayato thullaccayanti sambandho.
56. гад̣̇алзрагаггад̣̇уссзсууд̇и гад̣̇алияо жа зраго жа агго жа, д̇зсам̣ д̣̇уссаани вад̇т̇аани, д̇зсу жзва магаживаагзхи гад̇з бод̇т̇агз жааби д̣̇уггадам̣. нимид̇д̇ад̇т̇з жзд̇ам̣ бхуммам̣. гад̣̇алид̣̇уссаад̣̇исад̣̇д̣̇зна д̇ам̣д̇хааран̣амад̇хиббзд̇ам̣, д̇асмаа д̇ам̣д̇хааран̣анимид̇д̇ам̣ д̣̇уггадам̣ ход̇ийд̇и ад̇т̇о. звам̣ саб̣б̣ад̇т̇а. ‘‘нийлаго жаа’’д̇иаад̣̇инаа д̣̇ванд̣̇о. саб̣б̣аа нийлага…бз… ган̣хагаад̇и гаммад̇хаараяо. нийлаад̣̇иван̣н̣аяог̇зна вад̇т̇ам̣ нийлаад̣̇и. нийлагам̣ умаабубпаван̣н̣ам̣. ман̃ж̇здтам̣ ман̃ж̇здтигаван̣н̣ам̣. бийд̇ам̣ ган̣игаарабубпаван̣н̣ам̣. лохид̇ам̣ ж̇аяасуманабубпаван̣н̣ам̣. ган̣хагам̣ ад̣̇д̣̇ааридтагаван̣н̣ам̣. саб̣б̣а-сад̣̇д̣̇о банзд̇т̇а бажжзгам̣ яож̇зд̇аб̣б̣о.
56.Kadalerakakkadussesūti kadaliyo ca erako ca akko ca, tesaṃ dussāni vatthāni, tesu ceva makacivākehi kate potthake cāpi dukkaṭaṃ. Nimittatthe cetaṃ bhummaṃ. Kadalidussādisaddena taṃdhāraṇamadhippetaṃ, tasmā taṃdhāraṇanimittaṃ dukkaṭaṃ hotīti attho. Evaṃ sabbattha. ‘‘Nīlako cā’’tiādinā dvando. Sabbā nīlaka…pe… kaṇhakāti kammadhārayo. Nīlādivaṇṇayogena vatthaṃ nīlādi. Nīlakaṃ umāpupphavaṇṇaṃ. Mañjeṭṭhaṃ mañjeṭṭhikavaṇṇaṃ. Pītaṃ kaṇikārapupphavaṇṇaṃ. Lohitaṃ jayasumanapupphavaṇṇaṃ. Kaṇhakaṃ addāriṭṭhakavaṇṇaṃ. Sabba-saddo panettha paccekaṃ yojetabbo.
57. махаа…бз… рад̇д̇зд̇и махааран̇г̇о жа махаанаамаран̇г̇о жа, д̇зхи рад̇д̇з. зд̇т̇ааби буна суяяамаанам̣ саб̣б̣асад̣̇д̣̇аманувад̇д̇ияам̣, ‘‘саб̣б̣амахааран̇г̇арад̇д̇з’’д̇иаад̣̇инаа ад̇т̇о взд̣̇ид̇аб̣б̣о. иминаа жа асаб̣б̣анийлагаад̣̇и габбияараж̇анараж̇ид̇ам̣ барибхун̃ж̇анд̇асса над̇т̇и д̣̇осод̇и д̣̇ийбзд̇и. д̇ад̇т̇а махааран̇г̇о сад̇абад̣̇ибидтиван̣н̣о. махаанаамаран̇г̇о самбхиннаван̣н̣о, со бана бан̣д̣убалаасаван̣н̣о ход̇и, бад̣̇умаван̣н̣од̇иби вад̣̇анд̇и. д̇ирийдагзд̇и д̇ам̣ наамага ругкад̇ажз. ажчиннад̣̇ийгхад̣̇асагзд̇и саб̣б̣асо ажчиннад̇д̇аа ажчиннаа жа маж̇жхз чиннад̇д̇аа д̣̇ийгхаа жа саа д̣̇асаа жа вад̇т̇агоди яассаад̇и ан̃н̃абад̣̇ад̇т̇асамаасо. палабубпад̣̇асзд̇и ан̃н̃аман̃н̃ам̣ сам̣сиб̣б̣ид̇ваа гад̇аа паласад̣̇исаа д̣̇асаа ‘‘палаа’’д̇и вужжанд̇и, гзд̇агаад̣̇и бубпасад̣̇исаани ‘‘бубпааний’’д̇и жа, палаа жа бубпаа жа д̣̇асаа яасса, паласад̣̇исз д̣̇асз, бубпасад̣̇исз д̣̇асз жаад̇и ад̇т̇о. взтанзд̇и сийсавзтанз. д̇ат̇аад̇и иминаа саб̣б̣анийлагаад̣̇ийсу д̣̇уггадам̣ ад̇ид̣̇исад̇и. саб̣б̣анд̇и гусажийраад̣̇игам̣ сагалам̣. ажчиннам̣ жийварам̣ яасса со лабхад̇ийд̇и самб̣анд̇хо.
57.Mahā…pe… ratteti mahāraṅgo ca mahānāmaraṅgo ca, tehi ratte. Etthāpi puna suyyamānaṃ sabbasaddamanuvattiyaṃ, ‘‘sabbamahāraṅgaratte’’tiādinā attho veditabbo. Iminā ca asabbanīlakādi kappiyarajanarajitaṃ paribhuñjantassa natthi dosoti dīpeti. Tattha mahāraṅgo satapadipiṭṭhivaṇṇo. Mahānāmaraṅgo sambhinnavaṇṇo, so pana paṇḍupalāsavaṇṇo hoti, padumavaṇṇotipi vadanti. Tirīṭaketi taṃ nāmaka rukkhatace. Acchinnadīghadasaketi sabbaso acchinnattā acchinnā ca majjhe chinnattā dīghā ca sā dasā ca vatthakoṭi yassāti aññapadatthasamāso. Phalapupphadaseti aññamaññaṃ saṃsibbitvā katā phalasadisā dasā ‘‘phalā’’ti vuccanti, ketakādi pupphasadisāni ‘‘pupphānī’’ti ca, phalā ca pupphā ca dasā yassa, phalasadise dase, pupphasadise dase cāti attho. Veṭhaneti sīsaveṭhane. Tathāti iminā sabbanīlakādīsu dukkaṭaṃ atidisati. Sabbanti kusacīrādikaṃ sakalaṃ. Acchinnaṃ cīvaraṃ yassa so labhatīti sambandho.
жийваранид̣̇д̣̇зсаван̣н̣анаа нидтид̇аа.
Cīvaraniddesavaṇṇanā niṭṭhitā.
