| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ចតុក្កវារវណ្ណនា
Catukkavāravaṇṇanā
៣២៤. ចតុក្កេសុ សោតិ គិហិបរិក្ខារោ។ អវាបុរណំ ទាតុន្តិ គព្ភំ វិវរិត្វា អន្តោ បរិក្ខារដ្ឋបនត្ថាយ វិវរណកុញ្ចិកំ ទាតុំ។ សង្ឃត្ថាយ ឧបនីតំ សយមេវ អន្តោ បដិសាមិតុម្បិ វដ្ដតិ។ តេនាហ ‘‘អន្តោ ឋបាបេតុញ្ច វដ្ដតី’’តិ។
324. Catukkesu soti gihiparikkhāro. Avāpuraṇaṃ dātunti gabbhaṃ vivaritvā anto parikkhāraṭṭhapanatthāya vivaraṇakuñcikaṃ dātuṃ. Saṅghatthāya upanītaṃ sayameva anto paṭisāmitumpi vaṭṭati. Tenāha ‘‘anto ṭhapāpetuñca vaṭṭatī’’ti.
អាទិកម្មិកេសុ បឋមំ បុរិសលិង្គំ ឧប្បជ្ជតីតិ អាហ ‘‘បឋមំ ឧប្បន្នវសេនា’’តិ។ បាឡិយំ អនាបត្តិ វស្សច្ឆេទស្សាតិ វស្សច្ឆេទសម្ពន្ធិនិយា អនាបត្តិយា ឯវមត្ថោ។ មន្តភាសាតិ មន្តាយ បញ្ញាយ កថនំ។ ‘‘នវមភិក្ខុនិតោ បដ្ឋាយា’’តិ ឥទំ ‘‘អនុជានាមិ, ភិក្ខវេ, អដ្ឋន្នំ ភិក្ខុនីនំ យថាវុឌ្ឍំ អវសេសានំ យថាកតិក’’ន្តិ (ចូឡវ. ៤២៦) វចនតោ អាទិតោ អដ្ឋន្នំ ភិក្ខុនីនំ បច្ចុដ្ឋាតព្ពត្តា វុត្តំ។
Ādikammikesu paṭhamaṃ purisaliṅgaṃ uppajjatīti āha ‘‘paṭhamaṃ uppannavasenā’’ti. Pāḷiyaṃ anāpatti vassacchedassāti vassacchedasambandhiniyā anāpattiyā evamattho. Mantabhāsāti mantāya paññāya kathanaṃ. ‘‘Navamabhikkhunito paṭṭhāyā’’ti idaṃ ‘‘anujānāmi, bhikkhave, aṭṭhannaṃ bhikkhunīnaṃ yathāvuḍḍhaṃ avasesānaṃ yathākatika’’nti (cūḷava. 426) vacanato ādito aṭṭhannaṃ bhikkhunīnaṃ paccuṭṭhātabbattā vuttaṃ.
‘‘ឥធ ន កប្បន្តីតិ វទន្តោបិ បច្ចន្តិមេសុ អាបជ្ជតី’’តិអាទិនា សញ្ចិច្ច កប្បិយំ អកប្បិយន្តិ វា អកប្បិយំ កប្បិយន្តិ វា កថេន្តស្ស សព្ពត្ថ ទុក្កដន្តិ ទស្សេតិ។
‘‘Idha na kappantīti vadantopi paccantimesu āpajjatī’’tiādinā sañcicca kappiyaṃ akappiyanti vā akappiyaṃ kappiyanti vā kathentassa sabbattha dukkaṭanti dasseti.
បុព្ពករណន្តិ វុច្ចតីតិ អដ្ឋកថាសុ វុត្តំ, តានិ ឥធ បរិវារេ ឧទ្ធដានីតិ អធិប្បាយោ។ ឥធាធិប្បេតានិ បន ទស្សេន្តោ ‘‘ឆន្ទបារិសុទ្ធី’’តិអាទិមាហ។
Pubbakaraṇanti vuccatīti aṭṭhakathāsu vuttaṃ, tāni idha parivāre uddhaṭānīti adhippāyo. Idhādhippetāni pana dassento ‘‘chandapārisuddhī’’tiādimāha.
ចតុក្កវារវណ្ណនា និដ្ឋិតា។
Catukkavāravaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ៤. ចតុក្កវារោ • 4. Catukkavāro
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / ចតុក្កវារវណ្ណនា • Catukkavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ចតុក្កវារវណ្ណនា • Catukkavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ចតុក្កវារវណ្ណនា • Catukkavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ឯកុត្តរិកនយោ ចតុក្កវារវណ្ណនា • Ekuttarikanayo catukkavāravaṇṇanā
