| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๗. จนฺทกุมารจริยา
7. Candakumāracariyā
๔๕.
45.
‘‘ปุนาปรํ ยทา โหมิ, เอกราชสฺส อตฺรโช;
‘‘Punāparaṃ yadā homi, ekarājassa atrajo;
นคเร ปุปฺผวติยา, กุมาโร จนฺทสวฺหโยฯ
Nagare pupphavatiyā, kumāro candasavhayo.
๔๖.
46.
‘‘ตทาหํ ยชนา มุโตฺต, นิกฺขโนฺต ยญฺญวาฎโต;
‘‘Tadāhaṃ yajanā mutto, nikkhanto yaññavāṭato;
สํเวคํ ชนยิตฺวาน, มหาทานํ ปวตฺตยิํฯ
Saṃvegaṃ janayitvāna, mahādānaṃ pavattayiṃ.
๔๗.
47.
‘‘นาหํ ปิวามิ ขาทามิ, นปิ ภุญฺชามิ โภชนํ;
‘‘Nāhaṃ pivāmi khādāmi, napi bhuñjāmi bhojanaṃ;
ทกฺขิเณเยฺย อทตฺวาน, อปิ ฉปฺปญฺจรตฺติโยฯ
Dakkhiṇeyye adatvāna, api chappañcarattiyo.
๔๘.
48.
‘‘ยถาปิ วาณิโช นาม, กตฺวาน ภณฺฑสญฺจยํ;
‘‘Yathāpi vāṇijo nāma, katvāna bhaṇḍasañcayaṃ;
๔๙.
49.
‘‘ตเถว สกภุตฺตาปิ, ปเร ทินฺนํ มหปฺผลํ;
‘‘Tatheva sakabhuttāpi, pare dinnaṃ mahapphalaṃ;
ตสฺมา ปรสฺส ทาตพฺพํ, สตภาโค ภวิสฺสติฯ
Tasmā parassa dātabbaṃ, satabhāgo bhavissati.
๕๐.
50.
‘‘เอตมตฺถวสํ ญตฺวา, เทมิ ทานํ ภวาภเว;
‘‘Etamatthavasaṃ ñatvā, demi dānaṃ bhavābhave;
น ปฎิกฺกมามิ ทานโต, สโมฺพธิมนุปตฺติยา’’ติฯ
Na paṭikkamāmi dānato, sambodhimanupattiyā’’ti.
จนฺทกุมารจริยํ สตฺตมํฯ
Candakumāracariyaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๗. จนฺทกุมารจริยาวณฺณนา • 7. Candakumāracariyāvaṇṇanā
